SIMSA LAM JAHTA LET SHINGDU DE GAP

August praw (2) ya shana maga N Mawk lam de Wunpawng Mungdan Shanglawt Asuya hpyen hpung ni myen tsa ya hpa ni jawn wa ai mawdaw hpe hkap gap lai wa sai lam na chye lu ai. Myen dak kasa ni hte Wunpawng Mungdan Shanglawt Asuya kawn simsa lam jahta nga ai ten ya na zawn hkap gap ai lam rai nga ai.

Lawu na gaw msw langji hku na ka da ai comment re, ndai kaw bai mara dat ya n ngai.

msw langji said...

Kaja ai lam re , simsa lam gaw kajai tim nmai gap jahkring na re.Anhte lamu ga gaw tsep kawp awm dawm ahkaw ahkang lu mat yang myen ngu ai hpe lu ma-gra sai.anhte lamu Ga(Hpang de mung dan byin wa yang)gaw myen mung ting hta ahkyak dik ai mung dan location kaw re taw nga ai,

1.Mali hka hte ,Chin-twin hka kaba lahkawng gaw anhte lamu ga kaw na lwi ai,

2. India hte china lapran kaw nga ai majaw kalang ta sahti mat mai ai lamu ga re.

Ndai hka kaba lahkawng hte ndai hpe machyu na sha nga ai lamu ga ni yawng hpe shanhte baw kaw mam-ting sha mai sai.Mung masa hku nna grai mai shagyeng sai. 2050 kaw nna gaw san seng ai lu hka(water) lu lang na matu mungkan kaw grai yak wa nga sai ten hta anhte lamu Ga gaw ndai hka san hpe dut sha tim pyi grai lawan ai hku naw sahti mai nga ai.K.K gaw Yeremi laika 27:5 hta ka da ai hpe dum nga ra ai.K.K kaw mungdan hku na hpyi yang jaw na sha re.Myen a npu kaw nga na matu hpyi yang mung jaw na sha re, anhte K.K man hta lata hpyi na lam sha nga ai.

Gara hpe dai ni lata na? myen hpe 63 ning jinghku galaw yu yang masu magaw hkalem hkalau ai hpe K.K anhte hpe madun dan sai, tim jinghku zawn naw kanawn na i?K.K kaw mung dan hku byin wa yang sasana grai kalaw ai myusha tai mayu ga ai ngu hpyi yang K.K gaw mung dan hku byin hkra shabyin na re.Myit nhtum ga. Jinghku nmai shatai ai hpe jinghku ngu na nsawn ga.Ya yang myen christan sara nkau myi na mung ga hta K.K man hta Yudu ngu,samari masha ngu n-nga ai nga hkaw tsun wa ai ni hpe loi maja nga ga.

Ndai Ga hpe Kasa Pawlu tsun wa ai ten hta yuda ni K.K hpe shan hte K.K sha shatai mayu ai, shanhte sha K.K lata la ai amyu byin mayu ai,K.K gaw laga myu sha ni hpe mung tsawra ai ngu hpe ning hkap mayu dik ai,K.K a Hkyehkrang la ai lam hpe laga ni hpe nkam jaw ai, du ja nga ai ni hpe kasa pawlu sha dum jahprang ai Ga tsun ai sha re.An hte K.K gaw Yuda ni na K.K sha nre,laga myu sha ni a matu mung re ngu hpe shi shadum jahprang ai sha re.Yuda ni hpe sai ka-yau mat mu,maigan myu tai mat mu ngu na tsun taw ai nre.nang ngai jinghpaw W/P myu sha tai na ngu na mung kan Ga de grai ndu sa yang tinang lata na sa wa ai nre.K.K lata ya dat ai kaw byin wa ai re, dai majaw ti-nang byin taw ai myu sha nmat mat na matu, ahkaw ahkang lu wa na matu, K.K jaw da ai Ga hpe nmat mat na matu hkang zing na lit gaw anhte dai ga shaga taw ai ni a lit nan re.

Sai gayau nna mat mat na matu nre,Dai ni Democracy ngu ai gaw anhte myu sha ni matu gawng-kya sha-ngun na lam she re(Mungdan hku na lama nlu de wa yang).'The weakness of democracy'.Hpa majaw, Democracy lu yang anhte kachin state ngu hpe laga mying hku galai kau ga nga nhtawm Vote(ra lata) wa yang anhte sum na , myu sha nlaw ai ni(Minority) gaw lak-nak hpai na awmdawm ahkaw ahkang hpe tam la ra chyalu sha re. anhte kaw laga lata na(choice) n-nga ai. awm dawm ahkaw ahkang la na shaloi lam 2 sha nga sam ai, hpyi na lu na kun? or Gap kasat na la na kun?ndai kaw na langai or ka-pyawn di rai tim lam tam mai ai,Rawt malan hkrun lam ngu gaw masing hte sa wa ra ai,du na 10 ning 20 or 40 ning hta hpa byin ra ai,kaloi ten gaw gap di hpang wa sana nga hpan ni masing jahkrat let rawt malan yang she mai awng da ai.

