November (8) bat Lahkawn,
Jinghpaw mung Wai Maw- Kampaiti sa lam, Wu Chyik mare hta myen asuya hpyen dap ni gaw November (6) ya shani Shat nnan sha kyu hpyi na matu hkyen lajang nga ai Slg. Jumhpawk Hawng Lum a nta hpe nat kau ya ai lam shiga na chye lu ai. Shat nna sha kyu hpyi na matu shat shadu nga ai hpe KIA ni hpe shadu jaw ai re ngu na nta nat kau ya ai re lam chye lu ai.
Matut nna mung myen tai hpyen ni gaw Laban sha ni laban nawku ku nga ai Nawku Jawng de sa nna nawku lamang ni hpe sa jahkring kau nna, Nawku woi nga ai Sara Lajaw Lum Hkawng hte Hpungtau Chyayu Lum Hawng yen hpe mung adup zingri da ai lam, Nawku jawng kaw mahkawn mangoi woi shaman ai (music lithkam) sara Hpalawng Lum Hawng gaw sinat hte gap gatut ai lam, Lahawng Hkawng Hawng hpe mung gyit majaw nna a dip zingri da ai lam shiga na chye lu ai. Nawku sa ai Sara ni hte hpung masha ni yawng hpe mung poter masha hku woi mat wa ai lam shiga na chye lu ai. Poter hku rim mat wa ai yawng (50) ram rai nna Wa Shawng mare de woi mat wa ai lam buga masha ni kawn chye lu ai.
N dai zawn Hpung woi Sara ni, hpung masha ni hpe sat nat adup zingri ai gaw myen asuya a tat-ma (33) hte (88) ni re lam hpe mung matut chye lu ai.
2 comments:
Jinghpaw Kasa Blog hpe galoi mung hti let KIO/KIA shiga ni hpe yu nga ai re. Rai-tim laika si grai hkrat ai shaloi hti ai hta dingbai ding-na jaw ai zawn nga hkam sha ai. Dai majaw blog hta n mara shi yang, ga si ni hpe loi mi jep joi ya na matu Jinghpaw Kasa Bloger myit su ni hpe hpyi lajin dat ai law.
Anhte wunpawng myu sha ni htung hkying hta langai makam masham hta langai sha re ai ni myit hkrum man rum let shakut ra sai lo.sha dan gin hka na ten nrai sai hpe dum nga ga.myit hkrum ga lo.
Post a Comment