ဒီတစ်ပတ်အတွင်း ၀ိုင်းမော်မြို့နယ်၊ ကန်ပိုင်တီမြို့မှာ ပါဂျဲရိုကားများ အလှည့်ကျ ချော လိုက်နေရကြောင်း သိရသည်။ မြစ်ကြီးနား- ကန်ပိုင်တီ လိုင်းပြေးနေသော ပါဂျဲရိုကား များကို ဗျူဟာမှူးမှ အဓမ္မချော ခေါ်ပြီး ဆီဖိုးပင် မပေးပဲ စစ်တပ်မှ အသုံးပြု ခိုင်းစေနေကြောင်း ကားဆရာ တစ်ဦးထံမှသိရသည်။
အရင်ကချောမရှိဘူး၊ ဂိတ်ကြေးပဲရှိတယ်၊ ကန်ပိုင်တီမြစ်ကြီးနား ကားခ ဈေးကြီးတယ်ဆိုတာ ဂိတ်ကြေးကြောင့်ပါ၊ တစ်ဂိတ်ကို (၃၀၀၀) ကနေ (၅၀၀၀) ထိပေးရတယ်၊ မြစ်ကြီးနား ကန်ပိုင်တီ (၂) နာရီကျော်ပဲ မောင်းတဲ့ခရီးကို ကားခ (၂၅၀၀၀) ကောက်တယ်ဆို ဂိတ်ကြေးကြောင့်ပါ။ ကျွန်တော်တို့ ခရီးသည်တွေကို ကားခတောင်းဖို့ တောင်အားနားတယ်၊ အဖက်ဖက်ကနေ ၀ိုင်းညစ်ခံနေရလို့ ကျွန်တော်တို့လည်း လုပ်ကိုင်စား သောက်တာ ဘာမှ မကျန်ဘူး ဟုကားဆရာတစ်ဦးက ဆိုသည်။
“ကျွန်တော် လွန်ခဲ့တဲ့ (၄) ရက်က ပဲချောလိုက်ခဲ့ရတယ်၊ ဂိတ်မှူးက ဒီမနက်ပြန်ခေါ်တယ်၊ ဒါကြောင့် ကျွန်တော်စိတ်ပေါက်ပေါက်နဲ့ အခု အစ်ကို (၃) ယောက်ထဲနဲ့ လှစ်ခဲ့ရတယ်၊ ဂိတ်မှူးလည်း စ်ိတ်ညစ်နေပြီ” ဟု ပြောပါသည်။
ကန်ပိုင်တီမြို့စစ်တပ်နှင့် အာလကများ သည် ပြည်သူနှင့် ခရီးသည်များကို နည်းမျိုးစုံဖြင့် နှိပ်စက်နေ ကြကြောင်း၊ သစ်၊ ကျောက်စိမ်း မှောင်ခိုများ ထံမှလည်း မတန်တစ်ဆငွေများ တောင်းယူ နေကြကြောင်း သတင်းရရှိပါသည်။ (အားတီ)
0 comments:
Post a Comment