ယခုနှစ် ဘိန်းစိုက်ပျိုးရာသီ၌ မြန်မာပြည်မြောက်ဖျား၊ ကချင်ပြည်နယ်၊ ပူတာအိုခရိုင်၊ မလိခမြစ် အထက်ပိုင်းတလျှောက်တွင် ယခင်နှစ်များကထက် ဘိန်းစိုက်ပျိုးမှု ပိုမိုများပြားလာသည်။
ပူတာအို တပ်နယ်အတွင်းရှိ ခလရ (၄၆)၊ ခလရ (၁၃၇) နှင့် ခလရ (၁၃၈) အပါအဝင် နယ်မြေခံရဲများက ဘိန်းစိုက်တောင်သူများထံ ဆက်ကြေးငွေများ တောင်းခံနေသည့်အတွက် တရားဝင် စိုက်ခွင့်ရသကဲ့သို့ ဖြစ်သွား၍ ဒေသအတွင်း ဘိန်းခင်းများ တိုးပွားလာနေခြင်းဖြစ်သည်ဟု ဒေသခံတဦးက ပြောသည်။
၎င်းက “ဘိန်းစိုက်တဲ့ဧကအလိုက် ကောက်တာမဟုတ်ဘူး။ ဘိန်းခင်းလုပ်ထားတယ်ဆိုရင် သုံးလေးသောင်း ကောက်တာ။ စစ်တပ်၊ ရဲ အားလုံးပဲ။ စွန်မလီ၊ လုံရှမ်ကျေးရွာတွေက စိုက်တာများတယ်။ မလိခမြစ်နဲ့ အင်ခေါ်ချောင်းဆုံတဲ့နေရာမှာ ပိုများတယ်။ ဧကထောင်နဲ့ချီရှိမယ်။ ပူတာအိုမြို့ကအချို့ကော အဲဒီဘက်သွားပြီးစိုက်တယ်။ တောင်စောင်းတွေမှာ၊ တောင်ယာတွေမှာ စိုက်နေတာ။ စီးပွားရေးတွေက ဒီနှစ်သိပ်မရှိဘူး။ အရင်က ကြိမ်ခုတ်တယ်၊ သစ်ခုတ်တယ်၊ အခုက လုပ်လို့ မကောင်းကြတော့
ဒါပဲ စိုက်နေကြတာ။ တောင်ယာကတော့ စားဖို့အတွက်ပဲ လုပ်ရတာ” ဟု ပြောသည်။
ခိုင်လင်း
ယခင်က အနည်းအကျဉ်းသာ စိုက်ပျိုးမှုရှိခဲ့သော်လည်း ယခုအခါ ဒေသအတွင်း အဓိကစီးပွားရေးလုပ်ငန်း ဖြစ်လာနေသဖြင့် ကျောင်းသား၊ ကျောင်းသူများပင် ကျောင်းဆက်မတက်တော့ဘဲ ဘိန်းစိုက်ပျိုးရေးထဲ ရောက်နေကြသည်ဟု အဆိုပါဒေသခံက ပြောသည်။
၎င်းက “ကျောင်းသားတွေလည်း ကျောင်းတက်ဖို့ သိပ်စိတ်မပါတော့ဘူး။ ဘိန်းစိုက်ဖို့အတွက်ပဲ လုပ်နေတယ်။ ဒီနှစ် စာပေးစာယူ တက်နေတဲ့ ကျောင်းသားတွေ လေးငါးယောက်ပဲ သွားတော့တာ တွေ့ရတယ်။ မြစ်ကြီးနားကို လေယာဉ်နဲ့ သွားလိုက်တာမကြာသေးဘူး။ ပူတာအိုကနေ အဝေးသင်တက်နေတာ အရင်က (၂ဝ) ကျော် ရှိတယ်။ လူငယ်တွေ ဘိန်းခင်းတွေထဲ ရောက်သွားပြီ။ အရင်ကဆို လူကြီးတွေလောက်ပဲ အနည်းအပါး လုပ်နေတာ” ဟု ပြောသည်။
တောင်ယာများတွင် အနည်းငယ်သာ စိုက်ပျိုးနေကြပြီး ယခင်နှစ်များက ထွက်ရှိသည့်ဘိန်းများအား တရုတ်၊ ကချင်ကုန်သည်များက အများဆုံး လာရောက်ဝယ်ယူလေ့ရှိသည်ဟု အဆိုပါဒေသခံက ပြောသည်။
ခေတ်ပြိုင်
0 comments:
Post a Comment