Daini myen mungdan kata kaw yawng ra sharawng taw nga ai simsa lam hta Thein Sein wa she ahkyak madung re zawn zawn, Aung San Suu Kyi madaw she grau ahkyak madung re zawn zawn, arawng la taw nga ai gaw Thein Sein rai nga ai. KIO/KIA gaw arawng nlu tim mying kaja hte myen mungda na jet ai simsa lam a matu ja ja tsap taw nga sai hpe mu lu ai. Thein Sein wa hku nna mung Aung San Suu Kyi hpe constitution kata de gangbang la nna democracy gawgap mat wa jang mungdan simsa mat wa lu na re ngu kam nga lu ai. Ndai zawn Thein Sein a yaw shada ai ningmu gaw Annau ni hte tsep kawp nmai byin ai. Hpa majaw nga yang daini Annau ni ja ja tsap taw nga ai mung masa lam yan madung gaw N’RE AI (3) hte RE AI (3) kaw ngang ngang kang kang tsap taw nga sai majaw re.
N’RE AI (3)
2011 ning jun 9 ya shani kaw nna, myen Asuya hte Annau ni bai gasat hpang wa ai majan gaw…..
(1) Annau ni democracy dai langai hpe sha ra sharawng nna gasat taw nga ai majan n re.
(2) Parti uphpung hpaw nna simsa lam tam na n re.
(3) Jinghpaw Mung (Kachin State) hpe myen asuya hte jawm up sha na matu gasat taw nga ai majan n re.
RE AI (3)
(1) Annau ni a mungdan kata de tawt lai shang gabye ai hpyen ma hkra hpe gasat ai majan re.
(2) Simsa lam hpe jahten sharun ai myen asuya hpe ninghkap gasat ai majan re.
(3) Annau ni a amyu hte mungdan awmdawm shanglawt lu na matu gasat ai majan re.
Tsaw ra ai Chyurum Wunpawng Sha ni e lahta na ga ngau ni a n tsa e chye na chyalu rai na re ngu kam ai. Democracy ngu ai dai langai hpe sha Annau ni ra sharawng nga ga yang gaw myen amyu ni up ai Myanmar democracy kata kaw nga ra mat na. Hpa majaw nga yang daini Thein Sein asuya shakut taw nga ai ladat gaw MAJORITY POWER ngu ladat hte myen mungdan kata kaw nga ai myu bawsang ni yawng hpe dang la lu hkra shakut taw nga sai re. MAJORITY POWER ngu ai gaw ra lata poi hta masha grau law ai ni dang la mai ai ladat rai nga ai. Dai majaw daini Thein Sein hte Aung San Suu Kyi gaw shingdu kaw jawm jahkrup la nna myen amyu ni hpe grai gahkyin gumdin taw nga sai hpe mu lu nga sai. Daini htawng masha (514) hpe mung bai gahtap shapraw dat sai. Bai nna 88 jawng ma ningbaw Minn Ko Naing hpe shangun nna KIO/KIA hte gap gasat jahkring lu na matu woi awlaw shangun ai. Ndai ten hta KIO/KIA hte gap gasat lu jahkring jang shanhte myen amyu ni shada a madi shadaw ai lam hpe 75% daram lu la mat wa na rai nga malu ai. Ndai gaw Thein Sein yen Aung San Suu Kyi a kaba dik htum mung masa amyat sha rai mat nna, Annau ni a matu gaw htani htana hkrat sum ninghpang mung rai chye nga ai. Lama na Annau ni gap gasat jahkring nna bai gap hkat wa ra yang myen amyu ni hte Annau ni mung masha shada pyi mu hkat n mai ai baw kaw du wa na re. Dai majaw Annau ni teng man ai mahtai lu hkra gaw naw shakut ninghkap gasat ra na re. Gap gasat n mai jahkring shi ai.
