Slideshow Image 2

HPRI BUM KAW MYEN (40) JAN HKRAT HPYEN DU (2) LAWM

September (25) bat Lahkawng
Wunpawng Mungdan Shanglawt Asuya Sinna Ginwang Dap Ba (2), Uru Seng Maw, Hpri Bum hta KIA myu tsaw share ninghkring ni hte myen hpyen ni September (24) ya shani gasat ai hte myen asuya maga na hpyen la ni marai (40) jan bai hkrat sum wa sai lam, ya na zawn hkrat sum ai hta myen hpyen du (2) mung lawm ai lam shiga na chye lu ai. N dai zawn Hpri Bum kaw gasat ai hta myen asuya hpyen hpung ni gaw n gun (1,000) jan lang nna lak nak kaba ni hte n hkring n sa gap sharu bun ai majaw KIA myu tsaw share ninghkring ni mana de Hpri Bum kaw na gan yen kau da sai lam hpe mung na chye lu ai. KIA myu tsaw share ninghkring ni yawng Karai a shaman chyeju a marang e langai pi hkala n ba n hkrum ai sha mana de hkying (10:00PM) ten ram hta Kanu hpyen dap de bai du shang wa lu sai lam hpe mung matut na chye lu ai.
Hpri Bum hta KIA myu tsaw share ninghkring ni hte myen asuya hpyen hpung ni gasat ai hta myen hpang lawm ai Jinghpaw Myu Sha Pyithusit hpyen la ni mung grai lawm ai lam, hkala n ba hkrum ai shaloi Jinghpaw ga hku marawn jahtawn ai lam hte KIA myu tsaw share ninghkring ni kawn hkye la na n mai byin ai lam hte dan re ni hpe myen hpyen la ni kawn bai gap shanang kau ai ni mung lawm ai lam na chye lu ai. Myen asuya hpyen hpung ni gaw Jinghpaw Myu Sha Pyithusit hpyen ni hpe shawng lam de ganaw shangun nna shanhte gaw hpang lam kaw na sha gap ai re lam, dai majaw n dai Pyithusit ni gaw KIA hte myen asuya hpyen hpung a lapran matep da hkrum nna grau hkala hkrum ai re lam shawng lam majan pa kawn na chye lu ai. Ya na zawn Pyithusit tai nna myen tai hpyen ni hpang de lawm nga ai Pyithusit hpyen la ni hpe dum nta masha ni kawn shaga la, hprawng kau shangun rai yang kaja ai, nrai yang Majan hta hkrat sum ai gaw Jinghpaw Myu Sha ni chyu re lam hte KIA kawn majan n sum ai rai tim, majan hta Pyithusit tai nna myen tai hpyen ni maga lawm ai myu sha ni law law wa hkrat sum nga ai majaw majan sum ai hta pi grau myit n pyaw ai lam Shawng lam majan pa hta lawm ai Myu Tsaw Share Ninghkring ni kawn tsun dan wa ai lam hpe na chye lu ai.

21 comments:

Anonymous said...

ganing nchye di ai..k.k lajang ai she re..myit npyaw hkum rai mit..yawng hpe shi yu nga ai re..myu tsaw share shagan ni k.k kaw manoi let matut n.na ngun dating ga......

Anonymous said...

Sat kau mayu na nrai tim.myu hte mung dan a
ntsa sadi ndung myu sha shadada bai gawa wa na zawn re ni hpe gaw makoi kau ra sai. Shan hte a majaw myit n pyaw tim .myit dik ai

Anonymous said...

Labau hta Karai kasang gaw sumla naw ai hpe matsat dik re ai majaw, dai ni kaw lawm ai ni gaw dai sumla naw ai ni hte rau sum agrwp mat na re.

Anonymous said...

Labau hta Karai kasang gaw sumla naw ai hpe matsat dik re ai majaw, dai ni kaw lawm ai ni gaw dai sumla naw ai ni hte rau sum agrwp mat na re.

Anonymous said...

Pyitusit galaw nna kan bau sha nga ai JW ni e hkum anya nga mu law Afaghanistan hpyenla Iraq hpyela ni zawn nhtang gap nna hprawng mat mu le. Hkum anya nga mu. Anga nga yang gaw katut shana re. KIA mi rai rai pyitusit jw mi rai rai myen ni gaw kadai si si Kachin hpe lu sat ai ngu kabu nga chyalu re. Nan hkrat sum ai nga na lu ai majaw myit npyaw ai raitim gara hku n chyedi ai K.K lajang ai lam rai na re.

Anonymous said...

Hpyen wa maga tsap ai ni gaw hpyen sha re, sinat pala gaw masha n chye lata ai.

Jatawng Naw said...

