January (17) bat Lahkawng,
Wunpawng Mungdan Shanglawt Asuya a KIO/KIA Gijaw na myitsu Salang ni gaw myen hpyen asuya hte mung masa bawng bang na matu dai ni miwa mung de hkawm sa mat wa sai lam shiga na chye lu ai. KIO maga de na myen tai hpyen ni hte mung masa lam bawngban na matu Komiti hpe Hpaji Dap Lit Hkam Sara Kaba Sumlut Gam kawn woi awn ai re lam hpe mung na chye lu ai. Sara Kaba Sumlut Gam woi awn ai KIO a mung masa bawng ban na Komiti hpung ni gaw hpawt ni na nhtoi hta miwa ga kaw myen hpyen asuya a dak kasa ni hte hkrum bawng ban sa wa na re lam hpe mung na chye lu ai. KIO Ginjaw Komiti gaw n dai bawngban hpawng hte seng nna January (17) ya nhtoi masat hte mung shawa masha ni hpe n dau shana wa sai re.
9 comments:
kaga bawsang ni zawn tinang hpyen dap hpyen du ni a matu sha nrai mat u ga... myu sha yawng a matu lu bawng ban na myit mada ai... kaga ni zawn shara gara kaw na gara kaw du hkra, kyithkai rung hpaw na zawn sha nga jang gaw anhte a bandung ndu ai.. anhte a bandung gaw jinghpaw mungting (mare kaba mahkra) hpe KIO hte jinghpaw wungpawng myu sha yawng a lata hta rai mayu ai... kyithkai rung gaw yangon, mandalay hkan she hpaw na re..
Mung masa jahta ra na lit gaw nga ai,njahta jang K.I.A hpe simsa lam nra ai hpung ni nga shi laika hte media hkanna sha-poi kau na re.Tim mung masa myusha ni matu mahtai kaja nlu yang gaw gap hkat n jahkring ai ngu hpe gaw myit shajin da ra na tai ai.Da kaba Gau Ri Zau Seng hpe gaw Ginjaw committee kaw na jahkring kau yang htap htuk dik sai dingla re.shi majaw myusha ni myit hten mat chye ai,myen hpe shiga jaw ai wa mung re nga shiga gaw pru taw nga ai.Myen jaw da ai lamu ga 20,000Acre sum mat na grai tsang nga lu ai rai.
Bawng ban ai hta Myen nishan hte hpyen dap ni mahkra hting nut dawm kaw ra ai,shan hte tawt lai ai shimgyim a-hkaw a- hkang ma hkra hpe lit la hparan ya ra ai,eg, Sumlut Roi Ja, Myen wa lap myi lu yang Jinghpaw Wunpawng Myusha ni mung lap myi lu ra ai, bai KIO, KIA,hte Jing Hpaw Wunpawng Myusha yawng hte e...Myen hpe Jinghpaw Mung kaw na a-tsai a-wai gawt kau.na matu n-gun la ai, a-ten la ai, bawng ban ai ngu myit la u-yaw n-mai byin ai Myen hte raw nga ai ngu ai gaw..LAKNAK Kaja gara hku shimgyim lana, KIO,KIA,na a-bawnu, Myit Masin kaw,LAKNAK kaja Hpyen n-gun gaja hte Myu hpe, Mungdan hpe gara hku makawp na ngu ai dai sha bang tawn ga, Myen mung dai hku sha bang tawn ai, shi bawnu kaw LAKNAK kaja luhkra mahkawng ga ngu grai shadum sai, yagaw majan byin wa ai hte Myen gaw Laknak kaja hte sharu bun a, nga yen ya wa ra ai n-rai ni...?
un nlawm ai bawng ban lam sha gu hpe nra sha rawng nngai law.
bawng ban lam hta shan hte majan wa hpaw wa htu ai majaw dai ni myu sha ni machyi makaw lam amyu myu hkrat sum mat ai arung a rai ja gum hpraw tawn kau da ai lamu ga wanat kau ya ai n-ta num kasha ni hpe roi rip sat kau ai ni --dai lam ni hpe mung tsun jahta let sepkawp shawa sha nan shawa sha ra nare ----
Hpyen jaubu ni tinang hpyen dap hte tinang a dinghku hpe matsan dum nna dawdan ai mung nrai u ga law.JINGHPAW YAWNG A MATU MYIT GA YAW.
Hpa wa mi nga tim dai ni gaw myen hte bawngban ra mat sai,myit hkrum tim nhkrum tim tatut hkrum ra sai,KIA du slang kaba ni a matu Myu hte mungdan a matu dawdan ai kaw Karai Kasang a zai byangya ngyen hpaji lu nna Karai Kasang she dawhpum daw nu galaw ya nna daw dan ya u ga ngu akyu jawm hoyi ga lo,,BRAVO W.P shani hpe Karai Kasang shaman ya u ga.AMEN
K.I.A/K.I.O Du kaba ni mung myen du kaba ni zawn majan byin ai majaw shang gumhpraw(Income) n-nga mat ai nhkan e kashu kasha ni hpe bau maka ra ai majaw gap hkat sha-zim na matu re jang gaw myit yu hpa re.Rim da hkrum ai myu tsaw share sha-gan ni hpe dat ya na matu, myen ni jahten kau da ai mare ni,du sat du myen ni ma hkra hte majan a majaw mat mat ai majan Cost hpe tsep kawp myen tai hpyen bai jaw ya ra ai lam ni shalawm ra na re.Nre jang gaw hpang de mung dai hku majoi gap hkat saw wa na tai ai.
WP Jinghpaw sha ni yawng mung Myen ni hte kanawn mazum ai lam hta mahkrum madup grai law sai.Lai wa sai mahkrum madup masa lam hpe yu nna, bawng ban sa wa yang mai na re ngu mu lu ai.La wan la ai myen mung a masa lam hte mungkan hte shing daw nna mung masa hpe gyinsup nga ai Gumsan wa a hpaji jaw ni hpe gaw sadi maja, kyu hpyi nna bawng ban lam hpe galaw sa wa yang Awng Dang lam lu na hpe kam ai.Ndai ten hta bawng ban lam hpe galaw ai gaw manu dik ai aten re ngu kam ai.Ya ten hta WP share shagan ni mung n-gun naw ja ai,Myen ni mung WP share shagan ni a atsam hpe ta tut mu taw nga ai gaw lam mi,gap hkat njahkring ai sha rap ra ai shinggyin ahkaw ahkang amatu hkap gasat ai lam ni hpe Mungkan na ni mung WP Jinghpaw ni hpe azi yu nga ai aten mung rai nga ai.Ndai ten hta Anhte ni a ra ai lam ni hpe hpaji hte atsawm sha bawng ban la ra na hpe mu mada nngai re.
W.P myu sha ni yawng YEHOWA hpang de akyu chyawm hpyi ya nga ga.
Post a Comment