Sau Nan Du
17/09/2012
14 comments:
Myen a uphkang ai kata kaw naw nga mayu yang gaw myen hte naw bawng ban ga le. Ngai na ning mu gaw gara hku mi yu yu myen hte sha naw ganawn yang gaw myen ni sha anhte hpe upsa na sa re. Mung dan hku sha nshkut woi yang gaw madi shadaw ai lam ni yawm mat wa na shawng lam hpe atsam nmu ai majaw.
darumungwai
ngai mung manmar democrecy nga hku gaw n.ra ai n.dai a majaw manang ni hte ga gashai hkat lai wa yu sai.ya na zawn madu yesu a mying ningsang gang manat tawn na an nau ni ja ja tsap nga yang awm dawm ahkaw ahkang lu na re.mung hpawm mug n.ra sai.laga bawsang ni mung hpawm ra yang dai na zawn gaw majoi n.yu taw na re.machye machyang gaw,shinggyim masha ni tam la yak ai.kk kaw sha tam la lu ai.an hte mung dan hta annau ni kaning rai n.tsap lu na rai.YEHOWA nga ai.
ngai tsun mayu ai gaw dai ni w.p myu sha ni rawt malan ai gaw AWM DAWM MUNG DAN a matu she re.MUNG HPAWM MYEN MUNG DAN a matu n re.rai yang dai ni UNFC a yaw shada ai lam gaw hpa ta?dai UNFC kaw lawm ai laga amyu baw sang ni gaw MUNG HPAWM MUNG DAN (FEDERAL)hpe she sinat pala langai mung n shale,sinat mahku n sen langai mi mung n sha ngoi ti myen hte gap hkat jahkring n na marawn nga ma a.dai ni K.I.O hte MYEN sawa ni hpe she gap hkat jahkring sim sa lam tam n na myu baw sang yawng lawm ai PANG LONG zawn re ai zup hpawng galaw ra ai nga marawn nga ma ai.UNFC a yaw shada ai mung masa hte K.I.O a yaw shada ai mung masa bung ai kun?ngai mu ai hku tsun ga nga yang galaw sa wa ai mung masa n bung hkat ai dai UNFC upung hte K.I.O gaw rau ta gin dun n mai nga ai.hpyen masa,mung masa,myit masa,sut masa hpa lam hta mung shai nga ai.UWSA amyu hte gaw hpyen masa hku mai ganawn ai.an hte w.p myu sha ni AWM DAWM MUNG DAN de rawt ai lam hta pat shing dang nga ai kaw UNFC uhpung mung lawm nga ai re...
Ah Hkyak la nna shaga mayu ai...,
1. Ngai na ming mu gaw, Kachin Independence State ngu ai maga de she shakut byin shangun mayu ai.
2. Rai tim, short term plan ni long term plan ni hte sa ra ai baw re...
3. Hpyen gasat poi n kau mi hta Awng dang ai majaw ngu ai hta n mai myit nga ai.
4. Ya gaw an hte ni gaw, ning hkap majan sha galaw nga ai.
5. Myitkyi, Wai Maw, Man Maw ni hpe an the ni zing la lu na n jin shi nga ai [ ngai shut yang shut na ]
6. Dai majaw Sep kawp Awng dawm [ totally independence ] lu na matu gaw, a ten la nna, hkyen ra ai, Myen ni hta n bungli 50 lu jang gaw an hte hta mung dai daram mi n lu ti mung 30 daram gaw lu ra ai (eg, laga ni grai naw nga ai).
7. Dai hta grau ahkyak ai gaw, an hte a majan gaw, mung shawa yawng lawm ai majan rai ra na re... [ Ma kaji, gum gai ding la, hpung sara ,kani ya, tsa ya, shawa num, ] yawng myit hkut hkut nai nai, mung dan n lu n mai nga sai ngu chye na jang gaw, lak ni mi n kaba tim, mai na re.