Umm.. grai na yak ai hte myit npyaw ai law. Kade tsun shadum tim myit malai nchye lu mat hkra myitmak mat sai WP hpu nau ni majaw grai myit npyaw ai lam re. Rai tim, Madu Yesu tsun ai mungga hta" Shi hpang maga ntsap ai wa gaw tsadan maga(hpyen wa) na masha re ai" lam hpe asan sha chye lu ga ai. Anhte Pawngyawng myusha ni yawng hpe ladat amyu myu hte roirip gasat shamyit nga ai myen hpyen hte rau lawm ai ni gaw tsandan hpyen ni nan re. Karai Kasang Wa mung hpyen maga lawm ai ni, kinyu masha ni hte rau lapran tsap nna shiga dutsha, hpaga ga sha ai ni hpe nra ai lam hpe anhte WP hkristan ni yawng asan chye sai re.
Tsun shadum tim nmai sai ni hpe gaw myen hpyen hte maren masat kau nna kasat shamyit kau na mung anhte KIO/A hte Shapawng Yaw myu sha ni a lit nan rai sai. Masha wa a myiman hta Karai Kasang a myiman hpe sha grau tam let nhkrit ntsang n gun dating nna matut kasat shakut ga law.

sumhka kashagg said...

Hkau ni e hpri bum hpe kio ni yen kau ai nga nteng ai zawn she nga ai...hpakant de phone shaga yu sai..

christopher said...

Dum hprang ra sai ngu ai ga hpe nchye na hkraw ai sai gayau ai,myen a shat sha ai ni rai na re.dai zawn re ni a majaw nhkrat sum na mung hkrat sum lai wa sai.WP myu sha kaw myen myit rawng ai ni,myen sai gayau ai ni hpe shawng sharin kau ra ai...hpa masan hkum dum nga mu nhtang hku bai katut sha na hpe sadi ga....

pyi pau said...

Karai Kasang a kasha ntai sai masha gaw si tim ngarai sha re hka! ganing chye di na myitja baw ja teng man ai lam hpe nchye ai ( Chyum laika nchye ai wenyi midi ) ni a matu myit malai lu hkra gaw akyu hpyi ya na re .

Jaubutu Maran said...

Dai lam hte seng nna gaw gara hku ma nlu di ai myen maga de lawm jang gaw myen wa gaw daihku nan di na re hpe mung chye chyalu she re.dai re ai majaw si gying ai ni si ai gaw KK lajang ai lam she rai na sai.WP sai gaw rai taw nna myen hpyen sawa ni hpe garum ai ni gaw dai hte gying dan nga ai.myit npyaw nbyin ga.KK lamwoi ai hku matut nna hkawm sa wa ga.Myutsaw share ninghkring ni yawng a nsa hta KK tut lamwoi nga u ga law.

Anonymous said...

gin nchye di sai ,moi kaw nna sadi jaw taw ai re,ahkyak gaw W.P mungdan hpe mahkawp maga lu na ahkyak ai

Anonymous said...

Grai chyawm hkrak nga ai pituksit ni tingna sinat pyawng shingdu de madaw htang di dat ai baw re.
Myit malai nra ai sha grau gaja mat sai.

Anonymous said...

Sum nung shing di la ai myu sha ni hpe lam woi shadam ai lasang aung wa the zahkrung ting ying. Yan a mara re.shan yen kaw hkar wa hpyi mu yaw.

Anonymous said...

Dai ning baw gwi si lahkawng yan hpe grai masat ai.

Anonymous said...

Shaw Lu hkaw hkam wa majan gasat ai lam hta hypen hte seng.ai num la kaji kaba, u wa yam nga ni yawng hpe tsep kawp shamyit kau shun ai hpe KKasang a ga n madat ai majaw hkawhkam arawng ara kaw na KRai wa dawm la kau ya sai. Dai hte maren KIA hpe sat na sa wa ai kadai tim, nang n sat yang nan hte hpe sat mat na re ai. Hkye hkrang la ai Tara Gospel hkaw taw ai n re. myit n pyaw na lam hpa n nga ai. lapran n nga ai. HPYENhpe HPYEN zawn sawn kau ga.

la la shadau said...

a ga hpri bum tat kau ai nga grai myit npyaw sai wa re.hpyen ma sa hku grai ahkyak ai sha ra re wa.pituksit ni si ai gaw nyawn ai masha mung nre wa.grau na pi naw lahtum jat dat ra ai.

la la shadau said...

a ga hpri bum tat kau ai nga grai myit npyaw sai wa re.hpyen ma sa hku grai ahkyak ai sha ra re wa.pituksit ni si ai gaw nyawn ai masha mung nre wa.grau na pi naw lahtum jat dat ra ai.

Muq ningwa said...

Pyitusit a n ta masha ni e lasang awng wa hte zahkung tingying yan kaw nan hte a kasha ni ,madu wa ni a matu DU,BAW( hka)wa hpyi la masu law...Amyu hpe dut sha n na Hpaga ga sha ai ni e......

Anonymous said...

Myen hpyen hpung 1000 mi jan gaw Goliad hte bung nga ai. Kade mi grang dakat masu tim jahtum e Dawi (sak 13) a lung din hte sum agrawp mat chya lu rai na re. Karai Kasang a mying ningsang Hpung Shingkang hte anhte hpe makawp tawn sai majaw awng padang lu na sha re. Matut nna makam lung din hte dat jaw ga.

Anonymous said...

Myen hpyen hpung 1000 mi jan gaw Goliad hte bung nga ai. Kade mi grang dakat masu tim jahtum e Dawi (sak 13) a lung din hte sum agrawp mat chya lu rai na re. Karai Kasang a mying ningsang Hpung Shingkang hte anhte hpe makawp tawn sai majaw awng padang lu na sha re. Matut nna makam lung din hte dat jaw ga.

Post a Comment