September (2) Laban
September (1) ya shani Hpakant kaw nna yu wa hpyen yen tsin-yam ni a hkam sha ai lam hpe tang shalai dat nngai .
Anhte mungchying masha ni gaw, Mung shawa hpyen la ngu ai KIO/KIA ni hpe aten hpring ra mara karum madi shadaw taw nga ai ni rai ga ai. Tsaw ra dik ga ai.
Raitim mung, KIA myu tsaw share shagan ni kawn anhte mung shawa masha ni hpe jahkrit shama shagyip shagyeng nga ai gaw, grai n htuk manu nga ai ngu hkam sha ga ai. Nam Ya hte Sawng Hka lapran kaw na, KIA myu tsaw hpyen la ni gaw, Dung 11 kaw na ni rai ang ai ngu maram lu nngai. Mawdaw shagu hpe Ninghtawn kaw na hkawm sa lakmat hkap hpyi ai, ninghtawn kaw na, hkawm sa lakmat la lang na matu n chye kau ga ai, bai nna Hpyen yen yen na matu nau shadut nna tin shapun yu wa ga ai ngu atsawm sha tawngban yu yang mung, Tsa chyaru manu mana nang bam nna, Sinat shachyen wa ai hte rai jahkrit shama gumhpraw hkap hta ma ai.
N kam jaw na gaw, n re, mahkrun n ang, ladat jaw, tara n lang ai ya na zawn, hkungga la ra hkat na zawn mung n rai yang gaw, masha ni tsun jahpyak hkrum nna anhte a mung masa awng padang lam wa hkrat sum lam she rai na kun ngu nna, seng ang ai ntsa tsang de na Ningbaw ningla ni kawn, ladat mahkrun jaw ai hku shatsam matsun ai rai yang grai kaja na re ngu mu mada let tang madun dat n ngai law.
KIA hpe tsawra ai Myu Sha ni
35 comments:
agarrrrrrrr na mau sai wa re :(
KIA gaw Asuya re ai majaw, Asuya Hpyen La hku Sadi Sahkahte Mung masha ni hpe Hkung ga la ra ai lam madun ra ai. Dai n rai yang, Awng Dang Lam hte tsan mat na.
dai zawn re ai majaw ya n dai ah ten du hkra SHANG LAWT n lu shi ai re nga le wp myu sha ni
ya na zawn byin ai gaw n dai ka lang sha n re ai moi kaw na dai hku byin sha lai wa ai re wp sha da da da mya mya sha lai wa di na wp myu sha ni gaw KIA kio HPE GRAI NAN MA tsat lai wa sai re ngai kaw na hkawt ,, ma re tim 2011 jun sha ta praw 9 ya kaw na ma jan ka sat hpang ai majaw ti nang KIA kio N KA JA AI RE TA RA N lang lai wa sia re chye tim sai ga sha ga di na ya n dai ah ten du hkra n gun jaw taw ia re n dai ah te hta sha da da myit hkrum ra ai ah ten re majaw myit ma ji ai ga ni n kam tsun ai re ma re tim ya na zawn nga shi ga ni na wa jang grai ma sin n si ai pawt ma yu dik ai K K ah da gam da la hkrum na ra ai n dai zawn sha naw galaw sa wa jang gaw
Ndai zawn tang madun shadum la ai gra jaw hkrak sai. Ngai mung ndai lam ka na ngu myit nga ai. Raitim, lam kaw shagyeng nna htawng hkrum ai wa gaw ngye kanau majing re ai majaw ting kyeng myit npyaw nna jahpoi ai ngu shadu na hpe nra ai majaw n ka byin ai re. Ngai nan mung KIO/KIA ni aq mying nhten shangun mayu nngai. Majan nbyin shi aten kaw na sinna ginwang na MHH ni nkau mi gaw mara gata mare masha tsawm ra myi sat kau ai lam nga sai re. Raitim mung anhte mung shawa ni gaw MYU SHA myit hkrum lam hpe yu nna shiga hpe n shamawng ai, yawng chye hkra ndau ai lam n galaw ga ai.Raitim, nau hprau nau sawng wa jang gaw mungkan ting chye hkra shabra dat na sha re. Dai majaw seng ang ai ningbaw ningla ni, lit nga ai ni yawng tinang npu na hpyenma ni gara hku galaw nga ai hpe atsawm lit la ra na re. Dai nrai jang, ya na zawn yawng myit hkrum mangrum lett TAI hpyen hpe ninghkap na ten hta mung chying shawa hpe TAI hpyen wa hpang maga de gau shajut kau ai hte bungmat na. Mung tsaw Myutsaw ni e, yawng myithkrum let anhte a PanDung de hkra shakut sa wa ga law.
