NAM LAT POST HPE YEN KAU

December (30) bat Manga

Wunpawng Mungdan Shanglawt Asuya Sam Mung daju Dap Ba (4) n pu na KIA Post langai rai nga ai Nam Lat Post hpe gan yen kau sai lam shiga na chye lu ai. N dai zawn tinang a post hpe yen da kau ra ai lam gaw myen hpyen asuya a hpyen dap ni gaw lak nak kaba ni hte n hkring n sa gap sharu bun ai majaw re lam hpe mung na chye lu ai. Myen asuya hpyen dap ni gaw KIA ni hte gasat ai hte mashi lak nak ni hpe lang ai lam hte n dai mashi lak nak a majaw KIA myu tsaw share shagan (5) ram hkala hkrum lai wa sai lam hpe mung na chye lu ai.

MATUT HTI NA »

JAPU MARE KAW MATUT GAP

December (30) bat Manga

Wunpawng Mungdan Shanglawt Asuya Dap Ba (5) Ginra rai nga ai Ja Pu mare kaw dai na maga de KIA Dap Nawng hpung ni hte myen hpyen asuya hpyen dap hka-ma-ya (389),(390) ni laja lana gap gasat lai wa sai lam shiga na chye lu ai. Majan shiga kata lam hpe rai n chye lu shi ai.

MATUT HTI NA »

HPARAW MARE MAKAU KAW GAP

December (30) bat Manga,

Wunpawng Mungdan Shanglawt Asuya Dap Ba (2) npu, Dap Dung (5) na KIA myu tsaw share shagan ni hte myen hpyen asuya a hpyen dap hka-ma-ya (385) ni dai ni hkying (11:30am) ten Hparaw mare makau gaw gap gasat lai wa sai lam shiga na chye lu ai. N dai gap gasat ai hta myen hpyen la (10) jan hka la hkrum lai wa sai lam hpe mung matut na chye lu ai.

MATUT HTI NA »

DENG WAI HTE YAW YUNG LAPRAN KAW SHANI TING GAP NGA

December (29) bat Mali,

Wunpawng Mungdan Shanglawt Asuya Dap Ba (3), Sinpraw Ginwang Ginjaw Ginra rai nga ai Manmaw-Loi Je lam Deng Wai hte Yaw Yung mare lapran kaw KIA myu tsaw share shagan ni hte myen asuya hpyen hpung ni dai hpawt kawn ya ten du hkra n hkring n sa gap gasat nga ai lam shiga na chye lu ai.

MATUT HTI NA »

AWNG PADANG DIP LA LU II

MATUT HTI NA »

AWNG PADAG DIP LA LU

MATUT HTI NA »

DUM GA

Bau dum bau waw, ga tsun ga law,nga ai hte maren, myen gaw ga rawng rawng tsun shabrawng nna,kraw lawang kata, nshu nshang kajam kalam gale galau, pale palau rai, tsun hkanu ai gaw moi myen hte ningnan mahku mara ai ten kaw na rai wa sai, bungsap tsip zawn shanut ai myen hte shaning galu ganawn wa yu saga ai myen a myit jasat, myen a myit kraw lawang hpe mung mu gin chye gin ai daram chye saga ai,matut nna myen hte naw ganawn yang mai na kun? Mung hpawm ngu ai hta naw tsap lawm yang kaja na kun? Myen a up hkang tara kata, mung hpawm hku naw ganawn yang kaja na kun?mung masa tara joisi hta shen dik yu ra nga ga ai. Miwa joi jang lang na kun? Sinna dan ni joi kilo lang na kun? Myen hte annau ni a joisi jang namnak madung na kun?shawng shen yu ga.

Mung shawa rap daw rai sai, Democracy, tara hkrang hte sa nga sai, Gumsan Magam hku up hkang sa nga ai,ten hta hpa majaw hpyen dap she grau naw n, gun ja nga ai zawn, u shoi jum tek ai zawn rai nga ai ten, myen a mung masa lam bawngban ga, ngu ai gaw hpa ta? Kara hku ta? Kara masa de yawng nga ai kun? Annau ni buga ginra de, hpyen n,gun kaba htu nga ai ten, bai annau ni a dai lup dai hpang ga kaw,myen a hpyen dap kaba ni sha adung nga dingsa mung masa bawngban ai gaw

lachyum pru na kun? Bai majan naw byin nga ai,rim zingri roi rip nga ninglen man hkrum bawngban yang Namchyim nga na kun? Myen a masa hkrang asan pra nmu shi yang bawngban ai gaw nau naw jau na re, myen a galai shai sharai ai lam, nmu yang grai naw myit sawn shachyaw yu ra nga ga ai, dai ni annau ni lam mungkan na mung chye nga sai re, hpyen yen tsin yam ni hpe mung garum sa wa na masa nga sai, myen a lachyum hpe atsawm nmu nchye lu shi ai, UNFC hku sha n'ga, UN hku nna rapdaw Slg tai ya nna mai tsun bawngban ai de du wa na sha rai sai ten annau ni Sum tsan pala hkyen tawn ai madang sha naw myit jahkut tawn yang kaja na re.

Mungkan de gaw mung shawa up hkang hkrang, Democracy hkrang, simsa lam nga tsun ai, rapdaw kaw nna mung masa bawngban jahkrup jahkra hpung hpaw nna galaw nga sai zawn, masha a lu gin ai ahkaw ahkang hpung hpaw ai,Rim skaren da ai ni hpe, lang hte lang dat ya masu ai, Asan apra rai nmu shi ai myit ding hpring ai lam nmu shi ai ten,anhte kam yang mai na kun?

Ya byin nga ai lam ni kalai shai wa yang she bawngban yang manu dan na re, ya ten [chyan-hput paty] kata nru nra nhkrum, nhkra ai lam byin pru wa nga ai, Dingdung Korea a ning baw kim Jong Ii si mat ai majaw myen hte matut mahkai bawngban galaw tawn ai lam ni mung manghkang de mai du pru chye ai myen a myit tsang hpa langai re. Myen gaw sinna dan ni hte pru pru shang shang galaw wa ai,kala Thai Bangladesh Japan ni hte hpaga jawm galaw wa na masa nga ai zawn maigan Slg law law sa du nna myen mung hpe Democracy hkrang de, sa wa lu hkra jawm n'gun jaw u shoi jum tek ya ai ladat sa nga ai. Dai gaw annau ni a mung masa bawngban na matu, la yu ra ai masa naw re, U Awng Tawng hte U Awng Min yan a ga manaw gaw nding nga ai, simsa lam hte mung masa rapdaw kaw bawngban na gaw 3 ning na ra na re nga gaw, grai tsang ra ai mung masa ninggam re.

Miwa a shaning galu myen a shingdu kaw tsap ya madi shadaw ya ai hte myen mung kaw hpaga ga up tawn ai, shaning galu sai chyup na masing tawn ai, Miwa myu law law hpe myen mung hta mung chying masha byin hkra galaw nga ai, [Maha Byuha] katsi majan hku masha shalaw, Hpaga masa hte gangwi ga up kau lu hkra hte, gumrai len shalai la na hka daru masing kaba hte nhprang rai masing ni hten wa na masa de yawng wa nga ai jaw, Miwa gaw hting grum kata myen hpe mung masa hpyen masa hpaga masa hku grau madi shadaw lu hkra masing kaba jahkrat galaw wa chye ai.

Ndai n'gun chyam ai gaw masa kaba kalai chye ai, Awng San Kaw hte NLD ni a ra lata poi shang ai masa hpe mung naw la yu yang kaja na re.

1-Anhte lamu ga hta myen a hpyen masa galai ra ai.

2-Rap daw hte hpyen dap hpe maram yu ra ai.

3-Hpaga yumga lam hte Miwa a shamu shamawt lam hpe yu maram ra ai.

4-Maigan Slg law law sa du ai hpang na mabyin hpe la yu ra ai.

5-Awng san kaw hte NLD a ra lata poi shang ai hpang maram madat yu ra ai.

6-UNFC Hpyen hpung shawng hpaw ning htan tawn ra ai.

7-UNFC hku bawngban yang she kaja na re..

8-UN a galaw sa wa ai hpe la yu ra ai.

Lahta de na lam ni hpe shawng maram yu ngut jang she mung masa bawngban sa wa yang kaja dik na re ngu mu ai. Myen gaw grai sum machyi taw nga sai ten re majaw mung masa hte kayin dang lu hkra nsin ladat shaw ai lam re ngu sawn mai ai, anhte ra awng sharawng ai hpe UN hte mungkan de shawng chye hkra shakut ra ai ngu mu ai hte,mungkan hte UN hpe sum tang hku shawng ka shalen tang madum sa wa yang kaja dik ai re ngu mu ai. Hpyen masa hpe galoi mung loi loi hte matut manoi nhkring hkra gasat nga yang gaw annau ni ntsun nbawngban shi yang UN kaw na ndai manghkang hpe jum tek nna hparan wa na masa de du wa chye ai. Dai majaw ndai ten bawngban ai gaw grai naw jau ai.

1-matut gasat na.

2-hpyen yen tsin yam ni lam matut manoi hpyi shaw na.

3-Mara kata Rim zingri ai Num ma ni hpe roi rip sat ai.

4-shinggyin ahkaw ahkang n'nga ai lam.

[U DI] matu tam nmu,tam shamat nga ai masa sha naw re majaw, lahta de na lam ni hpe la yu, maram yu nna she bawngban sa wa yang grau manu dan ai hte htuk manu na re ngu sawn lu ai law. Matut nna Naw Dating gasat ga,yi ngam shakre shangut na sha rai wa sai. Shani tup wa ai tingka shana de azat kau ai nga, shani tup gatek tim u di gaw langai sha nga ai de naw yawng nga ai.

Langai sha ngam tim gasat ga.

Baren Numraw

MATUT HTI NA »

SHAGRI KUNG AI MYIT MASA

Shawng nnan Karai Kasang a Chyeju hpe shakawn ai law. Tsaw ra hkung ga ai Wunpawng sha ni yawng a matu merry hkristmas the ngwi pyaw ai shaning ningnan rai u ga. Jinghpaw wunpawng sha ni yawng a gawng malai hkung ga tai nna,tai hpyen hpe gasat manga nga ai, myu tsaw mungtsaw share shagan ni, lam amyu myu hku madi shadaw nga ai kanu kawa ni ,sutdu ni, hpang lam kaw na ladat amyu myu woi shaw nna, shawng lam masing masa hpe woi awn nga ai ningbaw ningla ni,maigan mungdan shara shagu de du nga nna, tinnang buga amyu sha ni hpe pu gang sin machyi bai n htang pawnba nga ai Jinghpaw Wunpawng chyu rum ai annau ni yawng hpe n dai laika the hkungga jaw dat nngai law. Yawng a n tsa Karai Kasang shaman ya u ga.

Tsaw ra hkungga ai chyurum wunpawng sha ni e, daini na ten gaw , shagri kung nna myit n-gun shaja let daw dan ai lam hpe tup hkrak byin wa hkra galaw ra ai ten du nga sai law. Myen gumshem asuya nnan gaw, mungkan de myi man tam nga ai ten rai nga ai. Myen mungchying sha ni a gam maka hpe pahkam hkam lu na hpe ahkyak ntawn ai sha, mungkan a man hta hkyak hkyak e yu tsawm daw shiga shapoi nna , shi a akyu ara hpe galaw la na shi hkyen nga ai hpe anhte chye ra ga ai. Hpang de hpa byin yang byin ,ya law law se gap hkat jahkring lu ai ngu ai hpe shi galaw mayu nga ai. Ndai hpe hkum kam dam lu. Kam ai the anhte gaw hkaraw de di hkrat chyalu rai sai. Ya na madang zawn re madang hpe n pawt kaw na kalang bai galaw na n loi sai re. Ya gaw anhte thing nut nmai sai. Matut nna anhte a pandung du hkra ganawng sa mat wa na sha ra sai. Anhte a pandung gaw hpa rai ta? Anhte a pandung gaw, Tinang a mungdan hpe tinang up hkang hpajang lu ai shang lawt mungdan rai nga ai. Madu myu sha ni up hkang mai ai federal hpe n lu mai ai majaw, awng dawm ahkaw ahkang lu ai shanglawt hta lai nna anhte lata na lam kaga n nga sai. Dai ni na ten anhte sadi maja ra ai gaw, Federal hpe jaw na pyi hpyen gum shem sha nrai. Mung masa galaw nga ai myen mung masa la ni nan n dai hpe kachyi mi pyi myit n hkrum ma ai hpe adan aleng rai nga ai. Ya ten hta myen mung dan kaw mung masa galaw ai wuhpung law law nga ai. Gade law tim munghpawm myusha ( taiyintha ) ni a ahkaw ahkang hpe myit yu ya na wuhpung n lawm ai ngu ai hpe anhte chye da ra ai. Hpa baw Democracy mi nga tim, shanhte a masha n gun kaba the myu kaji ni hpe kaup sha na ngu ai myit jasat hkrai re.

