Munghpawm ngu ai gasi gangau pyi tam shamat nga sai ten, kanang ta munghpawm? Ne Win asuya lung ai shani kaw n'na munghpawm ngu ai gasi lachyum hpe myen hpyen asuya lakhtak langai hpang langai munghpawm (Pyi-Htawng-Su) shamat kau nga sai re. Dai ni raitim myen ningbaw ningla ni gaw bawsang (Taiyinta) ngu sha shara shagu tsun shajang, jai lang shakut nga sai hpe annau ni myen a kaba dik ai mahkyen hpe tau mu chye ra sai re.
Hpa majaw annau ni bawsang amyu sha ni hpe myen mung na myu kaji lakung hku mungkan na mu chye wa hkra shakut nga ai hte Pang Lung ga sadi a jaw bawsang yawng shanglawt chyawm la ai re hpe maigan mungdan law law gaw n'chye ai zawn, ya kaba wa ai annau ni a kasha ni (Pyi Htawng Su) munghpawm ngu ai lachyum hpe n'chye ai ni grai she law wa nga sai re. Myen a ladat kaba gaw amyu labau mat na masing hte myen myu kaba hkrai up sha lu na matu hpang de sakse madi madun wa chye ai yawng hpe shamat kau mayu sai re. Bawsang ngu ai kaw na pyi grit nyem dik ai masha kaji utsang hku sha annau ni hpe tawn mayu shamat kau mayu sai re.
Dai ni Pang Lung ga sadi n'mai tsun sai, (Pyi Htawng Su) munghpawm ngu ai mung, myen a n'gup na mat mayu sai re. Shanhte lawu ga sha ngwi pyaw hkra lawu ga myen ni matu sha Democracy re hpe asan mu chye saga ai. Myi tut, ta tut nan annau ni hte bawsang ni hpe mara kata zingri sat, mare kahtawng nat, mya sha jahten sharun nga ai hpe Thein Sein hte Aung San Suu Kyi ni n'chye ai myi di shim myi hpaw n'na nmu masu nga ai.
Thein Sein hte Aung San Suu Kyi (NLD) ni Sinna dan hta kade sa shawu tim mana kan gyit hkrum sai re, Democracy a kaji dwi kaji ke ni hpe Democracy lam ningnan hkawm nga ga ai ngu n'gup hte kade tsun tim ta tut hte tsun ai n'bung nga ai. Wan mayu tawn n'na wan shinglet hte simsa lam tsun ai gaw ma ni hpe tsun tim pyi manyi asawng kau ya na re.
Hpyi n'tsa Democracy palawng kade hpun shatsawm dan tim, masha sat mare nat nga ai hte n'gup de kade tsun tim, mung up tara n'shai ai. Tara rung tara je yang ai lam n'laklai ai. Hpa mung n'hpai ai, samyit hpri hte seng n'na hpa n'hpai ai, singgu krin byin nga ai mung shawa mare masha hpe mara kata sat zingri ai gaw Democracy kun? Mungkan simsa ninghtoi hta ninghkap ai lam hpa mung n'tsun ai zim sha mungdan simsa na ra sharawng ai hpe lam hkawm madun nga ai ni hpe pat ai, ahkyak la tara dang ai. Dai kun simsa lam tam ai ra ai nga shani shana marawn nga ai.
N gup de gaw simsa lam, myit masin lagaw lata ni gaw sat na matu madi tawn nga ai. Nam nak n'nga ai ga laban hta mau tau n'mai tau sai, hprut hprut galaw dan ra sai. US kaw ninghkap n'gun madun ai gaw myen a kren hta nan gap bang lu sai hku re. Grai shawu taw nga ai hkra hpawng hpe hkra gayet shangap dat ai zawn padang kaba dip la lu sai hku re. San htai tsun shaga ai ni mung n'gun grai lu ai hte, gwi gwi hkram hkram tsun ya ai jaw grai kaja dik ai. Roi ai hpe roi ai, sat ai hpe sat ai hku n'hkrit n'tsang tsun ra ai re.
Dai ni annau ni a saidaw sachyen Share Shagan ni pyi Myu Sha yawng a matu jam jau hkam n'na asak ap nawng n'na sai ga shaga ya nga ai re. Si hkam n'na Myu a matu ten hpring machyu pala hte shaga ya nga ai. Annau ni hpa rai n'gup hte n'bung sinat hte pyi n'gap gwi na rai ta? Media shiga shihtawn shabra ai san htai galaw ai lam hta, annau ni hpe mara kata sat ai numma roi ai hpe gwi gwi tsun ga.
Matut n'na lamang kaba la n'na maigan mungdan shara shagu nga ai annau ni grau kaba ai ninghkap n'gun naw madun ra ai. Dai gaw annau ni myit hkrum ai Myen hpyen asuya hpe chyawm gasat ai re.
1. Hpyen htu tawn ai lam grai n'hting nut ai.
2. Tara shang gaphkat lam n'jahkring ai.
3. Mungdan ting tara shang simsa lam n dau ai lam n nga ai.
4. Kasu kabrawng hpung ngu ai hpe grai n'dau shaprai ai lam n galaw shi ai.
5. Munghpawm (Pyi Htawng Su) ngu tara shang n'dau ra ai. (Myen mungdan ngu tsun nga ai hpe jahkring lai kau ra ai.) Shawnglawt la ai shaloi myen mungdan ngu shamying la ai gaw annau ni matu shut kaba re zawn dai ni mung bawsang myu kaji ngu ai hku sha lachyum shapraw nga ai re.
6. 2008 ning gaw da tara hpe lai gram kau ra ai.
Lahta de na ni hpe galai ai shaprai kau lu ai shani she annau ni yawng simsa shimlum lu na re.
Baren Numraw
3 comments:
Democracy gaw lawu myen mung a matu she re dai Aung san suu kyi shakut nga ai mung myen ni matu sha re,lawu ga ngwi pyaw na matu sha re majaw anhte matu hpa laklai ai lam n'nga ai,anhte madaw majan grai ra sharawng ai majaw shanhte gasat ai re nga myi hpaw na nan masu gwi nga sai re jaw annau ni mung gwi gwi hprut hprut tsun ai hte gap ai hte di ra sai.myen a paty kara hpe mung n'mai madi shadaw ai.n'mai lawm ai.
Baren numraw e grai madi shadaw dik ai.myen sha saikau lachyen lahka di kau ai hpe grau kabu kara hte hkap tau la ra ai.shaloi she annau ni san awmdawm ai shanglawt lu wa na re hte tinang myu tinang htunghking ga bung shada rau madu mungdan hpe madu nan up hkang hpajang lu ai de du na re.yawng myit hkrum saga.shimlum shanglawt ai ahkaw ahkang hte hpring ai mungdan lu na sai.RAWT
myen amyu ni hpe amyu kaba nga tsun ai grai n.na ra ai.amyu kaba len lang ai ni sha rai ma ai.amyu kaba hpung n.dang ai majaw sa wa shada pi n.lu zin lum ai ni.
Post a Comment