8. Dai majaw ya ten gaw, mung masa kasup ra ai a ten re, Myen ni Awng San kaw hte 8888 hpe gasup ai hpa, anhte ni mung Myen ni lang nna kasup ra ai... Myen ni shaga ai de [ gara kaw rai tim sa nna, ya KIO/KIA jum da ai policy ] hpe sha tsun tik tik di ga.... Ah hkyak ai gaw, Medai hpe lang kau ra ai, Shan hte n lu hkap la jang shan hte a mara tai na sha re, dai hta an hte ni gaw mung kan hpe ndai masa lang nga ai hpe grau chye wa na [ dai gaw, kalang mi kahtam jang mali daram di ai masa re ] [ Ngai hku nna gaw, gwi gwi hte Nay Pyi Daw sa nna kasup ra ai ngu mu mada ai ].
9. Myen mung kata kaw Federal hku shawng nga nna, long term plan hku nna ( aten du jang, dai laman anhte ni human resource, Military resource ni hkyne ngut jang gaw) Independence hpe la ra ai, masa gaw, Power Balance byin ra ai. Dai shaloi shanhte n jaw jang , myit n hkrum jang an hte a resources ni hte Gasat la nna, KACHIN COUNTRY ngu hpe shamying lu hkra galaw ra ai baw re ngu kam n ngai.
EG. [ long term planning n kau mi ]
Anhte Human Resources hpe shalat ra ai hta
EG.. Political Science maga de 10 +,
Lawyer maga de 10 +
N bung li gawt ai maga de 100 +
Nucler lak nat galaw ai maga de 100 +
lak nak kaba [ n bungli hpe Auto gap ai hpaji maga de.., ]
Laga hpaji myu sumhpa.... maga de ma shalat ra ai .....
Dai hku nna, masa hkum tsup hkra naw galaw hkyen sa wa nna she lani mi gaw,,, shanglawt teng sha lu na re ngu
tsun n gun jaw dat n ngai .
zed
4. WP myu sha yang hpe organize galaw ra ai [ Lawng Waw, Lachid, Zaiwa, Rawang, Lisu, Sam ] ndai hpe mung aten la nna, trust building galaw ra na re
Thein Sein mung Myen, Aung San Suu Kyi mung Myen, Min Ko Naing mung Myen, Awng Min mung Myen, Shwe Man mung Myen, yawng ni gaw Myen amyu sha re. Ndai nig aw ya ten mung myu sha ni a lapran hta loi mi mying pru, masu nga ai ni re. Gara Myen hpe mung nmai kam ai. An nau nig aw gara Myen hpe mung nmai kam ai.
Dai majaw Zed tsun ai hpe ngai mung madi shadaw ai. Nay Pyi Taw kaw hpa majaw KIO/KIA ni nsa bawng ban na. Hpa majaw KIO/KIA gaw dai hpe nhkap la a ta? Ga san san mayu ai. Lam langai sha sadi ra ai gaw sim lam (Security) sha re. KIO/KIA gaw mung masa gasup ra ai ten re. Nay Pyi Taw sa nna KIO/KIA hku nna Wunpawng amyu ni a nsen hpe Myen mung sha nrai mungkan de kalang bai ndau dat mai ai ahkaw ahkang ginjang langai hku re ngu mu mada ai. Lawu ga de na Myen law malawng gaw KIO/KIA ngu ai hpe nmu yu ma ai. Masha shazai sha shadu na ma ai, nrung tu ai mung shadu na ma ai, masha shan sha ai mung shadu nga na ma ai. Dai majaw Nay Pyi Taw sa nna mung shawa hte hkrum lu na matu jahkrup ra ai, Myen mung kaw nga ai maigan diplomat ni, UN agencies ni, INGO, Civil society, politician ni, technician, makam masham hpung hpan hkum ni yawng hte hkrum lu na matu jahkrup la ra ai. Ndai ni hte hkrum ai shaloi KIO/KIA a road map, mung masa stand, yaw shada ai lam ni hpe sang lang dan ra ai. Hpa majaw ndai majan byin ai lam tsun sang lang dan ra ai.
Moi gaw KIO/KIA gaw mung masa jahta ga, jahkrup hkat ga nga tsun ai wa ya gaw gara kaw rai yang gaw nkam sa ai, gara kaw she jahta ga nga ning dang taw ai gaw mung masa hku gaw nau njaw ai ngu ngai mu mada ai.