Dai ni na asuya ningnan kaw lawm nga ai lut daw dat kasa ni ngu ai mung, anhte myu sha ni a maga de tsap nna, laja lana rai tsun garum na nnga ai sha n-ga, gaw da ai tara hpe ninghpai nna, rawt malan ni hpe shamyit kau mayu ai ni hkrai rai nga ma ai. Taiyinta dat kasa loi li ni gaw myit lawm ma ai rai tim, grai rai na tsun na ahkaw ahkang, galaw na ahkaw ahkang n lu nga ma ai. Laiwa sai lana mi na BBC a gasan gahtai galaw ai kaw,myen mungdan a labau hta Dr degree lu ai myen the hkang masha kaba ni hpe san htai galaw ai shaloi , myen labau sara Dr langai mi tsun lai wa ai gaw, “Banlung ga sadi ngu ai gaw hpa lachyum pru ai n re. Dai hpe wa ya dai ni grai ahkyak ai ga sadi hku nna tsun nga ma ai. Kaja gaw Banlung ga sadi gaw , Taiyinta ni myen mung the rau shang lawt la mayu ai majaw myit hkrum ai ga sadi sha re” nga nna grai ahpa atang nga tsun ya nga ai. Shi tsun ai hta taiyinta ni myen the arau shanglawt la mayu ai hpe sha mu ai. Mungdan hpe gara hku up na , gara hku ahkaw ahkang jaw ra ai, hpa majaw shang lawt rau la ra ai, Bum masha ni myit hkrum yang sha shanlawt jaw na ngu ai lam ni hpe shi n tsun ai sha n-ga ndai teng man ai lam ni hpe she magap da mayu nga ai. Hkang myu sha na Labau sara kaba Dr mung grai nga tsun htai lai ai hta, myenmung kaw sharin ya ai labau gaw munghpawm myen mung a labau n re sha myen a labau sha re. Munghpawm mungdan a labau rai teng yang,taiyinta ni a labau mung sharin ra ai. Anaw yahta min, mindung min, chyan tsitta min ni a lam gaw, anhte taiyinta ni the hpa n seng ai. Myen ni a labau san san sha re nga tsun ya ma ai. Ndai zawn re amyu kaba laba the myu kaji ni hpe kaup sha mayu ai lai ladat,n tara ai lam ni a majaw, myu kaji ni rawt malan nna, lani mi na n htoi hta munghpawm kaw na garan pru mat wa na shing nrai shanglawt jaw ra wa na hpe mu mada tsang nga ai myen hpaji chye ai n kau mi mung nga nga ma ai. Ga shadawn Dr Zani zawn re masha kaba ni gaw, shanhte a myu kaba lai ladat a majaw, mungdan n ngwi pyaw nga ai lam, ndai lai ladat a majaw, munghpawm myit hkrum lam hta dingbai dingna rai nga ai lam ni hpe ayan shadum ya nga ai. Ndai zawn re lam ni a majaw, myen mung masa la n kau mi gaw anhte myu sha ni hpe grai tsaw ra ai zawn zawn, grai lanu lahku la mayu ai zawn zawn rai nna lam amyu myu hku shani wa ai ni hpe mung anhte hkrum na re. Raitim ndai ni gaw anhte garan pru na ngu dat ai the gaw, anhte n mai garan pru hkra anhte hpe lam amyu myu hku n na jamjau jaw, mayak mahkak jahkrum na hkrai re hpe, tau hkrau na dum da ra ai. Ning ngu yang n kau mi gaw dai gaw n rai na re anhte hpe tsaw ra ai myen ni mung nga na re, laika ka ai wa nau hkum tsang nga na re. Myu sha ni hpe tsaw ra ai, myit su ai lama wa nga yang , hpa majaw anhte hpe ga sadi the hkrak ( Federal) madu up hkang,madu tara dara, madu upade galaw nmai ai i? rap ra ai lam, tara ai lam, rai yang hpa rai masha a ahkaw ahkang hpe pat kau nna, anhte buga , anhte shara anhte myu sha ni hpe dip apyet nna up sha mayu nga ai i? Myit yu ga.

Asian mungdan langai kaw na ,mungdan kaji Singapore mungdan a lam hpe kachyi mi tsun dan mayu ai. Mungchying sha ni wan masum jan wan mali daram sha nga ai mungdan kaji langai re. Raitim dai ni sinpraw mungkan hta sut su ai lam hta Hkang Hkyi ngu shamying hkrum nga ai. Mungdan kata hta n hprang rai hpa mung nnga ai.Sau the gas mung npru ai. Ga the zaibru, lu na hka, lang na hka ni yawng maigan na mari bang na lang ra ai. Raitimung sinpraw dan maga na masha ni, sha n-ga sinna dan masha ni du hkra n dai mungdan kaw bungli sa galaw nna gumhpraw tam nga ma ai sha n-ga n dai mungdan kaw bungli lu na matu shakut jawng nga ai gaw sen hku nna nga nga ma ai. Hpa majaw ta? Mungchying sha law htum gaw miwa ,no.2 Malay no.3 gala the no.4 gaw Sinpraw mungdan shagu na hpaji chye ai, mahkrum madup nga ai, machye machyang law ai bungli galaw masha ni rai nga ai. Mungdan hpe uphkang ai gumrawng gumtsa hta law malawng Miwa myu ni re rai tim Malay the Gala hpe mung lachyen lahka ai lam nnga ai sha shang lawm shangun ai. Up hkang ai ladat hta Miwa, Malay , Gala ngu n ginhka ai sha yawng gaw , Singaporean ngu Singapore masha ngu ai hku sha yu nna up hkang ai ladat re. Anhte sa nga nang, sa galaw sha nang ai ni hpe mung lachyen lahka ngu ai nnga ai sha, masha a ahkaw ahkang hpe atsawm jaw nna woi awn ai munngdan re. Nang du nga ai ten laman , nang sa mayu ai de sa. Wa mayu ai ten wa, nang hpe manam re nga jahkrit shama sha na masha nnga ai. Nang hpe dang sha roi sha na, mya lu mya sha na lagu lagut na masha nnga ai. Ndai daram kaja ai gaw, masha kaja ni hkrai nga ai majaw n re. Mungdan kata kaw sa shanu nga ai masha ni sha n ga, maigan na chyahkring chyahkra du sa ai bu hkawm masha ni a matu mung sim sa shim lum dik ai mungdan re. Kaja gaw Democracy mungdan gaw n re. Raitimung mungdan masha ni hpe grai pyaw hkra, ra nrawng hkra lit la up hkang ai mung dan re majaw, lam amyu myu hku dip apyet da hkrum ai anhte myen mung masha ni hku sawn yang, Singapore mungdan gaw “Ngachyu the Lagat jahku lwi ai mungdan” rai nga ai. Ndai zawn byin tai wa ai lam gaw, mungchying sha Miwa,Gala hte Malay myu masha ni hpe lachyen lahka nnga ai sha yawng hpe ahkaw ahkang langai the sha up hkang kanawn woi ai lam a majaw rai nga ai law.

Anhte myen mungchying sha ni hpe lahta na asuya zawn lama woi awn ai rai yang, hpa a matu rawt malan na i? hpa baw a matu gran mayu na i? Amyu masha ni shada da tsaw ra hku hkau let nga nga na rai nga ai le. Dai ni gaw asuya hpyen dap kaw anhte amyu nnga ai. Gumrawng Gumtsa up hkang hpung kaw anhte myu sha n lawm ai. Langai lahkawng lawm lu yang mung shanhte wu shoi shoi da ai. Mungdan a asuya kaw anhte a kanu kawa nnga ai. Kadai wa anhte maga de tsap nna, hparan ya na i? anhte a hpyen hpung nnga ai, kadai ni wa anhte hpe makawp maga la na i? ndai daram shimlam nlu ai myu sha ni a matu, shanglawt na hta lai nna, gasat na hta lai nna, hpa mahtai mung nnga sai. Masha ahkaw ahkang ngu ai kachyi mi pyi n hkam sha lu ai nga rai kaw prat tup jam jau nga na malai, chyahkring sha mi jam jau hkam nna, shang lawt la ai gaw anhte matu htawng hpang na anhte myu sha ni yawng a matu manu dan dik ai lam rai sana re.

Dai majaw, shawng lam de jam jau hkrum let sai the asak the galai nna myu sha yawng a gawng malai hkung ga tai nna, ap nawng nga ai myutsaw share shagan ni e, nanhte hpe amyu sha ni yawng , maigan shara shagu de du nga ai myu sha ni yawng, kam hpa nga ga ai. Galoi mung madi shadaw nga na ga ai. Hkum hkrang she kaga ga rai tim ,myit masin gaw , nanhte the rau rai nga ga ai. Nanhte machyi ai gaw anhte machyi ai re. Nanhte hpe sha myit mada shara shatai nga ga ai. Myit hkum ru myit, myit hkum tsang myit. N htang na hkum myit. Shayawm kau na hkum myit. Majan gasat yang she padang ngu ai nga ai. Tai hpyen gaw Masha n-gun, lak nak n-gun, zingri zingrat n-gun ni the Wunpawng myu sha ni a shagri brep hkra galaw shakut nga ai. Shagri n mai brep ai lu. Ndai lang gaw Karai Kasang laksan lajang ya ai lam she rai sai. Jinghpaw Wunpawng sha ni yawng gaw Karai Kasang hpe kam sham ai ni hkrai re. Kam sham ai ni kaw byin ai lam mahkra gaw Karai Kasang a yaw shada ai lam re. Ndai hpe kamsham nna, shi ra sharawng ai lam hta hkan sa na sha ra ai. Byin hkra galaw na gaw Karai Kasang a lit she re. Anhte gaw shi a ga madat nna hkan sa na sha lit nga ai. Badang dip ai ngu ai gaw, chyum laika kaw yu ai shaloi, masha n-gun, laknak n-gun the n seng ai. Karai Kasang lawm ai maga de dang na dai re. Myu sha ni yawng shi hpe n dut n hka kamsham nga jang teng teng shanglawt lu na re. Kam Ga.

Myu hpe tsaw ra let,

Agu Namti

MATUT HTI NA »

YAK TIM PYAW TIM RAU (MALAYSIA)

Malaysia mungdan kaw du nga ai Jinghpaw Wunpawng Myu Sha ni kawn woi awn nna Jainghpaw Mung kata Majan a majaw ru yak jam jau hkrum nga ai hpyen yen tsin yam ni hpe garum la na matu, Myen Mung kata na Jinghpaw Wunpawng Shingni Myitrum Manang n kau mi sadu shang lawm let Yak Tim Pyaw Tim Rau Yu Ngwi pinra hpe awng dang ai hte sha galaw la lu sai lam shiga na chye lu ai. YAK TIM PYAW TIM RAU YU NGWI PINRA hpe Malaysia mungdan Kuala Lumpur Chinese Assembly Hall kaw December (26) ya shani hkying (2:00pm) kawn shana de hkying (7:00pm) du hkra kabu gara awng dang ai hte galaw la lu sai lam shiga na chye lu ai. N dai Yu Ngwi Pinra hta Myen mung de na Jinghpaw Wunpawng Shingni Myitrum Manang ni n kau mi (20 jan) sa du shang lawm shangwi shapyaw lai wa nna, Malaysia mungdan du Jinghpaw Wunpawng myu sha ni (1,000) jan sa du shanglawm n gun jaw lai wa sai lam hpe mung matut na chye lu ai.

MATUT HTI NA »

SIMSA KASA VOL.3, ISS.1

MATUT HTI NA »

JA PU MARE MASHA NI HPE MYEN HPYEN NI RIM

December (27) bat Lahkawng

Malang Yang Ja Pu mare de myen asuya hpyen hpung ni gaw December (26) ya shani shang wa nna Nawku hpung wang, kyu hpyi bum ni hta shara la nga sai lam shiga na chye lu ai. Ya ten mare masha (200) grup yin gaw nam de hprawng makoi mat nna mare masha (13) daram hpe myen hpyen la ni rim la mat sai lam buga masha ni kawn shana wa ai. Katsu mare kaw na mung mare masha marai (7) hpe myen hpyen ni rim la nna Ja Pu maga de lam madun na matu woi mat wa ai lam matut na chye lu ai.

MATUT HTI NA »

KATSU DABAK KAW LAJA LANA GASAT

December (26) bat Langai,
Jinghpaw Mung Myitkyina-Manmaw lam Katsu, Dabak kaw Wunpawng Mungdan Shanglawt Asuya Dap Ba (5) n pu, Dung (3) na KIA myu tsaw share shagan ni hte myen hpyen asuya hpyen dap ni dai ni laja lana gap gasat ai lai wa sai lam shiga na chye lu ai. Kata lam shiga hpe hkrak rai n chye lu ai.

MATUT HTI NA »

SADUNG KAW (24) YA SHANI GAP

December (26) bat Langai,
Wunpawng Mungdan Shanglawt Asuya, Dung (3) ginra rai nga ai Sadung kaw lai wa sai December (24) ya shani KIA Dap Dung (3) na myu tsaw share shagan ni hte myen hpyen asuya hpyen hpung ni laja lana gap gasat lai wa sai lam shiga na chye lu ai.

MATUT HTI NA »

KAWNGLIM MAKU KAW GAP

December (24) bat Kru,
Wunpawng Mungdan Shanglawt Asuya Sam mung daju Dap Ba (4) n pu, Dung (8) na KIA myu tsaw share shagan ni hte myen hpyen asuya a hpyen hpung ni December (23) ya shani Kutkai lahta Kawglim mare makau kaw laja lana gap gasat hkat lai wa sai lam na chye lu ai. N dai zawn gap gasat ai hte myen hpyen la (2) si hkrum lai wa sai lam hpe mung na chye lu ai.

MATUT HTI NA »

SINLUM MAKAU KAW GAP

December (24) bat Kru,
Wunpawng Mungdan Shanglawt Asuya Dap Ba (3) Ginra rai nga ai Manmaw-Loije lam, Sinlum makau kaw Dap Dung (16) na KIA myu tsaw share shagan ni hte myen asuya hpyen dap tat-ma (88) na hpyen hpung ni mani December (23) ya shani hkying (1:30pm) jan ram hta laja lana gap gadsat lai wa sai lam shiga na chye lu ai.

MATUT HTI NA »

MYEN HPYEN ASUYA DAP NAWNG MUNGLAI HKA NAM DE DU

December (23) bat Manga,
Wunpawng Mungdan Shanglawt Asuya up hkang Ginra rai nga ai Munglai hka nam Mansai hte Manmau mare ni de December (22) ya shani myen hpyen asuya hpyen dap nawng langai mi du shang wa ai majaw Mansai, Manmau, Nalung na mung mare masha ni Laiza de hprawng yen mat sai lam na chye lu ai. Myen asuya hpyen dap ni gaw shanhte du ai shara shagu na mung mare masha ni hpe majoi rim gyit adup zingri, mare ni hpe wan nat rai nga ai majaw mung masha ni gaw shim ai shara Laiza de hprawng yen wa ai re lam buga masha ni kawn na cye lu ai.

MATUT HTI NA »

LAIMAWK YANG MYEN HPYEN DAP HPE MHH NI BAWM SA KAPAW

December (23) bat Manga,
Jinhpaw Mung Myikyina Manmaw lam ntsa Dawhpum Yang ninghtawn kata Laimawk Yang myen hpyen dap hpe Wunpawng Mungdan Shanglawt Asuya Mung shawa hpyen hpung ni mani December (22) ya shani bawm (8) lang sa kapaw ai majaw myen hpyen asuya maga na laja lana hkra machyi mat ai lam na chye lu ai. Bawm kapaw ngut ai hpang sinat kaji ni hte mung hkying hkum mi daram gap hkat ai lam na chye lu ai. Dai Laimawk Yang gaw Laiza hte nau ntsan ai shara Munglai hka kau kaw re majaw, ya yang Laimawk Yang mare hte Dung Hkung mare na mung masha ni gaw majan bai byin wa na hpe tsang ai majaw Laiza de hprawng yen mat sai lam na chye lu ai.

