WUNPAWNG MYU SHA NI YAWNG HPANG DE

Tsawra ai WP myusha ni yawng hpe akroi anoi hpyi lajin ga saw dat ai. Shana yup hprang wa tim WP myusha ni a matu myit kahpra let akyu hpyi nga nngai. Tinang kadai re ai hpe sawn dum ga, Amyu, Htung hkring, labau hpe sung sung sawn yu saga,. Myen a shat sha nna nga yang na ban hta sha lu sha na re, na kasha ban hta gaw shi mayam rai mat na gaw ga lahtum n shut rai sai, tinang a lahtan sha myit nna shut ai lam ni mung nga wa saga ai.

Mara n mu hkat saga, an nau ni re, (Amyu, Hting hkring, Rusai) langai sha rai manau nau Chyahtawng htu ai ni rai ga ai. Tinang mu lu ai kahpu kanau wa hpe tsaw ra ai gaw Karai hpe Tsaw ra ai re hpe mung sak se madun ai lam rai nga ai. Tinang a hpara bungkyi hpe pyi hpa n sawn, yu bak ngu ai hpe n hkrit gwi gwi hte sat ai wa re majaw ten du wa yang nang mung shamyit hkrum na re. AN NAU ni a KANU KIO/KIA kaw chyu sha mung masa sharin la na Du Jawng du hkra Karai a chyeju hte hpaw ning htan da saga ai. Nang myen ni kaw sa sharin la ai mung masa hpaji mung na dinghku nta masha ni shi mayam tai na hpaji sha re. Dum hprang saga.

Karai Kasang ngu ai hpe anhte moi jiwoi jiwa ni a nat jaw prat kaw nna shaga chye saga ai. Dai ni shi hpe shaga na ten bai rai sai, Shi KARUM la na re. Shakawn 37:5, 9 hpe mai sau pa hta ka nna Wunpawng myusha yawng sum bu kaw bang da nna, mung kan shara shagu na, jut shagu kaw na kadai mung, bungli dabang kaw na mung, lusha gam lu ai ni gam di nna akyu jawm hpyi saga, hpyenla shagu mung ndai ja chyum ga hpe tinang hte galoi mung rau rai nga na matu sum bu kaw hka n madi hkra ladat shaw let da nna, machye machyang hte shanglawt ahkang hpe shngai wa ai kaw nna jaw ya ai KARAI hpe myit dum let shawng lam majan de sa wa ga.

Myen mungdan kaw internet lu tim, Jngpaw Kasa hpe hpaw hti ai ni grai shau ai majaw shiga htawn ai hta lanyen ai majaw yawng hpe FM radio hku shi htawn yang grau lawan ai hte tang du na re. Sasana Sara kaba langai tsun ga ai lani myi tup masha a matu akyu rawng ai lam hpa mung n galaw ai wa gaw tinang a prat hpe sat kau ai wa hte bung ai. Akyu hpyi ai bungli hte WP sha ni a lamu ga, ahkaw ahkang, htung hkring, shada tsaw ra myit, myu tsaw, mung tsaw myit hpe asak bai jahkrung sa wa ga, ngai jahpawt amu nhpang shi yang no 1 galw ai au gaw Jinghpaw Kasa shiga yu ai lam re, akyu hpyi ai lam hpe gaw gara ten ganing re kaw mung galaw ai. Mung kan jut shara, shara shagu kaw nna, myit mang langai, mahku langai hte A HKRUNG NGA AI KARAI KASANG hpe jawm jahtau ga.

Wunpawng Shagan, UK