Slideshow Image 2

THEIN SEIN A MUNGMASA AMYAT HTUK AI LADAT

N-dai ten hta myen mungdan galai shai wa sai nga nna, mungdan kata/shinggan ni hta ram ram gumhkawng taw nga ai hpe nang ngai anhte yawng na pyi lahpang na daram rai nga ai. Mungdan kata hte shinggan ni hkan nga ai shiga dap ni yawng ngu na daram gaw Thein Sein a myen mungdan democracy gawgap lam hte myen mungdan galai shai wa sai lam tsun shakawn taw nga ai hpe sha na lu ai. Grau nna BBC hte VOA ni gaw mungkan a man e Thein Sein hpe pawn gumjawt dan taw nga ai. Thein Sein a mungmasa amyat tam taw nga ai ladat ni hpe atsawm sha yu maram yu yang….



(1) AWNG SAN SUU KYI HPE THEIN WA SHI A LAHPYEN KATA KAW A’TSAWM SHA LU PAWN BANG LA LU HKRA SHAWNG SHAKUT AI. Hpa majaw nga yang masu magaw rai nna lung wa ai Thein Sein asuya hpe mungdan kata/shinggan ni hkan nga ai ni hte mungkan mungdan ni yawng ngu na daram (Miwa hta lai nna) gaw tsep kawp nkam ai re lam hpe Thein Sein wa shi nan jau jau kaw nna chye tawn chyalu rai nga lu ai. Ndai manghkang gaw Thein Sein wa nambat langai shawng hparan ra ai manghkang kaba rai nga lu ai. Mungdan kata/shinggan kaw na kam hpa madi shadaw ai lam lu la na matu, Mungdan kata/shinggan kaw na kamhpa madi shadaw taw nga ai Aung San Suu Kyi hpe shi a lahpyen kata kaw lu hkra pawn bang tawn lu sanu ai. Thein Sein gaw ya ten hta shi a lahpyen kata kaw du taw nga sai Aung San Suu Kyi hpe shi kam ai hku jailang taw nga lu sai hku re. Aung San Suu Kyi hpe atsawm sha pawn tawn nna lajang taw nga sai hku re. Thein Sein mung pawn tawn nna lajang let mahtai hpyi, Aung San Suu Kyi mung kata kaw taw nna hkrap madai let mahtai jaw taw nga sai. Aung San Suu Kyi kaw na lu la ai mahtai ni hpe gaw tatut hta hkrang shapraw taw nga sai. Thein Sein wa gumsan magam shara kaw lung dung ai shani kaw nna daini du hkra rai yang Aung San Suu Kyi hte masum(3) lang hkrum sai. Nambat (1) lang sa hkrum ai gaw Thein Sein wa Aung San Suu Kyi hpe shi a lahpyen kaw rai n lu pawn bang la shi ai ten re. (Aung San Suu Kyi rapdaw de rai n shang shi yang) ndai nambat (1) lang hkrum ai shaloi Aung San Suu Kyi tsun ai gaw 2008 ning hta ka lajang tawn ai mungdan gawgap tara (constitution) hpe gram galai na re. Raitim dai constitution gaw nlu gram n htawm Aung San Suu Kyi madaw dai constitution a kata de shang mat ai. Ndai gaw Thein Sein wa a shawng ningnan nambat (1) lang padang dip la lu ai mungmasa amyat rai nga ai. Shing nrai THEIN SEIN WA AUNG SAN SUU KYI HPE SHI A LAHPYEN KATA DE A’TSAWM SHA PAWN BANG LA LU SAI HKU RE. Dai majaw constitution mung gram n ra mat sai. Aung San Suu Kyi mung nga shingran pyi nran mat sai, zim mat sai. Thein Sein wa Aung San Suu Kyi hpang de da sang sa nna
atsawm sha sa pawn lajang dat dat di jang mahtai pru wa wa re hku re. Kalang mi sa lajang dat yang mahtai langai, lahkawng lang sa lajang dat yang mahtai lahkawng, lajang ya lu ai hta hkan nna mahtai lu na hku rai nga. Mungmasa a majaw htawng hkrat ai n kau mi bai pru wa lu ai, Maigan de du nga mat ai mying hten jahpan ni hpe shaprai kau ya nna bai wa na matu shaga ai lam ni yawng gaw Aung San Suu Kyi jaw dat ai Thein Sein wa a mungmasa amyat  ni rai nga ai. Ndai lam ni hpe atsawm sha maram yu yang Thein Sein wa mying kaja lu na matu Aung San Suu Kyi lagu madi shadaw taw nga ai re lam maram lu ai.

(2) Shiga media shiga dap ni hpe gahkyin gumdin la nna mungmasa amyat tam taw nga ai hpe mu lu ai. Grau nna VOA hte BBC shiga dap ni yawng gaw Thein Sein a masha ni hkrai rai mat sai. Ga shadawn lai wa sai shata hta UN kaw na lak san dat kasa Qantana Rahkain manghkang hte seng nna myen mung de sai ai shaloi… Qantana tsun ai ahkyak ai daw hpe ntsun shalawm ya ai. BBC kawn Qantana hpe san ai, Kachin state de sa na masing nga ai kun? nga nna san ai. Dai shaloi Qantana tsun ai gaw “Myen asuya ahkang jaw yang gaw sa na, raitim Kachin hte Myanmar asuya byin ai manghkang gaw Aung San wa galaw da ai manghkang re majaw Myanmar asuya hpe san ra ai ga san ni grai nga ai, nga nna Qantana tsun ai. Raitim BBC kaw nna bai tsun ai gaw Aung San wa galaw da ai manghkang re ngu ai daw hpe n tsun shalawm mat ai. Myen ni yawng gara myen hpe mung n mai kam ai.

