Slideshow Image 2

SENG JA BUM NA KIA MYU TSAW NINGHKRING NI A SHAGUN LAIKA

Lai wa 2011 ning na lanam ta hta gaw, Sam Mung, Manmaw Ginwang, Sadung Sama Ginra hkan e gasat gala ai sinat mahku nsen ni gaw shani shana n sim nsa ninghkap shingla gasat awng dang kau ai alang lang, sum tsan kaw na, madat yang grai pyaw ai, grai n-gunlu, majan shiga n na lu yang shat sha pyi n mu ai, kaga baw yin n kap tim, majan shiga yin kap mat nna, yup n lu sha n mu, Chyurum Wunpawng Sha ni, Moi majan gasat ai lam hta ningtawn ai nga na sha na yu ai wa, ya daini... kaja wa nan rai nga a hka!! ngu nna shani shana Karai Kasang a chyeju hpe hput di let shakawn lai wa saga ai.

Dai ten hta anhte Uru Sengmaw ga de gaw, Wa La ni wa rap hte rap rai nna, UBA-Cup ngu ai gawdin ninggang hpe ga law hte shem nga nna, htawng gin sup ai gaw Sharaw Hka Wa La ni hpai sha mat wa masai re.... Ya daining na UBA-Cup gaw Sharaw Hka hte Seng Ja Bum lapran kaw she, Champions League hpe madu tai nna bai hkap la let shakrip jaw nga ai gaw, Nu wa Myu Wunpawng sha ni yawng a akyu hpyi karum ya ai nsen hte, Karai e karum ai majaw, Quater Final kaw Goal-50 jan dang, Semi-final  kaw mung Karai a mauhpa atsam hte, Goal-80 jan dang rai nna, ya gaw Final poi kaba htawng na matu jin jin la taw nga ai bat mi jan shaman shakyang ding yang rai nga saga ai. Nu, wa myu sha ni yawng akyu ja ja naw hpyi ya nga ai nga shiga na lu ga ai majaw, jahtum (Awng Padang Mungdan Ninggang) ngu ai lu nan lu na re ngu nna myit mada let shakut nga ga ai re.

Dai rai yang maning hkan poi garai n du shi yang gaw, yaw ga, nut ga, shakrip ga den jaw na re, nga nna manu mana manang wa hpe shawng de kanawng shadut nna tsun n-gun jaw lai wa sai, Kanu Kawa, Kahpu Kanau n kau mi gaw, (N-gup gaw baw law ta gaw lagyaw, Chyahkyi a sau sau, chyahkan lagaw run) rai, wa kau da masai le.... Grau nna lahpum malu na re nga ai ni wa ya ra ahkyak jang mye rai tam shamat kau saga ai le..

E... e.. manang ni e nanhte gaw simsa ai shara de, hpa myit n pu n ru ra ai, tinang a dai daw dai hpang ga de lu du mat saga ai ngu nna gaw hkum myit kau mu yaw.... Anhte a lamang n ngut shi nga ga ai.... Nang e hpyen yen yen nna na a htingbu manang nta masha ni mung ayak ahkak rai, myu tsaw share shagan ni mung, Maning gaw Lungseng Dat wan lang, daining gaw, Naypyidaw na manang la ni sha na matu Baq-yi (8-1) ngu ai hpri machyu si kumhpa ni lajang da ya rai she, Myusha ni a Mungdaw Mungdan lu na matu shani shana n yup n sha shakut nga saga ai.

Hpakant ga na Lungseng a majaw nga pyaw nga sai manang ni yawng hte e.... tinang a buga ginra de du mat ai rai tim, anhte hpe naw myit dum let, lam amyu myu hku nna naw shakut shaja lawm marit ngu nna nja nhpra numhtet dat nngai law.

Seng Ja Bum na
Tsa Doi La, Myen Htim Magra

19 comments:

Nguo baw law said...

Tsa doi la myen htim magra e,,,,,grai myit dum ngun jaw nngai,nang tsun ai hku teng sha hoyen ni hte hkrum jang .ngai gaw akyu she hpyi ya na yaw nga de she rai mat sai lo,,,,kyu hpyi duum nga na.

Ma Brang said...

Ya a ten hta gaw Majan pa de n du ai Kanu kawa kahpu kanau kahkau kahkri karat hte kani katsa yawng mung Shawng lam de mi n sa tim myit pu Ba ai a tsan dat ai lam gaw yawng tinang lu galaw aimadang hku shang lawm nga ai re. Tinang man ang ai hta a put a pair n nga ai sha Shawng de pandung du hkra shakut nga ga

Anonymous said...

Myutsaw share shagan myitrum manang ni nanhte yawng hte rau rai nga ga ai. Yehowa Karai Kasang a Awng Padang ninglaw gaw KIA myu tsaw share shagan yawng a ntsa tut rau rai nga u ga law..