KIO/KIA a ra sharawng ai lam, anhte KIO/KIA a atsang gaw bawng ban shara, simsa lam jahta na shara sha ra sharawng ai madang sha rai sai i? Mung masa njahta na masai i? Bawng ban na shara pyi nmai hkrum ai uhpung lahkawng simsa lam jahta ga nga ai gaw mani hpa rai nga ai. Ntsun taw ai mahtang grau kaja na re ngu mu mada ai. Kaga strategy mahtang galai ai baw i? Myit yu mai ai lam rai nga ai.
Bawng ban na shara pyi nmai hkrum jang gaw hkrum ga, ra ga , jahta ga, tsun ga, federal mungdan gaw gap ga, union galaw ga nga ai gaw alaga sha rai nga ai. Aten jahtum sha re. Miwa mung Shweli kaw mi bawng ban tim, bawngban jahta ngut ai hte ndau laika (statement) sha jawm shapraw nna shangut jang gaw lachyum npru ai. Kade lang hkrum tim “alut tabaw” informal sha tsun taw nga ai gaw hpa lachyum ta? Mung masha ni grai na mau nga ga ai.
Simsa lam jahta na shara lata ai kaw sha ningdang nga yang gaw KIO/KIA gaw bawngban na nmyit ma ai ngu tsun hkrum jang gaw mung masa hkrat sum ai lam sha re ngu mu mada ai.
Ning dang shalai kau na mung tsang ai majaw shadum ai lam re.
Ningbaw ni myit yu na matu!
KIO/KIA ni 2015 ning na ra lata poi hpe mi a la nga, myit mada nga ma ai kun lu. Aung San Suu Kyi ra lata poi dnag jang gaw amyu kaji ni a matu myi myit ya kun ngu kam shut na lu.
Aung San kaw a mung masa ning shawng jaw ai gaw national reconciliation sha re. Amyu baw sang sha yawng hte equality, equity nga galoi ntsun ai hpe dum ga lu. Ya myen amyu shada da gaw ram daw atsang langai kaw du taw manu ai re. Myen amyu shada reconciliation byin na matu gaw nau n-yak na ma ai. E.g Maigan kaw hpaw shabawn da ai NCGUB asuya dawm kau sai. Myen sawa asuya a awng dang ai lam sha re. Myen shada da gaw dai hku byin wa na gaw gade n-yak ai. Yaw shada ai pan dung bung jang jahkring mi laman mai jahkrup hkat na ma ai. Htawng masha shapraw ya na hpyi jang shapraw dat rai nga ma ai. Asuya a matu gaw grau pyi hkamsa, grau pyi kabu, htawng masha ni hpe lit la nra jang grau pyi jaw dum na ma ai.
2015 ning na ra lata poi hpe lama myit mada nga jang gaw grau pyi sawng wa na tai ai.
WP
Myen amyu sha ni simsa lam lu na matu mung, Mung hpawm ajet byin wa na matu mung, mungdan ting prat tup simsa mat wa na matu mung KIA/KIO hte JW myu sha ni a lata hta sha nga ai...KK wa gaw dai hku lajang da sai.
bumtsit
DAI 2 YEN HPE NMAI KAM AI.Aung San Suu Kyi,anhte Taiyinta ni hpa hpe ra sharawng aung nga ai shi chye chyalu lu re,loi2 sha shi galaw na nre.shi madaw she apup anoi myit bung ai shada sha tsaw hkat nga ma ai.myen wa she sut madu zawn2 mungkan kaw shakawng da,shanhte myit ai hku nrai mat wa yang myi man gara kaw nhpaw rai mat na hkrit she nrau,dai majaw gaya nshawp aw de masu nangde masu b l galaw nga ai re.Aung San Suu Kyi,Shi kraw hta teng sha rawng nga ai,ga si shi nshaga sha praw ai she rai sai,shaga shapraw na gasi gaw,Nan hte TAIYINTA ni tatu lagaw tu yawng hkum tsup sai ,ya up nga ai myen ningbaw ni hta nan hte grau chye sai,dai majaw tawk hprut daw dan la mu,chyalu re.DAW DAN GWI RA SAI.W P MYU SHA NI MYIT RA NA GAW,K K KAW NA DU SHANG WA SHINGRAN TA TUT HKRANG SHA PRAW GA.