(3) 88 myu matut jawng ma hpung ni hpe gahkyin gumdin la nna jailang hkyen nga ai. Jawngma hpung ningbaw ni hpe KIO/KIA ginra de dat nna shiga sa manaw la shangun ai lam ni galaw ai. Ga shadaw, Rahkain manghkang hte seng nna jawngma hpung ningbaw langai rai nga ai Ku Ku Gyi tsun ai amyu sha majan lama byin wa jang gaw myen hpyen dap hte jawm pawng mat na nga nna tsun pru wa ai. Dai majaw, magam dap shagu na myen ni hpe  tsep kawp n mai kam ai.

Sau Nan Du
10/09/2012

9 comments:

sammung ramma said...

re gadai lung2 nmai kam sai.lama na kam ai nga ya pyi mani kan byin ai mang kang ni an nau ni prat kaw jung taw sai.an hte mare kaw nga yang moi na ji wa ni hpe zingri ai nga na gaba wa tim myen hpe mu jang mara tam mayu ai a dup mayu ai.ya she pai kam na an hte akaw akang nlu arau pai nga yang gaw galoi tim sat na lam sha nga ai.voa,bbc law nga ni gaja na nmai kam ai ngai tim galoi mung voa,bbc ni hti ai an hte ahkrak ai nga ni galoi tim nau nbang ma ai.dan na ngai pyi kalang ngu gaw matsa dat2 re ni grai law sai.an nau ni hkrai hkawm sa ga.

Anonymous said...

Nhte jinghpaw ni gaw gara myen wa hpe mung tsep kawp n mai kam ai nga gaw yawng tsun ai krai re. Raitime tatut hta 70 percent gaw, myen hpe kanu/kawa hta grau nna kam ma ai.

Hkahku Jinghpaw USA said...

Pha baw lachyum wa ta? N tsa kaw na Anonymous a comment hta 70 percent gaw, myen hpe kanu kawa hta grau n na kam ma ai nga lachyum le.. Re i? Jinghpaw WP shani yawng a 70% a myit matsin gaw dai hkru i? mau sai wa re.. nang na n ta masha ni kaw na 70% myen hpe kanu kawa shatai hpang wa ai sam ai.. dai ram gaw Negative percentage law la wa sai ngu..mau sai wa re.

Anonymous said...

an nau ni myit hkrum ra ai lu...

Muq ningwa said...

Lahta na Sairum ni tsun ai ni gaw jaw dik ai looo...Dai ni na Majan gaw Wunpawng(kachin) sha ni hte Myen a myu sha ni a Mungdan kashun ai Labau shang Majan rai mali ai...U lu mahka hpungkun daw.A hkyak hta she pau si di n rai mat na matu gaw Shanglawt Asuya magam gun ni kaw n na hkawt,Gumgai,Ding la,Ram ma kaji kaba An hte yawng gaw KARAI KASANG hpe madung dat n na Karai kasang jaw da ai HKANAN Mung hpe lu hkra Daidaw la ai de mahtang hkawm sa wa saga ngu mu mada n ngai loooo.......

Anonymous said...

all these political intrigues of burmese is nothing new ,it has been used since their old historical times.we are believers and we believe in pre ordained laws of yehowa.we are sincere out side and clean inside,so, ultimate blessing of yehowa will be ours and victory will be ours.

Anonymous said...

Tsaw htum ai shara kaw na Wa gaw Jinghpaw Wunpawng mung dan hpan ya taw nga sai.aw Federal system hpe myit mada let Myen ni hte hpaga rau galaw sha na matu myit taw nga ma ai kun?
NA

Anonymous said...

YESU karai kasang hte rau W P sai hpe madun let W P labau hpe ka na ten du sai. ya aten du sai ngu kam ai. yawng myit yu na ten nan rai sai. wp mungdan hpe shingran mu let chyawm sha kut sa wa ga.myen hte gaw kasat dit, madu da,myen yawng hpe sha chyut kau ai hpang she lamu ga jarit bawngban masat la mai na re. ngai mu ai gaw dai hku re, manaw manang ni ka ra hku mu mada ma ai kun?

Unknown said...

myen gaw myen sha re majaw..ahhte WP myu ni sadi ra ai..kam shut na tsep kawp n mai nga ai..shan hte myen amyu ni dunghkum lu na matu sha,jawm myit hkrum ai gaw mau shara nnga ai..shanhte yawng gaw,amyu,htunghking,makam masham,myit masin arawn alai,nga sat nga sa bung ai sa wa myu ni sha re majaw..rai nga ai.myen a myu mahkra hpe n mai shani ai..aungsan kaw mung lup sung hku de du wa ai majaw..kahpu thein sein na kata lapu manam ya ai gaw,hpa mau na lam nnga ai..daimajaw, aung san kaw a democracy mung tsep kawp, n mai kam ai..hka hta marang jat ai hpa sha re ngu kam ai..manangni gaw gara ningmu hku mu ai kun..?

Post a Comment