Shara shagu chyam bra nga ai tsaw ra dik ai chyurum ai NuWa kahpu kanau ji nban yawng hpang de saw lajin dat mayu nngai law. Yawng chye nga sai hte maren dai ni chyurum ai annau ni hpe Karai jaw ai, labau jaw ai lamu ga hte myu sha lam yan hpe matut shagrin na matu Sai hte ka sak hte kalai ra ai, kaba dik ai Padang hkrun lam majan gaw nang ngai yawng a prat hta ten hta lit ang wa sai lahpa kalai la ra sai re.
Gumrawng gumtsa arawng shadang hpung shaingkang siri hte hpring ai, Sai kaba ai magam myu, magrau grang ai myu, shanglawt ai myu, Mungdan lu ai myu, Myu tsaw mungtsaw myit kaba ai myu re majaw galoi asum njaw ai, awmdawm shanglawt nlu dingsa gasat, anut, adawt, labau jaw ai Sai hka hte ka ai Padang hkrun lam majan gaw padang shanlu dip la dingsa nmai jahkring sai.
Dai majaw chyurum ai hpunau ni e lu ai atsam marai yawng hpe bang nna nang ngai yawng gahkyin gumdin myit hkrum mangrum n'gun shabawn ai hte atsam marai yawng chyawm bang nna ten hpe manu shadan ai hte yajang yajang shang lam majan de, duhka hkrum ai saidaw sachye ni hpang de myitdu hkumdu shang lawm sa wa ga law.
Maigan mungdan hte myu kaba hkan, Miwa Mung, Kala Mung ni hta shanu nga ai chyurum ai hpunau ni e, nang hpu nau wa atsawm lu sha lu lu, lu yup, manyi sum sai hte mu mu mai mai ngwi ngwi lu nga ai ten, annau ni a saidaw saichyen, kahpu kanau, mayu,dama, htingbu htingbyen ni gaw, yup yang maji mayan jigrawng hte yup nlu, yup shara nmu, sha yang mung hkrap myi prwi si hkrat let sha nmu, dum nta, yam nga nlu sut kata, shani shana, nsin nhtoi, marang kata, buhpun palawng nlu, lu sha nlu nga yak, shawng lam majan pa ni hta myu a matu asak ap nawng nna share shagan magrau grang dik ai hte puba jamjau hkiba lit li, sha ten pyi nlu, machyu pala lapran e asak hpe lahpaw hte magap tawn nna myu sha yawng a matu n'gang tai ya ai hte, padang hkrun lam hpe sai hte ka matut ya nga ai tsin yam hte sak matut nga ai myutsaw hpyen la ni hpe myit dum shingran nna, tinang du nga ai shara, tinang galaw nga ai kaw na myu sha ni hpang de bai kayin wa ai hte Sai jaw ai, labau jaw ai padang hkrun lam hta jutmi shara mi hta sha gaw atsam dat na hpe myit mada dik ai hte Na atsam marai Nuwa jiwoi jiwa jaw ai tsaw ra myit dai ni ra nga sai.
Majan pa de tatut shang lawm na, kyu hpyi ai, arung arai, ja gumhpraw, hpaji hparat atsam, Ninghkap n'gun madun ai, Laika Pa bang ai, Laika shawn ai, shihtawn shi shabra ai, gahkyin gumdin lam yawng hta Na sak jaw ai gaw manu dan dik htum ai ten du nga sai,
Ya jang rawt u, hkum ung ang nga sa, ten gaw lai mu nmai lai mat sai.
Shanglawt ai Myu, Magam Myu.
Ndau lajin dat ai.
Baren Numraw.
Gumrawng gumtsa arawng shadang hpung shaingkang siri hte hpring ai, Sai kaba ai magam myu, magrau grang ai myu, shanglawt ai myu, Mungdan lu ai myu, Myu tsaw mungtsaw myit kaba ai myu re majaw galoi asum njaw ai, awmdawm shanglawt nlu dingsa gasat, anut, adawt, labau jaw ai Sai hka hte ka ai Padang hkrun lam majan gaw padang shanlu dip la dingsa nmai jahkring sai.
