Chyurum Wunpawng myu sha ni gaw, moi kaw nna, majan gasat ai lam hta ningtawn gumshem ai amyu rai ga ai hte maren kadai hpe mung majan n sum yu ai, kadai kaw mung bawng n dung yu ai amyu rai nga ga ai hte maren, ya daini du hkra rai nga ai.
Raiti mung Chyurum annau ni nhtang tawn ai, n dum shami anhte amyu sha ni hpe gasat shamyit taw nga ai gaw nang hpam lusha ngu ai tsa chyaru ka-ni hpyen nan rai nga ai. Karai a chyeju a majaw, Sinat hte gasat ai majan dang nga tim mung, ndai myen a maw lanyet rai nga ai, nang hpam lusha majan hta gaw naw sum nga ga ai. Dai majaw, ya hkyak hkyak byin hkrum hkra taw nga ai anhte a grup yin na manghkang ni hpe loi tang madun dan mayu nngai re.
1. Konghka Loi Hkang, Lungwai, Loi Wawng, Mungji Mungpaw, Loi Dau hkran masawn hkan na ျပည္သူ ့စစ္ ni law malawng shamu shamawt nga ai shara hkan, ka-ni yi bai galaw na matu jin jin rai nga masai.
2. Dai ginra ni hkan e Wala ni Ramma ni ka-ni ya ni hkrai rai mat ma masai...
3. Kutkai grup yin hkan na kanu kana ni gaw, (Hparang lap hkinlang) di mahkawng la nna joi mi 3000 nga nna dut sha nga ma ai, dai gaw ka-ni shadu lu yang lang ai Panlap ngu ai shatai na matu rai malu ai. Kanu ni gaw Panlap dut, kasha ni ba mari lu rai nga mai le. kadai wa lit n kam la ya masai kun ????
4. Muse 105 grup yin hta Jinghpaw htinggaw 20 na wala ni yawng ka-ni lu ma ai. Balawng amyu ni htinggaw 500 daram nga ai kadai n lu ma ai...
5. Jinghpaw mung, de gaw wala ni law malawng nta n nga sai, Loi Je mare hkan e kanu num ni hpe ka-ni ya tai hkra hkalem nga masai. Loi Je mare lawu na Kahkawng hka ngu ai kaw Jinghpaw num 5-6 daram gaw ayan ma ba lang nna No.4 sa htu sa lu rai nga ma ai. kadai wa hkye la na
rai ta ?
6. Sadung ginra de KIO / KIA kawn Ka-ni pat jasan masing a majaw, Buga masha nkau mi Tinang KIA asuya hpe n ju ma ai, n ra ma ai. kade majaw re hpe dum ga lu ..
7. Pangwa ginra de Ting Ying wa gaw shi a tinggyeng Ka-ni hpaga lam a majaw sha Jinghpaw hte Lachik ngu nna sai garan let myen hte pawng la nna amyu sha ni hpe gasat shamyit taw nga ai.....
8. Myitkyina hkan e myen dinggai ni gaw, Jinghpaw ma ni a matu nga nna, laksan Kani seng lagu hpaw sha nna, maga mi de majan gasat nga ma ai.
9. Hpakant ginra de Myen asuya gaw Ka-ni dut na ahkang jaw, Balik ni gaw makawp shimlam la ya rai jawm galaw sha nna, jinghpaw ma ni gaw wanglu wanglang mari lu mari sha nga ai....
Ya na zawn anhte amyu sha ni gaw, nanghpam lusha majan hta laning mi laman marai 100 jan jan hkrat sum taw nga saga ai re... Dai majaw, ya matut nna ndai Myen satan wa a nanghpam majan maw lanyet masing hta na mung sadi sahka koi yen let padang dip lu hkra jawm shakut sa wa ga ngu tang madun dat nngai law...
11 comments:
ah hte jahtuzup ga mung no.4 hte kani ya tai ma sai mare uphkan slg.swe u (lamai marbrang ) mung hpa n lu ga law ai .balik hte myen hpen dap ni pawng n na kani dut ai ni hpe gumhprtaw hta sha nga ai .yuzana company na myen ni mung lagu lagan re n na dam nga ma ai .
Dai kani dut ai nta ni hpe wan hpyen hte nat gasat kau ga law.
Grai yawn ai......W.P myu sha ni hpe ndai katsi majan kaw na,awng padang dip lu na matu..naw matsan dum hke la rit....WA KARAI KASANG E..
