Chyahkyawn hpyi hte kade hpun magap shatsawm tawn tim je tsawm u ga ngu yang woi zawn re ngu ai baw tai nga ai myen a mung masa shamu shamawt lam gaw kade ka hkrang jashai mayu tim hpang jahtum e gaw galoi mung shapoi ai shiga dingsa moi mwi dingsa sha arai nga ai hpe yawng chye nga saga ai. Daini gaw galaw ai ladat mung htum wa nga sai, masu magaw ai namlak shachyai ai mung htum wa sai re ngu myit la mai sai.
Amerika UN rapdaw zahpawng sa lung na matu hkyen lajang ai hku hte mungkan a man hta myi man tsawm hkra hte madu ra awng sharawng ai byin lu hkra galoi mung mung masa laknak langai hku jai lang chye nga ai Thein Sein asuya gaw ya mung htawng bawng masha (500) daram dat masu nna kalang bai mungkan hpe htawng shatsawm masu sai re. Ndai Thein Sein a mung masa laknak hta jai lang hkrum nga ai hpyen bawng masha ni mung htum wa mahka re zawn n'dai laknak pala mung htum hkyen sai. Hpa hte naw masu na kun? Annau ni tau hkrau mu chye mai sai re majaw ya ten n'gun htum, atsam htum myen hpe agrap rum mat hkra annau ni sinat hpai dang ai yawng myit makun myit n'gut dik ai hte matut gasat na ten rai sai.
Thai mungdan kaw n'dai lapran bawsang uhpung hte UNFC kaw na hkrum bawngban ai mung Thein Sein asuya hpe kreng hta shingte gap hkra ai hte bung ai. Thein Sein asuya nyau agrawp gazut mat sai. Yahte mung Mau tau tau hkrup ai shana na yup dam dam ai zawn n'sin lungpu hku kaw na puk shabam dat ai gaw hpun tang n'sen sha garaw n'na ga si n'brat ai, annau ni hte Naypyi daw kaw simsa lam bawng ga da oi. Masu n'tum htum sai.
Shawng de sit gamawt sa shagu, hpang de shim lam n'nga ai hpe dum magang dung lahkum ashun nga sai hpe dum n'na myit n'ngut hkrum sai hte shawng de kabye manawt dat shagu maidang hpyeng jut waw ai manam magang, myu shada kade kapa magap ya tim waw magang, kawa sip Miwa mung kapa jin, kaya jin mat n na ya gaw dam kau hkyen sai. Dai pyi Thein Sein gaw kaya n'su myi man 2 lang shinglet 2 bra lachyum shapru ai hpe Miwa hte Amerikan gaw shabawng htawng chyai ai ma nyepbaw e matsat kaya ai da.
Amerika grai n'du n'sa shi yang Kawa sip Miwa hpe sa nawku kau da hkyen nga ai raitim ya ten Miwa mung ting Japan mung hpe ningyun bu kabrawng salu hpoi hpoi kahtet nga ai jaw myi kaba azi yu n'na hkumbawp sha lawu pawt angun nga ai re, myen hpe matsan dum ai hte anhte sai daw sai chyen ni hte hpa grai n'chye shi ai ma ni a malai prat tup jaw lup yup malap mat ai baw tsi jang matep jaw kau ga. Myen hte jinghku htingbu hku shakram na malai kaja dik ai machyu pala kumhpa jang matep jaw kau saga. Tsaw ra ai mungtsaw myutsaw ai chyurum myitrum ai hpu nau ni e.
Thein Sein hte Aung San Suu Kyi Amerika du nga ai ten maigan mungdan shagu du nga ai myu sha ni n'gun kaba hte ninghkap n'gun madun yang kaja dik re hte mung masa amyet ninggam langai re ngu mu ai KNO ningbaw ni awm dawm a matu hkyen saga ai re jaw n'dai ten hpyen wa hpe padang kaba dip shamawng la na ten re law. N'dai zawn re hpang de bai lu na n'loi sai. Tatut ninghkap majan gasat ai zawn kanu buga de mung ya ten ja ja htim gasat ding yang rai ra ai. Annau ni a matu ahkyak dik ai lami laman n'gam du nga ai. Langai sha ngam tim gasat na re.
