Slideshow Image 2

SHARE SHAGAN (3) HKRAT

August (12) Laban
Jinghpaw Mungdaw Saga Pa hta August (11) ya jahpawt KIA myu tsaw share ninghkring ni hte myen tai hpyen ni gadat ai hta KIA Share Ninghkring (3) sha hkrat sum ai re lam hpe na chye lu ai. KIA Share Ninghkring ni marai (6) gaw Slg. Dawshi GAm Yu a nta hta wa hkring nga ai kaw myen hpyen ni sa chyawm gap gasat lai wa ai re lam, hkrat sum wa sai Share Shagan ni gaw Du Chyari Yaw Htung, Slg. Kaba Maran Zau Naw hte hpyen ma Lamung Seng Awng ni re lam hpe na chye lu ai. Myen hpyen la ni gaw Slg. Dawshi Gam Yu a nta na Miwa gumhpraw 10,000 jan hpe mung mya la mat wa ai lam, sutdek adup hpaw nna Ja hkachyi mung la mat wa ya ai lam shiga na chye lu ai.

9 comments:

Larin said...
This comment has been removed by the author.
Larin said...

ning nga ai shiga ni na n-pyaw dik re law...myu tsaw ninghkring ni e...du kaba ni e, loi gaw shai ai ladat lang ra sai law....be serious at every moment, please...

Anonymous said...

myit n;pyaw ai law myit machyi dik ai law.galoi mung sadi dik ra ai ngu tsun shadum dik sai le.

Anonymous said...

Share shagan ni e galoi mung shadi maja nga ga. Galoi mung karai kasang the rau nga nga mu ngu nna ngun jaw ai. Amen

sammung ramma said...

share ninghkring 3 sha hkrat sum ai nga grai law sai le.hpa na masum sha ngu ka ma ai rai.jinghpaw kasa shi ga gaw wp myu ni sha ga dap langai rai nga ai galoi tim laika jang laika hkum ni hkrat ngam taw2 re mu ga law yang n hkang ka ma ai hti gaw ma hti ai rai tim nhkrak ai.grai la gawn ma ai.mu gaji hta hkang ka ai wa gaw mu gaba hta mung hkang ka na ra ai nga chyum mung ga nna ga ma ai ngu.

hkunman said...

Jing hpaw Kasa e......, htaw.., KIO,KIA, Ning baw ni hpe a-lu sha naw tsun ya rit lo.....,Hpyen zai ladat LANI HTE LANI NA MASA GRAI KUNG JAT AI HKU. GA LAI SHAI AI HKU SHE MAJAN GASAT MU NGU NAW TSUN YA RIT LO MADAT N-PYAW LA AI......,

Anonymous said...

Anhte kia ni gaw security hpe atsawm ngalaw na re. gwi ai ngu ai gaw sadi sahka hte hkawm ra ai baw yaw

Jatawng Naw said...

Ninggang !! hpabaw ladat hte ning gang gasat nga ga ai kun?? Ten galu, matut manoi gara hku ninggang lu na ga ta???.. Bawm panglai hkam tawn tim, myen sa wa ni gaw mung masha, porter masha ni hpe ningshawng de dat kapaw si hkam shangun ai ladat hte jahtum e rap lai lu na rai nga ai le..anhte KIA ni mung yawm htum Counter kayin kasat ai ladat sha gaw jai lang ra sa ga ai law.
Myen hpyen ni anhte KIA ni a shara de htim matsut kasat shakut nga yang, shanhte a hpang lam de jarit sa ai lam hpe tawk hprut pat shingdang kau ya ra sai. Grau nna Mare kaba hkan e hpyen, lusha mahkawng shakut nga ai ni hpe htim kasat shabra kau ya ra sai law. Ya KIA/KIO du/slg ni shakut woi nga ai ladat gaw mungmasa lam hta masha ni madat pyaw ai hta lai nna, shara mung shamat, masha mung yawng(hpyen n gun, mung shawa) hkrat re ai ladat she rai wa nga sai kun??
Karai Kasang Yehowa kaw nalam sha gu hta chyechyang ai myit hpaji hte matsan dum ai chyeju hpe anhte Pawngyaw myu sha ni yawng hkam la lu ga law..

Anonymous said...

Myit n pyaw let n gun jaw ra sai....
1. Jing hpaw kasa Media hpe hkrat ai ngu mu ai.
re ai hte marenn tang madun ai majaw... [ n dai zawn majan byin nga ai hta, jaw ai shiga lu shana na ahkyak dik rai sai]
2. Lama nna, an hte ni hkrak sum nga ai law wa jang gaw, KIO hku nna ya lang nga ai ladat ni hpe bai myit ra wa na re... eg, Myen mahtang grau ram wa kun? An hte ra ai kun?
3. N dai a ten gaw, grai ahkyak htum ai aten re, Mung masa maga hku yu ga nga jang, Myen ni gaw Double face hte masu nga ai, sim sa lam ra ai ngu hpe gaw mung kan hpe marawn, Kayin maga de awng dang ai hpe gaw, shawu, Jing hpaw maga de International ni nau myit n du hkra.., Rakhaing mang hkang hpe grau laja hkra galaw nna, KIO/KIA hpe Shamyit kau na hku.. ( Laiza, Ginjaw hpe ), 100% n dang jang pyi 75% or 80% daram dang jang gaw gap hkap jahkring ai hpaw shan hte maga de nna nang hpang na woi galaw wa masa hpe mu nga ai.
4. Majan ngu ai gaw, nam pan hte gap ai n re ai majaw.., si na re, hkala na re... ( This is nature ). Rai tim, myit shaja nna, n gun la ra na re... KIO/KIA ngu n nga jang gaw, WP ngu ai gaw nga wa sana n re... N dai majan gaw teng man ai majan re...ngu ai hpe mu nna, hkam la, jawm madi shadaw ra na re....( Mung Shawa )


Dai majaw ya ten hpe gaw ahkyak ai ngu nna, tsun mayu ai, Myu Tsaw hpyen la ni hku nna, grai sadi maja nna, hkawm sa ra na re...Majan hta gap hkat nna si mat wa ai gaw myu mi....
Laga kaw hkrat sum mat wa ai hpe grai lahpawt dum ai... Grau nna, myen hte gayau nga ai shara hkan gaw,... moi na hku n myit ai sha,... tai hpyen hpe yu n kaji ga, htang mung n kaba ga, an hte maga de she grau sadi nna, ... myen ni masu nga ai aten hpe lu hkam hkra shakut gasat nga ga ngu...
zed

Post a Comment