Slideshow Image 2

KA-NI DUT SHABRA AI WA HPE AHKYAK LA AI LAM N NGA

September (23) Laban
Wunpawng Mungdan Shanglawt Asuya Up Hkang Ginra Sadung, Saga Pa mare kaw, Ka-ni Lauban Chyin-yu Tawng a masha rai nga ai, Sumlut Hpau Nye hpe KIO asuya ya Salang Kaba Lahpai La Bawk hte Salang Kaba Labau Bawm Kyang yan a lata hta September (19) ya shani lu rim la lai wa sai lam na chye lu ai. Rai tim, September (22) ya shani hta myen gumhpraw Sen (200,000Ks) hte sa tawngban ai shaloi lit nga Salang Kaba yan gaw, bai dat dat ya ai lai wa sai lam hpe mung matut na chye lu ai. N dai zawn Ka-ni dut shabra nga ai yen hpe lu rim la ai rai tim ya na zawn gumhpraw jaw nna sa tawng ban ai shaloi bai dat kau ya ai majaw lit nga Salang yen hpe Ka-ni a majaw hten za nga ai kashu kasha ni a kanu kawa ni grai myit n pyaw pawt ka-un nga ma ai lam shiga na chye lu ai.

       Ya ndai lauban Chyin-yu Tawng gaw dai Saga Pa ginra na Ka-ni nanghpam lusha dut shabra ai lam hta na ginjaw hpa-awn kaba nan re lam matut nna chye lu ai.
       Lai wa sai shata hta, Masat (8) hpyen yen dabang kaw Ka-ni dut mari galaw ai masha marai (6) hpe KIO kawn lu rim la ai rai tim, dat ya ai lam n nga ya du hkra Laiza Htawng kaw bang sharawng da ai majaw buga masha ni myit dik nga ma ai lam na chye lu ai.
       Ya ndai kalang grau nna lareng Ka-ni chyawm tari wa hpe nan bai lu rim la ai shaloi gaw bai dat kau ya re lam ni hpe, seng ang Ginjaw Du salang ni n chye lawm ai kun? nga nna Buga masha ni a lapran ga san san nga ma ai lam na chye lu ai. Ndai gaw tara daw dan woi ai ni n tara ai magam bungli rai nga sai. Rim sai ngu sai kaw na gaw gumhpraw kade jaw nna mi sa hkye shaw tim n mai hkyam sa jaw ai, ginjaw de du hkra sa ra ai lam re, ya gaw sake manawn mayun kumhpa sha nna myin man lata let, lu su matsan nga nna, woi awn uphkang ai lai ladat rai wa ai majaw buga masha ni myit n pyaw nga ma ai nga na buga na myit su salang wa shi a hkam sha lam hpe tsun shana dan wa ai.
       Dai majaw ndai manghkang hpe seng ang ai Ginjaw Salang ni kawn atsawm sha jaw hkrak ai hku ahkyak la daw dan hparan let, dai zawn rai Ka-ni dut mari ai ni hpe gaw mayun kumhpa kade mi jaw jaw n la sha ai sha, ja ja ahkyak la let hkum pat shingdang sa wa yang she anhte amyu sha ni Ka-ni tsin-yam majan kaw nna lawt lu na re nga matut nna tsun shana dan wa ai hpe na chye lu ai.

9 comments:

Anonymous said...

KA NI NANG HPAM HPAGA GALAW DUT SHABRA AI WA KADAT HPE MUNG HKYAM SA NMAI JAW AI LAW RIM MAJAW HTAWNG BANG KAU RA AI. MU NNA AHKAK NLA AI SENG ANG AI UPHKANG DU SALANG NI HPE MUNG AHKYAK LA RA NA RE

Anonymous said...

n dai lam hte seng n na a ja awa sha na shabra ra ai.Ya htawm hpang shang lawt a su ya byin wa ai ten mung shawa ni a n kam ai lam law law wa byin wa chye ai.Dan rai chye ai du salang ni hpe a ri jaw ra ai.An hte shang lawt a su ya hku nga wa yang dai zawn re lam ni tsep kawp nan n ga ging sai.Dai lam hpe mung sha wa yawng chye hkra n dau ya ma rit.

Anonymous said...

