September (29) bat Kru
29/09/2012 shani daw hta Australia Mungdan Melbourne mare kaw du shanu nga ai Jinghpaw Wunpawng myusha ni myithkrum let, tinang Kanu Mungdan hta byin nga ai majan a majaw hprawng yen taw nga ai hpyen-yen tsin-yam ni hpe garum madi shadaw lu na matu yaw shada let alu tam lusha dut poi hpe Karai chyeju hte atsawm akawm sha, aten hkying 1:30pm kawn 5:00pm du hkra awngdang let galaw lu sai.Ndai lamang hta Victoria state Mp HON Hong Lim sadu n-gun jaw ga tsun mat wa sai hta sha n-ga hkrang shala ka hkrang hte mung ka manawt dan ai lam hta Melboune, Sydney, Wagawaga kaw shanu nga ai Jinghpaw Wunpawng myusha ni shanglawm ai zawn, Kayin, Rakhine hte kaga hpunau ni a kahkrang hte mung sa garum ka manawt dan mat wa sai rai nga ai.
Grau nna gaw ndai lang na gat dut poi lamang hta anhte a myusha ni hta ya hkyak hkyak byin hkrum hkra nga ai mungmasa majan hpe ahkyak ai salang kaba ni hpe lu sanglang dan ai lamang langai galaw lu sai majaw mung woi-awn galaw ai KAA Melbourne salang ni myit da ting da ai hta pyi grau awngdang ai lam re hpe yawng n-gun lu na matu shana dat ai rai.
4 comments:
Grai na n.gun lu ai .
Myusha lam yan hta KK shaman ya u ga.
Grai kaja ai lam re, grai kabu ai law. Ka manawt, mahkawn shakawn, lusha dut mari ai lamang hpan amyu myu hku nna alu tam garum ai ni hpe chyeju dum ai. Matut nna mung shakut nna alu ja gumhpraw hte tsi mawan lu sha ni matu garum ya ga. Tinang lu ai kaw na mung dasang alu jaw bang, garum gumhpraw ni hpe shakut nna jaw ya ga law.
Mungkan shara shagu du nga ai WP myusha kaji kaba yawng hpe Karai Kasang wa bausin shaman ya nga u ga law.
Yak hkak jam jau hkrum nga ai KAHPU KANAU ni a matu lam tam ladat shaw nna garum nga ai KAA MELBOURNE MYITSU SALANG ni hte rau sai daw sai kyen J.WUNPAWNG SHA ni hpe hkung ga jaw chyeju dum dik sai yaw. KARAI KASANG matut shaman ya nga u ga. WA DI.
N gun lu na kabu ai.ahkyak ai ten hta dai zawn ahkaw ahkang gra rai ra nga ai.australia mungdan hta shanu nga ai WP sha mahkra hpe K K kaw na grau ai chyeju lu la u ga.chyeju dum nga let,kyu hpi ya nga ga ai.
Post a Comment