Malaysia mung dan hta sadu nga Wunpawng Myusha ni gaw dai ni February (5) ya shani (51) Lang Ngu na Rawt Malan Nhtoi hpe Kuala Lumpur Mare Kaba na KCF Ginra n ta hta awng dang ai hte galaw la lu saga ai.
N dai lamang hta saw shaga daai hpung woi shara ni hte Myu Sha lam yan hta myit lawm ai Wunpawng Myusha ni marai (60) ram sadu shang lawm lai wa sai. Lamang hpe shani hkying (1) kaw nna (3.30) du hkra galaw ai re lam chye lu ai.
Lamang hpe Karai Kasang kaw ap nawng hpaw hpang nna Wunpawng Mungdan Dawng Hkawn hpe hkungga jaw let Mungdan Mahkawn hpe shagrau shakawn lai wa sai. Dai hpang Wunpawng Mungdan Shanglawt (KIO) Ginjaw kaw na ka shagun ai RAWT MALAN MUNGGA hte Wunpawng Myusha Hpung (KNO) kawng shale ai RAWT MALAN MUNGGA ni hpe du sa ai shawa masha hpe hti dan lai wa sai. De a hpang RAWT MALAN LABAU hpe mung tsun hkai dan lai wa sai.
Dai ni na lamang hta Rawt Malan hkrun lam nnan hpang wa ai ten hta ta tut kata lam (UG) hku shang lawm lai wa sai hpu shawng hpu ba myit su salang langai mung sa shang lawm shagrau lai wa ai hpe mung mu lu ai. Singapore de na myitsu dak kasa ni mung da du shang lawm lai wa sai lam chye lu ai.
N dai lamang hta sadu shang lawm ai myitsu salang langai mi gaw shi hkam sha ai lam hpe n dai zawn tsun hkai dan lai wa ai, “ Dai ning na RAWT MALAN MUNGGA gaw madat ai ni a matu grai myit n gun lu ai lam, Wunpawng Mungdan hte Myusha ni a ningbaw ningbaw ningla ni Wunpawng Mungdan hte Wunpawng Myusha ni hpe kaja wa tsawra masin dun nga ma ai lam hpe mu lu ai majaw grai myit n gun rawt ai lam” hpaw tsun dan lai wa ai.
Lamang ngut ai hte du sa ai Myu Sha ni yawng shat ma mi jawm sha rai lamang hpe awng dang ai hte galaw la lu sai lam chye lu ai.
Tawk Hkam
0 comments:
Post a Comment