USA TAXES KAW JINGHPAW HTE HKANG MYIT SU NI BAWNGBAN

November (20) Laban,

American Mungdan, Texas mungdaw hta sadu shanu nga ai Jingpaw Wunpawng Myu Sha myitsu salang ni hte hpunau Hkang Myu Sha myitsu salang ni November (19) ya shani US ten (1:00 pm-3:30 pm) hta hkrum zup bawngban ai lam galaw lai wa sai lam hpe na chye lu ai. N dai zuphpawng hta Jinghpaw Myu sha ni maga na Sara Kaba Rev. Labya Laseng, JLH Ningtau ningbaw Slg. Htingnan La Sam, JLH Amu madu Slg. Lahtaw Zau Yin, KNO dat kasa Shd. Ndayu Sut Nau ni sa du nna hpunau Hkang mga de na Texas na Sarakaba hte mung masa ning baw, Makam masham ningbaw, USA Chin Comunity kaw na salang ni shang lawm bawng ban lai wa sai lam hpe mung na chye lu ai. Chin-Kachin hte bum nga masha ni a ahkaw ahkang, Myusha ni a shawng lam, Tsin yam ni hpe shada garum hkat mat wa na lam ni hpe bawng ban jahkrup lai wa sai lam, KIO/KIA galaw ai lam hpe hpunau Hkang myusha ni madi shadaw shang lawm ai lam hte Hkang hte Jinghpaw Wunpawng Myusha ni Kahpu kanau labau rum ai lam hpe mung masat masa galaw hkat sai lam na chye lu ai. Matut nna n dai zuphpawng hta Hkang ramma ni hku nna US$ (2,500), Chin Community hte Nawku hpung hku nna US$ (41,000) hpe Jinghpaw Wunpawng Myusha hpyen yen tsinyam ni a matu garum la lai wa sai hte matut nna mung karum sa wa na re lam hpe ga sadi jaw lai wa sai lam na chye lu ai.