September (14) bat Manga
Japan Mungdan du Wunpawng Myu Sha ni gaw September (13) ya shan maga hkying (3:00 - 4:00pm) ten Tokyo mare Shinakawa na myen rung shawng kaw n gun madun ai lam galaw lai wa sai hpe na chye lu ai. N dai n gun madun lamang hpe Japan du Jinghpaw Wunpawng Myu Sha Hpung hte Japan du laga myu sha hpung ni kawn woi awn galaw ai re lam mung na chye lu ai. N dai zawn n gun madun ai lam a madung yaw shada lam gaw, ya ten myen asuya hpyen kawn Jinghpaw Wunpawng Myu Sha yawng hpe masing kaba jahkrat nna amyu shamyit roi rip zingri, sat nat ai lam hte hpyen n gun laba hte gasat ai sha n nga, tara tawt lai nna shingja lak nak ni hte Jinghpaw Myu ni hpe gasat shamyit nga ai lam ni hpe ninghkap ai re lam hpe mung chye lu ai. Matut nna Thein Sein asuya hpang de Jinghpaw Mung, Sam Mung maga de majan hpaw nga ai myen hpyen n gun ni hpe mung dawm la hte mung masa lam hpe rap ra ai hku bawngban sa wa na, htawng e rim sharen da hkrum ai ni hpe shalawt ya na matu hpyi shawn lai wa sai lam shiga na chye lu ai. N dai zawn myen asuya rung shawng de n gun madun ai lam hta KNO Japan hte Japan du munghpawm amyu sha ni yawng marai (100) jan sa du shang lawm lai wa sai lam hte shata shagu prawt (13) ya shani n gun madun mat wa na re lam hpe mung matut na chye lu ai.
5 comments:
Grai kaja ai lamang re. America kaw na hpunau ni mung slg jan ASSK hte slg Thein Sein ni US du ai ten ni hta ninghkap ngun madun na matu shajin da na hpe hpyi lajin dat ai law.
Anhte Shapawngyawng Jinghpaw ni du ai shara kaw e.. lu ai atsam, ahkaw ahkang, aten ahkying hte ja gumhpraw, n gun atsam , machye machyang hpaji ni mahkra hte anhte Shapawng Yaw (Kachin) ni a shanglawt na lam, ngwipyaw rapra ai ahkaw ahkang lula na lam hta shang lawm garum shakut nga ga law.
Mungkan pinra shara shagu hta du hkawm chyambra hkawm nga ai Shapawng Yaw kashu kasha ni yawng hpe Yehowa Karai Kasang mai kaja ai lam hta bausin lam woi ya nga u ga.
Tinang dangdi dangdep ai lamang hte shang lawm ga law,tsawra hpunau nu wa ni e.
mung dan 22 hte dai shani e n.gun jawm madun ga!bai sha ni tsun na ga si ga ngau ni langai sha rai na hku ma lajang la yang mai na kun?dai gaw an hte a a hkaw ahkang langai mi mung rai sai.
japan mungdan na nu num ni hpe shakawn ai law grai lu shakut ai arawng la ai yaw ,an hte USA ni mung Aungsan kaw sa wa jang anut na hku lajang ga law USA ningbaw ni eeeeee
Wow! Shata shagu n gun madun mat wa na hku i? Japan mungdan daram aten shachyut sha ra ai mungdan hta she nga taw tim n dai zawn shakut shaja ai hpe mu ai majaw grai n gun lu ai yaw...K.K mung grai myit pyaw let anhte W.P sha ni a myit hkrum lam hpe mu lu ai majaw grau nna she shaman ya na re hpe kam ai...
Post a Comment