KIA myu tsaw ning hkring ni e.........nan hte hpe mung masha ni grai tsaw ra let , grai kam hpa ai re hpe naw myit dum ya yang kaja na re. ya na ten n de , de maja ra taw ai a ten hta gaw tsa chyaru ni hpe koi kau let , KK kaw kyuhpyi sit shang let san hkrung yang gaw grau ma nu htap htuk na re ngu mu mada ai. KIA myutsaw ninghkring ni yawng hte e...........nan hte gaw an hte mung shawa masha ni yawng hte kam hpa let yu taw ai mung shawa ni yawng a MODEL re hpe dum mu yaw. masha ni jahpoi a sawng ai hpe n kam hkam la let , shadum dat ai re.
anhte mung shawa ni gaw shang lawt du ni matsun ai hku hkrai yawng hkan shatup lawm nga ga tim.. shanglawt du nkau mi gaw anhte mung shawa ni grau nna shanglawm madi shadaw lawm wa hkra..si mani ai lai ladat lang nna nchye woi zin lum ma ai...Myen hpyen hpung ni hpe sha gum shem hpyen ni ngu tsun nna...anhte shang lawt hpyen du ni mung..gum shem hpyen du ni nbyin mat hkra sadi ga oi...myit hkrum ga nga nna..myit hkrum wa lu ai baw ladat ni hpe mung naw woi galaw mi law...
ga dai tim shut chye ai shanglawt hpe mung mung shawa madi shadaw ra ai.mung sha wa hpe mung shawnglawt ni gaw makawp maga ra ai kalang2 gaw gadai shut ai nga ai.myen ni jinghpaw mung git kan hta sha ai pyi jaw ra ai re.ngai gaw jawtim shut shawnglawt hpe madi shadaw ai.hpa majaw nga yang myen ram gaw sawng ai majaw re.
Ndai lam hpe seng ang ai la hta na ni tawm hpang de n dai zawn n byin na matu a hkyet la ya mu.n shut ai ngu mung gadai n nga na re. Ya na zawn a hkyet nga ai ten shada da chye na mara raw hkat ga.myen ni zing ri ai n dai hta htam 100 grau ai ma ri ting ting hpe sat nat ai.anhte tsaw ra ai KIA ni mung sha da n dai zawn bai n ga law ga.ya ten gaw myit hkrum ra ai ten re
lit nga ai hte maren san jep ai gaw mara n,rai na re.rai tim bungli ten hta tsa,chyaru lu bam ai majaw nbin ging ai bin wa yang kaning wa di na ta? sinak lang ai hpyen la re majaw bungli ten sinak lang ai ten hta tsa,chyaru lu ai hpe gaw n,madi sha daw ai law. KIA myu tsaw hpyenla ni yawng hpe KK tutnawng bau sin ya nga u ga.
A ngi Angaw san ai Ja htu ta hta woi la hkrup ai Hpyen la na bai she nrai i.
myen ni pa hkrup mara rai na hta lu hta sha mya lu mya sha num ma ni roi rip lam amyu myu hku dip dik shalai rai la dat galaw nga tim kadai mung hpa nlu galaw nga ma ai le nga,dai nrawn alai hkum lang ya kade nna yang hpawtni hpra ni hkrat sum mat gin hka je yang hkrum na ma ai.K K hpe hkapla kam sham ai ni nrai ma ai.K K hpe hkapla kamsham sai ni gaw ru sai myu kaba ladat lang ra nga ai.