MATUT HTI NA »

DUNG GYENG KAW GAP

December (23) bat Manga,
Wunpawng Mungdan Shangalawt Asuya Dap Ba (5) Up hkang Ginra rai nga ai Shadan Pa lawu Dung Gyeng kaw December (22) ya jahpawt hkying (3:00am) kawn n htoi htoi wa ten du hkra myen tai dap (141) ni hte KIA myu tsaw share shagan ni gap gasat lai wa sai lam shiga na chye lu ai.

MATUT HTI NA »

KUTKAI KAW GAP

December (23) bat Manga,
Wunpawng Mungdan Shanglawt Asuya Sam Mung daju Dap Ba (4) Ginra Kutkai mare kaw mani Decemer (22) ya shani KIA myu tsaw hpyen hpung ni hte myen hpyen asuya a hpyen hpung ni gap gasat lai wa sai lam shiga na chye lu ai. Myen hpyen asuya maga na hpyen la (3) si hkrum lai wa sai lam hpe mung na chye lu ai.

MATUT HTI NA »

AISEESOFT VIDEO CONVERTER

Aiseesoft total video converter Portable

Converter n lu na myit ru taw nga ai manaw manag ni a matu ya ngai lang nga ai Converter hpe HKRISMAT KUM HPA hku yawng hpang de shalai dat ya n ngai.
Grai lang pyaw ai Converter langai mire, sha n ga hpan hkum hkra de mai Convert la ai hpe mu lu ai. MP4, MKV, WMV, AVI, H.264/MPEG-4 AVC, FLV 3GP, DivX, VOB hte HD Video n dai zawn re popular format ni yawng hpa mai gale la ai hku re. N dai langai nga ai hte nan hpring zup sai ngu mu mada ai.
Bai nna, Portable re majaw Install galaw n ra ai hku re.
Converter rai n lu shi ai manaw manang ni a matu rai u ga.
Ra ai manaw manang ni nga yang gaw N DAI KAW Garawt (Download) laga.
Size gaw 9.39 MB re. RAR file hte mara da ai.
Site ni grai law hkra jaw da ai tinang kaw mai ai wa hpe Garawt la ga.
Download galaw ngut ai hpang RAR file hpe yan yang password hpyi wa na ra ai.
Shaloi pooh ngu gayet bang dat u.
Yawng Ngwi Pyaw Kabu Gara ai Hkrismat rai u ga.
DOWNLOAD

Mut Tsawm
21/12/11

MATUT HTI NA »

LAM NBRAW KAW RE KARA DE HKAN NA?

Jinghpaw Wunpawng sha ni a shawng na prat (Myen mungchying sha rai ntai yang) kade a kata mung n taw ai tinang a du ni up hkang ai, salang ni up hkang ai/ tinang a mare gahtawng de nna, grai pyaw ai gumchying gumsa prat hku nga lai wa saga ai.

Rai yang dai ni hpa majaw, myen mungchying sha (taiyinta) ngu byin wa ai kun? Myit yu shara kaba rai sai law. 1885 ning hta myen mung de English ni shang kasat nna, myen mung hpe shang zing la sai. Dai hpang 1886 English ni gaw jinghpaw mung de lung gasat bang wa ai shaloi , Jinghpaw du ni woi awn nna, English hpe gasat ai majaw, English ni gaw, law malawng shara ni hpe n lu zing la ai lam chye lu ai. Jinghpaw ni a lung rap shachyai bun nna gasat ai majaw, English ni grai hkrat sum nna, mare kaba daram hpe sha zing lu ai nga tsun ma ai. Dai n lung lung Rap ni gaw dai ni hkra Putao, Sadung, Sama, Nahpaw Bum, Alaw Bum, hte Ura bum ni hkan naw mu lu nga ai. 1942 No.2 majan hta Japan ni bai shang wa ai hpe Jinghpaw ni gaw English hte Maha Mik hpyen hpung ni the matut la nna British Kachin Levies, the American Kachin Ringer hpyen la hku nna, Japan ni hpe, kasat shapraw kau ma ai. English asuya gaw Jinghpaw ni a myit masin hpraw san ai, hpyen gasat grai kung ai. Hpaji rai n chye ai, n dai ni a majaw, Jinghpaw ni hpe grai myit kap mat ai hte tsaw ra matsan dum ma ai. Dai majaw, up hkang ai lam hta mung myen ni the n bung ai sha, jinghpaw ni hpe gaw, anhte a htung hking hte bung pre ai bum nga masha ni up hkang tara hte maren lak san up hkang ai hku re.
1945 No.2 majan ngut ai hpang, English asuya gaw, shi dip up tawn ai Koluni mungdan ni yawng hpe shang lawt jaw kau na masing hpe lutdaw kaw na shagrin da manu ai. Dai aten e Richard Actali gaw Hkring mang daju rai nna, Labour party ni up ai ten rai nga ai. Shaloi myen mung hpe mung shang lawt jaw na lam pru wa ai. Bugyuk Aung San gaw, myen mung shang lawt a matu England de sa nna, sa jahkrup ai shaloi, English du ni tsun ai gaw, myen mung hpe gaw shang lawt jaw na, rai tim bum nga masha rai nga ai Jinghpaw , Sam hte Hkang ni hpe gaw rai n jaw na lam tsun wa ai shaloi, Bu Gyuk Aung San gaw myen mung de bai wa nna, 1946 November 28 ya shani Jinghpaw mung Myitkyina de lung nna, Jinghpaw salang ni hpe myen mung hte arau shanglawt la ga. Shanglawt lu jang nanhte Jinghpaw mung daw hpe nanhte Jinghpaw ni ra ai hku up hkang mai ai. Myen ni nsa up hkang ya na re. Bai myen ni lu ai ahkaw ahkang, hte maren nanhte mung lu na. Myen ni lap mi lu yang nanhte mung lap mi lu na re. Myen hte pawng nna shanglawt la mat jang nanhte gaw English a mayam n rai sai. Bum nga masha ni lu ai ahkaw ahkang mung nanhte matut nna hkam sha lu na re. Anhte myen ni galu kaba nga ai zawn nanhte mung galu kaba wa sa na re. Shi ning du ai hte kanu myen mungdan hte n pawng mayu jang nanhte hkrai pru mai ai, ngu umhnna gumhpuk dat ai shaloi gaw, Jinghpaw salang ni a na hta mungkan na pyaw dik, na ra dik mat manu ai. Ya she chyeju madu the hkrum ai zawn ngu manu ai majaw, nang gaw anhte anhte a kahpu , anhte a kawa rai nit dai. Nang hpe kam dik saga ai. Anhte hte hpe mung pawnba shakung shapan la rit, Anhte mung nanhte hte rau shanglawt lu mayu ga ai. Naw she garum la rit ngu nna awng dawm ga ap kau dat ma ai. Chyeju madu ngu n tsun ai sha ra masai.
N dai shara hta anhte myit yu ga. Myen hte anhte Jinghpaw ni kalang mi mung jinghku rai n hku yu ga ai. Kaning re a kyang rawng ai mung rai n chye ai wa, ga tsun shapyaw ai hpe sha na ra nna, tsun ai mahkra hpe kam kau ai majaw, dai ni Jinghpaw Wunpawng sha ni a matu gaw, sum kaba, n sin krung de gum htawn bang dat ai hpa, shaning kru shi ning jan myen a shangun ma zawn zawn, mayam zawn zawn, madu rai nga ninglen manam zawn zawn, chye nga ninglen mana masu su nna nga ra ai prat du taw nga saga ai. (manang rai d aw ngu yang n dang wa ngu ai ga malai she rai mat sa.)
Aung San anhte Jinghpaw salang ni hpe hkyaw la kau ai hpang shani jang, Jinghpaw myu sha ni a myit masin hpe a tsawm chye ai Mung up ai English du Director of frontier Areas H.N.C Stevenson wa gaw, Myitkyina de lung wa nna,tsaw ra myit kaba the “nanhte Jinghpaw ni gaw, hpaji rai n chye madai majaw myen hte rau shanglawt la jang myen gaw nanhte hpe roi sha, dang sha hkrum na madai. Myen hte pawng nna shanglawt rai hkum la mu. Nanhte hpe lam shagu hta chye chyang kung kyang wa hkra naw sharing ya nna she, lak san shanglawt jaw na ga ai” nga ai shaloi, jinghku hpe gaw lagut shadu nna, “nang tsun ai hpe n kam madat ga ai . Anhte myen hte rau shanglawt lu mayu ai, shanglawt she lawan jaw marit” ngu hpyi ma ai.(jinghku ga gaw sheng maren, tsasam ga gaw si mani)
Jinghpaw salang gaw myen hte rau shanglawt la na matu Sam mung Banglung mare kaw Aung San hpung ni hte likmat htu na matu hkyen bang wa masai. Sam salang ni hku na gaw myen hpe nkam ai majaw shanglawt rau la na kachyi mi pyi n kam ai hpe, Jinghpaw salang ni shagwi ai majaw sha shanglawt rau la na matu hkraw kau ai rai ma ai. 1947 Febuary 12 ya shani Banglung myit hkrum likmat htu kau manu ai. Dai majaw dai ni du hkra Sam ni mung Jinghpaw hpe kam ai majaw, hkam sha ra nga ai zawn rai nga ai. Tsaw ra ai nu wa ji nban ni e, ndai shara hta jiwa ni kalang sha naw masu hkrum ai hpe mara ngu rai n mai tsun ai. Anhte ji wa ni shawng de kalang mi mung myen myu ni a lam rai n chye ai re majaw, n dai mara hpe myu sha ni yawng hkam la kau ging nga ai. Kam shut nna Banglung ga sadi htu sai majaw, nsin kaw hkawm ra saga ai. Anhte myu sha ni a matu mung ram dik la na sai. Kahtap nna masu hkum hkrum manu. Matut nna masu naw hkrum ai nga jang gaw, myu sha ni a mara gaw n rai sana re, Kadai kam yang kade a mara she rai na sai.
Masu chye ai wa chyawm gaw masu dingyang sha rai na re. Banglung myit hkrum lik mat htu ai hpang, 1951-52 ra lata poi,1990 ning ra lata poi, 1994 ning hta gap hkat jahkring, 13 ning tup na ai gaw da ai tara (constitution), 2010 ra lata poi, ndai ni hpe masu nna galaw lai wa sai. Bai shanhte a myi man tau nna, 13 ning tup gaw da ai tara galaw ai kaw shang lawm ya ai, myu sha ni a malai shang lawt KIA/KIO ni hpyi shawn ai hpe gaw langai mi pyi n hkap la ya ai sha n ga, 2010 ra lata poi shang na ahkang mung n jaw ai gaw kachyi mi pyi mi man n tau ai lam re. Ra lata poi de shang shing jawng na matu mai gan du Jinghpaw Wunpawng sha ni yawng kachyi mi pyi myit n hkrum ai re, myu sha ni myit n hkrum ai rai tim, kaja byin ging ai gaw, Jinghpaw Wunpawng myu sha ni gaw myen munghpawm hta lawm nga ai myu sha ni re majaw, Myu sha ni a gawng malai tai nna, shang shingjawng na KSPP party hpe ra lata poi hta shang nan shang shangun ra ai re. KSPP party hpe ra lata poi n shang shangun ai ngu ai gaw, “Nanhte Jinghpaw ni anhte myen munghpawm hte hpa n seng madai” ngu ginhka kau ai the bung mat nga sai. Dai hku rai sai sha n-ga, munghpawm byin wa ai n pawt Banglung ga sadi hpe shan hte run kau sai rai sai majaw, anhte Jinghpaw Wunpawng myu sha ni a matu, moi Banglung ga sadi rai n galaw yang na zawn mungdan san san bai nga mat na hta lai nna, lata na lam mi n nga sana kun?.
Banglung ga sadi hta,
1. Jinghpaw, Sam hte hkang myu sha ni gaw myen mung hte jawm pawng nna, myen munghpawm mungdan hpe jawm galaw let, rau jawm nga na.
2. Myen wa lap mi lu yang Jinghpaw, Sam hte Hkang ni mung lap hpra lu na.
3. Tinang nga ai shara hpe mungdaw masat la nna, tinang a mungdaw hpe tinang a myu sha ni up hkang na. Mungdaw a ra mara ma hkra hpe tinang a myu sha ni hkrai hparan na. Mungdaw ni galu kaba wa na matu gaw gap ra ai lam ni mahkra hpe Kanu mungdan kaw na hkam ya na.
4. 10 ning du ai hpang myen munghpawm kaw na pru mayu yang mai garan pru ai ngu ai myit hkrum lam ga sadi ni re rai tim, kaja wa shanglawt rau la ngut ai hpang n dai ga sadi ni hta lawm ai lam langai mi hpe mung nlu ai hpe myit malai hte hkam sha ra saga ai. Garan pru nmai ai sha n ga, tinang a mungdaw hpe tinang n lu up hkang ai. Myu sha ni a ra mara mahkra hpe manam wa kaw she shagrit shanem let hpyi la ra ai. Manam wa kaw hpyi nna ahkang jaw ai hte hpe myit pyaw tim n pyaw tim, tara tim n tara tim hkam sha ra nga sai.
Uru seng maw na shanhte htaw la mat wa ai lungseng kaw na 1% mi shapyi Jinghpaw mung a matu jai lang ai rai yang, Mogawng hte Hpakan lam hpe gatdara hte n re lungseng hte nep lu ai. Danai lam de na shanhte shaw sha ai Ja hte n hprang rai a 1% hpe Jinghpaw mung a matu jai ai rai yang , Danai lam hpe concret n nep ra ai. Ja hte nep lu daram rai sai.
Tsaw ra ai Jinghpaw Wunpawng sha ni e, masu hkam ai lam gaw n dai daram rai yang ram sanu ga. Matut nna masu n hkrum na matu sadi maja ga law. Hpyen asuya hte seng ai lam rai jang gaw, marai langai lahkawng sha bawng ban nna, n daw dan ai sha, myu sha ni law law a baw nu hte dinglik yu nna she daw dan sa wa ga law. Shawng nnan masu hkrum ai gaw masu ai wa a mara she re, lahkawng lang hta jan nna masu hkrum jang gaw masu ai wa a mara n re, kam ai wa a mara she rai na sai myit dum ga law. Dai majaw ga lahtum yang shut yang shut na, Myen hpyen asuya masu ai ngu ai gaw n shut ai ga re.
Jinghpaw Wunpawng sha ni moi laisai ten hta myen hte n pawng ai sha san san nga lai wa ai ni re hpe n kau mi n kam ma ai. Kachyi mi tsun dan mayu ai.
1. Aung San gaw Jinghpaw mung de lung wa nna , Jinghpaw salang ni hpe wa alawn ai lam gaw, kaga ga nga ai ni hpe arau nga ga ngu ai lachyum rai nga ai.
2. English Director wa gaw Jinghpaw ni hpe myen hte shanglawt rau hkum la mu, hpang e she la mu ngu ai gaw, kaga ga nga ai kaw na, myen hte rau pawng mat wa na tsan ai majaw, tsun ai re hpe sawn yu yang kaja wa moi gaw kaga ga nga ai re hpe sawn lu ai.
3. Banglung myit hkrum lek mat a majaw, kaga ga re ni jawm kahkyin dat ai majaw, myen munghpawm byin wa ai re. Kaga ga n re rai yang, banglung myit hkrum ga sadi n tawn ra ai re.
Myu sha ni a rawt malan shanglawt KIO/KIA hpe bai yu yang, nnan hpang ai shaloi gaw, Amyu sha ni shanglawt lu hkra gasat na ngu yaw shada ai lam she re. Shaning na wa ai shaloi shanglawt hte myen gaw kadai mung n dang ai masa re majaw, munghpawm myen mungdan kaw na n garan pru ai sha, madu mungdaw hpe madu myu sha ni up hkang ai lai ladat federal hpe bai hpyi la ga ngu nna 1994 hta Cease Fire gap hkat jahkring ai lam hpe shi kru ning tup galaw da sai rai tim, Federal gaw lu sani? Rai nlu ai sha n ga, Myu sha hpyen la ni hpe jahtum shamat kau ai baw ladat Border Guard she bai galaw shangun wa ai. Gap hkat jahkring ai a yaw shada ai gaw, bai lung wa na asuya nnan ni hte, mung masa saboi kaw mung masa bawng jahkrum la nna, madu mungdaw hpe madu up hkang sha na Federal hte munghpawm mungdan hpe gaw sa wa lu na matu ngu ai rai tim, kaja byin wa ai gaw, shaga na ahkang pyi n lu, tang madun ai hpe mung ahkyak n la, asuya n nan rai n lung wa yang laknak jahkrat shangun ai, shing n rai jarik sin hpyen la sha galaw shangun wa ai. Ndai gaw anhte amyu sha ni masu hkrum ai hpang jahtum rai na sai ngu kam ai. Ndai jarik sin na hpe n hkap la ai lam gaw, Jinghpaw Wunpawng myu sha ni a gawng malai tai nga ai KIO/KIA a lata la ai lam gaw, myu sha ni yawng a myit hkrum daw dan ai lam hpe hkam la lu ai lam langai rai nga ai. Ndai border Guard hpe n hkap la ai lam hpe Kanu mungdan hta nga ai Jinghpaw Wunpawng sha ni yawng sha n ga, mungkan ting de du taw nga ai Jinghpaw Wunpawng sha ni yawng mung ra sharawng dik ai lam re ngu kabu gara n gun jaw nga ga ai.
Laiwa sai ten hta lang hte lang masu hkrum sha ai a mahkrum madup a majaw, myu sha ni a ningbaw ningla rai nga ai KIO/KIA asuya gaw, hpyen asuya a masu ai hpe bai n kam hkra, lam shagu hta sadi let maja let, simsa na lam bawng ban jahkrum ai hpe na chye lu ai shaloi, mung shawa hku nna grai n-gun lu wa nga ga ai. Ahkyak ai myu sha lam daw dan na rai yang mung, tinang rawt malan hpung ni hkrai daw dan ai hku n re sha, mung shawa a hpaji jaw bawng ban shang lawm ai hpe madung tawng let daw dan sa wa ai lam gaw, myusha lawt lam hta manu dan dik ai lam ni rai nga sai ngu kabu kaga n-gun jaw nga ga ai.
Tai hpyen ni zawn lak nak n-grung ai, masha n-gun nlaw ai rai tim, Myu sha ni yawng shang lawm myithkrum nna jawm ninghkap ai majan, teng man ai majan re majaw, Karai Kasang a shaman chyeju lawm nna, Wunpawng annau ni n dai majan gaw padang dip lu ai majan rai na re ngu kam nga ai. Mungkan ting kaw nga ai Jinghpaw Wunpawng sha ni kaw na mung, dang di lu ai Karai Kasang kaw n sim n sa akyu hpyi nga ga ai re. God can do every thing.
Rai yang ndai shara kaw myu sha ni a matu myit yu na lam langai mi nga ai. Tai hpyen gaw anhte hta n-gun grai kaba ai. Anhte nmai dang ai ngu nna, Federal hpe sha hpyi la nna Federal daram hte myit shadik let, myen hte rau prat tup nga mat sana kun? Ndai ni hte sha a ganawng nga ding sa gaw, federal mi lu tim maga mi hku gaw naw masu sha, dip sha, dang sha ai gaw naw matut hkrum nga na ga ai. N-gun bung n bung hpe n yu, laknak grung n grung hpe mung n myit ai sha, “Anhte a awng padang, Yehowa Karai Kasang” hpe kam sham let, Awng Dawm shanglawt hpe myit mada nga ai ni rai yang gaw, anhte hpe Karai Kasang mungdan jaw ai shani, masu magaw, hkalem hkalau ai chyahkyawn asuya a kata kaw na lawt wa na ga ai. Dai majaw dai ni nang du nga ai gaw“Lam n braw kaw re, gara de hkan na” Wunpawng sha ni e.

