Mung maden lai ladat
Myu kaba jasat
Hpyen gumshem Asuya
Mungshawa a du magra
Laknak hte jahkrit
Hpai hka hte adit
Amyu sha ahkaw ahkang
Galoi ntsun jahkrang
Nawku makam
Htung hking lam
Shaga ai ga
Amyu sha laika
Yawng hpe dip da
Roi rip hkam mana
Myen myu kaba lailen
Hkrang jahkrat ding-ren
Tsun ai gaw mung hpawm da
Ta tut e htawng shabya
Gaw de tara hpyang
Dimocracy hti htang
Ndai zawn re majaw
Mung hpawm sha ni yawng gaw
Tat sum kau ai ahkaw ahkang
Bai lu la na hkye hkrang
Laknak lang rawt malan
Tara ai majan
Anut magang
Gasat ding yang
Wunpawng sha ni dai hte maren
Sinda hpe shachyen
Dip sha hkrum kaw na lawt u ga
Lu ai laknak jum magra
K.I.A ngu rawt malan ai
52 ning du sai
Rawt malan ladaw hte ting hta
Asak ap nawng ai grai law sa
Majan pa e si ai sha n-ga
Paw ta lit gun si mana
Nkau mi htawng e si
Mara kata adup zingri
Wan hte kalip nat
Ntsen ai yawng sat
Mahkawn, dinggai n lata
Kam ai hku roi nra
Kade jahtau yang jahtau
Roi rip jin jang sat kau
Ndai zawn re maroi
Si wa ai shagoi
Asak ap nawng lai sai
Share shagan ai ni rai ma ai
Dai ni hpe myit dum nga na
Ninghtoi langai masat ra
Chyu rum ni a ningshawng ningla
Wunpawng ni a ningbaw kaba
Genaral Lahtaw Zau Seng
An-nau ni a gam maka shapreng ai wa gaw
1975 ning, August shata (10) ya
Dai ni na ninghtoi hta
Htai mung jarit OFA camp e
Mungdan a matu asak ap nawng sai re
Dai re majaw
Chyu rum sha ni gaw
Mungdan hte myu sha a matu
Asak ap nawng ai hkum shagu
Yawng a malai
Yawn shawai
Ningbaw kaba sak ap nawng ai
August shata (10) ya dai
Share Shagan Ninghtoi ngu masat
Na na ai shani ngu hkringdat
Mu bungli kadai n galaw
Daw lu daw sha ndi ai yaw
Si mani ai hte
Asak ap nawng sai share shagan ni hpe
Myit dum hkungga shagrau
Kyu hpyi ya ai mung rau
Asak ap nawng lai
N nga mat wa sai
Share shagan ni yawng a n tsa
Ngam nga ai ni sadi dung nga na
Ga shaka hkam la
Mungga madat nna
Yawn hkyen myit hpe awai
Daw hten myit hpe sharai
Naw matut galaw na bungli
N ngut kre shi ai amu ni
Da ting shakut shaja
Matut ndi anut ga
Dai shaloi she
Sak ap nawng lai sai ni hpe
Hkungga ai mahtai
Numnak nga ai
Shaning shagu
August shata (10) ya du
Share Shagan Masat Ninghtoi
Agalaw nga ga oi
Magam gun yawng hkra
Mungchying shawa
Myit hkrum mahkri shawn
Shada da kawng nawn
Masin nsi maroi nni
Mung tsaw myu tsaw myit hte
Dip up nga ai myen hpyen hpe
Rawt malan hpung tun
Mungshawa n’gun
Atsam marai shapraw
Ladat zai byeng ya shaw
Da kring shakut shaja
Gasat agrawp kau ga
Dai rai yang chyu she
Awm dawm shang lawt hpe
Chyu rum sha ni lu na
Gumrawng Gumtsa Mungdan
Madu na rai nga….