Shang lawt hpyen dap kata kaw ma hpyen num, hpyenle marai kade daram lang nga ma ai kun?
Du jan ni kani hpaga galaw nga ai lam ni hpe ma atsawm sha naw tsun ga le..
Ndai katsi majan hpe gaw anhte hkrai pat san shakut na gaw n mai byin ai. Mungkan mungdan kaba de karum hpyi nna pat jasan yang chyu sha mai byin ai. Hpa majaw nga yang Myen sawa ni gaw dasang galaw nga ai majaw re. Anhte sha gade pa jasan shakut nga tim Myen up ai Myo ga de gaw gara hku mung n lu pa jasan na re. Dai majaw awmdawm shanglawt ndau nna mungkan mungdan kaba ni hpe nanghpam kani pat jasan majan hpaw na karum hpyi la ra sai shing nrai yang tinang myu sha shada da sha jam jau jaw nga ai hte bung nga ai. Kani yi madu ni hpe jahten kau ya ai kani yi malai nanhte hpa baw bai sawn jaw sai kun? Hpa sawn jaw ai lam n nga ai sha jahten kau ya jang gaw anhte shada da sha jam jau jaw hkat ai sha rai na re. Shada da n ju n dawng hpyen sha bai tai wa na re. Myen sawa ni ta hpawk dum nga na ma ai. Dam lada ai ladat hte myit galu kaba rai galaw sa wa yang mai na re.
Tsa gaw n,lawm yang gaja na re, hpa mjaw nga yang tsa hpe gaw president wa mung lu ai Premme minister mung lu ai Mungkan asuya shagu kaw pi licience jaw ya ai re majaw!
Jinhpaw na htung hkying kaw mung tsa gaw lawm ra chyalu sha re n,lawm na nga jang gaw hutng hking hpe an nau ni dawm kau saga SADI,,,tsa ra ai majaw ngu ai n,re hpe chyena ya na matu...Dai ni christian tai ai gaw jaw dik kaja dik re ai hpe hkap la n,ngai re tim htung hkying hpe ganguwi ngwi shayawm wa ai gaw dum nga ai kun JWP sha ni n,dai htung hking hpe gaw Americen wa jaw ai mung n,re English wa jaw ai mung n,re Japan wa Miwa wa jaw ai India wa jaw ai mung n,re karai kasang jaw ai an hte aq sali wunli laksan ai shaman chyeju aq jaw she re,,,Htunghking ngu ai gaw Myen hku tsun jang gaw Mat Pung Tin, Eng, hku nga yang ( Identity ) re majaw myu sha ni aq matu ahkyak dik 1 re..ngu mu lu ai,,Masha an lailen lang ai mahtang she gaya jahpa re!
Tam lu tam sha yak ai majaw mung ka ni hkai sha ai mung lawm na ma ai, dai majaw laga hkai lu hkai sha ladat ni chye galaw sha wa na matu mung asuya ni hku nna woi galaw ra ai...
Hah!! an hte jinghpaw ni hpe asuya ngu wa gaw gara hku na laga hpan chye galaw sha na hku lajang ya sharin ya na rai ta!! lahta kaw tang madun ka dan aimyit su hpe chyeju grai dum ai.Ndai Nanghpam majan gaw anhte hta grai hkra machyi ai hpan re nga ai.Anhte w/p nu num ni ningbaw tai woi awn yang gaw shang lawt mahkoi she nlu dam sana law i?ah La ningbaw ni gaw kani ya tsa ya re taw nga ma ai.Ginjaw Du salang ni mahtang she Kar-ni malu dik ai hku lu sha nga ma ai.Du Kaba CS wa nan ndai kani pat shing-dang ai masing she nkalaw taw gaw dai ni majan pa kaw myu hte mung dan makawp na hpyenla pyi n-nga na sai.Myen lung wa yang lata sharawt na du ja ya ra chyalu nan re sai,K.K Du kaba hpe shingran jaw di she naw chya mai nga sai.matut na kani a mabyin masa hpe naw ka ka re ya rit yaw.
hkung ga let
dai ni duhkra shang nlu ai mung nanghpam lu sha ai hta praw ai majaw re.
Ah hkyak dik gaw dai nan rai sa.yawng wa a lit rai nga.nang nga ai shara kaw nang na lit.
gadai hpe myit mada ai baw nre.
Post a Comment