Myu hpe tsaw ra let,
Agu Namti

MATUT HTI NA »

LAPRAN PANGLAI

Mung masa masing hkrang langai awngdang ai hte, shamu shamawt sa lu na matu gaw, ten ahkying, shang lawm lu ai atsam mahkyen, masha, makau grup yin a mabyin ningmu, mung shawa a nsen, mungkan a mabyin, Hpaga masa hpe kata ntsa tau yu, grat dagra hkam dahka joi hta she yu nna lahkam shamawt ai gaw kaja dik ai ten re.
Gwi lagut daru rai, gwi gayet shingna malap nga ai hpa, madu hpe mung nchye ai,
baw sha tu nna hkum ningmai nbung ai, nga mung nrai shu mung n'ngut re palawn masa hte sa nga ai, myen a masa gaw hka hkanu nna nga rim sha hkyen ai ladat masa gaw yet manam dik nga sai. Dai ni hpe yu nna padang hkrun lam majan gaw padang dip la lu na re ngu lawu de na hpe mahta nna myen a hka hkanu tawn ai kaw nga rim ga .
1-Anhte myu sha ni hpe laksan tara shang paty nhpaw shangun ai, rapdaw de nshang shangun ai.
2-Anhte hpe laksan garan ginhka nna ladu lai majan baw ai.
3-Hpaga sut masa, myihprakwan madim masing, gas-yenan sau len shalai mayu ai jaw mara kata tara nlang sat roi ai.
4-Alak mi simsa lam nla lu hkra gasat ai galaw ladat shaw ai.
5-mung masa bawngban jahkrup lam n'nga ai.
6-myen mung kata matsan masha law ai kaw machyu pala hta gumhpaw shama ai.
Laga bawsang ni hpe shazim masawp simsa lam la lu hkra ladat shaw nna, hpyen man 1 hte, n'gun kaba dat nna shinggyin ahkaw ahkang n'yu, lata nna gasat ai gaw mungdan law law a, mung shawa law law, anhte myu, anhte lamu ga, annau ni a majan mabyin, hpyen yen tsin yam ni hpe myit shang sha ai, No. 1 shiga rai nga sai. Dai gaw majan awng dang na n'pawt re hte, ngang lu hta hpara hku nna annau ni mung, ya hkyak hkyak annau ni a kraw kata na tengman shatawng shada ai pandung hte mabyin hpe lawan lawan, UN hte mungdan shagu na ahkyak ai rung ni de, lang hte lang matut manoi laika shawn ga.

Ninghkap n'gun madun ai hpe galaw ra ai. Myen a manaw gasi gangau hpe galai kau ra ai.
[ Hpyen masa ]
a-Dap ma ni a lu sha shabri shabrai ntsa de na ni sendi dandi sha ai,
b-Dap kata kaw ntsa na ni hpe myi man tam ai maidang masawp ai ni hpe arawng aya jaw ai.
c-Tengman ai, kaja ai, jaw ai tara hkan ai ni hpe mara tam nna rimrawng,shapraw kau ai.
d-Bungli lale ai wa lang gale ai, mayun kum hpa sha ai.
e-Dap kata mu gun usa,hpyen masa dang ai,bungli gun ladaw galu ai ni n'nga sai.
f-Dap kata matsan ai dinghku masha grai law ai.
g-bungli hta kangka tara hkan ai masha n'nga sai majaw damya, lagut, nshawp nkap, mawlu mawsha, masu magaw sha nga ai.sak kaji ai mahkrum madut nlaw ai ni sha nga sai majaw hkrat sum chyalu re,
h-Dai ni annau ni hpe dusat hta grau ai hku shamyit roirip gasat ai hpe sakse hku mu mai ai.

[ India Panglai]
Amerikan langda mung sinhpraw dan hpe kabye dip lu na hpyen masa hku ga up lu na hte
Sinpraw hkran a baren du manat hpaga ladat hpe jum ashun lu na matu, India panglai kaw
hka dap sa shadun tawn ai.

Miwa lapu mung myi npu na ladi nmu myen mung hpe ra ai hku awng san baw hpe madun sha nna katsi majan hku yup tsi hte shamwi, la malau u myipai a shingrun ndum mu hkrap rai masha hte lamu ga maden, masha hpaga masa hku gasat shamyit ai.

[Maha Byuha] Gas-yenan sau-len shalai la lu na shaning galu sai chyup sha lu hkra hte Sinpraw dan hpe gumhpraw shingkang madun nna,hpyen masa hte magra jum, sinna dan hte makau grup yin hpe jahkrit lu na matu, India panglai de manam dik ai myen a maidang hpe masawp nna, hka dap jum na shakut, Woi dingla Kala mung myen kraw manaw hpe chye, tara hkrang a jidwi tai nna bawnu salum sinpai gang, myidi shim myen hpe hpaga hte masawp sha mayu matsat hkrit let ahpum,India panglai gaw Bangladesh hte annau ni shara re nga, India panglai hta hka dap jum nna sau kaba shaw, Miwa hpe sinda ahtum dan nga. Bangladesh hpe panglai jarit madun u nga, achyaw. Myi ju shara shagu shingbut she marawk nga na India panglai hka dap masing.

Myen gaw mung masa hpyen masa amyet tam na matu, nhprang ga sau madun nna, miwa a shingwang joisi hpe kadang yu na matu, Vietnam de lagaw htawt du, mung masa shinglet shaw yu nga ai.
bai kawa di miwa a sinda kaw mara nlu ai ma zawn bai wa gawp nna, dut lata hte laknak garum hpyi ladawn, kaya kaba jahkrum ai hpe htinggrum kata, mayun maaut nna, matsat tim manam tim shinglet galu kan ahpuk yu, marin myit hpe ndip lu ai majaw baw ahtum ya nna, myen ra ai hpe lagaw hte htawng jaw sai. Myen gaw mungkan hpe kaja dan, myi man shatsawm dan na matu awng san kaw hpe nju tim hpai sharawt nna madun sha ra ai, lama awng san kaw gum san magam byin wa yang annau ni ra ai mungdaw up hkang lam jaw na kun? Myen gaw UN hpe ninghpai masu nna mung masa amyet tam hkyen ai, Russia, dingdung korea yan a shingja hpaji hpe sharin la nna asung jashaw na matu miwa a laknak mayun mari shalai, miwa a laknak kaba kata kaw shingja wanyam tsi mayun bang nna gap,dai majaw miwa gaw tinang dut ya ai madu hpang bai ju na tsang ai majaw myen gap ai laknak kaba si ni hpe bai nhtang hta mahkawng nga ai rai na re. Myen a kaba dik ai hkrat sum na npawt gaw dingdung korea hte pawng nna shingja [Nu clear] laknak di masing galaw hkyen, ndai hpe [ IAEA-ISIS ] rapdaw kaw na sa jet na matu soi nga san ashun chyam nga sai re, lama ndai lam teng wa yang gaw padang dip la na rai sai, Amerikan hte Miwa gaw lapai lata de myen ra awng sharawng dik ai Democracy asuya masat Dawng Hkawn hpai madun tawn nna maga mi de gaw du gyit na sumri hte, ning wa kaba shachye tawn ai.
Annau ni mungkan na lapawk chyawm dun ya ai hte padang manau nau na nna sai. Mungkan na myi kaba hte yu, Na kaba hte madat, nga sai ten sari sadang mi anga madu dawng hkawn sharawt nna lagaw hkang hpe yu nna, mung masa hpyen masa lahkam htawt ra sai.
Li baw lai jang li mai gara kaw adawt yang adawt nga myen a mahkyen gaw myi nmu ai ningsin de lam hkawm nga ai hte bung sai. Shaga nmadat ai ma hpe shingna ga hte sha gaw sharin nlu sai majaw sinat hte ban hte ban labau hta matsing tawn lu na matu sharin shaga ga.

Baren Numraw

MATUT HTI NA »

HPYEN YEN TSIN YAM NI A MATU USA DU HKANG MYU SHA NI GARUM

December (20) bat Lahkawng,

Dec 17, 18 2011; America mungdan, New York mungdaw, Buffalo mare kaba kaw shanu nga ai hpu nau Hkang hpung masha ni hte Jinghpaw wunpawng myu sha ni hku nna, Jinghpaw Mung hpyen yen tsin-yam ni a matu shalai ya ai garum gumhpraw (US$ 3,962) hpe hkap la ai lamang galaw wa sai lam na chye lu ai. Buffalo Chin Emanuel Church, Matu Christian Fellowship ni a saw shaga ai hte maren, Slg. Hpauda Tu hte Slg. Tangbau kam Li yan hku nna, Buffalo mare kaba de sa du let, nawku hpung masha ni hte hkrum zup nhtawm, ya ten na Jinghpaw Mung hpyen yen tsin-yam ni a mayak manghkang lam ni, Myen hpyen wa a myu shamyit masing lam ni hpe tsun sang lang dan mat sai. Nawku hpung masha ni hku nna, tsin-yam ni a mayak manghkang ni hpe na myit yawn let, aten galu garum mat wa na masing ni hpe jawm bawngban jahkrup galaw sa wa na re lam hpe mung na chye lu ai.