Dai majaw chyurum ai hpunau ni e lu ai atsam marai yawng hpe bang nna nang ngai yawng gahkyin gumdin myit hkrum mangrum n'gun shabawn ai hte atsam marai yawng chyawm bang nna ten hpe manu shadan ai hte yajang yajang shang lam majan de, duhka hkrum ai saidaw sachye ni hpang de myitdu hkumdu shang lawm sa wa ga law.
Maigan mungdan hte myu kaba hkan, Miwa Mung, Kala Mung ni hta shanu nga ai chyurum ai hpunau ni e, nang hpu nau wa atsawm lu sha lu lu, lu yup, manyi sum sai hte mu mu mai mai ngwi ngwi lu nga ai ten, annau ni a saidaw saichyen, kahpu kanau, mayu,dama, htingbu htingbyen ni gaw, yup yang maji mayan jigrawng hte yup nlu, yup shara nmu, sha yang mung hkrap myi prwi si hkrat let sha nmu, dum nta, yam nga nlu sut kata, shani shana, nsin nhtoi, marang kata, buhpun palawng nlu, lu sha nlu nga yak, shawng lam majan pa ni hta myu a matu asak ap nawng nna share shagan magrau grang dik ai hte puba jamjau hkiba lit li, sha ten pyi nlu, machyu pala lapran e asak hpe lahpaw hte magap tawn nna myu sha yawng a matu n'gang tai ya ai hte, padang hkrun lam hpe sai hte ka matut ya nga ai tsin yam hte sak matut nga ai myutsaw hpyen la ni hpe myit dum shingran nna, tinang du nga ai shara, tinang galaw nga ai kaw na myu sha ni hpang de bai kayin wa ai hte Sai jaw ai, labau jaw ai padang hkrun lam hta jutmi shara mi hta sha gaw atsam dat na hpe myit mada dik ai hte Na atsam marai Nuwa jiwoi jiwa jaw ai tsaw ra myit dai ni ra nga sai.
Majan pa de tatut shang lawm na, kyu hpyi ai, arung arai, ja gumhpraw, hpaji hparat atsam, Ninghkap n'gun madun ai, Laika Pa bang ai, Laika shawn ai, shihtawn shi shabra ai, gahkyin gumdin lam yawng hta Na sak jaw ai gaw manu dan dik htum ai ten du nga sai,
Ya jang rawt u, hkum ung ang nga sa, ten gaw lai mu nmai lai mat sai.
Shanglawt ai Myu, Magam Myu.
Ndau lajin dat ai.
Baren Numraw.
4 comments:
yajang rawt ga law,dum ladum hka yawng ai ni ntai saga,pugang sin machyi ai gaw tatut hta mahtai jaw na sai,tengman ai myu re majaw galoi hkrat sum na nre,lung ngut ai hpang lam de dan di kau ra sai,wan leng lam jahten kau ra sai,shingdu de dap sin pyi n'nga sai,shingdu de shatsang ra ai.lashu,namhkam lam jahten kau ra sai.myen mai lung ai lam yawng jahten nan jahten ra sai.
nang ngai yawng hte ni dai ni na ten hta sung2 myit yu rai sai.majan gasat ai ngu gaw hpyen la ni hkrai gasat ai hpan n,re.mung masha yawng jing hpaw mying shamying da sai wnp sai kap ai ni yawng gaw majan gasat na ten du sai.
myen mai lung ai lam ni hpe dasang n'jahten kau lu yang gaw,nmai sai,wanleng baw wanleng lam
hka lam hku lung wa ai kaning re sanghpaw hpe raitim gap kau ra sai,ya ten hkrun lam hkawm ai ni gaw myen hte myen hpe garum ai ni sha re law,
sawa ni hpe sa lam sha nga nna wa lam shamat hkra
galaw nan galaw ra sai.lu rim ai myen yawng hpe
atsawm tsaw ra myit madun dat ra ai.shaloi she
myit marai hkrat sum na re.
Myen gaw anhte simsa lam kade la mayu tim jaw na nre,hkyen majan hpe anhte nra ai tim annau ni hpe sat sharu roirip myu shamyit matsan dk ai nhkun de
htu bang nga ai hpe yai sai ngu na kun?rai nu ga ngu na kun?yau sai ra ai hku galaw la mu ngu na kun?ra ai daram roi la mu ngu na kun?myit dik yu ga law.
Post a Comment