September (13) bat Mali
.jpg)
Wunpawng Mungdan Shanglawt Asuya Sinna Ginwang Dap Ba (2) Ginra Uru Seng Maw Hpakant Maw Wan Maw na maza sumpum, mawdaw lam hpunggaw kaw lai lung wa ai myen asuya hpyen hpung ni hpe dai na maga hkying (3:45pm) ten hta KIA myu tsaw share ninghkring ni kawn remove bawm hte hkap gap gasat lai wa sai lam shiga na chye lu ai. N dai zawn bawm hte hkap gasat ai hta myen hpyen la (10) hkala hkrum lai wa sai lam na chye lu ai. N dai zawn hkala hkrum ai myen hpyen la ni gaw mare de shang na hkrup mara sinat wa kapaw gap dat ai lam. Myen asuya hpyen la ni n dai zawn mare de wa shang gap dat ai majaw Maw Wan Mawk Kawng kaw dung nga ai myen asuya hpyen dap ni kawn Shanglawt hpyen la ni shang gap ai shadu nna Maw Wan Mare kaba de myawk kaba ni hte (5:30pm) ten ram du hkra gap sharu bun lai wa sai lam shiga na chye lu ai. Myen hpyen ni hkrit kajawng nna shada gap hkat bang wa ai re lam buga masha ni kawn na chye lu ai.Myen hpyen dap ni gap dat ai myawk kaba pala ni gaw jawng yu ten kaw ang nna jawng ma marai (7) hpe mung hkra mat ai lam na chye lu ai. N dai zawn hkala hkrum ai ni gaw Myitung Pan hpe lagaw kaw hkra ai lam, Galau Yaku (Mare masha) ngu ai hpe gaw kan kaw hkra nna, ya yang hkala hkrum ai jawng ma masun hpe gaw mung shawa tsirung de du taw sai lam, jawng kaji lung nga ai la kasha langai mi gaw si hkrum lai wa sai lam shiga na chye lu ai. N dai Mawk kawng kaw dung nga ai myen asuya hpyen hpung ni hta Maru ga, Rawang ga shaga ai hpyen la ni grai lawm ai lam hpe mung bunga masha ni kawn na chye lu ai.
12 comments:
Marai10 si galau taw mat ai nga ga si hpe grai sha ra mat sai,mani hkala nba hkrum ai gaw myit npyaw ai,majan byin sai hte gaw mung shawa daq tsa kaw hlra machyi na gaw shi.g tawt nlu ai masa rai sai hku re,yawng a ntsa K.K sha man ya u ga
wunpawng ga sha ga n na wunpawng sai nrawng ai ni hpe shawng shingte kau ra ai.ga ra hku sha dum tim nmai sai ni re wunpawng myingg mying n na wunpawng sai n rawng ai ni re myen num a labu n purawng na ni.kashu kasha ni a yubak tam da ya n law dum ai re...
Tinang amyu hpe pyi bai gawa ai gaw, wunpawng ajet gaw rai nga ai kun? Dai myit su wunpawng jahten ni hpe lawan sharin shaga kau ra sai. Nrai yang yawng yet mat na. Myen a nchyang galaw nna ma ni hpe zing ri ai gaw ganang na paw pru ai amyu kun? Wunpawng amyu hta ndai zawn maka nkap ai bungli galaw ai nnga ai. Myu tsaw share shagan ni e dai ni hpe jahkrung rim la nna atsawm sha sharin shaga ra sai. Nrai yang wunpawng sari hkrat mat na hkyen nga ai. KIO ningbaw ni e asak sum mat ai jawng kaji ma a kanu kawa ni hpe atsawm sha lakawn n gun jaw la ga, bai nna hkala hkrum ai ma ni hpe mung atsawm sha tsi lajang ya ga. wunpawng amyu ni e hpyen yen nna sha gaw nmai sai, lu ai lak nak lang nna nga ai shara kaw nna Shawng lam na myutsaw share shagan ni hpe garum ra sai. Dai rai yang she awngdawm lu lawan na re. Hpang kaw sha nga nna garu gachyi nga nna myu tsaw share ni hpe myit Pu ba shangun nna sha gaw nmai sai. Yawng a ntsa kk bau sin nga u ga
A ka law! Anhte a kashu kasha, ma kaji ni hpe dikhkra makawp maga ga! Myen 10 hpe lu kapaw kau ai hta Pawngyawng jinghpaw ma kaji ni 7 ting hpe bai hkala hkrum ai gaw grau sawng machyi ai. Jawngma ni jawng yu ngut nna dum nta de zupzi wa ai hpang sa htimgap kasat shamyit yang grau kaja na sai.