Hpakant lam sha nre shanglawt up hkang ginra ngu na yawng ram hta dai zawn byin taw ma ai.. nkam tsun nna she re.. tinang ta tut kaw nlu shanglawm taw shi ai majaw yu shalai, madat shalai ai she re.... hpa nseng ai num ma ni hpe du hkra sinat shachyen dan nna sinat hte hkap madi ai,,kade lang tsun tim atsawm tsun u gap sat kau na nga hkrai jahkrit nna san jep ma ai wa re.......
Kadai mi rai tin Anashin gumshen ladat hte mung shawa hpe shagyip shagyeng galaw jang gaw madi shadaw na nre. Bungli hpe chyawm gaw hkrak tup galaw mu. Mara lu ai ni hpe rim mu. Damjaw mu. Rai tim zai mazut ai ladat galoi mung hkum galaw mu KIA ni nanhte hpe mung shawa ni n madi shadaw wa ai shani yawng a matu hkrat sum lam ni rai wa na hpe galoi mung dum ga. Hpa galaw tim mungshawa a matu, mundan a matu sha myit nna galaw ga.
Tsa chyaru hpe aja awa koi gam ga law,,,Tsaw ra ai KIA/KIO hte Myu sha ni e.
Karai Kasang n-ra dik ai arawn alai ni hte sha naw a sak hkrung nga ga yang gaw, WP sha ni aq Awng Padang Yehowa, hte tsan mat na ra ai.
An hte WP myusha nyi kam ai Karai Kasang gaw Chyoi pra san seng dik ai Yehowa re.
Myusha nyi Yawng hpe Tsawra let,,,,,
Anhte a lapran kaw tsadan gaw chyinglau nga ai,akyu grai hpyi ga.
grai htuk sai mahkar sun shaga mat wa ai... Rai tim myit gaw nhten ga lu oi... shinggin masha a hkrum lam gaw galoi mung tinang a pandung hpe lahkam ai ten hta gaw ... ndawm nyawp ai hte myitru myitsang ai lam ni gaw pru wa chyalu sha re ai hpe tau chye da ra ai.. anhte kam hpa nga ai KIO/KIA myu tsaw ni hte anhte a lapram jahten jahpya hkyen ai sadan gaw dai sa lu sharawg ai myu tsaw hpyen la hpe jahkring mi na lapran hta jai lang kaw dai ai rai nga ai.. dai majaw myu anhte myu sha ni gaw myit ndaw mat na matu dai hpe galoi mung dum nga ga lu oi... yawng hpe hkungga let..
Umm!! Hpyen la ngu ai gaw gara myu sha hpyen la rai tim kalang lang myit shazai rawng wa ai ni nga ma ai. Rai tim mung ah hte Myu sha ni gaw Karai Kasang hpe kam sham ai myu sha ni rai ga ai majaw, N dai baw mung masha ni hpe roi rip ai myit gaw galai shai ra ai. Myu sha, shada da tsaw ra ka hkin gum din ra ai. KIA/KIO ning baw ning la kaba ni gaw Karai hpe kam sham let woi awn dan taw tim la wu kaw na share shagan ni gaw n dai zawn roi rip ai lam galaw taw yang gaw, myen hpyen la ni hte bung taw sai..Na yawn hpa le.Mung ma sha ni hpe myit ma chyi shangun yang gara hku na , galoi me she Ag Padang lu na ga ta?..... N tsa kaw na Ning baw Ning la ni hku n`na ja ja shadum ja hprang ya na hpe hpyi lajin mayu ai law.
Myu tsaw Mung tsaw share shagan ning hkring ni yawng hpe tsaw ra hkung ga let,
Tokyo shayi,
SHAWK SHAWN LAIKA HPE SENG ANG AI GINJAW DE SHALAI MU.ANHTE MUNG MASHA NI HPE TSUN DAN YANG GAW HPA AKYU NNGA AI.KIA HPE NJU NDAWNG AI NI GRAU GARU JAHPOI WA NA RA AI.SHAWK SHAWN AI WA NA MYING, HKRINGDAT, TA MASAT HTE HKRAK RAI GINJAW DE SHA-GUN DAT MU.NDAI ZAWN (KIA HPE TSAWRA AI MYU SHA NI) NGA AI HTE SHA GAW TARA NSHANG AI.KAJA SHA MABYIN DAI TEN YANG MUNG KIA HPYENLA NI HPE SENG ANG AI DAP BA, DAP DUNG KAWN AHKYAK LA ,(SNR)SHADUM JAHPRANG WA NA RA AI.