Myen mung sim sa nna tara rap ra ai mungdan byin wa na matu gaw uniform galai kau nna hpyen ladat hku MYEN MUNG hpe ya uphkang nga aiTHEIN SEIN asuya grau madung na re.HPAmajaw nga yang,tara ai hpe nra,shanhte ra ai hku sha ANHTe AMYU KAJI ni hpe dip sha mayu ai myit masin rawng taw nga ai, dai majaw NAYPYIDAW kaw mi sa hkrum tim, tsaw myit madung hte sha ga ai lam nrai nga ai hpe ANAU ni dum ra ai, shan hte hku nna she, maren mara ahkaw ahkang nkam jaw ai majaw, dai ni AN NAU ni hpe wa htim gasat nga ai gaw anhte yawng mu chye nga ga ai.Lahta de na HPUNAU ni tsun ai hte maren, MAJORITY POWER hte du na ra ai ra lata poi ni hta shadang la na masing gaw, lai wa sai GAP HKAT JAHKRING ai 17 ning laman e, MYEN amyu lawu tsang madang ,ankyi angaw re ai ni hpe anhte a MUNGDAW DE law law gawt sha lun tawn da sai re.NDAI MASING hpe tatut galaw sa wa na matu, dai AUNG SAN SUU KYI hte THEIN SEIN ni myit hkrum da sai lam adan aleng rai nga sai hpe ANHPU AN NAU ni dum hprang sadi nga ga law. WADI.
Federal Union hpe kaja myit mada ai rai yang gaw Federal Army hpe dai ni nan hpaw ningshawng hpang ra sai. Federal Army hpaw hpang na matu mung Hpakant hpe ningpawt shatai nna hpaw ninghtan dat yang mai byin ai hpe maram lu ai hku re. Dapba 4 ginra hpe mung n gun shaja jat, hpyen mahkawng kahkyin jat yang grai awngdang wa na masa nga ai. Anhte KIO hte Sam ni, Balawng ni Naga hkang ni,Wa ni hkawm kahkyin dat yang grai n gun ja ai Federal Army tai wa na re.
Anhte KIO/A ni woi hpang ai Federal Army n gun ja wa yang kaga rawtmalan bawsang ni mung shanglawm wa na re. Dai ten hta gaw Anhte ethics myu ni hpabaw lam/ garahku byin mayu ai mung mai jahta na sai. Myen hte rau Federal mayu tim mai ai (sh) Anhte ethics myubawsang ni hkrai Federal mungdan san tai mayu tim mai na sai. Dai majaw ya ten ra ahkyak dik gaw Federal Army hpaw ninghtan hpang dat na gaw ahkyak dik re, ngu maram lu ai re law.
Karai Kasang Wa kaw na ngwipyaw rapra ai chyeju hte shanglawt ai ahkaw ahkang anhte Shapawng Yaw myusha ni yawng a ntsa jaw ya u ga law.. Amen.
HKAU NAW, WA ni shahte a KAWA DI MIWA ni a ga madat nga ai rai yang MYEN a ga madat ai hte maren rai mat ai majaw FEDERAL ARMY hta nshang lawm na ma ai.
Ne pyi daw de sa sup hpawng galaw na matu shim lam yak na re.zup hpawng shaga la nna yaw kau yang kaning di na .Tsang ra ai lam ni nga ai majaw shara lata ai sha rai na re.Tsang mung tsang ra na re.Myen gaw galoi mung n mai kam ai.
Myen ni masu ai shaning 60 jan mat wa sai i
Post a Comment