MATUT HTI NA »

HKRIT HPA

Simsa lam ngu ai teng man ai tara masing tara kaw shinggyim, ahkaw ahkang masa hte ding hpring ai mung masa ahkaw ahkang teng lu ai rai yang she simsa lam gaw lachyum nga na re hte, njaw ai ntara ai simsa lam gaw hpyen majan hta grau hkrit ra nga ai zawn masha hpe hkrung nga ninglen, si ai hte bung ai, prat a myit makru yawng daw kau ya ai, rawt jat lam yawng pat kau ya ai gaw, AIDS, ana zinli hta grau hkrit hpa re.

Jum hte sha mi rai rai, bahkang langai sha lu bu tim lu sha, lu hpun jang rai sai ngu ai, da shatawt myit jasat gaw rawt galu kaba lam hta hkra machyi dik ai, shanglawt hpe pat tawn ai myit masa kaba re, nlung hta mi rai rai, zai bru jang e mi rai rai, gara hku di yang shat hpraw lu sha na ngu ai, ntsam ai myit marai, myit jasat hte shakut ai rai yang, lam yawng teng awng dang na re. Tinang hkrai atsawm nmyit yu, n'yu nna, ahtu kataw yang, langa masha hpe mara n'nga dasang zingri sat ai, htawng bang ai, mara gata numma hte hpa nchye shi ai ma ni hpe roirip sat ai, mare nat ai, shinggyim ahkaw ahkang htum zingri ai, n'gun kaba hte majan je ai, ndai zawn re hpe asuya ngu tsun lu na kun? Gasu kabrawng hpung, mya sha, lagu sha, kashun sha, myu shamyit ai, ladat kaba hte galaw taw nga ai myen hpe asuya ngu na kun? Madu up hkang kata madu kasha ni dai zawn rai hkrum ai hpe yawng a Kanu Kawa Gumsan magam ngu tsun mai na kun? Asuya majing Gumsan magam jet ai shani she simsa lam jahta yang kaja na re.
NLD Aung San Kaw ni mung jawng ma ni a 8-8-88, ninghkap n'gun madun ai, 2007, hpungkyi ni hte mung shawa n'gun, kaba madun ai ten ni hta, NLD hte Aung San Kaw ni, makau kaw nga nna poi yu masha langai hku nga ai, 2010 ra lata poi hpe 2008 a tara masing hpe nra ai majaw hte 1990 NLD ni ra lata poi na awng dang ai hpe shawng masat ya yang she ra lata poi shang na nga ya hpa majaw, tsun tawn ai, langai mi mung grai nlu shi yang hpa majaw ya gaw ra lata shang na hkyen sai, bai anhte baw sang hte seng nna, tsin yam masha hte seng nna galoi ahkyak la tsun yu nga ta? Dai ni hpe maram yu nna dai ni hpe mung tsan tsan kaw na yu tawn da sha mai ai.
Mung masa hte seng nna sharen da ai htawng masha ni hpe ninghpai masu na, mung masa laknak hku jai lang jahkrit ai, laknak kaba shatai ai. Simsa lam ga manaw shapraw nna, mung masa, hpyen masa laknak kaba shatai, bawsang nkau mi hpe, grin ai mung masa bawngban jahkrup ai lam n'nga, hpaga lam hte shalen nna, moi na zawn, magwi shabam majap ntsa kaw dwi hpa magap tawn ai masa hku mung masa laknak kaba shatai ai hpe annau ni grai tsang maram dik ra ai. Sadi ra ai.
Hpyen yen tsit ni nga gabaw dat nna mung masa laknak shatai mayu ai, [Ma-Sa-La-prat =Na-A-Hpa prat ] ten hta shanhte dap kaw na mung shawa de mu bungli galai shatsam hkrum ai hpyen du kaba ni gaw, madu hpyen dap hpe bai ninghkap ai masha grai law wa ai mung, myen hpyen dap a, ya ten hkrit tsang nga ai lam re, dai ni hpe mara tam nna, arawng aya n'nga hkra kawng ntu hkra ladat shaw shamyit ai, maza kanu law law sha hkrum tawn sai hpun kaba hte bung nga ai myen mung a mung masa, hpyen masa gaw, kade nna yang daw na sha rai sai majaw, annau ni a masa lam yan hpe mung, dating nna loi naw sharang tawn let matut gasat yang gaw, myen a masa masing yawng gaw nsin shang hkyen sai. Galoi mung asum jaw na nre, langai sha ngam tim gasat ra na re ngu mu ai. Ma kaji ni a myiman n'sam hpe yu nna naw gasat ga.
Baren Numraw

MATUT HTI NA »

SAMAW MAKAU WANLENG LAM BAWM KAPAW

December (19) bat Langai,
Jinghpaw Mung Myitkyina-Mandalay wanleng lam Samaw mare hte Htohpu mare lapran na wanleng lam hta December (18) ya jahpawt jau jau bawm masum lang kapaw lai wa sai lam shiga na chye lu ai. N dai bawm kapaw ai hta marai (2) si hkrum lai wa sai lam na chye lu ai.

MATUT HTI NA »

MYEN HPYEN ASUYA NI A TARANG N LANG AI LAM

MATUT HTI NA »

DUNG (11) NI WANLENG LAM KAPAW DI

December (19) bat Langai,
Myitkyina-Mandalay wanleng lam Naba mare lawu Me Zar mare makau hta wanleng lam hpe Wunpawng Mungdan Shanglawt Asuya a Dap Dung (11) na KIA myu tsaw share shagan ni gaw December (18) ya hkying (5:00pm) jan ram hta kapaw di kau ya lai wa sai lam shiga na chye lu ai. N dai zawn sa kapaw ai hta wanleng lam shara (2) kaw kapaw kau ya sai lam hpe mung na chye lu ai.

MATUT HTI NA »

KIM JONG II SI SAI

December (19) bat Langai,

Dingdung Korea Mungdan hpe (17) ning tup hpyen masa hte up hkang lai wa ai Korea mungdan a Ningbaw kaba Kim Jong Ii gaw December (17) ya shani wanleng n tsa kaw salum ana hte si mat wa sai lam na chye lu ai.

MATUT HTI NA »

DENG WAI KAW GAP

December (19) bat Langai,
Wunpawng Mungdan Shanglawt Asuya Sinpraw Ginwang Ginjaw Dap Ba (3), Maija Yang makau, Dap Dung (16) a ginra rai nga ai Deng Wai makau kaw December (18) ya shani KIA myu tsaw share shagan ni hte myen hpyen asuya hpyen hpung ni gap gasat lai wa sai lam shiga na chye lu ai. Kata lam shiga hpe hkrak n chye lu shi ai.

MATUT HTI NA »

HKA LA KAW GASAT

Decemer (19) bat Langai,
Laiwa sai December (15) ya shani Wunpawng Mungdan Shanglawt Asuya a KIA myu tsaw share shagan ni hte myen hpyen asuya hpyen hpung ni Hka La kaw laja lana gasat lai wa sai lam shiga na chye lu ai. N dai Hka La majan hte myen hpyen bawng masha (5) lu rim la ai lam hpe mung matut na chye lu ai.

MATUT HTI NA »

WUNPAWNG MYU SHA NI YAWNG HPANG DE

Tsaw ra ai W.P myu sha ni yawng e, anhte yawng sadi maja let sak hkrung hkawm sa nna myu sha lam yan hta myit hkrum sadi dung ai myit hte W.P mung dan hte W.P myu sha yawng shang lawt lu hkra a dawt gasat la ra ai aten du taw nga sai re. Simsa lam la nna myen hte rau bai kanawn nga na gaw tsep kawp nmyit saga. Lai wa sai shi jan ning na zawn katsi majan hte bai myen amyu ni gaw an nau ni hpe bai gasat shamyit na chyalu sha re. Myen mung hpe jet ai Democracy hte up hkang sa wa na ga tim myen hte rau sha nga sai nga jang gaw anhte a laili laika hte htung hkring ni ndum shami rai hpang jahtum mat mat wa ai ga de du mat na chyalu sha re hpe anhte dum nga ra sai re. Myen gaw myit nding ai amyu re hpe dum nga ga. N-law la ai, nlaw shi ai anhte myu sha ni hpe Tsadan matse labye, jahten sharun ni gaw n-gun kaba hte W.P mung dan shara shagu jahten sharun hkawm nga ding yang, a zat shamyit taw nga ding yang rai nga ai law. Dai ni anhte myu sha ni grai jam jau taw nga sai re. Tsa dan hpyen wa gaw anhte myu sha ni hpe shada myit n-hkrum wa hkra sai garan hkawm nga ai. Myu sha shada sat hkat shangun taw nga ai re. Dai majaw anhte myu sha ni grai sadi maja let anhte myu ni grau grau gahkyin gumdin makai hkak wa na matu shakut ra sai. Wa Karai Kasang kaw akyu hpyi shakut ding yang rai ra sai re. Hpa majaw nga yang anhte myu sha ni gaw masha n-gun nlaw shi ai. Hpyen masa hte anhte myu sha ni ra sharawng ai, myit mada da ai awm dawm shang lawt lu hkra gasat la na grai naw shakut shaja ra nga ga ai re. Ndai zawn rai shakut shaja nga ai ten mung masa hpe nmai tat sum kau ai. Dai majaw ndai hpan lahkawng hpe ngang ngang jum manat da ra ai re majaw anhte myu sha ni yawng a kam hpa shara daju, a hkrung nga nna up hkang nga ai Madu Karai Kasang Wa hpe ten shagu garum hpyi, akyu hpyi ra nga saga ai re.
Anhte myu sha ni kasi la na myu sha hpan mi nga ai. Dai amyu ni gaw Ishare (Isarael) amyu ni re. Shan hte gaw mung dan kaji ai hte masha nlaw ai rai tim shanhte gaw shani shana Karai Kasang kaw akyu hpyi ai. Hpaji hpyi la ai. Dai majaw Karai Kasang a shaman chye ju hte hpaji grai kung kyang nna hpyen lak nak madang tsaw tsaw lu shapraw ai. Hpyen zai ladat grai kung kyang ai. Ishare mung dan ting hpe kaga mung dan ni grup hkara jawm wang nna gasat tim pyi galoi nsum ai. Dai gaw hpa majaw ta nga yang shanhte Karai Kasang hpe kam ai majaw shanhte hpe Karai Kasang garum la ai, shaman ya ai. Dai majaw nlaw la ai anhte w.p myu sha ni mung , dai ni dai na jang karai kasang kaw akyu hpyi let hpyen wa a zingri zingrat shamyit mayu ai ladat kaw na lawt lu nna anhte myu sha ni myit mada nga ai awm dawm shang lawt mung dan lu madu la hkra ladat amyu myu shaw nna ta tut shakut sa wa saga.Karai kasang gaw shi a amyu sha ni rai nga ai anhte w.p myu sha ni zingri zingrai sat hkrum taw nga ai hpe yu nna grai myit npyaw ya na re. Anhte myu sha ni hpe zing ri ai gaw karai kasang hpe zingri ai hte maren sha re. Dai majaw Krai Kasang gaw anhte maga tsap ya nna Satan wa hpe hkyam sa jaw na nre. Tara je yang na ra. Anhte myu sha ni yawng ahkrung nga ai karai wa hpe myit sadi dung let kam shan nga nna akyu hpyi shaja na grai ahkyak nga ga ai. Myu hte mung dan a matu, anhte kam ai hkristan makam masham a matu akyu hpyi let sak se hkam sa wa na grai ahkyak nga ai. Anhte myu sha ni yanwg myit mang langai sha hte karai kasang hpe kam sham let mung dan shanglawt lu na lam hta lahkrip ra ra rai mung kan shara shagu de hkawm sa let anhte myu sha ni ra sharawng ai awmdawm shanglawt lu mayu ai lam ni hpe tang madun, hpyi shawn sa wa ai rai yang lani mi na nhtoi hta teng sha ban dung de du lu na gaw ga lahtum nshut re. Anhte myu ni hkrai shakut la ga nga yang mung mai gaw mai byin na re rai tim grai naw na na re, grai naw jam jau ra na re. Anhte hkawm sa nga ai ban dung hte anhte myu sha ni hkam sha nga ai zingri zingrat sat shamyit hkrum nga ai lam ni hpe mung kan kaw na mu mada ya na grai ahkyak nga ai ten rai sai law. Dai majaw nsim nsa akyu hpyi let shakut shaja sa wa ga ngu n-gun jaw dat lu nngai. Wunpawng Mungdan Shanglawt Asuya ningbaw ning la ni hte Shanglawt hpyen dap na myu tsaw share shagan ni yawng a matu, hpen yen tsinyam mungchying mung shawa yawng a matu akyu hpyi shakut nga ga ngu matut nna n-gun jaw, ga saw laika ka dat lu nngai law.
Tahkaw Krung

MATUT HTI NA »

US MUNGDAN KAW TSIN YAM NI A MATU ALU TAM

December (18) Laban,
America Mungdan, Jacksonville, Florida kaw du nga ai Jinghpaw Wunpawng Myu Sha ni kawn Kanu Mungdan kata majan a majaw hprawng yen hkrawm nga ai tsin yam ni a matu Multi-ethnics Burmese Cultural evening, Food fair & Fundraising Event mying hte Dececember (17) ya shani galaw la lu sai lam na chye lu ai. Ndai lamang hpe Kachin Development Foundation (KDF) hte Kachin National Organization (KNO) ni woi awn let hpunau Hkang, Kayin, Mun, Kayah, Mun, Rakhine, Myen ni mung ,ka manawt hte malu masha ni rau shang lawm lai wa sai lam hpe mung na chye lu ai. American hte Myen mung masha yawng (400) jan sa du shang lawm lai wa sai lam hte, ndai lamang hta Burmese Awareness Exhibition & Presentation ni hpe mung galaw lai wa sai lam na chye lu ai. Ndai fundraising kaw na tsinyam a matu US$ (5,000) daram hpe lu hta la ai lam hpe mung matut chye lu ai.

MATUT HTI NA »

KAI HTIK MAKAU DE MYEN (20) HKRAT

December (17) bat Kru,

Wunpawng Mungdan Shanglawt Asuya Dap Ba (3) n pu Dap Ba Ginra rai nga ai Kai Htik makau de du nga ai myen asuya hpyen hpyen hpung ni hpe Dung (1) na KIA myu tsaw share shagan ni December (17) ya jahpawt daw sa htim gasat lai wa sai lam na chye lu ai. N dai zawn sa htim gasat ai hta myen hpyen asuya maga na hpyen la (20) ram hkrat wa sai lam mung matut na chye lu ai.