Hpakant mare hte maw ginra ni gaw grai ni htep ai re majaw jawng ni hpe mung pat jahkring da yang kaja dik sai. Myen hpyen sawa ni gaw "kadai si tim si, ngai nsi yang ram sai" nga myit jasat rawng ai hkrai re. Hpakang ginra hta majan kasat ai gaw, grai zai ladat kaja shaw let htim kasat, hkap kasat ra na re ngu, hpunau ni hpe shadum dat ai law.
Karai Kasang Wa e, anhte Shapawng yawng(Kachin) myu sha kaji kaba yawng hpe tut nawng bau sin garum la rit law.
Dai sawa Myen ni hpe Nahtam(NAI) ni law law Hkai da ya, Shauk pan(RIHKAW) si ni law law noi da ya rai hkap tau la ai Masat (6) Dung daju ni hpe grai chyeju dum ga ai law...Mung shawa hkra machyi wa na zawn re aini ladat hpe sha loi sadi ya mi law.....Mungkan jut shara shagu kaw nga ai Wunpawng Myu sha ni mung dang ai kan dang hpe hpai nga ga ai ngu n gun jaw dat ga ai law.....
Lahta kaw tsun lai wa sai ti-nang hkum hpe ti-nang bai kawa ai ni hpe gaw lau lau sat kau ra ai,Kadai hpe myi rai rai kaja wa teng jang gaw sat kau ai gaw kaja dik re,Hpung sara/Hpung up myi rai rai myen wa maga de kaja nan tsap nhtawm ti-nang shan hpe bai kawa ai hpe gaw sat kau ra ai,Ya yang ndai zawn re ni gaw hpang de K.I.O/K.I.A ni ahkaw ahkang kaba bai lu jang bai maidang hkan mata na ni re ma ai.sadi maja ga.Pang wa na Lachid ni mung ka-ni sun nlu kalaw mat na tsang,nlu dut sha mat na tsang di sha K.I.A hte K.B.C grai nkaja ai nga jahpoi taw nga ma ai.Mung shawa yawng K.I.O/K.I.A woi awn ai kaw hkan sa madat mara nga ga.K.I.O/K.I.A hpe ning hkap ai lam tsep kawp nkalaw ga,K.I.O/K.I.A a ladat nkau myi njaw nhtawm dinglun ai lam hta lai na ninghkap ai tsep kawp nkalaw ga,sadi maja nga ga lu oi
K.I.A/K.I.O hpe aja awa madi shadaw sa wa ga.Lam shagu hta hkum tsup na gaw yak gara mung dan kaw mung ningra ai lam loi li gaw nga chyalu re.Madung gaw myen gaw anhte a hpyen madung re ngu hpe dum jang kadai hpe madi shadaw ra na gaw chye na shadu ai.
maru ga ra wang ga ga ai ni ya ten du hkra hpa na myen hkri kan sha ma ai kun.nkam tsun ai tsun jang mung la nmai na ra ai grai ngawk ma ai.madu ai myu sha dap gara kaw nga ai nchye ai masha ni.dai ni shangai da shi chyi dwi ni hpyi lupwa kawng kaw na myit malai she nlu nga ma dawng aga.........ah...
Mungkan gara jut kaw nga nga ai Maru la hte Rawang la ni e nan hte a sai kaji ai amyu sha midi angawk dik ai ni hpe lau shadum mu law shing nrai yang sat katut na yaw ,an hte sat ai sha nga hkrit hpa NGARAI mung de yaw.
Nang gaw jinghpaw jet jet re gaw re I Na Dwi Nang Na jinghku nI kaw maru rawang sai nlawn jang sat kawn Na nga ga tsun u yaw
myit n,su ai gaw kara myu lakung hta mung nga ai.anhte shada ga sha law hkat na lam n,nga na re. dai myit n,su ai ni hpe myit malai lawan lu na matu chyawm gaw yawng kyu chyawm hpyi ya ga.anhte myu sha ni mungdan lawan lu hkra she chyawm shakut ga.WP mungdan lu na matu lam magup hta woi ningbaw nga ai ningbaw ningla ni hte myu sha yawng a kam hpa tsaw ra ai KIO/KIA DU kaji, DU kaba, share shagan hpyen la ni yawng hpe KK tut e bausin ya nga u ga. awng san kaw hpa re n,lu ka law yang anhte ni shawng gap dit la kau ga. shing n,rai yang.........myit yu myit yu ga.
dai maru ga ga ai, rawang ga ga ai hpyenla ni gaw Zahkung Ting Ying, Mawsi dung dingla wa a hpyen ma ni rai nga ai, grai myit npyaw sai anhte wunpawng jawng ma ni si hkala ma ai majaw. Goi e, galoi wa she majan zim na kun,Myen si baw ja ni Jinghpaw mung de hkum lung wa manu. Gumsan magam Htanshawt Thein Sein wa e, lawan dawm kau sanu ngu kyu hpyi nga let.
Post a Comment