Slideshow Image 2

CATHOLIC KARUNA NI SHATA MI (150,000,000) JAN HPYEN YEN NI HPE GARUM

September (23) Laban
Wunpawng Mungdan kata Wunpawng Mungdan Shanglawt Asuya hte Myen hpyen asuya ni gasat ai majan ai majaw Manmaw Ginwang kata hprawng yen nga ai hpyen yen tsin yam ni hpe Manmaw Catholic Karuna Bawng Ring Magam dap kawn Septembar shata a matu malu masha ni hte gumhpraw ni hpe garum ya lai wa sai lam shiga na chye lu ai. N dai zawn Catholic Karuna Bawng Ring Magam Dap kawn garum shingtau sa wa ai hta Nam Lim Pa, N Hkawng Pa, Pa Kahtawng, Lana Zup Ja, Bum Tsit Pa, Man Wing Kaba hte Manmaw, N Mawk, Shwegu hkan hprawng yen nga ai hpyen yen tsin yam ni hpe September shata a matu N-Gu buk (3000) jan, (masha hkum mi N-Gu Bye 6 chyen), sha sau joi (5,300) (masha hkum mi sau litter 1), Gumhpraw (shat mai manu masha hkum mi 6,000 Ks) hku garum ya lai wa sai lam shiga na chye lu ai. Hpyen yen masha yawng (10,565) hte a hkrat ang ai manu yawng myen mung gumhpraw (150,000,000 Ks) sen hkying mi manga tsa jan re lam hte shata shagu hpyen yen tsin yam ni hpe n dai zawn garum ya nga ai re lam hpe mung na chye lu ai. Du na October shata kawn gaw n dai zawn garum la lu na matu yak hkak wa sana re lam Manmaw Catholic Karuna Bawng Ring Magam dap lit hkam ni kawn tsun shana wai. Hpyen yen tsin yam masha ni a matu madung ra gadawn lam gaw lu sha re majaw myit ru tsang hpa re lam hpe mung matut na chye lu ai.

5 comments:

Anonymous said...

Ndai zawn tsinyam hkrum nga ai myu shani hpe karum ningtum jaw nga ai Karuna wuhpung ni nsta K.K kaw na shaman chyeju lu la let grau garum lu mu ga kyuhpyi ya dat nngai. Daw jau nga ai hpunau ni yawng mung k.K kaw na shaman chyeju lu la mu ga law.Aman

Anonymous said...

ndai zawn galaw lu ai wuhpung law law nga magang mung shawa ni nga pyaw wa magang rai wa na re.
bum tsit

TsaBaGam said...

k.k kaw na karuna bawng ring dap hpe tut nawng shaman ya u ga. Ta tut shang lawm ai EC comittee malawm hte ningbaw ni yawng hkum ding dek k.k kaw na shaman chyeju n hpaw n ya lu la u ga. TsaBaGam

အဘားခြန္း (ေမာ္လၿမိဳင္) said...

Grai Chyeju Dum sai yaw Karuna,
Karai Kasang htam 1000 mi n-ga bai shaman ya u ga yaw. Dai ni, Karuna gaw hpa baw galaw taw nga ai re ngu ai hpe anhte ni yawng mu mada saga ai. Dai ni An hpu An nau ni yawng Mung Masa pinra hta rau Myit hkrum Myit ra let rawt tsap wa sa ga i. Awng dawm lam e rau.......

Anonymous said...

Anhte Karuna Myitkyina ni gaw Hpa galaw taw ai kun le i????? Wa Jau Naw Lat e Miwa Mung kaw chyu nga taw na Hkum Myit dik taw u yaw. Myit malai wa na hpe Myit mada let,

Post a Comment