Lu mayu yang mung mai lu ai le, ratim anhte a ahkying aten hpe anhte zai hte chye jai lang ra na re, anhte a myu sha ni yawng a kraw hta kio,kia MHH ni hpe galoi mung arawng la let n gun lu ai, raitim ndai zawn re lam na lu yang gaw, myit npyaw ai, mung masha ni nanhte kaw nkam tsap mat yang kio,kia MHH ngu ai gaw hpa byin mat wa na hpe atsawm sha she myit yu ga.
Mabyin hpe KIO tara rung de dan tawk shawk shawn nna tara ai hku n galaw ya ai rai yang she ndai zawn internet de mara yang kaja na re. MHH kaw gaw masha hkum ai. Myen ni mung MHH dazik hte hpakant lam de grai galaw sha ma ai. rai tim KIO tara rung kaw shawk ai rai yang a hkyak la na hpe kam ai. Laiza de mung dai zawn re ai mabyin ni hpe shawk ai ni nga ai majaw ya yang shawng lam de rawt na myu tsaw hpyen la ni hpe tsa chyaru zep kawp n lang shagun ai lam hpe mu lu ai. Tsa lum bam hkawm na tsang ai majaw MP hta jan nna kaga hpyen magam gun yawng shana hking 9pm kaw nna n le shagun ma ai. dai majaw KIO tara rung de laika tang shawn mu.
Anhte ni Awng Padang a matu grai kyuhpyi taw nga ai ten hta, moiprat na rawt malan masa zawn mungchying sha ni hpe shagyeng shama galaw jang gaw grai n-manu la ai, Myen ni jahpoi asawng na mahkrun nbyin hkra ya na zawn re hpyen magamgun ni hpe KIO ginjaw salang ni ari jaw ra na re. Mungshawa n-gun grai ra taw ai ten hta myit hkum shayawn mu.
comment ka mat wa ai ni hpe hti yu yang KIA hpe nra/nju na ka ai gaw nrai nga ai...KIA hpyen du/hpyen la nkau mi a galaw ai ladat, arawn alai ni hpe shading sharai ra ai hku nna rai nga ai...
ntsa kaw comment jaw ai manang wa chyawm bedin hkaw yang hkrak na re. Kia/kio hpe nju ai rai jang myen ni a jahpoi ah sawng mara tam ai shiga dap ni hpe shana na rai nga ai le. Ya na zawn tinang shada shadum hkat ai gaw KIO/KIA ni hpe hkawm sa tsun shaga ai sat lawat ni galai shai let shawnglam hta shakut nga ai ni hte anhte mung shawa ni yawng langai sha, maren sha byin shangun mayu ai majaw tsun shadum nga ai re. Moi shawng hkan e gaw hpyen lahkawn jang shagyeng gyit nna lahkawn la ra ai. Ya hpang de gaw tinang hkum nan sa shang lawm ai grai law wa ai. Ndai gaw anhte yawng shada hkuhkau tsawra masin salum makyit nga ai majaw rai nga ai. Dai majaw KIO/KIA hpe mu jang yawng hkrit ai hpe ra ai kun? shing nrai tsawra kam hpa ai hpe ra ai kun? ngu ai gaw shawnglam na hpyen du, hpyenla ni a arawn alai sat lawat hta grai madung tai nga ai hpe myitdum shangun mayu ai. Shing nrai jang TAI hpyen, lagyi kar ni mahtang Mintar byin mat na zang ra ai.
Jaw tim shut tim madi shadaw ai gaw Jinghku kaja nre, madu myit rawng ai wa nre. Jinghku kaja, amyu hpe kaja wa tsawra ai wa gaw anhte KIO/KIA hpe jaw ai lam kaw madi shadaw, n jaw n ang ai lam kaw shading sharai lawm ra ai. Shada da hpaji jaw kaja ai lam de du hkra jawm shakut ra ai.