Anonymous said...

buga de rai tim gara kaw rai tim tinang jinghpaw mung gaw tinang a bu ga nan rai sai nga ai sha ra kaw na ninghkap sa wa ga

Anonymous said...

net hkan na ka ai ni law malawng gaw akyu hpyi lawm nga ai, du ai shara na galaw nga ai nga ni chyu law nga ai...tim anhte ta tut shawng lam hta masha n'gun grai ra nga ai masha n;gun nlaw yang tai hpyen wa hpe akyu hpyi na sha dang na lam nnga ai...dai hpe ma sung sung sawn lawm marit oi <chyahkring mi wa gan galai nga ai ten ka dat ai..
shawng lam

Unknown said...

ngai maigan mungdan de sa ai gaw ya na zawn nngwi npyaw nga ai lam ni hpe prat ding sa wunpawng a myu ni a kata kawn shamat kau na matu re .majan chyu gasat di gaw ngwi pyaw na nre hpajyi hte majan pawng yang she mai na re majan gasat ai shaning malishi jan sai lak lai wa ai lam nau nnga ai hpe mu lu ai

Unknown said...

a

tawng said...

yhu

lagang said...

la nan hte e.. hpyen ngun nlaw tim karai wa kaw kam sham ai myit hte hpyi yang gaw teng sha nan awng dang nga ai law ya jang nan hte a myi n pu kaw nan sak se madun sai lam bai malap kau masai yi? ya hte sha wan yam gudawng hpe karai hpabaw galaw dat a ta?hpyen n gun hte sha dang ai baw rai yang gaw myen ni an hte rawt malan hpung ni hpe dang kau ai na sai gaw a tsawm sha sadi sahka let tara hkan ai hpen la wa gaw galoi mung n hkrat sum ai lam hpe yawng hkam la let n gun nlaw tim hpa myi myit hkum kaji taw nga nut lu hta she hkan ai law la nan hte e...

Anonymous said...

Karai Kasng lawm yang she hpa mung awng dang ai law...

Tsaw ninglen said...

Hkungga lara let sengja bum na agu Doila Congratulation hkungga ai yaw ,An hte ni tsan ai shira du mat wa tim Agu la hte rau sha re nmalap ga ai kangka let akyu hpyi nga ga ai ,magam bungli ni mung shakut lu ai ja gumhpraw ni hpe amyu hte mungdan a jut mi kaw mung jaw bang ,tsinyam dabang de mung n-gu ,jum,majap a matu shapyi ngu nna shita shagu nhprai shagun masu nga ga ai rai tim shawng lam de na gawdin ginsup ning hkring kaba ni a matu nhkyen kau ai majaw tawngban dat ga ai law,ya Final pyi du taw sai wa aten dep shakut dat na ga ai ngun tsi ni,gawdin jepdin ni buhpun palawng ni shagun na re ngup mung n-baw law na re,lata mung n-lagyaw na re ngu grai myit nsu saga ai grai tawngban ai law Myu tsaw ning hkring ni e ,law law shaman nna maja let nga nga na matu ma shadum dat ai ,an hte ni ya na bat mung ninghkap poi lamang matut galaw na re ngu mung jahta dat ai law,
Tsawra ai kanam
shanpraw buga

Anonymous said...

Karai Kasang bungli galaw nga ai re majaw, masha law nlaw hte gaw nseng ai, tinang a kam sham ai myit masin hte sha seng ai,myit kraw kata kaw na kam sham ai myit masin hte gasat jang lam shagu hta teng sha Awng Padang dip la lu na re. gara kaw mi du du Karai Kasang hpe Kam Sham ai myit ngang grin let gasat sa wa ga ...akyu hpyi ai ni mung hpyi nga ding yang re..shawng lam kaw nga ai share ninghkring ni hpe galoi nmalap ai.Anhte mung nan hte zawn sha yup npyaw sha nmu, hkam sha let akyu hpyi nga ai re.

Anonymous said...

majan ngwi kasat na hpyen yen yen hprawng hkawm ai hpakan bu ni e,na nhpu nnau,nshu nsha sawng hpe myen sawa ni sat nat roi rip ya yang she shum yawn taw yaw,myen hpe gaw ahkaw ahkang nga ai ten lai sai prat ting na myen zingri dip sha ai maroi nni hpa ni hpe ya matai htang nut jaw raq ai,dai ten hta me hprawng hkawm taw mu.

Anonymous said...

KIA Hpyen ma ni gawdin g'sup ai da aw??? N chye na n na le!!!!!?????KIA/O Dukaba ni chyum majan gade kasat taw tim golf ginsup na ten naw lu ma ai le...P

Anonymous said...

grai kaja sai law.

Chyakyi Tu said...

Dai daram ram majan gasat nga yang Golf ginsup ai nga teng ani? mau dik mat sai nta wa mat nu Dukaba ni e..., npu na ni hpe shara jaw ging sai nau hpyau sai yaw....

Anonymous said...

Mana ni dai ram anya yang comment hkum ka shale mu le.nchye na yang gaw mahtai naw tam mu le.masha hpe ga tsun shut taw sai.tawng ban u lawan.ok?

Anonymous said...

Anhte mung anhte dangdi lu ai daram gaw dalaw nmga ga ai

gvflahtawsengnan said...

dai zawn re shi ga hpe lu hti ia majaw gria hkrak sai yaw

Post a Comment