Gauri Myi
9/8/2012
Myu kaba jasat
Hpyen gumshem Asuya
Mungshawa a du magra
Laknak hte jahkrit
Hpai hka hte adit
Amyu sha ahkaw ahkang
Galoi ntsun jahkrang
Nawku makam
Htung hking lam
Shaga ai ga
Amyu sha laika
Yawng hpe dip da
Roi rip hkam mana
Myen myu kaba lailen
Hkrang jahkrat ding-ren
Tsun ai gaw mung hpawm da
Ta tut e htawng shabya
Gaw de tara hpyang
Dimocracy hti htang
Ndai zawn re majaw
Mung hpawm sha ni yawng gaw
Tat sum kau ai ahkaw ahkang
Bai lu la na hkye hkrang
Laknak lang rawt malan
Tara ai majan
Anut magang
Gasat ding yang
Wunpawng sha ni dai hte maren
Sinda hpe shachyen
Dip sha hkrum kaw na lawt u ga
Lu ai laknak jum magra
K.I.A ngu rawt malan ai
52 ning du sai
Rawt malan ladaw hte ting hta
Asak ap nawng ai grai law sa
Majan pa e si ai sha n-ga
Paw ta lit gun si mana
Nkau mi htawng e si
Mara kata adup zingri
Wan hte kalip nat
Ntsen ai yawng sat
Mahkawn, dinggai n lata
Kam ai hku roi nra
Kade jahtau yang jahtau
Roi rip jin jang sat kau
Ndai zawn re maroi
Si wa ai shagoi
Asak ap nawng lai sai
Share shagan ai ni rai ma ai
Dai ni hpe myit dum nga na
Ninghtoi langai masat ra
Chyu rum ni a ningshawng ningla
Wunpawng ni a ningbaw kaba
Genaral Lahtaw Zau Seng
An-nau ni a gam maka shapreng ai wa gaw
1975 ning, August shata (10) ya
Dai ni na ninghtoi hta
Htai mung jarit OFA camp e
Mungdan a matu asak ap nawng sai re
Dai re majaw
Chyu rum sha ni gaw
Mungdan hte myu sha a matu
Asak ap nawng ai hkum shagu
Yawng a malai
Yawn shawai
Ningbaw kaba sak ap nawng ai
August shata (10) ya dai
Share Shagan Ninghtoi ngu masat
Na na ai shani ngu hkringdat
Mu bungli kadai n galaw
Daw lu daw sha ndi ai yaw
Si mani ai hte
Asak ap nawng sai share shagan ni hpe
Myit dum hkungga shagrau
Kyu hpyi ya ai mung rau
Asak ap nawng lai
N nga mat wa sai
Share shagan ni yawng a n tsa
Ngam nga ai ni sadi dung nga na
Ga shaka hkam la
Mungga madat nna
Yawn hkyen myit hpe awai
Daw hten myit hpe sharai
Naw matut galaw na bungli
N ngut kre shi ai amu ni
Da ting shakut shaja
Matut ndi anut ga
Dai shaloi she
Sak ap nawng lai sai ni hpe
Hkungga ai mahtai
Numnak nga ai
Shaning shagu
August shata (10) ya du
Share Shagan Masat Ninghtoi
Agalaw nga ga oi
Magam gun yawng hkra
Mungchying shawa
Myit hkrum mahkri shawn
Shada da kawng nawn
Masin nsi maroi nni
Mung tsaw myu tsaw myit hte
Dip up nga ai myen hpyen hpe
Rawt malan hpung tun
Mungshawa n’gun
Atsam marai shapraw
Ladat zai byeng ya shaw
Da kring shakut shaja
Gasat agrawp kau ga
Dai rai yang chyu she
Awm dawm shang lawt hpe
Chyu rum sha ni lu na
Gumrawng Gumtsa Mungdan
Madu na rai nga….
Gauri Myi
9/8/2012
0 comments:
Post a Comment