Ya yang Myen asuya ni gaw shanhte Myen hpyen dap ningbaw ni gaw shanhte asuya dap kata ni hkan KIA gaw nkaja ai, nhkru ai, "Tawng-Chyan-Tu" damya ni re, mungdan asuya a nambat langai (1) jebat hpyen re, dai majaw gasat kau ra ai nga nna shani shagu nsim nsa hkaw tsun let nkaja ai masa ni hpe dawk bang ya taw nga ai hpe na chye lu ai. Jinghpaw mung de mung hpyen n-gun jat tik tik rai nga ai. Dai hta maga mi de gaw Thein Sein Asuya ningbaw ni gaw KIO/KIA hte simsa lam lawan galaw na matu lang hte lang kasa ni dat nna shakut nga ai ten re. Ndai lam lahkawng hpe yu yang hpyen dap hte ya na Thein Sein asuya gaw kaga ga rai nga ai hpe mu mada lu nga ai, hpa majaw nga yang asuya a policy hpe hpyen dap gaw nhkan nang ai hpe asan sha mu mada lu nga ai.
Dai daram Jinghpaw a lam nkaja ai hku shani shana tsun shahpoi let shanhte dap kata ni hta shani shana KIA n kaja ai lam hkrai tsun let masa dawk bang nga ai hpe mi maga mi de simsa lam la ga nga ai gaw mani hpa rai taw nga ai. Asan brang lang masu nga ai hpe mu mada lu nga ai. Jet ai Simsa lam hpe shaga taw nga ai nre hpe asan sha mu mada lu nga ai. Thein Sein wa Indonesia Asian zuphpawng hta RFA hpe tsun ai hta KIA gaw "Tawng-Chyan-Tu" ni yawng hpe gahkyin gumdin la nna mung masa jahta masu let mungdan hpe woi gumlang nga ai, mung hpawm kaw na garan pru mayu ai myit jasat re nga tsun lai wa ai. Tsun mayu ai gaw: UNFC ngu ai gaw "Tawng-Chyan-Tu" ni jawm hpaw shabawn da ai hpung re ngu ai hpe asan sha ndau dat ai lam rai nga ai, dai hpung a ningbaw gaw "U Nban La" re nga nna mung bai kahtap tsun wa ai. UNFC hte nkam jahta ai ngu ai hpe asan sha htawng madun ai lam rai nga ai. Ndai gaw Thein Sein wa a KIO ntsa asan sha mu mada ai lam rai nga ai.
Dai majaw ndai myen a simsa lam woi jahta ai lam gaw myit san seng ai lam hte jahta ai nre hpe asan sha mu mada lu nga ai. N dai gaw simsa ai ladat hte laknak lang hpung ni hpe shamyit kau na ngu ai lam rai nga ai. Dai majaw KIO/KIA hte kaga amyu baw sang lak nak lang hpung ni yawng gaw gap hkat ai lam hpe gara hku mung nmai jahkring kau na masa pru nga ai, shanglawt pandung du ai shani du hkra gap let mung masa jahta ai ladat hpe matut manoi lang mat wa yang she grau mai kaja na re ngu nna mu mada ai law.
5 comments:
WP sharaw said..(1)WP mungdan lu hkra shakut ga.
(2)Teng man tara rap ra ai Democracy lu nna mungdan sim sa wa tim..
(3)Myen hpe galoi nmai kam ai..Galoi mung sadi maja let pawng ra na re.
(4)Lak nak ap na gaw tsep kawp nmai myit ai..
(5)KIA/KIO ningbaw ningla ni hpe grai kam ai..
Awm dawm lu mat ai rai tim mungkan ntsa ko na burmar ngu ai sha nhtum mat ding sa mtut gsat tik tik di ra na gaw lbau jo ai lit nan re.gsat gla mtut glaw na mtu atsai awai mdi shdaw nngai law.
wp myu sha ni e myen gsat na mtu kasha shangai tik tik di ga law.ngai mung nye a tsaw ra jan hpe ya kaw na gaw kan nsha man da sai.Myu a mtu myit ga
KIA/KIO myutsaw myitrum yawng kraw kaw bang da ga:
1)Galoi rai tim Myen npu taw na matu lak nak nmai ap ai
2)Mungdan lu hkra matut manwoi shakut sa wa ga
3)Jinghpaw Mungdan lu ai hpang rai tim KIA hpyen n gun hpe matut manwoi shagren sa wa ga
4)Myen hte galoi mung nmai kam ai,satan wa shi hpe jai lang taw majaw, Karai Kasang hpe Hkap la ai kam sham ai shani she hkap la mai na re
5)Ya ten hta Myen hte majoi sha mai jahta ai shanhte hku nna shaga wa yang, anhte bangung du hkra galaw ra hpe sha matut galaw sa wa ga law
Myen gaw ya ten hta shi ASEAN hte sinna mungdan ni hpe mung matut masu nna Jinghpaw Wunpawng myu sha ni hte kaga lanak lang ai myu kaji ni hpe shamyit kau na matu shakut nga ai ten re majaw shanhte hpe tsep kaw nmai kam ai..
NTSA NA MYIT SU NI TSUN AI LAM NI YAWNG HPE MADI SHADAW AI LAW , ANHTE JINGHPAW WUN PAWNG SHANI LAWAN DIK AI HKU SHAWNG LAWT LU NA MATU , KAGA MYU SHANI HPE MUNG TSAW RA MYIT KABA HTE WOI AWN ZIN LUM LU NA MATU YAKAW NNA TEN GADUN HTE SHAWNG LAWT LU AUNG PADANG LU NA MATU AJA AWA KARAI KASANG KAW KYU HPYI SHAJA SAGA LAW
***** KIA/KIO***** NINGBAW NINGLA HTE HPYENMA SHARE SHAGAN
NI YAWNG HPE KARAI KASANG AYAN NNA MAKAWP MAGA LAM MA DUN SHAMAN CHYEJU JAW DING YANG RAI NGA LU U GA LAW*******
TSAW RA HKUNG GA LET
kcfchannel
Post a Comment