November (2o) Labang,
Wunpawng Mungdan Shanglawt Asuya a up hkang ginrai rai nga ai Mai Ja Yang kaw dai na de 20/11/2011 shana de hkying 2:30 pm daram hta sanap hka garang da ai nsam hta kachyi mi grau htoi ai nsam hte re marang htu wa ai. Mai Ja Yang mare baw de lawk (2) maga de grau sawng ai. Nkau nta hkan gaw ram ram htat ai. Yi mau chyan nta ntsa kaw gaw grau dan ai. Chyinghkrang lap, nai sam lam ntsa hkan e mung kap taw ai. Rai n htu shi yang n sen lama mi shawng na ai da. Lawk (2) na ni tsun ai. Nsen myu mi nga 2 lang na dat ai hpang marang zawn nga raw nga htu dat ai nsen na ai da. Dai hpang gaw nta shinggan kaw nga taw ai masha ni a lata ntsa kaw mung hkra ai. Hkra ai shaloi gaw akasi nga ai da. Dai hpang gaw hkraw mat ai.
Anhte ni wa yu ai shaloi gaw hkying 4:00 daram rai sai hku re. Dai shaloi gaw hkraw taw sai. Sak se vedio, photo sumla ni mung la da ga ai. Ya shagun dat ai laika kaw na sumla hte bung ai. Sumla hpe hpang e shagun dat na ga ai. Anhte mare masha ni yawng hte hpyen yen ni yawng grai myit tsang nga ga ai. Hka mung n lu gwi, si mai si maw mung n mai sha ai.
N dai mabyin byin ai lam gaw teng ai lam, rai tim myen asuya a lak nak a majaw rai n rai gaw rai n lu masat ai lam hte shingra tara galai shai wa ai majaw mung mai byin ai lam shana wa ai. Ya ten n dai mabyin hte seng nna KIO ginjaw salang ni mabyin shara de sa nna sawk sagawn ai lam ni galaw nga sai lam na chye lu ai.
1 comments:
Myi wa mung kaw ,dadu jak rung ,1 ,ka paw ai nga na ai,sa gawn yu ga
Post a Comment