Slideshow Image 2

SIN DUN

Pu gang  sin machyi ai annau ni tinang shan hpe mahti manai dat yang machyi chye nga ga ai zawn Annau ni Chyurum shada sai rum shada lama ma byin hkrum hkra yang myit hta hkam sha machyi chye ga ai zawn, Chyinghkai Kanu num ni mung madu kasha lama ma byin hkrum hkra yang chyupau machyi ai nga tsun chye ai zawn sai tsun ai zawn nga hkam sha ai, sai ga shaga ai nga grai tsun chye ga ai.

Dai  hte maren Aung San Suu Kyi [NLD] mi rai rai, 88 jawngma hpung mi rai rai, Thein Sein asuya rapdaw hpung mi rai rai, myen a makam masham hpung, hpyen dap hte kaning re uhpung uhpawng mi rai rai madu myu a matu madu mungdan a matu rai yang, ang ai gara shara kaw tim madu myu a matu asak ap nawng n'na shawng galaw shakut na hkrai re, grau n'na mung masa uhpung ni gaw myu myit myit n'na grau shakut na re zawn shada da masa masing mahkyen n'rum tim myu sha lam hta gaw hkrum ai hkrai re majaw myen ni yawng hpe hkrit matsat ai hte grai sadi ra ai.

Dai re majaw myen a kaning re uhpung uhpawng rai tim n'mai kam ai, 88 jawngma ni hte laga hpung ni yawng myen asuya a myi kaba, na kaba, bawnu kaba, kinyu kaba re hpe annau ni dum chye ra ai. Annau ni kinding aga de hkrai n'myit n'mada ga, lamu de na myi kaba na kaba ni hpe galoi mung dum sadi ra ai. Myen hte Miwa gaw ja gumhpraw arang kaba ma hkam n'na annau ni hpe shamyit na matu lamu de na ten hpring mada kinyu yu nga ai zawn n'bung hta na htinglet n'sen hpe mung ten hpring sagawn madat nga ai hpe dum ga. N'mu lu ai hpyen gaw grau hkrit ra ai.

Myen ni kaning re n'gun kaba hte htu shamyit gasat wa tim annau ni teng man ai, Tara lang ai hte kaja sha wa dang agrawp kau lu na re.
1-Teng man ding hpring san seng ai shinggyim nauna myit hte dang la ra ai.
2-Mung up ai Tara kanu masing jaw jaw lang n'na dang la ra ai.
3-Ninggawn mung masa Tara rapra ai hte dang la ra ai.
4-Tara je yang ai ritkawp Tara hkan sa nna dang la ra ai.
5-Hpyen dap a Tara kanu hkan sa n'na dang la ra ai.

Lahta de na ni hpe madung dat n'na tara ai majan hpe tara hkungga ai hte sadi dung ai hkam jan lu ai, myit ja ai, baw ja ai hte dang kau mai ai myit hkrum ai myutsaw mung tsaw shawang myit kaba hte tengman ai myit jasat hte hkrak Padang dip la lu na re. Dai ni annau ni shara dai lup ai dai daw ai buga re  maiwang dang ai, sha-it dang ai, madu udat urawng re majaw gara hku rai tin dang chyalu re tim myit marai gaw madung re. Myit marai n'gun atsam magrau grang ai myit share shagan ai myit hte teng awmdawm shanglawt lu na re.
Myen asuya hte hpyen dap gaw hpang jahtum ten du nga sai. Media shiga shabra ai shiga htawn ai, san htai tsun na ahkaw ahkang hte gasat ai hte ya ten hkyak hkyak Aung San Suu KYI hte Thein Sein u hpung ni hpe US du ai ten ninghkap n'gun madun lu na gaw mung masa laknak kaba dik re zawn mung masa amyet kaba re. Myen hpe mungkan hta dang agrawp kau lu na ninghkap majan re.
Galoi mung gasat ga.

Baren Numraw
20/9/2012

8 comments:

Anonymous said...

US ni n'gun kaba hte lu ninghkap madun na gaw ya ten ahkyak dik re.myen ngu ai kara hpe mung n'mai matsan dum ai.

Anonymous said...

awng padang kaba lu na re law US kaw Thein sein hte Aung san suu kyi hte myen yawng hpe kaya kaba jahkrum lu hkra kyu hpyi ga.myit kaba shajin tawn ga.

Anonymous said...

sukyi gaw u.s. kaw ta sa madang let la,ngut yang
bai hpyi jat rai nna mawhpyi zawn shye rai taw sai.
Dingman lam hpe n.tsun mat sai hte hpa shyimgyim ah hkaw ahkang lam mung n.tsun sai sadi ra dik re.

Anonymous said...

munghpawm lam mung galoi n'tsun sai su kyi hpe kara hku mai kam na.myen gaw myen sha re hpe atsawm chye gin sai.ninghkap tik tik sha mai sai.annau ni hpe n'dai ram sat sharu gasat taw nga ai Thein sein asuya hpyen dap hpe galoi n'mai kam ai.gasat tik tik galaw sha mai sai.myen gaw masu mung htum sai.atsam mung htum sai maigan mungdan ni hpe mung masu n'mai saihpe dum let ya gaw hpang jahtum n'gun hku US de dut lata hte maw hpyi hpyi nga sai.

Anonymous said...

Tsaw ra ai usa du wp myu sha ni e buga de na myu sha ni a myipri hte tsinyam hpe naw myit dum ya ai hte n dai ning hkap ning gung matun ai hpe yawng naw shang lawm ai hte ning gung ka ba naw matun dat ya marit ngu buga na myu sha ni hte wp myu sha ni yawng a lawt lu lam hta yawng shang lawm na hpe kam kaba dik let usa du myu sha ni hpe kam dik ai yaw ten sha kalaw ya myit yaw

Anonymous said...

Tsaw ra ai usa du wp myu sha ni e buga de na myu sha ni a myipri hte tsinyam hpe naw myit dum ya ai hte n dai ning hkap ning gung matun ai hpe yawng naw shang lawm ai hte ning gung ka ba naw matun dat ya marit ngu buga na myu sha ni hte wp myu sha ni yawng a lawt lu lam hta yawng shang lawm na hpe kam kaba dik let usa du myu sha ni hpe kam dik ai yaw ten sha kalaw ya myit yaw

Anonymous said...

Tsaw ra ai usa du wp myu sha ni e buga de na myu sha ni a myipri hte tsinyam hpe naw myit dum ya ai hte n dai ning hkap ning gung matun ai hpe yawng naw shang lawm ai hte ning gung ka ba naw matun dat ya marit ngu buga na myu sha ni hte wp myu sha ni yawng a lawt lu lam hta yawng shang lawm na hpe kam kaba dik let usa du myu sha ni hpe kam dik ai yaw ten sha kalaw ya myit yaw

Anonymous said...

Tsaw ra ai usa du wp myu sha ni e buga de na myu sha ni a myipri hte tsinyam hpe naw myit dum ya ai hte n dai ning hkap ning gung matun ai hpe yawng naw shang lawm ai hte ning gung ka ba naw matun dat ya marit ngu buga na myu sha ni hte wp myu sha ni yawng a lawt lu lam hta yawng shang lawm na hpe kam kaba dik let usa du myu sha ni hpe kam dik ai yaw ten sha kalaw ya myit yaw

Post a Comment