Slideshow Image 2

SARA AWNG MYAT HPE MYEN HPYEN NI SHAGA NNA SAN JEP

September (14) bat Manga
Jinghapw Mungdaw Myitkyina Buga Hkalup Hpung na Sara Awng Myat hpe myen asuya hpyen dap ni dai ni shaga nna san jep wa ai lam ni galaw law lai wa sai lam shiga na chye lu ai. Sara Awng Myat gaw Janmai Kawng hpyen yen dapbang hpe yu lajang nga ai lit hkam Sara re lam, dai ni daw hta myen asuya hpyen la ni kawn Dap Kawng na Balik dap kaw shaga san jep ai re lam na chye lu ai. Myen asuya kawn Shanglawt hpyen la re ngu nna rim la ai Slg. Brang Shawng hpe mung dai ni Sara Awng Myat ni hte rau sha san jep ai lam galaw lai wa sai lam, rai tim Slg. Brang Shawng hte hkrum shaga na a hkaw ahkang n jaw ai lam, tsan tsan kaw na sha Slg. Brang Shawng hpe mu dat ai lam mung na chye lu ai. Dai ni daw hta san jep ai lam n ngut ai majaw Sara Awng Myat hpe dai na de myen hpyen asuya a dingdung ginwag ginjaw dap de shaga la nna bai san jep ai lam mung na chye lu ai. N dai zawn Sara Awng Myat hpe san jep ai myen hpyen du ni gaw Naypyidaw de na lak san du sa ai myen hpye du ni re lam hpe mung na chye lu ai. N dai zawn shaga jep ai lam hta Sara hpe hpa manghkang jaw ai lam hte ya ten myen hpyen dap kawn nta wa lam kaw bai rai taw sai lam hpe matut na chye lu ai. Sara hpe Slg. Brang Shawng a hkam ja lam hte seng nna san yu yang, Sara kawn tsun dan wa ai hta tsan tsan kaw na sha mu ai re majaw hkrak nchye lu ai lam, hkam ja ai zawn gaw rai ai lam, raitim kata lam hpe gaw hkrak n lu tsun ai lam Jinghpaw Kasa de tsun shana wa ai.

3 comments:

Larin said...

Manang sara Awng myat a n-tsa Karai chyeju lawm nga ai hpe kam ai hte tut nawng lawm nga na matu kyuhpyi dat ai...... Hpa hkum tsang yaw Awngmyat, anhte galoi mung kyuhpyi nga ai.... hkamja lam sadi nga u yaw... sadi maja let hkawm sa hkawm wa u yaw...

Anonymous said...

grai na myit machyi ai rai tim sara awng myat hte galoi mung kk gaw rau rai nga nare hpe kam ai hkamja kam sadi u yaw.hkamja nga yang hpabaw amu rai tim dang manga lu ai KK tut bau sin u ga....

lamungnawnaw said...

sara hte hpu brang shawng yan a n.tsa kk tut bau sin nga u ga.dai chyoi pra wenyi gaw sara kaw shanu nga na lam shagu hta AWNG wa u ga.

Post a Comment