1) Ndai mabyin gaw Dung 11 na hpyenla nkau a sat lawat re. KIO/A yawng n re hpe shawng dum ga.
2) Ndai dat a Dap up Du Jum hte Ba 2 up ni hku nna ndai hpyen la ni hpe san sagawn sadi jaw yang kaja na re.
3) Shing n rai hpyen dap shagu byin chye ai hpyenla nkau a sat lawat a jaw e myusha ni a myit hkrum lam hte anhte a pangdung hpe mung hkra wa mai ai.
jinghpaw wunpawng mung shawa ni hpe si mani ai lai ladat ni hte tsun shaga, up hkang sa wa chye na lam hte seng nna ginjaw KIO kawn hpyen du/la ni hpe matsun madun tawn da yang.. she grau kaja wa na re..up hkang ai asuya ngu ai gaw tinang a mung shawa ni hpe jahkrit, shagyeng na matu nrai...mung shawa ni hpe shim lum ai hku makawp maga na hpe sha mung shawa a hpyen la ngu mai nga ai.
Anhte a awng padang yahowa karai kasang nga ga baw hte karai kasang hpe kam hpa na majan kasat ai hta law law awng padang dip la lai wa sai,dai majaw k.i.a hpenla ni gaw GOD army ni re ngu ai hpe myu tsaw share shagan ni yawng dum chye ga,nanhte a hpang kaw myu sha kaji kaba dinggai dingla,hpung sara ni tsun ndang hkra kaloi mung kyu hpi ya nga ai lam hpe mung myit dum ga,daini nanhte gaw myu a gawng malai ni re majaw mungkan ting azi yu nga hkrum ai ni re,dai majaw lapu zawn zai ladat rawng ra ai,ya ten k.i.a hpenla 1 mi shut ai gaw k.i.o/k.i.a asuya ting hpe grai ahtu hkra ai,myen sawa hpenla ni hpe mungkan ting jawng ai zawn anhte hpe mung masha ni hpenla 1,2 a tsa chyaru lu na nhkru nshawp ai lai len ni a majaw yu kaji,jahptak jahpoi asawng wa na,ya ten k.i.a hpe baw sang ni yawng grai yu kaba ngun lu,kasi la taw ai ten re,dai ten hta anhte hpenla ni maru marang nrai ga lu oi,lit ang ai hte maren san jep ai lam hpe gaw grai nan jep jo ga,ya ten j.p masu spy ni mung grai nga ai,rai tim dai zawn lit ang ai ten tsa chyaru tsep kop nlu sha ga,anhte gaw k.k a hpenla ni re majaw kasi kaja tai ra ai nrai yang jinghpaw wunpawng myu sha ni hkrit ai moi na k.i.a hpen dap bai tai mat na lu oi,hpen majaw a majaw dudaw sai hkaw hkrit nna hpenla nkam kalaw na hprawng hkawm,hprawng yu wa ai mung shawa ni mung tinang a share shagan ni hpe hkungga ga,tsaw ra myit mung madun da ga hpi nra hta nra hkra gumhpraw mung dangdi ai ram karum na lai wa ga,nang ndang kalaw ai,nkam kalaw ai hpe manang ni asak rang na kalaw taw nga ai ngu ai hpe mung myit dum chye na ga lu oi,e myu tsaw hpenla ni e myen miwa ni hpe chyawm ahkun hkangse law law hta ga,dai ni gaw prat ting w.p mungdan na sut gan ni hpe mayu sha ngut sai ni re majaw grai hta la ra ai,dai myen miwa ni gaw anhte mungdan kaw nga nna sumsa lam la da ai ten wunpawng mungdan shanglawt asuya hpen dap,hpenla ni hpe myen ni a wansat(ayan mitat)hpung ni hpe ram pi nhkrit ai re,grai roi lai wa sai re,dai majaw ya ten maw ga kabye ai myen miwa ni yawng hpe hkum ding dek nan hta ra na re,anhte j.p wunpawng shada gaw nhta ga,rai tim tsaw ra myit hte jaw da ai hpe gaw la ga,myu sha shada shagip shagyeng ai lam tsep kop nkalaw ga lu oi,k.i.o ningbaw ningla ni ndai lam hpe gaw grai nan jep sagawn ra na re hpang de dai hku matut bin taw yang grai yak wa na re,rai tim dai shawk ai wa mung myen a masha mung mai bin ai.
