Ntap bum kaw na myen ni bai htingnut mat wa ai lam na chye lu ai majaw Karai Kasang a chye ju hpe shakawn ai law...
Dai ni gasat nga ai majan hpe mare kaw nga nga ai myen salang ni gaw, tara nshang ai majan re nga nga ma ai. Hpa galaw na rai yang mung Rap Daw kaw nna daw dan galaw ai baw re. Dai majaw ya na myen ni gasat ai lam gaw Than Shwe wa chying lau ai bungli re nga tsun jahta nga ma ai.
Majan pa hta Dadu lanak lang ai hpe mung, n galaw ging ai bungli re nga myen salang ni jahpyak nga ma ai. Tara nshang ai, tara nlang ai majan gaw hkrat sum chyalu sha rai nga ai. Dai majaw myu tsaw share shagan ni yawng n'gun dating, myit nden shaja nna, ntara ai hpen ni hpe dang hkra shakut gasat nga ga. Karai anhte maga de lawm nga ai.
Nadai lam ni hte seng nna daini Rap Daw kaw lawm nga ai Jinghpaw kasa ni hpa rai zim nga ma ta? Hpung woi ni a mying dut sha nna kan wang sha na sha chye mat sai i? Tinang a majaw dinghku nta masha, tinang hte seng ai ni hpe myi man shaka ya ai lam re hpe n dum mat sai i? Karai Kasang a masha ni hpe dut sha ai wa nang, myen myi man hpe sha yu nna Karai Kasang hpe nhkrit ai i?
Aung San Kaw mung hpa rai zim nga a ta? Tein Sein hte hpa baw jahkrup hkat ma ai kun? Lama mi pawng sha hkyen ai rai kun? Hpa rai shi a bawng masha ni lawt na chyu sha tsun nga nna, Jinghpaw ni hkrum hkra nga ai hpe nchye ai zawn nga nga ai rai? Hpen yen ni hpe kade lang yu garum sani? Myen gaw myen sha rai nga ai nrai ni? RFA san htai ni hpa rai zim nga ma ta? Myen ni nau sum wa ai majaw n wam san mat sai i? Myen maga tsap ai i? Kaning re media rai kun?
Hkring sa mat sai myen du kaba langai tsun ai, " dai ni nanhte Jinghpaw ni hkrat sum ai lam gaw myit nhkrum ai lam re" nga ai. Shi matut tsun ai hta " nanhte a kata na ni sha nanhte a kata lam ni hpe anhte hpe tsun dan ai re" nga ai.
Dai lam ni gaw teng sha byin nga ai re. Lai sai ten, "Galoi mi she" sumla hkrung manghkang byin ai shaloi mung myen ni hpa pyi nchye ai, myen ni a labu matu kaw kap sha nga ai Jinghpaw Slg...... wa kawn chye wa ai sha re.
Nawku hpung kata hpung sara ni kaning re tara hkaw ai lam ni, myen kawa ni hpe shi htaw ai mung anhte a kata kaw na sha rai nga ai. Hpu nau wa nang dai zawn galaw nna kan kade hkru sata? Na a nta masha ni, nanag hte seng ai amyu ru sai ni kade wa bawng ring wa nga a ta? Tinang amyu hpe dut sha ai wa, nang hpe Myen ni kade daram wa kam nga ma ta? Nang yup pyaw sha mu rai nga ai i?
Lahkam mi re kan a matu na a dinghku, na a kasha ni a labau ntsawm hkra hpa rai dai zawn mana bu ai, nmyit yu ai bungli galaw nga nta? Myen shat hta lai nna, kaga lu hsa nchye tam sha mat sani?
Rap daw kaw lawm nga ai ni, tinang amyu a matu hpa n lu galaw na rai yang, rap daw kaw na lawan ai hku pru mat yang grau kaja nhten?
Hpang rai nhkrat ai.
Labau tsawm nga u ga!