MATUT HTI NA »

CHYEJU SHAKAWN HTE HKRISMAT POI SAW SAGA LAIKA

MATUT HTI NA »

DU KABA BAWM WANG LA RAW A TSAWRA MYIT

MATUT HTI NA »

MYEN HPYEN ASUYA A N HKRU N KAJA I LAILEN NI

MATUT HTI NA »

CHYEJU DUM N DAU LAIKA

MATUT HTI NA »

MYEN HPYEN MAWDAW (62) WAI MAW HKRAN DE LAI

December (17) bat Kru,
Myen asuya gumsan magam Teing Seing kaw nna asuya hpyen dap ni hpe gasat gala lam jahkring na matu matsun sai nga nna shiga ni pru nga ai rai tim ya yang Jinghpaw mung Waimaw hte Manmaw lapran matut manoi byin nga ai myen asuya hpyen dap hte tinang KIA majan ginra man ni de myen asuya gaw matut manoi hpyen n-gun sa taw nga ai lam na chye lu ai. Dai hpawt (17) manap jau jau (1:00am) daram hta Jinghpaw mung daju Myitkyina mare kaw nna myen hpyen la hte machyu pala hpring hpring htaw ai hpyen mawdaw kaba (62) tup gaw Bala-Min-Htin mahkrai hku nna Waimaw hkran maga de rap wa sai lam na chye lu ai. Dai hpyen mawdaw ni gaw gara maga de sa na re hpe atsawm hkrak nchye shi tim ya yang KIA hte majan byin nga ai KIA dap dung (3) Wuhtau Bum maga de n-gun jat na matu rai na re nga nna KIA salang ni maram tsun wa ai lam na chye lu ai.

MATUT HTI NA »

MUNG DUNG DABANG HTE DING GA KAW PADANG DIP LA

December (17) bat Kru,
Jinghpaw Mung Manmaw ginwang Daw Hpum Yang daju Hka-La-Ya (142) myen hpyen asuya dap ni hte tinang KIA Dap Ba (5) na myu tsaw share shagan ni Mungdung Dabang hte Dingga mare lapran masum ya ngu na gasat ai hta mani December (16) ya hta tiang KIA maga na padang dip la lu sai lam na chye lu ai, tinang KIA kaw nna myen asuya hpyen bawng marai (10) hpe mung lu rim la ai hte kaga hpyen arung arai laknak ni law law hpe mung lu zing la ai lam na chye lu ai.

MATUT HTI NA »

NAM MALING MALA KATA NA MYU SHA NI

MATUT HTI NA »

DAP BA (3) GINRA DE SHANI SHANA GAP

December (16) bat Manga,
Wunpawng Mungdan Shanglawt Asuya Sinpraw Ginwang Ginjaw, KIA Dap Ba (3) Ginra rai nga ai Maru Ying Sung, Hkai Bang yang ni de KIA myu tsaw share shagan ni hte myen hpyen asuya hpyen hpung ni shani shana n hkring n sa gap gasat nga ai lam shiga na chye lu ai. Myen hpyen asuya hpyen n gun ni mung grau grau she htu jat bang wa nga ai lam ni hpe mung na chye lu ai.

MATUT HTI NA »

DING GA KAW GAP

December (16) bat Manga
Jinghpaw Mungdaw Myitkyina-Manmaw lam Daw Hpum Yang ninghtawn Ding Ga mare hta dai hpawt jau jau hkying (5:00am) ram hta KIA myu tsaw share shagan ni hte myen tai hpyen ni laja lana gap gadat lai wa sai lam shiga na chye lu ai. Myen tai hpyen ni gaw Ding Ga mare na buga masha ni a dum n ta ni hpe mung wan nat kau ya lai wa sai lam hpe mung matut na chye lu ai.

MATUT HTI NA »

MYEN TAI NI HELICOPTER HTE MALU MASHA NI SA

December (16) bat Manga,
Jinghpaw Mung Manmaw-Loi Je lam Sinlum Bum de myen hpyen asuya ni December (14) ya shani myen tai hpyen dap a matu Helicopter ni hte malu masha hte hpyen n gun ni bai wa jat ya lai wa sai lam shiga na chye lu ai. Myen tai hpyen ni malu masha ni hpe Helicopter kaw na n bung jawng ni hte jahkrat ya ai hta malawng gaw shan hte a dap de n hkrat ai sha KIA a ginra ni de hkrat wa nna KIA myu tsaw hpung ni lu zing madu la lai wa sai lam ni hpe mung na chye lu ai.
Myen tai hpyen ni gaw Sinlum Kaba mayan kaw na myawk kaba ni hte gap sharu bun ai hta malawng gaw KIA myu tsaw share shagan ni nga ai de n hkrat ai sha miwa hkran de malawng hkrat ai lam hpe mung buga de na myitsu salang ni kawn Jinghpaw Kasa de tsun shana wa ai.

MATUT HTI NA »

GINJAW KOMITI KAW MAGAM GUN NNAN NI SHATSAM

December (16) bat Manga
Wunpawng Mungdan Shanglawt Asuya Ginjaw Komiti hta Magam gun nnan ni hpe bai lata san da lai wa sai lam shiga na chye lu ai. Ginjaw Komiti Salang marai (3) hpe December (14) bat masum ya shani lata shatsam da lai wa ai re hpe chye lu ai.
Nnan bai lata san da hkrum ai KIO Ginjaw Salang ni gaw;
1. Salang Lahpai Hkun Nawng (Maigan Kyit Hkai Magam Dap Ningtau Lithkam)
2. Salang Wana Yaw Htung (Wunpawng Mungdan Shanglawt Kongsi,Ningtau Amu Madu)
3. Salang Maran Zau Tawng (Wunpawng Mungdan Shanglawt Kongsi Rung, Zai Ning Gawn Matsun Du)
ni re lam hpe mung matut chye lu ai. Magam gun nnan ni a matu Jinghpaw Wunpawng Myu Sha ni akyu hpyi garum ya nga ga.

MATUT HTI NA »

MADU HTA YUP PYAW

December (16) bat Manga,
Jinghpaw Mung Myitkyina Shatapru Lawk (2) kaw shanu nga ai Slg. Maran hte Jan Kaw Pan yen a kasha, ya ten Malaysia mungdan Hatamas kaw shanu nga ai Shd. Bernard Maran La Raw (Asak 34) ning gaw lai wa sai December (15) bat mali ya jahpawt hkying (8:00am) ten hta Madu Yesu hta yup pyaw mat wa sai. Shd. Bernard Mara La Raw a hkum tsawp moi mang hpe du na December (18) Laban shani hta koi mayang na re lam hpe mung na chye lu ai.

MATUT HTI NA »

MYEN HPYEN DU JAWNG YU NI HPE SHAWNG LAM MAJAN PA DE SA

December (15) bat Mali,

Jinghpaw Mung kata Mali hka a sinpraw hkran Waimaw hte Manmaw lapran ni hta Wunpawng Mungdan Shanglawt Asuya hte myen hpyen asuya adap ni gasat gala shata (6) jan rai wa sai hta myen asuya dap maga na hkrat sum ai hte hkala ai lam gaw myen mung dinghku majan labau hta law dik htum rai sai hpe chye lu ai. Myen hpyen asuya dap ni gaw lai wa sai December praw (1) kaw na KIA masat Dap Ba (5) npu na Dap Dung (3) rai nga ai Wuhtau Bum hpe n-gun kaba hte htim gasat ai hta laja lana hkrat sum hkra machyi mat ai majaw myit ndik ai hte hpyen n-gun grau grau bai jat nga dingyang re lam hpe na chye lu ai.

Laiwa sai December (13-14) laman hta Jinghpaw mung Waimaw Washawng lam maga hku nna myen hpye n-gun (600) daram bai sa tawn sai lam KIA salang ni kawn na chye lu ai. Myen asuya a hpyen dakkasu jawng yu ai akahtet hpoi hpoi re hpyen du kasha ni marai (1,000) hpe mung shawoi galaw ga ai hte maren "maram masam, hka ja hkrun lam" (mahkrum madup) hku nna Jinghpaw Mung de woi lung wa nna Jinghpaw Mung du ai hte rau yawng hpe Laknak machyu pala htuk ya nna ya yang KIA hte gasat nga ai shawng lam ginra ni de garan sa dat sai re lam Laiza KIA salang ni tsun shana wa ai. "Nanhte ya gaw laika hku nna gaw sanpoi awng sai ya tatut hpyen mahkrum madup hku nna naw la ra ai" nga tsun nna KIA hte gasat ai shawng lam ginra de sa dat ai re lam mung na chye lu ai.

Sine 09 June 2011, the civil war launched bu Burma military against KIA and Kachin civilian but many of inexperience Burmese soldiers were killed in the battle. This killing and civil war instruction was given by Burma regime government without consideration lives of innocent soldiers. In past Burma history records, this was the highest numbers of casualty and significant numbers of Burmese soldiers being killed in the civil war. Recently on 01 December 2011, many of Burmese soldiers are killed fierce offensive attack against KIA 3rd Brigade in Wuhtau Bum Kachinland. Thus Burma army is intensifying its attack, deployed more soldiers, weapons, artilleries and continue this deadly war game in spite many soldiers and innocent civilian were killed according to report. According to KIA information cited that, 600 Burmese soldiers have arrived in Waimaw Washawng KIA control areas on 13 and 14 December 2011 to continue deadly civil war game.
KIA sources also confirmed that 1000 newly graduated Burmese soldiers are also deployed to different war zone to have hand on experience in this civil deadly war against KIA and Kachin civilian. Another KIA report also cited that these graduate soldiers are being told by Burmese military to gain deadly experience. However Burmese military has put not even own soldier lives or the lives of many Kachin civilian in danger but also leading the whole country at risk of political turmoil.

MATUT HTI NA »

MYEN HPYEN LA NI A MATU HPAJI JAWNG KAW GUMHPRAW HTA

December (15) bat Mali,

Jinghpaw Mungdaw Myitkyina Mare kaba, Aung Nan lawk kaw nga ai No. (3) Asuya Lahta Tsang Jawng na jawng ma ni kaw dai ni December (15) ya sha ni Wunpawng Mungdan Shanglawt Asuya hte byin nga ai majan hta shang lawm gasat nang nga ai myen asuya hpyen la ni hpe garum shingtau na matu gumhpraw hta lahkawn ai hpe galaw lai wa sai lam jawng ma ni kawn na chye lu ai.

ကခ်င္ျပည္နယ္ ျမစ္ၾကီးနားျမိဳ႕ေပၚရွိ အမွတ္ (၃) အေျခခံပညာ အထက္တန္းေက်ာင္းတြင္ ယေန႕ဒီဇင္ဘာ (၁၄) ရက္ေန႕တြင္ ေက်ာင္းသား ေက်ာင္းသူမ်ားထံမွ ေကအုိင္ေအအစုိးရႏွင့္ ျဖစ္ပြားေနေသာ စစ္ပြဲမ်ားတြင္ ပါ၀င္တုိက္ခုိက္ေနေသာ ဗမာစစ္အစုိးရ စစ္သားမ်ားကုိ ကူညီရံ ပုိက္ဆံေကာက္ခံခဲ့ေၾကာင္း သတင္းရရွိပါသည္။

On 15th December 2011, No.3 State High School Awng Nan ward, Myitkyina City Kachin State students have to contribute money for Burmese soldiers in civil war against KIA and Kachin civilian. According to eyes witness information confirmed these report.
We Kachin people condemn Burmese regime government and Burmese army for this sort of acts or insult to Kachin people and very unlawful to force Students to donate money for cilvil war against KIA and Kachin people. In contrast to recent humanitarian support offered by Regime government to Kachin IDP but it was rejected by KIO committee not to accept cunning and murderous Burmese regime supplies. And now Burmese regime government is asking for monetary donation from students in Myitkyina Kachin State for Burmese soldiers who killing against Kachin civilian. Burmese regime dictators and Burmese army have lost their scene of dignity and basic values for all mankind. In fact not only to Kachin people or other ethnic groups but they have been also killed brutally many of monks and protesters in the pas during uprising in Burma.

MATUT HTI NA »

MYEN HPYEN RUNG KA MATSING

MATUT HTI NA »

MUNGDUNG DABANG KAW MATUT MANOI GAP NGA

December (15) bat Mali
Manmaw Ginwang Daw Hpum Yang Ninghtawn kata Wunpawng Pawng Mungdan Shanglawt Asuya Dap Ba (5) npu Dung (24) hte (19) ginra rai nga ai Mungdung Dabang hta mani December (14) kaw na dai hpawt December (15) ya du hkra Daw Hpum Yang daju myen asuya dap Hk-La-Ya (142) na hpyen hpung langai hte matut manoi gasat hkat nga ai lam na chye lu ai. Dai hpawt December (15) ya jau jau kaw nna ya shiga la ai aten du hkra laja lana gap hkat nga ai lam hpe mung matut chye lu ai. Myen asuya hpyen hpung langai hpe tinang KIA myu tsaw dap ni wang tawn da nna gasat shamyit taw nga ai lam na chye lu ai. Myen ni gaw Dingga mare Nawku Jawng wang kaw Myawk kaba shadun nna KIA ni nga ai maga de gap sharu bun nga ai lam na chye lu ai. Ndai Mung Dung Dabang hte Dinga mare gaw Laiza hte nau ntsan ai re majaw ya yang sinat kaba nsen ni hpe Laiza kaw na adan sha na lu ai lam na chyelu ai.

There was another deadly 2 days long offensive attacked by Burmses battalion kh-la-ya(142) from Daw Hpum Yang Town, Kachin State against KIA 24th and 15th battalion. The attacked started on 14 December 2011 until 15 December 2011 fiercely by Burmese soldiers. A group of Burmese soldiers are trapped in the attack and KIA troops has in control in this battle according to report from front line battle zone.KIA report from war zone also cited that Burmese soldiers take the Church in Dingga village as bunker and launching artilleries against KIA forces. These battles zone is not so far to KIA HQ Laiza and clearly hear loud bombing and artilleries shelling sound from Laiza Town.

MATUT HTI NA »

NTA MASHA NI SUMLA NTA SHAWNG KAW SHAKAP DA RA

December (15) bat Mali,
Jinghpaw Mungdaw Myitkyina mare kaba na lawk shagu ni hta n dai la pran n ta sha gu အိမ္ေထာင္စုမိတၱဴ hte kaw mying lawm ai ni yawng a lumla (ဓာတ္ပံု) hpe n ta shawng hta n sha kap n mai nga n na ma re sa lang ni hkan tsun hkawm taw nga lam buga masha ni kawn tsun shana wa ai. N dai zawn galaw ai lam gaw hpa baw ma sing re ngu ai hpe buga masha ni gadai mung n chye sawn nga ma ai lam na chye lu ai.

