September (24) Laban
Amerika na Wunpawng Myusha ni hku nna anhte a Kanu Buga hta byin nga ai majan the ndai majan a majaw ru yak tsin yam hkrum nga ai anhte a sai daw sai chyen ni a matu n-pu na n-gun madun lamang hpe Kachin Alliance hku nna woi-awn let galaw sawa na ga ai.
Nhtoi: Laban Hpang Mali Ya, September 27th, 2012
Shara: United Nations
Hkringdat: First Avenue and East 47th Street, New York, NY 10017, USA
Aten: 12:00pm – 1:30pm
Shara: The Permanent Mission of The Union of Myanmar to the United Nations
Hkringdat: 10 East 77th Street, New York, NY 10075, USA
Aten: 02:00pm – 03:30pm
Lamang a yaw shada ai lam gaw anhte a buga de na majan hte ru yak tsin dam lam ni hpe ma shagrau chye wa nna garum shingtaw ai lam jaw na matu the Myen Gumsan Magam Thein Sein hku nna Amerika kaw du nga yang anhte Wunpawng Myusha ni ra sharawng ai lam ni hpe hpyi shawn na matu re.
Yawng hpe shanglawm na matu saw shaga datga ai.
Hkungga let,
Kachin Alliance, USA
contact@kachinalliance.org
kachinalliance.org
9 comments:
grai kaja dik sai kyu hpyi garum ya na ga ai Europa dam na myu sha ni yawng kyu hpyi ya ga.atsawm awng dang u ga.
awng san suu kyi wa tsun ai shag grim ahkaw ahkang tawt lai ai mang hkang ni hpe gaw ja2 ning hkap ai nga.dan na tara nlang ai ni shing grim myit nrawng ai ni hpe ning hkap ai nga dai ni an hte wp sha hpyen yen ni hpe myen ni garum shing tau ai lam ni pat ai mara gata masha hpe zing ri ai.dai ni hpe awng san suu kyi hku yu na shan hte a myen asuya hpe hpa ga hkaw mi pyi tsun ya ai nmu lu ai.gaja shi myit ding man ai rai yang gaw us du ai sha loi shan hteb myen ni lu su lu sha na sha tsun na an hte wp sha ni hpe garum na lam ngup gahkaw mi pyi nma hka ai.kyaw tu mung myen mung kaw majan byin ai sha nga tsun lai wa ai kachin ni hte byin ai nga ni hpe she hku na ntsun ai....hpaw ga pat ai gaw madung nre mung dan sim sa na she madung re.suu kyi tsun ai hpaw ga ni pat da ai rai yang myen mung masha ni a matu rawt jat na lam ni lanyen ai nga wp mung dan hting hkau na pyi nlu galaw sha ai shi hpa na nchye ai rai. ding man ai she re yang gaw kachin ni hpe shawng kaw nan tsun ya ra ai.dan na ndai ning hkap ai kaw suu kyi hpe ma myit nding man ai lam ni laika ka jashawn ga.shut jang mung shalai kau ya mu.......
Rai sai grai kaja sai.
Hpyen yen ni hpe ntara ai hku rim adup nna, la shada da Maidang shakrip hkat shangun ai hpe mung hkum malap, ja ja tsun shalawm na hku di ga.
Ndai september 27 ya shani US du Wunpawng sha ni galaw na n-gun madun lamang gaw myen asuya hpe baw kaw gayat agrawp ya ai hte bung ai mungmasa padang langai mi re.
Ya ta tut sakse madun na aten du sai loo.
Ngun jaw ai.garai kaja ai magam bungli kaba re sai.awng da mu gaw
Ph hte contact na san na lam ni loi mi nga na ph number naw jaw ya rit hkung ga let ..alliance usa hpang de
US e du nga ai nte jw NI HKYING LAM HKU RAI SAI MAJAW NDAI LAMANG HTA YAWNG NHPRAI AI SHA SHANG LAWM GA LAW...YA TEN NALAWM YANG GALOI SHANG LAWM NA? n'GUN MI ALU GALAW GA LAW...
Gaja dik ai MAGAM a-mu rai nga ai...,n-galaw n-mai ai a-mu mung rai nga mali ai...,Bai dai kaw USA. hpe a-gying ding lun ai.POSTER mung lu hpai hkra galaw mu...,, Hpa majaw nga yang USA gaw Myen maga law malawng tsap n-na Anhte ETHNIC ni a-lam n-gun n-lu ai ....,ya yang UN zup hpawng galaw nga ai a-ten mung re...,
Post a Comment