Slideshow Image 2

YUP TUNG JAHPAN

Myen ni gaw 2015 grai n'du yang yup tung jahpan hta la ngut hkra ngu ai masing jahkrat nna galaw sa na matu hkyen lajang hpang nga sai re. dinghku jahpan masha jahpan hpe shanhte ra ai hku asak kaji kaba hta hkan n'na jahpan la lu hkra galaw na raitim grau n'na gaw mung masa laknak kaba langai hku jai lang hkyen nga ai hpe ngai hku na n'dai hku maram lu ai re.
1- Mungdan kata masha jen shapraw lu hkra.
2- Maigan du bawsang ni hpe jen shapraw lu hkra.
3- Rawt malan bawsang ni hpe jen shapraw lu hkra.
4- Maigan myu sha ni hpe ran jen shapraw lu hkra.

Ndai masing masa kaba kaw mung masa amyet lu hkra hte annau ni hpe maga ni hku mahku n'ngoi ai  gasat shamyit dat lu hkra  masa majan baw ai. Dai ni annau ni yawng ngu na gaw KIO/KIA magam gun ai ni hte myen a zingri sat shamyit nna myen a kata n'nga ai hpyen yen tsin yam hku lamu ga jarit kaw du nga sai re hte annau ni n'kau mi gaw myen hpe n'yu ra ai jaw myen a mung masa mung up tara hpe n'ra ai jaw maigan mungdan ni de hprawng du shanu nga ga ai. Dai majaw annau ni gaw mungdan shanglawt n'lu dingsa awmdawm masing jahkrat nna gasat ra ai ngu ngai hku na mu mada ai re.

Dai ni moi na Hpyi Maw, Gaw Lang, Kum Hpang, Mung Mau zawn re masa kaba hpe mung jaw kau na shadum lai wa sai re. Bawnu rawng ai ni gaw n'dai masa kaba ganyip wa na hpe jau kaw na mu chye na sai ngu kam ai. Ya myen a manaw masa gaw Myen mung de tara n'shang Miwa, Kala maigan ni grai shang shanu wa ai ngu tsun n'dau wa sai re.
Miwa hkying lam shang wa ai nga shiga n'dau wa sai, Annau ni lamu ga simsa ai lam n nga ai jaw, kasu kabrawng gasat gala byin ai majaw maigan miwa ni annau ni lamu ga hku shang wa ai nga shi shabrawng nga sai gaw kaba dik ai tsang dik ra ai pahkam kaba mung masa myawk kaba dum shangoi dat sai re.
Myen hpyen asuya ni myen mu gun dap shagu na ni mayun kumhpa sha n'na Miwa, Kala ni hpe mung chying masat galaw ya nna Madalay, Lashu Sam Mung Miwa, Kala hpring mat ai hpe gaw ahkyak n'la ai myi di shim galaw sha lai wa sai hpe n'lung hta n'jung langa na ze ngu ai lachyum shapraw na maw nga ai, shanhte myu shada gaw mara magap hkat nna hpraw san seng dik ai annau ni hpe [wa si hka hta] ngu masa kaba galau dagup hkyen nga sai, annau ni lamu ga jarit gaw Miwa, Kala hte matut tawn ai re. Annau ni hte dinghku majan byin ai hpe ninghpai masu nna, maigan hpyen masa hku Miwa, Kala shang wa ai lam nummaw re ngu ai masa hku gasat wa na ladat shaw nga ai ngu mu mada ai. Annau ni gaw Miwa mung, Kala mung nga ai ni hte madu kanu mung nga ai ni gaw lamu ga matut nga ai jaw grau sadi let masa kaba n'dai hpe jumtek paran kau ra ai, shing n'rai annau ni 3 rai tim 1 de sa ra sai.
Dai majaw moi mung annau ni rau sha lamu ga langai hta di langai dun, manau rau chyawm nau ai kaw na myen nan annau ni hpe dasang jahka kau ai jaw langai sha re de masing kaba grau shangang nna jahkrat sa ra sai ngu mu ai. Annau ni a Miwa, Kala mung nga ai ni hpe ga kaba saw nna htu htim zing majan baw ra sai. Myen gaw chyurum ai saidaw saichyen ni hpe maigan hpyen hku masat nna htu gasat na masa kaba de yawng lu hkra maw lanyet shaw nga ai re. Myen zim tim, annau ni n'mai zim ai, annau ni lamu ga hku lai shang hpaga ginlen nga ai miwa ni hpe tsep kawp pat kau ra ai. Miwa hte pawng nna masa kaba n'dai ginsup chyalu re miwa hte kumba madin shakum tai rai nga ai annau ni hpe miwa nan annau ni hking hking nna gasat masu chye wa ai. Dai hpe ning hpai nna maigan hpyen zawn myawk tank n'bungli ni hte gasat wa chyalu re. Mungkan hpe madi madun nna majan masing jahkrat wa na re ngu sawn mu ai. Anhte kanu mungdan shanu nga ai ni di kaba dun nna makau hpunau ni hpe madu shat makai gun n'na ga kaba sa ya na hpe saw shaga dat ra sai. Kai chyan ni bungli grai galaw ra nga ai.
3 tim 1= la kaba masum htawk yang pang lai pyi htawk dang ai da.
Langai sha raitim gasat na.

Baren Numraw
8/8/2012

3 comments:

Anonymous said...

Lahta na manang wa twun ai gaw nau n,jaw na n,hten n,yup tung jahpan gaw mung kan ting lang ai ngu mai ai ladat re n,dai gaw galaw yang mung kaja ai lama re hpe ngai pawng yawng sha kawn mu mada ai... English hku gaw CENSUS galaw ai ga re nga le.

shaman said...

Yup tung jahpan gaw myen ni Kachin mungdan kaw hta ai baw nrai nga ai ,ndai lam gaw mungmasa , sutmasa lam , hpajilam , hkamjalam ni hpe galaw Na matu butget jahkrat Na matu re , de a majaw hpyen wa gaw to nang ra ai hku Mai jai Lang nga ai ,lama wa jing hpaw law ai sha ra hta hpaji lam hta ningra ai hku ladai Mai shaw nga ai , jing hpaw ni hkam ja lam nnga hkra shara kata nna Mai galaw nga ai , jing hpaw ni a sutmasa Jaja ai shara hta nkaja hkra Mai galaw nga ai ai , ndai yup tung jahpan gaw KIO,KIA ni galw ra ai lamang re myen law ai , shara , myen ni a sut Kaja ai shara hpyen atsum hkra chye ra ai dai jing she hpyen wa a resource hpe dai yup tung jahpan kaw Na chye Lu Na rai nga ai ya gaw nhtang rai taw nga ai , hpyen wa gaw tinang a resource hpe chye nna tinang gaw tinang a resource hpe n chye ai ladat rai nga ai , jing hpaw ni a mung masa Pam gaw mau Na zawn , mana mat sai myu sha ni zawn she rai mat sai I?

Anonymous said...

Um grai jaw ai comment re nga ai.K.I.A/K.I.O ning baw ni gaw mu hti nga ai kun?

Post a Comment