6 comments:
hpung woi yawng hpe yawshada ai n,re yaw ya na hpung woi n,kau ni gaw chumjawng lung ngut ai hte mare kaba kaw shara lu hkra shakut galaw la ti hpung shang chyalu ni hpe tara jaw hpung masha kadai grau gum hpraw lu ai hpe masem rai ai ni law ai hpe mu ai KK hpe ka ang kaw tawn ti grai chye galaw ma ai byin wa shagu dung hkum kaw dung ti n,bung rau grai chye chyahta ai re . ya na zawn ru sai hte seng ai lam hta mung dai hku dung hkum kaw dung ti n,bung gawut taw na re n,kau mi gaw shan hte chye da ai hpa chyi rau nga yang mung kan media hkan mai tsun sharai lu na ram sha gaw rai na re ngu tak lu ai an hte mung dang di ai ram shabra taw ai dung hkum kaw superglu n,chya da ga yawng
Ga! Hkau ni, hkri ni,nam ni e, ya ten hta gaw dai lam ni hti chyai na ten pi n nga sai..
An hte Shapawng yawng myu sha ni a matu nachying kyu hpyi garum la, ja gumhpraw hte garum la, myit masa lam hte hpaji jaw garum la rai na ten she re...
Kaga myit n rum ai lam ni hpe gaw hpang e.. Wunpawng ginra shanglawt lu ten hta she jahta sha chyai ga le yaw..Yawng hpe grai nem dat ai..Karai Kasang anhte Shapawng Yaw Wunpawng ni hte rau rai nga u ga.tut dum kyuhpyi nga ga..
hpung woi yawng gaw n re tim ,,n kau myi gaw dai hku re ai,,sara saboi jum hpe yu yang chye ai ...anhte a lam hpe jinghpaw wa tsun dan ai majaw she myen wa chye ai nga ,dai ni myen wa nan tsun taw sai .wunpawng myu sha yawng a matu hkau soi wan myi hte galai sha gwi ai masha mung nga ai ahnte kaw n dai hku nru nra rai taw yang galoi shang lawt ngu lu na ta,,K.k hpe wa lu walang galoi wa lu nawku na ta...dai ni anhte a hpung woi ni hpe pyi roi rip sat nat ai na taw sai.an nau ni myit hkrum sa ka,myit hkrum ra sai.sai ga shaga na ten rai sai
Dai ni annau ni Nang shut ai Ngai shut ai hpe n htai lai nga saga..hpu nau ni e.e...Hpung sara tai masu n na Karai Kasang tsawra ai Wunpawng Myu sha ni a Gam maka hpe Kun rai shatai let...MYEN kaw dutsha lai wa sai/taw nga ai sara (Saboijum )lani mi shi a kashu Kasha prat hta K.K hte Wunpawng myu sha ni a HKA hpyi ai kaw du, labau n tsawm ai Dinghku re ngu ai labau leng ningmu gaw CHYAI(kri) taw nga sai law..Jinghpaw Mungkan ting chye taw nga saga ai..Dai hpe aten shama n htai lai taw nga saga LAGUT lam gaw lagut lam,MADU lam gaw madu lam nga ai hte maren Share Shagan ni hpe MAJAN DANG na matu JA JA AKYU HPYI ya ga lawwwww....KARAI lawm ai MAJAN gaw DAWI Hkawhkam a LUNG DIN Langai sha ahkyak ai hpa... Labau shang majan n dai Dang na matu Ladat hkum hkra hte shang lawm de matut sit sa wa saga ngu hpyi lajin dat n ngai law......
Jinghpaw ni hte seng nna AWNG SAN KAW zim nga ai lam hte, myen media ni Zim nga ai hte seng nna, Myen hku ka nna, myen media de law law tsun, mara ra ai.
Shanhte kade zim tim hpa n ra ai, Anhte maga de Karai Kasang nan lawm nga ai. Karai Kasang kaw hpyi ga, Karai hpe Ap da ga, Karai hpe tsun ga.
Yehowa Karai Kasang Anhte a Awng Padang.
Chyurum WP hpunau ni e,ganau Jatawng Naw tsun ai hte maran ya ten gaw grai ahkyak/manu dan ai ten re.Madu a gahpu/ganau shada nang/ngai shut ai mara jaw nga na ten n re.Langai hte langai chye na hkat ai hte,shawng lam de myit hkrum ai hte KK kaw na n gun grai la let hkawm sa ra ai ten she re.Hpung shara ni hpe mung n shut ga,KK kaw na ding nge n hkrum hkra sadi sa wa ga,dai gaw KK hte shan hte a pran kaw re,KK hparan na re.Sara ni mung an hte a sai ni re,shan hte mung myen labe/devils ni gara hku myi nga yak hkra a tik a nang shagwi nga ai hkrum ai majaw rai na re ngu sha ya ten hta myit la ga.
Post a Comment