မြန်မာပြည် အောက်ပိုင်းနဲ့ မြောက်ပိုင်း မိုးရေကြီး

မြန်မာနိုင်ငံမှာ ၀ါဆိုဝါခေါင် ရေဖောင်ဖောင် လို့ အဆိုရှိတဲ့အတိုင်း ဒီလပိုင်းတွေအတွင်း မိုးသည်းထန်လို့ မြစ်ရေလျှံမှုတွေ ဖြစ်နေပါတယ်။ မြန်မာနိုင်ငံ အနောက်ဘက်ပိုင်းက ရခိုင်ပြည်နယ်အတွင်းမှာ မိုးသည်းထန်တဲ့အတွက် သံတွဲ နဲ့ အမ်းမြို့ တွေ မှာ ရေကြီးနေတယ်လို့ မြန်မာသတင်းစာတွေမှာ ဖော်ပြထားပါတယ်။ သံတွဲမြို့မှာ မိုးသည်းထန်တာကြောင့် လူနေ ရပ်ကွက်တွေအတွင်းမှာ ရေတွေဝင်နေလို့ ဘေးလွတ်ရာကို အိမ်တွေရွှေ့ပြောင်းနေရသလို အမ်းမြို့မှာလည်း နေအိမ်တချို့ ရေဘေးလွတ်ရာကို ရွှေ့ပြောင်းခဲ့ရတယ်လို့ ဆိုပါတယ်။

ဒါ့အပြင် ကားလမ်းတချို့ ရေဖုံးလွှမ်းတာမို့လို့ ကားအသွားအလာ ခေတ္တရပ်ဆိုင်းထားရတယ်လို့လည်း ရေးသားထားပါတယ်။ ဒါကြောင့် အခု မနက် စောစောပိုင်း ရန်ကုန် ဓည၀တီ အဝေးပြေးလမ်းမဂိတ်ကို ဆက်သွယ်မေးမြန်းတဲ့အခါမှာ စစ်တွေ၊ တောင်ကုပ်၊ သံတွဲတွေကို ခရီးသည်တင်ကား အသွားအလာ ရှိပေမယ့် တံတား ကြိုးနေတဲ့အတွက် ကားအရွှေ့အပြောင်း လုပ်ရုံကလွဲရင် ကားအသွားအလာ မပိတ်ဘူးလို့ ပြောပါတယ်။

ရန်ကုန် ဓည၀တီ အဝေးပြေးကားဂိတ်က ၀န်ထမ်းတဦး ပြောပြခဲ့တာပါ။ အခုလို ရခိုင်ပြည်မှာသာမက မြန်မာနိုင်ငံ မြောက် ပိုင်းမှာလည်း မိုးတွေ ပိုလာနိုင်တာမိုလို့ သတိပေးချက် ထွက်နေသလို သံလွင်၊ စစ်တောင်းနဲ့ ရွှေကျင်မြစ်တွေမှာလည်း မြစ်ရေတွေဟာ စိုးရိမ်ရေမှတ် ကျော်လွန်နေတယ်လို့ မိုးလေ၀သ နဲ့ ဇလဗေဒ ဌာနက သတိပေးချက်တွေ ထုတ်ပြန်ထား ပါတယ်။

ဒါ့အပြင် ရန်ကုန်မြို့မှာဆိုရင် ဒီရက်ပိုင်းတွေအတွင်း မိုးများလို့ ကားလမ်းတွေပေါ် ရေတက်နေပြီးတော့ ယာဉ်အသွားအလာ ပိတ်ဆို့တဲ့အထိ ဖြစ်နေတယ်လို့ ရန်ကုန်က သတင်းတွေမှာလည်း ဖော်ပြထားပါတယ်။ အခုလို ရာသီဥတု ဖောက်ပြန်မှုကို တားဆီးလို့ မရပေမဲ့ ကြိုတင်ကာကွယ်မှုတွေ လုပ်ဆောင်နိုင်ဖို့က အရေးကြီးတယ်လို့လည်း ဆိုကြပါတယ်။ အထူးသဖြင့် မြန်မာနိုင်ငံမှာ မြစ်ရေလျှံမှုတွေကို ကာကွယ်နိုင်မယ့် ဒီရေတော ပျက်စီးမှုတွေ ရှိနေတယ်လို့ သဘာဝပတ်ဝန်းကျင်ဆိုင်ရာ အဖွဲ့တွေက ထောက်ပြနေကြပါတယ်။