Dai ni Wunpawng Mungdan Shanglawt Asuya hte myen hpyen ni a dak kasa ni Laja Yang e hkrum zup bawng ban jahta ai hta mahtai hkrak rai n lu ai lam na chye lu ai. Wunpawng Mungdan Shanglawt Asuya kawn myen mung kata nga ai baw sang yawng hte rau sha simsa lam la na hte Fedral Munghpawm Mungdan gaw gap sa wa na lam hpe sha madung da tsun shaga sa wa ai re lam, bawng ban jahkrup ai lam hpe (2) ya ram naw jahkring da nna bai matut bawng ban sa wa na lam ni hpe na chye lu ai.
Subscribe to:
Post Comments (Atom)
7 comments:
Matut nna Nbawng ra sai.. Hket Hting Nan hte WMR Sin Wa Naw nlawm ai sha... Myen san san..hte Lapran masha.. (Miwa shing nrai WP Mung hpawm/ UN) ni lawm nna UNFC hku nna bawng ban ra sai.... Dai gaw mahtai re........
Myen datkasa ni hte bawng ban ai aten ladaw nau n mai (galu) n mai (garawt) na re.Lani mi aten lai mat yang an hte a matu lani mi hkrat sum mat n na,Myen a matu gaw lani mi a Myat lu mat sai hpe dum ga law..Du kaba C.S tsun sadi jaw wa sai hte maren Myen ni gaw manang ni n myit ai baw chyu lagu myit taw ai ni rai ma ai hpe dum ga,maja ga,sadi ga law..n tsa lam bawng ban ngut ai hpang Mai byin na masa nga yang gaw..Miwa Asuya (sh)UN ni hpe lapran tawn, lawan gap hkat jahkring Tamasat htu n na kadai mung gade shara de htingnut let bai matut bawng ga..n mai byin na tai yang mung lawan SAN SAN rai tsap mat saga..n dai aten gaw nari hkum mi,minit mi sha rai tim grai a hkyak ai a ten rai mali ai law nuwa ni e...
Mahtai n mai lu ai san poi hte bung ai bawng ban lam hpe matut n htai ra na sai. Wunpawng myu masha yawng a akyu hte hpu nau San, Kayin, Mon etc ni a matu mung akyu n byin na rai yang, matut n bawng ra sai. 'Yawng a akyu n pru tim, anhte kaji kajaw a akyu pru yang rai sai,simsa lam she la saga' nga yang, ting gyeng akyu tam ai ni hte mung shawa a hpyen tai n na, yawng matsat hkyet rung ai lam sha hkam la shajang ra na hpe dum ga. KIO hpe Mung shawa ni bai kam hpa tsawra madi shadaw wa ai hpe n gawn nsawn n di kau ga. Karai Wa myu sha lam yan hta shakut shaja ap nawng nga ai ni yawng hpe shaman chyeju jaw u ga.
Dai mahtai n'pru ai ngu ai nan nan mahtai rai sai . Myen hte bawngban jahkrup n'na kaja ai mahtai tengman ai mahtai galoi pru wa na n're.Bawngban magang sadi maja ra magang she rai na re.
Tsaw ra ai ningbaw ning la ni e, ya mu mada ai hku nga yang gaw......Maga mi de sim sa lam shaga tim, maga mi de n gun bai jat nga ai hpe mu lu wa sai re....Hpa majaw kahtap n na, lachyawm n pru ai talk hpe woi galaw ai i ngu hpe bai myit yu ga!!!! Ya hpyi shawng ai lam mung ma ni hpyi shawn ai lam hte n shai na re , rai tim shasa madat la ai hku gade lang galaw na i???? maga mi de Majan hkring na masa gaw n nga ai ngu shadu lu ai
Hkungga let, KIO/KIA hpe woi awn nga ai ningbaw ningla ni, myu tsaw share shagun ni hte kanu kawa myitsu ni e.. dai ni du hkra mahtai n'pru ai ngu na sha n'mai sai.. dai mahtai pru na matu lapran kaw nga na shaga ya na "UN" hte sha matut mahkai na lam tam ra na sai..myen kasa ni hte gaw Du kaba ni nang sa du shaga n'ra sai. Aten galu magang myen ni na matu prepare galaw na aten jaw ai hte she bung nga sai re..myen ni hpe gaw kasa dat na "UN" hte matut galaw na matu laika hte shana dat ai gaw kaja dik rai sai.. ngai wp shayi langai hku na shani shagu tinang a shimlam hpe myityu na "safety" n'nga wa ai ngu myit masin hta hkam sha nga n'ngai law...
Anhte KIO/KIA ni ya aten, maigan mung dan kaba/ masha ni a man hta myi man bai lu magang wa sai aten rai nga ai. 1994 hta simsa lam la kau saga ai majaw myi man sum, kaya hkrum sha lai wa saga ai. Ya mung dai lahkam de bai n yawng wa na matu sadi ra na re ngu shadum mayu ai. Yawng e kam, myit mada kam hpa nga ai majaw matut n na shawng de she sit wa ra saga ai. KIA/KIO Ningbaw Ningla ni lu su nga mai, wutek n ta gap, Mawdaw jawn, hpaga ga rai nna grai she lu su wa sai ten hta, myu sha ni gaw sut gan ahkaw ahkang ni yawng hpe ginlut kau saga ai. Ya KIA/KIO ni moi na bandung de bai tsap let kasi kaja hte bai rawt tsap sa wa ai lam hpe myu sha ni grai n gun lu arawng lu hkungga nga sai re. Moi 1994 ning a shut kau ai lahkam hpe, bai n gabye hkrup na matu grai myit mada kam hpa nga ga ai. KIA/KIO hpe tut myit mada kam hpa nga ai myu sha langai kaw n na, hkungga jaw dat n ngai law.
Post a Comment