Ah Ga...! shang lawt du salang ni kaw dan re ai ni naw lawm taw ai wa i...Mau sa ...Mau sa....Gum hpraw sen 2 hte mai tawng ban na lawt lu ai rai yang sen 50 shi dang jaw jang BODY GUARD pyi hkan ga law ya na kun n chye ai i..?Jing hpaw kasa hku n na dai salang yan a mying hpe lu hkra sa gawn ga rum ya rit.

sammung ramma said...

byin ai gaw byin sai du yan mung gum hpraw hpe yu na gaw nrai na re.....myu shada re nga ai myit mung she nlawm na.buga nga myit su ni mung yaw chye sai re majaw gaw ya hpang e ngalaw na matu yawng gaw myit chyawm shadum ga law.dan na ndai nam hpan a majaw myu sha hten za ai lam ni hpe mung a tsawm sha langai hte langai sang lang dan hkat law.wp asuya kaw na mung ndai ngaja ai malu masha hpe mung pat na nga mung masha hpe ndau dat sai re majaw gaw jaw ai tara hku sa yang she wp myu sha ni kam ai asuya she byin wa na re..ndai hku nrap ra tara nlang jang nang ngai nga wp myu sha ni gin hka hkat chye wa ai..ndai gum hpraw hte mung shawnglawm kaw mu mu re da mi she nlu sha nga ma dawng dan na ndai hpe gaw ngai hku na mara chyawm raw ya mu ngu yawng hpe hkung ga let hpyi jashawn ai law.masha ni shawng lam kaw ayak ahkak re byin tim nhkau ni gaw hpyaw len hkawm ai mung law2 re law....shut jang mung mara dak ya mu law..shawng lam na duni share ning hkring ni hpe mung grai matsan dum ai myit hte myit ya mu law.

sumhka kasha said...

sammung ramma wa nang mung hkyi ya rai na masa nga ai..nhkru n kaja ai amu de she n gun jaw taw nga ndai...ndai mayun kumhpa la sha ai she teng yang gaw tsep kawp hkyam sa n mai jaw ai..

hkunman said...

KIO/KIA. Lit ang ai du ni e..., dai zawn re kani lauban hpe hparai dat tawn da nga myi ta.....,Dai ni gaw Jinghpaw Wunpawng Myusha ni a-- HPYEN MADUNG rai nga ai le.....,

lamungnawnaw said...

shang lawt du ni mung tsun shadum ai mung shan hte,galaw sha ai mun g shan hte,kachyi kachyaw galaw ai mu jang gaw rim,law law mu jang gaw dat,shat di shatai tawn re lam ni law law rai nga ai.e le ma ra datya ga!dai ni an nau ni hta sagu bai nam dum su yawng rau naw jawm rem ra nga ga ai majaw,madung gaw n.tsa na ni hta lit kaba ai.yawng a lit gaw rai nga ai.jinghPAW KA SA ni chye ju hte naw san dat ya marit.mahtai hpe.

Myu Sai said...

Wunpawng Amyu hkum dingdek shagu hte Wunpawng myu sha hpe lam woi nga ai wuhpung wuhpawng shagu, ningbaw ningla, myitsu salang tai nga ai ni hku nna ka-ni ngu ai hpe hkai shapraw ai, dut shalai shabra ai, lu sha ai lam yawng gaw anhte a hpyen madung re hpe mu nna tsep kawp n ninghkap dingsa gaw ya gasat nga ai majan mung kade mi padang dip la lu tim, jahtum e gaw tinang Wunpawng amyu shada ka-ni ngu ai hte jawm jahten hkat nna hten bya htum grit mat ai amyu, masha maigan amyu ni yawng e jawm yu kaji jahpoi dip roi rip hkrum ai amyu bai tai na tsang ra ai majaw mung shawa hte ningbaw ni yawng dum hprang ga law. Myen gaw shanhte ni nga ai lashin de ka-ni tsepkawp n du n shang hkra pat nna Sam mung hte Jinghpaw mung de gaw mayun kumhpa sha nna ka-ni hpe gaw n pat ai shalai nna annau ni hpe gasat nga ai lam re.

Anonymous said...

K.I.O/K.I.A kaw mung myen asuya masha ni zawn mayun gumhpraw chye sha ai ni she nre nga ma dawng goi.(sh) rim hkrum ai ni gaw rim ai wa hte jinghku rai taw sam ai gaw

Post a Comment