Ya na zawn hpyen tsim yam ni hpe shara jahkrat na hte shanhte hpe 2 ning ram jaw sha/tsi tsi lajang na gumhpraw lu da ra ai.Ya maigan kaw hpaw da ai(England & U.S.A,japan so on)W/P buga shalawt na hpung ngu na galaw taw nga ai ning baw ni hpe san yang dai masing n-nga ai.Gara hku mung dan ngu lu gap di la na rai? Ya yang gap di la na gaw Key point gaw du sai ngu mu n-ngai law.
MSW langji

August 3, 2011 8:03 PM

Myu tsaw Hkahku said...

"N kaja ai hpe kaja ai, Kaja ai hpe n kaja ai, nga n na tsun ai ni; n htoi a malai n sin, nsin a malai nhtoi; dwi ai a malai hka ai, hka ai a malai dwi ai hte galai kau ai ni gaw, dingnye lu ma ai."
Esaia. 5: 20.
Anhte Jinghpaw Wunpawng myu sha ni gaw shaman chyeju hte Karai hpan masat da ai amyu ni rai ga ai. Karai anhte hpe ap da ai buga, awmdawm ahkaw ahkang, amyu ru sai, htung hkrying etc ni gaw Karai e nan, “kaja ai, dwi ai, n htoi”’ ngu masat da sai rai nga ai. Dai hpe sut hting kaja zawn anhte makawp maga, rem kyem na lit anhte hta nga nga ga ai law. Dai zawn dwi sau let, htoi tsawm la ai anhte a awm dawm ahkang hpe, manu n shadan ai sha, ya du hkra tai hpyen wa hte rau sha naw akanawng nga na matu naw bawng ban nga ai lam gaw, dagam dala hpe mahtang hkam la shangun nga ai.
1.Tai hpyen myen ni gaw, anhte hpe n bung ai makam kandang hpe ladat amyu myu hte hpai shangun nga ai. Dai gaw Karai Kasang hte n htai shai ai lam rai nga ai.
2. Anhte a amyu, ga, htung hkying hpe mung shanut jahten kau nna, shanhte a htung hkying, ga, lailen ni hpe hkap la mat hkra lajang nga ai.
3. “Kaja ai, dwi ai, tsawm ai,ntoi “ngu masat da hkrum sai anhte a amyu, makam, htung hkying, lailen, ru sai, ahkaw ahkang etc. hpe anhte matut rem kyem, makawp maga ai lam hpe anhte n galaw ai gaw, Karai hpe ning hkap ai lam sha rai nga ai. Dwi ai a malai hka ai, shaman chyeju a malai dagam dala hpe mahtang anhte galai hkam la shajang wa na rai sai.
Dai majaw myu sha ni yawng hte tsawra hkrit hkungga ai KIO/ KIA ni yawng hpe ta gindun madi shadaw nga let lajin shana dat n ngai.
Karai a Mungga hta,
" N kam n sham ai ni hte rau n htai shai ai kandang hpe hkum jawm hpai mu: kaniing rai nme law, dingman ai lam gaw, tara nhkungga ai lam hte hpa seng a ta? Nhtoi gaw nsin hte kaning rai kanawn lu a ta? Hkristu gaw Beliala( Nat gawngngu hpara shaje) hte kaning rai hkau chyap lu mata? Kam sham ai wa gaw, n kam n sham ai wa hte hpa gumhtaw mi lu na a ta? Karai Kasang a nawku htingnu gaw, gawngngu sumla ni hte rau kaning rai kahtep lu na a ta? .. Shanhte a kaang na pru n htawm, Kaga Laklak rai wa mu, nga nna dai Madu tsun nga ai. Dai rai nna shanhte a kaang nna pru nhtawm, Kaga lak lak rai wa mu., nga n na dai Madu tsun nga ai. Awu asin re ai hpe hkum hkra mu, Shaloi ngai nanhte hpe hkap la na made ai. Nanhte a Kawa ngai tai na nngai”... ( 2 Korinhtu. 6: 14-18).
Alak mi Karai jaw da ai Mungdan hpe mahtang ya jang gaw de sa wa saga law.

Myu tsaw Hkahku

August 4, 2011 7:21 AM