ပုံပြင်မဟုတ် (၂)

                             ငါ့ကိုသူတို့ စစ်အင်္ကျီ ဝတ်ပေးကြတယ်။
                             ကျောက်ဖျာ  ဆီဆွဲခေါ်ပြီး၊
                             ထိုင်စေကြတယ်၊ အစာမကျွေးကြဘူး။
                                      ငါ့မှာလည်း တော်တော်နဲ့ကို မသေနိုင်ခဲ့ဘူး။
                                      ငါ့မှာဘာ အမင်္ဂလာ ကျိန်စာတွေပါခဲ့လဲလို့၊
                                      ဘုရားကိုတမ်းတရင်း - အသည်းတွေကွဲခဲ့ရတယ်။
                             နောက်ဆုံးတပါတ်လောက်ကြာမှ
                             ကယ်သူမရှိတဲ့ငါ့မှာ - စိတ်ဓါတ်တွေကျပြီး၊
                             ငါ့ဝိညာဉ်ဟာ - ပျော့ဖတ်နေတဲ့
                             ငါ့ခန္ဓာကိုယ်ထဲက ထွက်ခွာသွားတော့တယ်။
                                      ငါ့ဝိညာဉ် လွင့်မျောပြီး၊
                                      မုဘွမ်တခွင် မှသည် - ရွာဆီသို့
                                      လွတ်လပ်ပေါ့ပါးစွာ ရောက်ခဲ့တယ်။
                                      ဒါပေမယ့် - ရွာမှာလူမရှိတော့ဘူး။
                             ငါ့ယောင်္ကျား ငါ့သားနဲ့အဂူး၊
                             အရိပ်အယောင်တောင် ရှာမတွေ့ဘူး။
                             ငါ့ဝိညာဉ် နေရာအနှံ့ ပျံသန်းခဲ့တယ်။
                             ဘုရားကျောင်းကြီးတွေမှာ ဝတ်ပြုဆုတောင်းနေကြတယ်။
                                      ဆွမ်လွတ်ရွယ်ဂျား လွတ်မြှောက်ဖို့တဲ့၊
                                      အကြီးအကျယ်ဆုတောင်းနေကြတယ်၊
                                      သနားဖို့ ကောင်းနေပြီ။
                                      ဆွမ်းလွတ်ရွယ်ဂျား - ထာဝရငြိမ်းချမ်းသွားပြီ မသိရှာကြဘူး။
                             ငါကတော့ ငါ့မိသားစုကိုဆက်ရှာတယ်။
                             ဟော! တွေ့ပါပြီ။
                             ဒုက္ခသည် စခန်းနဲ့တူပါတယ်။
                                      အဂူးနဲ့ ငါ့သား ယာယီတဲပြင်မှာ
                                      ပွေ့ဖက်ပြီး ထိုင်ငေးနေကြတယ်။
                                      နို့ဆာနေလား - သားလေးရယ်?
                                      ချစ်မေမေ - ဝမ်းနည်းပါတယ်။
                                                                                     မနောမြေ - စိန်