October (31) bat Langai,
Wunpawng Mungdan Shanglawt Asuya hte hkrum shaga na matu Myen Asuya gaw KIO de kasa bai dat sai lam na chye lu ai. N dai lang hta myen asuya ni gaw Nawku hpung woi sara ni hpe shanhte ra ai kasa tai ya na matu hte shanhte hpang maga tsap ya na matu nsim nsa asawng shakut nga ma ai lam na chye lu ai. Lai wa sai bat hta October (27) ya shani Manmaw de na myen asuya dat ai hpung Sara (2) Laiza Ginjaw de du sa wa ai lam chye lu ai. Kata lam hpa baw ni bawng jahta ai lam ni hpe gaw tup hkrak nchye lu tim ndai lam gaw Myen a jahtum na ladat rai sai lam hpe chye lu ai. Makam masham Hpung woi Sara ni hpe jai lang yang awng dang na re ngu myen asuya ni kawn hkam la na masa rai na re. "Myen a nshawp ai, hkalem hkalau ga hpe KIO ni galoi mung kam sana nre, kadawng bang sana nre, anhte mahkrum madup grai law mat sai" nga nna KIA salang langai tsun wa ai. Ya na zawn sum wa na tai jang manang wa labawp manat let naw, shingdu yin rai jang manang wa hpe nyawp hkra re ai akyang gaw moi kaw na myen a ladat rai nga ai nga na mung tsun sang lang dan lai wa ai.
3 comments:
Myen ni gaw shan hte a lakanak hte jahkrit nna na na n mai lang ai ten hta myu sha ni hpe shagri brep na shadu di kasa bai dat nna shaga shangun ai gaw mani hpa rai nga ai...hpyen masa lam hta ngang ngang tsap let pat hkum nna ... ngam ng aai myu sha ni yawng hte gaw tinang nga ai sha ra kaw na mung masa lam yan hpe mai galaw ng aai.. an hte a ssakhkrung lam shani shagu na lam ni gaw mung masa nan rai sai dai majaw mungkan shara shagu du nga ai tsaw ra ai chyurum wunpawng sha ni e mung dan kata na nni gaw hpen masa hpe ta tut hkrang shapraw nga sai dai majaw shing gan kaw nga ai ni ma tinang dang di lu ai ah tsam hte mung masa hta hsnag tsap Mungkan de n tara ai lam hpe n dau ra nga sai law''' Yehowa Karai Kasang mung shi hpe kam sham ai an hte Chyurum Wunpawng myu sha ni hpe galoi n kabai da ai
www.gindai.blogspot.comj
Myen sawa satan de de na dat ai gaphkat jahkring na matu dat dat ai kasa hpa me rai rai hpung sara mi rai tsep kawp n'mai kam ai dai myen de na dat ai hpung sara lahkawng mung myen sawa satan maga tsap ai sawa satan a mayam shye n'rai i...!
N dai ram wa Myen Saq wa ni anhte a myu ting hpe shamyit sat nat, ladat a myu myu hku zing ri nga ai ten, Shan hte a Ga hpe naw hting let ya ai Hpung sara yan gaw Jinghpaw Sai gaw n rai na re. Myen n gyi she n rai na i? Dai zawn re hpe kalang ta katawng kau jang kaja ai. Saq Wa ni a ladat anhte yawng chye ngut chyalu re.
Post a Comment