Malaysia mungdan hta du nga ai Wunpawng Jinghpaw Myusha ni hte Singapore mungdan hta du nga ai Wunpawng Jinghpaw Myusha ni hku na JINGHPAW MUNGDAW N HTOI (63 NING MASAT) hpe Malaysia mungdan kaw galaw na matu bawng bang jahkrup ai lamang hpe December 6, bat langai ya shana de galaw la lu saga ai.
Dai ning na lamang gaw shawng na lang Malaysia hte Singapore du Wunpawng Jinghpaw Myusha ni myit hkrum myit ra let jawm galaw lamang rai nga ai. Shawoi shaning na JINGHPAW MUNGDAW N HTOI hpe gaw grai wa mi lak lai hkra galaw ai lam n nga ai sha, hpung Sara ni hpe shaga nna kyu hpyi shaman, Myusha Dawng Hkawn hpe hkungga jaw ai lamang ram sha galaw wa ai rai tim, dai ning na lamang hpe gaw shawa daw tsa hpe saw shaga n na wu wu di di galaw sa wa na lam hpe chye lu ai.
N dai zuphpawng hta JINGHPAW MUNGDAW N HTOI (Malaysia) shabyin shatai Komiti ni hpe lata lit shatsam da lai wa sai. Matut nna mung JINGHPAW MUNGDAW N HTOI lamang byin tai lu hkra gahtap bawng ban sa wa na hpe mung chyelu ai. Poi n htoi hpe gaw JINGHPAW MUNGDAW N HTOI rai nga ai January praw 10 (bat langai ya) shani galaw na lam hpe mung chye lu ai.
Tawk Hkam
0 comments:
Post a Comment