Burma regime government is forcing all the homes in Myitkyina City Kachin State to display photos of family members in the household lists names included in. No one is sure what was the purpose for enforcing this restriction but one thing is certain that Burma regime has ill intention against Kachin civilian in Kachin State. Burma government has been oppress against Kachin civilian since 1961 and against its own Bamar citizen too.

MATUT HTI NA »

MUNG DUNG KAW GASAT

December (15) bat Mali
Jinghpaw Mung Myitkyina-Manmaw lam Daw Hpum Yang mayan Mung Dung kaw Wunpawng Mungdan Shanglawt Asuya Dap Dung (24) na myu tsaw share shagan ni hte myen tai hpyen hpung ni December (14) ya jahpawt daw laja lana gap gasat wa sai lam na chye lu ai. Myen asuya hpyen dap hka-la-ya (37), (142) ni rai nna, myen asuya hpyen dap ni gaw Hkang Kai bum kawn (120mm) lak nak kaba ni hte gap garum ya nga ai lam hpe mung matut na chye lu ai.

ကခ်င္ျပည္နယ္ ျမစ္ၾကီးနား ဗန္းေမာ္လမ္း ေဒါ့ဖုန္းယန္ျမိဳ႕နယ္ မုံဒုန္ တြင္ ေကအုိင္ေအအစုိးရ တပ္ရင္း (၂၄) မွမ်ိဳးခ်စ္ရဲေဘာ္မ်ားႏွင့္ ဗမာစစ္အစုိးရ ခလရ (၃၇)၊ ခလရ (၁၄၂) တုိ႕ ဒီဇင္ဘာ (၁၄)ရက္မနက္ပုိင္းတြင္ ျပင္းထန္စြာ တုိက္ပြဲျဖစ္ပြဲခဲ့ေၾကာင္း သတင္းရရွိပါသည္။ ဗမာစစ္အစုိးရဘက္မွ ေဒါ့ဖုန္းယန္ ဟန္းကုိင္ဘြမ္မွ (၁၂၀မမ) လက္နက္ၾကီးမ်ားျဖင့္ ကူညီပစ္ခတ္ေပးေနေၾကာင္းဆက္လက္သတင္း ရရွိပါသည္။

It was another usual deadly offensive attack by Burmese army against KIA 24th Brigade in Mung Dung KIA control areas on 14thDecember 2011. Burmese army hka-la-ya (37) and (142) supporting solders to launching 120mm artilleries against KIA force. Praise the Lord!! KIA forces are always protected by the almighty God, Kings of Kings, conqueror of the dead and his name is Jesus Christ. Amen

MATUT HTI NA »

WU HTAU DE MYEN HPYEN N GUN HTU

December (14) bat Masum

Jinghpaw Mung Myitkyina-Wa Shawng lam de December (14) ya dai na maga hkying (2:00pm) daram hta myen hpyen asuya hpyen hpung tat-ma (66) na myen hpyen la (300) ram gaw lagaw lam hkawm nna, (200) ram gaw hpyen mawdaw ni hte rai Wa Shawng kawn lai mat wa nna Bum Tawng lapran e lam ntsa kaw nna nam de shang mat wa sai lam buga masha ni kawn Jinghpaw Kasa de shiga shana wa ai. N dai myen asuya hpyen hpung ni gaw Wu Htau kaw chyat rawng nga ai myen hpyen hpung ni hpe wa hkye la na matu lung wa ai rai na re nga nna buga masha ni maram ai lam hpe chye lu ai.

According eye witness reported that on 14 December 2011, Burma army battalion 66 dispatched 300 soldiers on foot and another 200 soldiers are loaded in trucks along Bum Tawng footpath and entering into the forest areas. Eye witness cited that these soldiers are to support their fellow soldiers being trapped in Wu Htau ongoing battle against KIA.

MATUT HTI NA »

HKAI BANG KAW LAJA LANA GAP NGA

December (14) bat Masum,
Wunpawng Mungdan Shanglawt Asuya Sinpraw Ginwang Ginjaw Dap Ba (3) ginra Loi Je ninghtawn Hkai Bang mare kaw (Jan Sumlut Roi hpe rim da ai shara) dai ni mung KIA myu tsaw share shagan ni hte myen hpyen asuya hpyen hpung ni nsim nsa gap gasat nga ai lam shiga na chye lu ai. Gap gasat ai lam gaw ya ten du hkra zim ai lam n nga laja lana gap gasat taw nga ai lam matut na chye lu ai.
ကခ်င္ျပည္နယ္ ေကအုိင္ေအ အစုိးရ အေရွ႕ပုိင္းဌာနခ်ဳပ္ တပ္မဟာ (၃) နယ္ေျမျဖစ္ေသာ လြယ္ဂ်ယ္အနီး ခုိင္ဘန္တြင္ ေကအုိင္ေအမ်ိဳးခ်စ္ရဲေဘာ္မ်ားႏွင့္ ဗမာစစ္အစုိးရ စစ္တပ္မ်ားျပင္းျပင္းထန္ထန္ ဆက္လက္တုိက္ပြဲျဖစ္ပြားေနေၾကာင္း သတင္းရရွိပါသည္။ တုိက္ပြဲသည္ ရပ္ဆုိင္းသြားျခင္းမရွိပဲ ပုိမုိျပင္းထန္လာေၾကာင္း ဆက္လက္သတင္းရရွိပါသည္။

There was another deadly fighting between KIA and Burmese soldiers today 14 December 2011 in KIA 3rd Brigade control areas Hkai Bang village. Eyes witness believe that this is where Burmese soldiers kept captive Ms. Sumlut Roi since she was arrested. The fighting is continue fiercely between them since beginning.

MATUT HTI NA »

U SAI MAW KHAM MUSE KAW DU NGA

December (14) bat Masum,
Myen mung hpyen asuya Ningtau Gumsan magam U Sai Maw Kham gaw ya ten shiga dai daw buga rai nga ai Sam mung Muse mare kaw du nga ai lam shiga na chye lu ai. U Sai Maw Kham hte rau myen asuya Hkringmang rung shagu de na salang ni mung lawm ai lam, ya ten hta Muse mare na hpaji jawng ni, tsirung ni hte hpung gyi jawng ni de gawan hkawm nga ai lam hpe mung na chye lu ai.

MATUT HTI NA »

DUNG (15) GINRA NI HTA GASAT

December (14) bat Masum,
Wunpawng Mungdan Shanglawt Asuya Dap Dung (15) Ginra rai nga ai Hkai Bang hte Hkin Du Kang mare ni kaw December (12) ya shani KIA Dap Dung (15) na myu tsaw share shagan ni hte myen hpyen asuya a tat-ma (88) n pu na hpyen hpung ni gasat ai hta myen maga na (50) ram hkala hkrum lai wa sai lam shiga na chye lu ai.

There was another deadly fighting between Burmese battalion 88 KIA 15thBrigade forces in Hkai Bang and Hkin Du Kawng villages. In this daedly battle, about 50 Burmese soldiers were injured and no casualty report from KIA foreces as a self defend attack against Burmese soldiers.

MATUT HTI NA »

HPYEN YEN DABANG DE MYEN HPYEN NI MASHA SHANG SAT

December (14) bat Masum,
Wunpawng Mungdan Shanglawt Asuya Up Hkang ginra, Dap Ba (3) ginra rai nga ai Hka Pra Mare hpyen yen dabang de lai wa sai December (6) shana maga hkying (5:30pm) ten ram hta myen hpyen asuya dap hka-la-ya (418) ni du shang wa nna hpyen yen masha ni rawng ai ginsum ni hpe wan nat jahten kau ya ma ai lam shiga na chye lu ai. Hpyen yen dabang hta nga ai Slg. Lahpai Zau Li Naw a madu jan Sumhka Ji Tawng (ma shata (2) a Kanu) hpe mung roi rip nna sat kau lai wa sai lam matut na chye lu ai. Hpyen yen dabang de myen hpyen ni kawn sinat ni gap bang ai majaw hpyen yen tsin yam ni law law mung hkala hkrum lai wa sai lam hte, Shy. Sumhka Kaw hpe mung myen hpyen la ni woi mat wa ai dai ni du hkra rai n dat ya shi ai lam na chye lu ai.

The Burma soldier from hka-la-ya (418) terrorized Kachin (IDP) camp and burned down huts in KIA 3rd Brigade control area on 06 December 2011 at 530pm Burma time. The soldiers were also gang raped Mr. Lahpai Zau Li Naw wife Madam Sumhka Ji Tawng mother’s of a children. The soldiers were then torture and killed her according to eye reported. The Burma soldiers also opened fire at civilian then injured many civilian in the camp. The Burma soldiers also arrest Ms. Sumhka Kaw since then till today there was no news where she was taken alive or dead.

We condemn Burma army committed the terrorist actions against Kachin civilian, torture, gang rape and killing innocent civilian. We appeal to UN, USA, UK and the world communities to take severe counter actions against Burma regime government immediately.

MATUT HTI NA »

GALOI TA?

Galoi ta? n'masu yang hpa ntsun ai, n'lagu yang hpa n'sha ai nga, myen a ga malai gaw dai ni grau bai teng wa nga sai. Kalang bai moi kaw na, myu kaba mahkawn dingsa bai hpaw sai, shingna yu nna hkrang hpe mu sai. Zai ai dusat hpe jum jaw shanyi ai gaw jum jahpu pyi sum na re majaw shan sat dap de she sa kau saga.

Thein Sein gaw KIO/KIA hpe gumsan rung kaw na tinang ta masat hte, nhtu gasat na matu hte, lama KIA hku na htu gasat wa yang madu hkum makawp maga ai hku ninghkap gasat ra ai nga, asuya nre ai kasu kabrawng hpung langai hku ndau shana sai re. Annau ni a simsa lam mung gumsan magam jet dung ai shani she tsun nra, simsa ai hte shanglawt lu na re. Namdan, myet le, maupau, ga kalang bai tsun sai, shingra

UN hte mungkan mungdan mung shawa hpe myiman gayin lu hkra matse labye nhkru, nshawp, zai dik ai nsam kraw hpe [make up-sanap hka-nten hkyen tsi] hte kalang bai chya shatsawm masu sai. Masa hte myit kraw lawang n'galai ai, gan katset kachyawng sha hkyen ai, byin mai yang nten hta lagat baw joi hku noi da mayu ai da, kasha mangai manyi ai,

chyahkyawn rai nna shan nsha ai nga kaja masu nga ai. Matsan dum ai, annau ni jaw ai padang hkrun lam majan hte sharin ya ga.

Lam mi gaw hkrit ra ai mung masa hpyen masa ginsup amyet tam ai lam re. Lam mi gaw myen mung a up hkang ai hkrang 2 rai nga ai lam madi madun ai mung rai nga ai, Hpyen hte rapdaw kadai grau n'gun kaba ai kun? Thein Sein a ga kade ram kang ai, kade ram n'gun ja ai kun? Shingdu de hpyen dap u shoi jum ai kun? Asan mu wa na matu anhte hpe hkam ai mahkam shanhte madaw hkam la ai tai nga sai, lam mi gaw anhte hpe shanhte hpyen dap ni hpe n'gap shangun ai kaw KIO/KIA gaw dasang simsa ai jahten ai, mungdan ngwi pyaw lam hpe jahten ai hpung re nga madi madun na matu, matut nna shingdu de hpyen n'gun htu ding yang re zawn majan mung grau laja lana byin ai, hka ntsa numhkaw hprwi, re hpe chye nga sai hte maren dum ladum hka yawng nbyin hkra mungkan de htawng madun ra ai, masa manaw ni yawng hpe galai kau ya ra ai zawn galai lu na ahkyak ai laman pausi re.
UN shinggyin garum gahtau Slg ni du nga ai ten annau ni a mabyin hte rawt malan ai hkrun lam hpe laika shawk shawn tang madun dat lu na grai ahkyak ai, Myen tsun ai hkrang hte annau ni byin nga ai hkrang hpe asan pra teng man ai hku mu madat lu na madung re.

Myen ni majan hta gumra tsi, kaga tsi ni lang nna gasat ai gaw anhte matu awng padang dip na npawt re, mi kaw na dusat myit sha rawng nga ai kaw tsi bai lu nna gasat jang gaw shanhte shada sat hkat na, tsi bran jang grau hkrit nna lata sharawt asum jaw na re, bai lawu ga masha re, u hpung hte sha chyawm nna wau chye ai myu re, uhpung hka hkra galaw ra wan tsi dat ra ai. Ndai ten grau gasat dan ra ai shaloi she du nga ai Slg ni tatut mu kau yang kaja dik re. Hpyen yen tsin yam ni a matu mung ahkyak n'gam kaba re.

Htawt ai lahkam shagu gaw lam grai nchye hkawn ai ma shata 7-8 re da ta ta hkawn ai hte bung ai myen, labau hta matsing tawn ya ga. Matut nna grau laja lana gasat ga, Ninghtoi mahka du wa ra ai galoi mung annau ni lahpan tsap bum ntsa kabye tawn nna, Pa ga na jahtawng nhtu ai ni hpe Myu tsaw Ninghtoi shingkang madun ga.

Baren Numraw

MATUT HTI NA »

AHNAU NI A LIT

Shimlum shanglawt awmdawm ahkaw ahkang hte madu tara masing kata, madu up hkang lu ai, mungdan a hkrang numshawn a matu, dai ni annau ni hkyen shajin tawn ra saga ai hte maren ya hkyak hkyak, ten hpe manu shadan nna masing jahkrat galaw sa wa ra nga ga ai.

Chyurum ai annau ni shanglawt ai amyu, mungdan lu ai amyu, Up hkang tara lu ai amyu, labau rusai nga ai amyu, htung hkring laili laika ga lu ai amyu, Yungwi madum shingnyi lu ai hkaw hkam hkaw seng magam amyu rai nga ga ai majaw, prat dingsa htani htana labau nmat, mungkan hta grin nga lu na matu, lawu de na lam yan ni hpe matut lahpa galai ya na lit anhte yawng hta, nga nga ga ai hte maren sharin lam madun sa ra nga ga ai ngu lajin dat mayu ai.