lahta na ni yawng a ning mu ni yawng grai hkrak ai,rai tim anhte mung shawa ni mung tinang a share shagan ni hpe chye hkungga tsaw ra ra ai,magam lit hte jep ai hpe atsawm sha hkam la ra ai,bai dang di ai ram mung karum da ga,asak rang na myu a matu shakut nga ai ni hpe mung chye na ya ga,tinang gaw hpen majan hkrit hpenla nkam kalaw,mung npyaw ai hte hpen yen yen,koi yen hkawm ,myu hte mungdan a matu hpa nkam kalaw,mung pyaw yang gaw kalaw sha na nga ai baw gaw nbin na re,yak tim rau rai ra na re,mai bin ai ram gaw karum da ga,hpenla nkau mi mung grai nan zai nna nhkru nshawp ai ni nga ai,magam lit ang ai ten tsa chyaru lu na san jep ai gaw grai nan zai ai ga re,madang nga ai kara mungdan a hpenla ni mung dai zawn nkalaw ai,dai zawn kalaw ai lam gaw mung shawa hte k.i.a hpe daw hka sha ngun ai lam re,dai zawn kalaw ai hpenla ni hpe jaja ahkyak la ra na re,rai tim dai shawk ai wa hpe mung atsawm naw san sawk ra na re,dai wa mung myen a masha mai bin ai,ya gaw jinghpaw ga ga ai j.p masu myen spy grai nga ai.
Seng333 tsun ai jaw ai.!Myu sha sha da da hkung ga hkat ra ai.Dai rai yang she mung shawa kaw na madi shadaw lam grau lu la na re.
Mung shawa yawng yawng chye na matu Dai gai wang na rip kawp hpe mung masha ni hpe lawan ladan shana ra ai hpe mu mada ai ,an hte myu shani yawng mung ya aten hta KIO a matsun hpe madat mara ga,myu tsaw share ni mung bungli galaw nga ten tsa charu nlu yang hkoi kaja na re ,an hte mung masha ni mung chye na ya ga matut nna myit hkrum lam hta sha hkawm sa ga lam woi kaja ni gasadi dung ga hpan hkan kaja ni madat mara ga
Byin wa ai shara gaw dung 11 ginra nre. Dung 6 ni a shara she re.
Ndai laika ka mara ai wa gaja ten ai lam re yang hpa majaw KIO/KIA GINJAW de tara shan nshawk shawn ai ta?NET de shawng mara dat ai ngu ai shiga gaw yawng myit yu hpa re.KIO/KIA hpe yawng kam hpa ngun jaw madi shadaw nga ten Shanglawt lu na tsan ai myen ngyi kasha/myen shat sha ai wa nang re na re.WP sha ni myit yu na she comment jaw hkat ga.Nang ngai hkam sha ai lam gaja wa ten ai shiga ni hpe a ding tawk KIO/KIA Ginjaw na kioccrung@yahoo.com mail de ka bang ga.Ginjaw na sen ang ai tara hte hkrat lajang na re.
tsawra ai Jinghpaw Kasa e...WP Sha ni a shawng lam kam maka a matu grai ahkyak ai aten hta n'dai zawn rai n'na anhte shada myit n'payaw hkat na zawn nga ai baw shiga ni hpe gaw hkum mara ya marit law.byin mai ai daram ip da ya mi.SUMPRAT KABA byin wa chye ai.hpyenla langai a n'jaw ai sat lawat a marang e KIA yawng hte hpe hkra machyi shangun nga ai.PADANG HKRUNLAM a matu KARAI KASANG a myingningsang hpe gang let KIA/KIO hpe madi shadaw n'gun jawm jaw nga ai ten re..comment ka ai myitsu ni mung grai sadi sahka ai hte jawm hpaji jaw hkat ga law....
Post a Comment