Tsawra ai manaw manang ni,
2010 na matu Asia Pacific Scholarship Consortium Application form pru sai re. Deadline gaw 1st of December 2009 re. Kade n'na yawng Supplementary Grant Program Burma, Prospect Burma and Childs’ Dream ni mung le wa na re.
Ndai agencies ni gaw Bachelor, Master and PhD program yawng hpe jaw ai. Scholarship form law malawng gaw November, December, and January laman pru n’na, Result gaw March and April laman pru ai re. Scholarship lu ai ni gaw June, July, August, and September shata hkan e university enrolment hpang mat wa ai re.
Shaning shagu ndai Scholarship Agencies ni kawn myenmung masha 100 hkawt hpe scholarship jaw ai re. Moi 1990s kaw na ya du hkra rai yang myenmung masha Tsa shadang law law hpe jaw ai re. 2009 hta ndai ni kaw scholarship lu nna, International universities hkan e sharin taw ai myenmung masha sha pi, 200 jan re. students 200 jan hta, Kachin gaw marai 17 sha re.
Ndai statistics hpe yu yang, Kachin ni Scholarship chye apply na lu lung taw ai gaw Number grai yawm taw ai. Kachin gaw Bumar, Shan, Chin, Shan ni hta grai yawm taw ai re. Kachin quota grai yawm ai re hpe Donors ni chye ma ai. Lak lai ai hku n'na 2009 hta Kachin marai 8-9 ram scholarship n'nan lu la ma ai. Dai hpe yu yang Kachin ni hpe Scholarship jaw mayu ai, Kachin Quota shalaw mayu ai myit, rawng nga sai re. Dai majaw Kachin ramma ni law law Scholarship apply na hpe ra nga ai re. Ndai scholarship agencies ni sha n’ga, laga law law hte mungkan shara shagup hkan na university ni mung scholarship grai jaw nga ai re.
Mang hkang gaw Kachin ni scholarship apply n’galaw ai mang hkang rai nga ai. N’galaw ai mung tinang aq ra rawng ai lam (TOEFL N’htai tawn, Documents n’hkum) amyu my aq majaw re hpe, chye lu ai. Hpami rai rai, Tinang byin mayu ai hpe byin hkra galaw mayu ai rai yang gaw, hkyen lajang ai lam, aten jaw ai lam, ra ai documents ni hpe jahkum jazup n’na, ready galaw da ra na re.
Scholarship hte University apply yang ra ai Criteria ni hpe dang madun dat ai.
University Apply ai shaloi ra ai Documents;
(1) TOEFL or IELTS (Scores gaw jawng kaja yang kaja ai hta hkan n’na law law ra ai)
(2) Passport
(3) (3) High School Awng letmat hte Ah-mat-za-yin (Original + Notary)
(4) University transcript if you had attended a university (original + Notary)
Scholarship apply na matu ra ai criteria;
(1) University Admission Letter (or) University langai ngai kaw shawk da sai ngu ra ai
(2) Passport
(3) High School Awng letmat hte Ah mat-za-yin (Original + Notary)
(4) University transcript if you had attended a university (original + Notary)
(5) Working experiences 2 ning nga sai ni, grau n'na chances nga ai
(6) Recommendations 2
(7) 2 or 3 essays
Scholarships law malawng jaw ai subjects ni;
§ Community Health
§ Development
§ Education
§ Environment
§ Humanities & Social Sciences
§ Political Sciences
§ Media
§ Policy & Administration
§ Social Work
§ Law
§ Economic (business administration n’re)
Scholarship lu na matu ndai criteria hpring yang n’yak ai re. Dai majaw shakut apply yu na, ahkyek nga ai. Essays ka ai hte recommendation hkrak hkra, ka la na, ahkyek nga ai. Let’s be prepared and get ready! Let’s do our job, then God will take care the rest. Mam ting ai ni gaw, dan la lu na re nga the maren, shakut apply ai ni malawng gaw lu na possibility law ai.
Note: TOEFL n'lu tim, English level tsaw sai ni, University hkan e Entrance Exam htai n'na, Admission Letter lu hkra mai galaw la ai. Dai hpe gaw Tinang lung mayu ai University kaw, sa n’na, sa htai la ra ai re.
Note2: Entrance exam sa htai na matu gumhpraw n'lu, yak ai ni na matu Myit mada shara langai gaw, University makau mi hkan e Entrance Exam or TOEFL n’lu tim, Admission Letter lu hkra, mai jahkrup la ai lam nga ai. Dai hpe gaw tinang nan, (or) dai jawng kaw lung nga ai tinang aq manang, ni kawn, Negotiate galaw ya yang, mai ai. Jawng yawng gaw n’mai ai re, exceptional hku n’na sha mai ai re. TOEFL htai na matu fee n'lu ai ni, TOEFL hte seng n'na garum ya nga ai agencies (e.i EPOP Email: epopasia@gmail.com) ni mung nga ai re, matut mahkai n'na garum hpyi la mai ai.
Tinang the ni nawn ai manaw manang ni the matut mahkai n’na jawm lajang mat wa ga. Anhte Kachin Society aq Bawngring lam the shawng lam aq matu, langai lahkawng sha lung n’na n’mai ai re. Nang ngai sha galaw na n’mai ai re. Yawng lam magup hta professionally jawm shakut galaw yang she, awng dang na re. Laga scholarship form/information ni hpe mung pru wa ai shaloi bai shana mat wa na n’ngai. Ndai email ka ai aq yaw shada ai lam gaw Kachin ni scholarship jaw taw nga ai hpe, n'shalai kau na matu, lu la na matu san san re. San mayu ai lam nga yang email hte matut mahkai ga. Laga manaw manang ni hpe mung forward galaw shana ga.
Let’s keep in touch and work together!
Cheers,
Hkunsam
Scholarships information rawng ai website http://myanmarstudyabroad.org/
APSC programover view information http://myanmarstudyabroad.org/pdf/apsc_schol_overview.pdf
APSC Application form http://myanmarstudyabroad.org/pdf/apsc_schol_app.pdf
APSC Reference form http://myanmarstudyabroad.org/pdf/apsc_schol_reference.pdf
0 comments:
Post a Comment