1. Mungdan Lamu Ga Labau
2. Myusha Rusai Labau
3. Htunghking Laili Laika Ga Labau
4. Tara Hkrang Labau

1. Mung tsaw myu tsaw sari rawng sadi dung ai myu sha tai nga lu na matu, matut manoi sharin la ai hte sharin ya na lit nga ga ai. Tinang kashu kasha ni hpe ma ten ga chye shaga chye ai ten kaw na myu sha labau mau mwi mausa hpe yup ra shang ai ten hkaidan htidan ra nga ga ai. Ndai gaw ja dik ai ritkawp tara re hte ja dik ai hkan sa ra ai tara re, kaji ai ten kaw na kamsham myit, madu myit,myu tsaw myit, magam myit,s hanglawt myit hpe sambang dawkbang htibang, sharin ya ra nga ga ai, shimlum bawngring rawtjat galu kaba ai myu hpe tsaw ra chye ai manu shadan chye ai myit hkrum mangrum gakyin gumdin chye ai,garum chye ai gatsun gala chye ai myu tai lu na matu sai ga chye shaga ai lit la chye ai ni byin hkra lahpa kalai ya na matu sharin len shalai ya ra nga ga ai.


2. LABAU
   
   1. Anhte lamu ga hpe shaning ten, kade ram kaba ai kade ram gang ai,tsang hte tsang nga pra hkrat wa ai lamu ga shara ni hpe lamu ga sumla hte hkrat sang lang sharin ya ra nga ga ai.
   
   
   2. Anhte a pra sa hkrat wa ai myu sha rusai labau hpe ban hte ban hti gumhting sharing achyin lam madun hpyendan ra nga ga ai.ginru ginsa lam matut sharin ya ra ai.
   
   
   1. Myu lakung (6) nga ai hta, 1-Jinghpaw, 2-Lawng waw [maru], 3-Zai Wa[azi], 4-lachyik [lashi], 5-Lisu, 6-RaWang nga ai. [ndai ni gaw chyu pau langai sha chyawm chyu ai kahpu kanau majing sai langai sha re hpe hkrat htidan ra ai.
   
   
   2. Dai myu kaba yawng a sai kaw {ga shadawn} La N'Gam wa Marip wa Kumja Magam-La N'Naw wa LaHtaw Wa Naw Lawn, La N'La wa Lahpai wa Larip -La N'Tu -Tsit Wa Tu Hkum- shamying yu hkrat wa ai hte maren myu htinggaw mying mung lakap lu ai myu re. [ndai kaw nka bang ai myu htinggaw ni grai naw nga ai laika man a majaw nlu ka sai]
   
   
   3. Dai ni kata kaw Kahpu, Kanau+ Mayu +Dama nga makru masum jung rai rau shatdi langai hta sha, rau manau nau let nga pra hkrat wa ai myu re hte myu rusai htinggaw hpe shachyen shaga nna chyupau langai chyawm chyu ai kahpu kanau re, rusai langai sha, Sai langai sha Magam myu re hpe kawa kanu a lahpyen shingma kaw na hkai dan matsun htidan ra nga ga ai.
   
   
   4. Mare kahtaw gaw gap sawa ai lam. Sa ra,Namshang,Wutang,Wulawng,Mare Bunghku Mare mying hpe mung tinang ga hte shamying ra sai.
   
   
   5. Up hkang hkrang [Du,Slg,Agyi,Dumsa,Hkin jawng] [labau htung hku nat jaw jau ai hpe hti sharin shalen ra ai]. Tara jeyang dawdan ai hkrang mung moi kaw na tara agyi ni hte dawdan up hkang chye ai myu re.
   
   
   6. Malu masha laksan shadu sha chye ai myu re, malu masha kaga myu ni hte nbung ai, anhte malu masha ni hpe mung prat madang hkam kaja lam hpe yu nna gali sha chye ra sai.
   
   
   7. Dum nta shachyaw gawgap galaw sa wa ai lam, Numgaw daw hpum shadaw jung nna nga baw gyit shakap ai myu re, nta hpe yu nna jinghpaw nta re chye ai.
   
   
   3. Chyurum ai annau ni gaw nta shachyaw galaw sa wa ai shaloi shawa ga hte hkrai shachyaw galaw la chye ai ni re, [shadaw, ngau, lapa, chyinghkyen, shangu, pali, kawa, share,] [Dawhpum, nbang, npan, hkuwat, hkinchyi, rapdaw, dawdap, nladap, yupgawk, htingnat, gumba, sharem, nhtung, htingye, garap, rading, shingnoi, htingka, Di mala, lakung, kamai, lagyawt, lahpaw, kailang, htum, htumun], ndai ni gaw laika man a majaw ga shadawn hku sha ka ai lam re. Shamying shamang shachyen shaga maumwi mausa hpe matut hti sharin shalen yang she galoi mung madu myu hpe manu shadan chye nna myu tsaw myit grau kaba wa lu na re. Ndai lam ni hpe kanu kawa ni ga chye shaga wa ai ten kaw na sharin achyin ra sai hte,shachyen shaga lam, hkungga lara lam hpe mung sharin nan sharin ra ai, shinggyin nauna myit bang nan bang ya ra ai. [ndai lam ni hpe rawt jat galu kaba nga sai mungdan ni hta ma ni hpe wanglu wang lang nga shangun ai majaw, ya dai ni duhka hkrum nga sai majaw, Tara kata ritkawp kata shanglawt ai ahkaw ahkang hte chye nga na matu ladat tam ra sai re], Ga tsun Ga la shawa bungli hta mahta nna maden galaw chye ai myu re.
   
   
3. HTUNG HKING
   Num wawn num ya hpuji hpuja, mayu jahkrum, dama jahkrum rai, daw hka yak ai myu re. Manau nau ai, myu htunghking ka manawt hkrang lu ai.Manau hpan myu law ai.
   
   
   1. BUHPUN SUMLI LAM
      Manu dan dik ai, kaja dik ai, lachyum rawng dik ai, laksan labu hpun palawng lu ai, soi gum hpraw palawng rida maka labu, gumhpraw n'ga, soi tingsan, myu lakung (6) a buhpun palawng gaw laklai tsawm ai, htung hking buhpun sumli chye ai amyu re. [Masha ni labu hpun palawng shani shana ten na na buhpun ai lang law shaning galu hpun wa jang myit shang sha wa ai, tsawm dum wa ai, yu ra wa ai, gangwi ai nawn wa ai, madu buhpun hking zawn nawn wa ai, dai sadi ra ai hte hkrat sum wa na npawt re, kaga myu ni hpe htang kaba chye wa ai gaw myu tsaw myit hpe ndum shami hkra machyi shangun ai.] [anhte htunghking maka hpe sum pan hta dawk shakap nna madu labu hpun palawng hpe prat madang hte bung hkra mai jahtuk hpun nga ai.
   
   
   2. KA HKRANG
      Laklai shai ai laksan ka manawn hkrang lu ai myu re, annau ni a myu lakung 6 a ka hkrang ni tsawm dik ai hte laklai dik ai, buhpun palawng yungwi ni Karai jaw ai, JIwoi Jiwa ni jaw ai labau ka hkrang gaw mungkan hta laklai tsawm dik ai hte manu dan dik ai, myu sha ni a prat dingsa Jinghpaw WP myu sha re hpe madi madun ya ai sakse rai nga ai, ndai hpe matut nna nhka ja ai, matut nna nlen shalai lu yang gaw myu mat na npawt rai sai, masha ni ka hkrang hpe she manu shadan ai, masha ni ka ka yang she tsawm dum wa ai gaw myu tsaw myit hpe hkra mchyi wa ai, madu myu hpe yu kaji shangun chye wa ai, dai gaw hpang de hkrit hpa kaba re. Myu mat na re. Sadi ra ai.
   
   
   3. LAILI LAIKA HTE GA
      Anau ni a laika hpe ma ten nta jawng kaw pyi mai sharin la lu nga ai, teng madu myu hpe tsaw ra ai manu shadan ai, Nuwa Jiwoi Jiwa ni hpe hkungga tsaw ai rai yang tinang laili laika ga hpe manu shadan ra ai, dai gaw myu tsaw myit jet re, Sai jaw ai labau ga re, dai ni annau ni laika hpe grai naw gram lajang la ra nga ai, laika ga ni mung grai naw gale la ra nga ga ai hte madang tsaw hkra mung hpaji ninghkring ni grai naw shakut ra nga ga ai law, madu ga hpe ga shakut ga, masha ni ga hpe shap ga ai gaw yawn hpa hkrat sum ai mayam myit rawng wa chye ai, masha ni ga hpe shaga yang she tang du tum ai, n'gun lu dum ai, ai nawn ai, htang kaba ai, namnak nam chyim nga dum ai gaw, hkrat sum dik ai lam re, madu laika ga atsawm nlu shaga ai mung myu sha lam masa lam hta hkrat sum ai, ga garan na npawt kaba rai nga ai.
   
   
   4. YU NGWI MAHKAWN HTE MADUM SUMHPA
      Mungkan hta langai sha nga ai,laklai shai dik ai,pyaw dik ai yungwi madum sumhpa lu ai amyu rai ga ai, arawng la ra ai, rawt jat galu kaba nga sai myu ni gaw, laklai ai yungwi madum sumhpa hpe she myit shang sha ai re, htang kaba ai, laklai shai ai kaga myu sha ni a madum sumhpa yungwi nsen ni hpe she hka ja ai, ahkyak la chye ia re, dai ni annau ni pyaw dik ai laklai she dik ai madu dan yungwi mahkawn madum sumhpa hpe prat ndep dum mat ai,madu mahkawn hkawn yang namchyim n'nga dum ai, manu ndan dum ai, masha myu ni mahkawn hkawn lu yang ga lu shaga yang she tang du dum ai pyaw dum ai,myit shang sha ai,
      
      myit shim dum ai,htang kaba dum ai gaw hkrat sum kaba re, masha myu ni yungwi, madum sumhpa buhpun palawng, kahkrang ga hpe law law mahkawn, law law hpun, law law lang, law law shaga, law law ka wa jang dai myu ni hpe yu ra wa ai, htang kaba wa ai, ai nawn wa ai, dai gaw kaba dik ai masa kaba rai nga ai mung masa lam re, masha myu ni anhte buhpun palawng, kahkrang, yungwi madum sumhpa hpe myit shang sha wa ai gaw mung masa hta awng dang ai lam re. Ndai gaw yu yang hpa zawn n'nawn tim hkrit hpa kaba dik ai katsi majan hpyen kaba re, myu tsaw myit hpe ginlut shangun dik ai lam re. Madu myu hpe tsaw ra ga. Ahkyak dik ai lamang ten tsun shaga ai shaloi grai sadi ra ai, dai zawn re ten ma ni grai ahkyak la nna madat chye ai bai kaga myu ni mung madat ai re majaw grai sadi ra ai, madum sumhpa hkum hkum lu ai myu re, dai hpe prat madang hta hkan nna madang tsaw tsaw jai lang sa wa ga.
   
   
   5. MAKAM MASHAM
      Dai ni annau ni Hkristan makam hpe hkap la kamsham ai myu tai wa saga ai, raitim labau jaw ai, myu rusai hpe Jiwoi Jiwa ni jaw ai makam hpe mung myu nmat na matu nat jaw htung hpe mung masa lam hku, labau hta ka matsing tawn kashu kasha ni hpe htidan ra nga ga, labau mat jang myu mat na re, makam law law nga wa ai mung annau ni hkabra wa na npawt kaba re. Sadi ga.
   
   
4. TARA HKRANG
   Moi chyi nma pri npra ten kaw nna gumchying gumsa Bumdu prat ya dai ni du annau ni gaw up hkang ai tara hkrang nga ai ni re,ndai hpe tinang jawng kaw htunghking shrin hpawng hkan sharin ya ra ai. Du Slg, Agyi wa, Hkinjawng, Dumsa myihtoi nga nna, up hkang hkrat wa ai myu re mung up ai hkrang nga ai, dawdan jeyang ai tara agyi tara slg ni hte up hkang hkrat wa ai myu re. Lahta de na lam yan kaba ni hpe ya hkyak hkyak sharin nan sharin ya tsun nan tsun dan ra ai annau ni a labau jaw ai lit kaba rit kawp tara kaba re, hkan nan hkan sa ra ai, ma ni hpe len nan len shalai lam matsun ra ai. Dai ni hpyen yen nga ai ten hta mung ndai ni hpe ten la nna sharin ya ra nga ga ai. Madu myu, madu labau, madu ga pyi nchye ai she law wa nga ga ai gaw yawn hpa hkrat sum kaba dik ai lam rai nga ai, myu a ntsa sadi ndung hkabra wa na npawt mung ndai ni re. Moi shanglawt ningnan gawgap hpang yang tara grai ja dik ai majaw dai ni du hkra grin nga ai lam sakse re.masa kaw na mung masa de kalai sa wa ra ai. Tara hkrang hte mung masa hkrang masing hpe tinang myu hte htap htuk jaw manu ai hku gram lajang na mung grai ahkyak ai.
   
   Dai ni sinna mungdan rawtjat galu kaba dik sai mungdan ni, Democracy mungdan ni hpa majaw hkrat sum wa nga ai kun? Hpa majaw manghkang kaba ni byin nga ai kun? Gumhpraw manghkang matsan lusu manghkang, ndai ni hpe maram shingdaw shen ginhka yu dik ai shaloi, wanglu wanglang nga ai, tara kata shanglawt ai hku nchye nga ai, shinggyin nauna myit nrawng wa ai, Kanu Kawa, masha kaba, sara sarama, sak kaba ai ni hpe hkungga lara ai myit n'nga wa ai, makam masham n'nga ai masha law ai, makam masham hte chyum mungga hte sharin shaga ai lam n'nga ai majaw, kadai hpe mung hpa zawn nnawn ai, Karai n'nga ai madang de du nga sai majaw moi Karai hpe kamhpa yang na mung up ai ten hte nbung sai majaw hkrat sum nga ai, ndai ni hpe kasi yu nna dai ni annau ni madu myu hpe hkungga tsaw chye ai myu tsaw mung tsaw ai magam myit shanglawt myit rawng na matu lahta de na lam ni hpe yajang hkaja sharin ya ra nga ga ai, ninggawn mung masa lam hpe mung sharin nan sharin ra ai. Dai ni annau ni htunghking sharawt ra ai, madu laili laika sharin ra ai, madu yungwi madum sumhpa kahkrang, buhpun palawng hte ga hpe manu shadan lang shakut ra sai, shaloi she annau ni galoi hkrat sum na nrai sai hte rawtjat galu kaba ai myu tai nna shanglawt ai myu tai na re. Myu mat na nre. Mungdan mung lu nga ga ai tim shanglawt ai myit madu myit magam myit nrawng ga yang gaw mungdan lu tim hpa di na ta? Mayam hpaji myit jasat hpe yajang kabai kau saga.

Myu sha lam yan hpe shawng kaw tawn nna matut dating shakut gasat ga.
Baren Numraw.

MATUT HTI NA »