Baren Numraw
17/9/2012
8 comments:
kaja sai,yawng hkra n.gun mi alu rai n.gun madun ga.an hte awm dawm ahkaw ahkang a ma tu she re gaw UNHCR ni hpe mung n.mai agam nga sai.nye a ning mu hku nga yang mung mung kan ting katsi majan gasat taw ai she rai nga ai.
Baren Numraw tsun ai grai jaw sai,maigan kaw du taw nga ai ni ndai bungli kaba hpe yawng myithkrum ai hte hkap galaw dat yang anhte myusha ni a matu mung masa amyat kaba rai na sai,myen gaw myen sha re,myen gumgai hpe mung kachyi mi pyi nmai kam ai.
Ya ahkyak hkyak gaw nta madu USA nga myu wunpawng sha yawng ahkying aten la nna agying ninghkap na aten re TS hte Aungsan Kaw sa yang waw lam pyi lawan nmai hkawm shang hkra anut jaw na nan hte lit re yaw chye mu <an hte gaga mungdan na ni yawng mung ngun madun na jin jin jin re yaw hkau ni e Ngup gaw baw law lata gaw lagyaw hkum galaw mu yaw yawng kan bau bungli galaw sha ai ni hkrai re rai tim dai shani atsawm dat jaw mu yaw htet dat sai
Kachin alliance a lata hta rai sai. yawng awng dang lu na re
USA kaw shanu nga ai WP sha ni e ndai TS hte Ask hpe Sa Ning hkap na matu dai shani sha gaw USA nga WP sha ni yawng bungli hkring n gun mi Alu rai Myen Sawa TS hte ASK hpe Mungkan a man kaw myiman Shaka Gaya chya hkrum ga law.Yawng hpe gasaw dat n Ngai.......Sam Mung Myutsaw Brang
ninghkap nan ninghkap mu law anhte kanu mungdan ni mung myen hpe yaw tik tik rai nga ga ai.myen pasa sa kau na n'na sai.myen hpe lada she kabu hkra gawt kau na n'na sai.shakrip ga. myu tsaw TsaBa
mungdan kaba de du nga ai WP baw hpan myusha ni yawng e ndai bungli gaw grai a hkyet dik nga ai hpe dum ga yaw, lau di mu le TS hpe gaw mungkan de gaw kaga tsun kata lam gaw anhte myu sha ni hpe sat nat roi rip shingging masha a,hkaw a,hkang tawt lai nga ai ngu ma rawn jahtau ra ai.ASK hpe gaw anhte lam ga hkaw mi pi n,kaap mat sai shi kalaw ai demo...shanhte myen ni matu sha re, anhte a ningbaw nre ai hpe mungkan chye hkra lu kalaw la na ahkaw ahkan aten ka ja dik rai sai ngu mu mada ai .lau di ga hpa hkum hkrit mu law. yawng yawng chyawm sha kut ga .
***maling kata na brang shing tai**sammung
yawng hte tsun ai hpe grai hkap la sai hku re?
ASK shan U,S,A kaw du wa ai ten hta zahpawng shaga la n htawn an hte jinghpaw w,p myu sha ni a lam hpe n mu masu su ai i? MUNG Kan a man kaw nan Inteview galaw ra ai ,. an hte myu ni hpe myen asuya thein sein wa woi roi rip taw ai hpe cover galaw ya taw ai i ngu na mung san yu ra ai /.//
rai tim myen hpe gaw n mai kam ai law.. myen gaw.. myen sha re.. thein sein du wa jang mung grai grai ning hkap ga? thein sein hpe mung san ra ai..TAMADA ajet gaw re ai i? ngu na mung ga san ni san yu ra nga ai dai ten hta masha man kaw gaya jahkrum sumla Vedio ni gayet rai na mung kan ting hpe sha bra kau ra ai.. dai re jang she shan hte gaya na re.. (Min Aung lai )
hpe hkrit taw ai majaw kun ngu ma san yu ra ai.k,ksang yawng hpe bau sin makawp maga ya u ga,. tut tsawra let.. w,p myutsaw brang
Post a Comment