Wunpawngsha ni labau hta,
Kadai n up n magra;
Moi kawn anhte Shanglawt ai,
Mayam hpan anhte n tai;
Daini Myen hte mazum shut,
Shanglawt ai lam yawng ginlut;
Sharai la yak yak ai wa,
Akik akawk hkum sumhpa;
Daini Padang ginjang mu,
L’ngai hkrai lit nan re ai lu!
Langai hpra lit n la yang,
Mayam tai nan na grai tsang;
Wenyi n-gun hte gasat,
Shawng lam de sinat n tat;
Salang K’ba ni Mungmasa,
Hparan lu hkra shakut nga;
Mungshawa ni n mai mau,
Makam masham zet latsau,
N htap htuk hkum galaw hkrup,
Karai Mungga hkan shatup;
Tsadan a man hkum kataw,
Kaya kahpa hkum galaw;
Akyu hpyi let myit shaja,
Myu a matu sadi ga;
Tinang hkum jasan jaseng,
Myu a matu ngu shareng;
Karai hpe hkrit hkungga let,
Madat mara lam shakyet;
Nang myit sumnung shingdi ai,
P’dang lu hkra shakut ai tai;
L’ngai hkrai myit sut su ai gaw,
Awng P’dang lu lam rai sai law!
Shanglawt Tsing
PADANG LU HKRA
Labels: GA SHAGAWP
Subscribe to:
Post Comments (Atom)
12 comments:
Grai hkrak ai Ga shakawp rai nga ai Shanglawt Tsing e ....Ngai Ramma shadang sha mung ngun grai lu ga ai.Shawng lam Myu sha lam hta rawt sa tsap wa yang Hkau Tsun ai hpe galoi mung myit dum let shakut sa wa na ga. Matut nna Jinghpaw Wunpawng sha ni ai mabyin masa hte Prat shawng lam Ga shakawp ma hti mayu ga ai. Karai Kasang yawng a ntsa sha man chye ju jaw nga u ga!
mau sai lo,,,,dai chyu sha bai pru pru ,,stun nga ai,,,,mung dan gap di la na nga ai n sen gaw mat taw nga ai,,,hpa ta,,,,stun ai gaw grai ga ba ai hku jawm stun na ya mung ,,hpa n na shi nga ai le,,,myen n ga ja ai sha ja hta na hpa n byin wa ai,,,,sha kut ra ai lam sha ja hta na ,,hpa n ga law yang hpa n byin wa nga ai,,,na jin wa sai,,,,
re,,,myen ma su ai hpe ya du hkra n chye shi ai zawn chyu ja hta nga ma ai,,,,sta lu na she yup mat sa na,,dai ni gaw,,,n kam ma dat wa sai,,,hpa n byin wa ai ,,ma sa lam gaw ga ra hku ta,,,,,pawt ma yu let yup sai yaw,,,,,,,
myen neypyidaw kata lam hpe chye mayu yang THAW THI KHO karen blog kaw hti yu ga...
Grai kaja ai Ga Shagawp re ai. Matut na mung ka na matu n'gun jaw mayu ai law....
N kam madat wa ai ni, na jin wa ai ni, nanhte yawng na lit nga ai sha re. Nan hte pyi tsa lu na yup taw na, shawng lam de sai hkaw du daw na shakut taw ai ni hpe pyi n a'gam ai hpa ni tsun taw ma ai ta. N gaya ma ai i? Nanhte dai ram chye dum yang shawng lam de sinat hpai na wa gasat mu le. "Hpa n galaw yang Hpa n byin wa ai" nga jang ya nang rawt mu le. Tsa lu na yup si mat na hta Myu hte mungdan a matu shakut na si ai gaw grau manu dan na re....
hkkcjd
Chyeju hte naw htai ya marit.Ngai n chye na n na re. Ngai gaw kaji ai kaw nna Kanu Kawa ni Asuya Magam gun re ai majaw Myen mung kata hkan myen hku nga kaba wa ai re.Manang ni mung yawng myen hkrai hkrai re.Myen hte shanglawt gasat hkat ai gaw galoi mung na taw ai kaji ten kaw nna re.Ngai chye na ai gaw Jing hpaw ni mungdan lu mayu nna,Myen hpe nra ai,Jinghpaw Mung kaw myen hpyen la ni hpe gawt kau mayu ai hku chye na ai re.Jinghpaw ni hkrai up hkang nna mung dan gaw gap la na nga tsun nga ai.Myen ni n tara ai jinghpaw mung kaw up sha ai,roi sha ai,sai chyup sha ai,tawt lai shang wa ai hpyen ni re nga ma ai.Jinghpaw ni gaw moi kaw nna tinang a DU hte tinang a buga kaw pyaw paw hte nga wa ai ni re nga ai mung laika ka ai masha shagu,laika shagu kaw mu nga n ngai.Du kaba Gunhtang sept-23-11 kaw mung shawa hpe shaga ai kaw mung gumchying gum sa kaw nna anhte mung hte an hte nga wa ai re nga tsun da ai hpe mu lu nnga.Rai sa ndai kaw ngai nchye na ai gaw,HPA MAJAW ANHTE A JINGHPAW MUNG DAW WA KANING RAI NNA MYEN MUNG KAW RAWNG TAW NGA A TA? GALOI KAW NNA MYEN MUNG DE SHANG MAT AI RAI TA? KADAI WA JARIK MASAT KAU YA AI RAI KUN? HPA MAJAW MUNGKAN SUMLA (map) KAW BURMA NGU AI KAW JING HPAW MUNG LAWM TAW AI RAI KUN? ndai lam ni hpe chye mayu dik nga nngai law chye nan n chye ai majaw san ai ga san rai li ai.
n dai zawn re hkrak dik ai ga shagawp hpe lu hti ai majaw grai gabu ai.....LAHTA NA COMMENT hta san da ai lam ni mu lu ai teng sha n chye ai majaw san ai rai na re ngu ma kam ai..gaja sha chye mayu yang gaw n dai laika hte sha gaw hkum stup hkra ka na yak ai..rai tim DU KABA GAM SHAWNG a mung ga rai nga ai hpa majaw n dai majan hpe kasat wa ai ngu hpe tsun da ai mung ga sum la hkrung nga ai dai hpe lu yu lu madat yang lahta na chye mayu ai lam ni yawng hpe chye mat na re ngu kam ai yaw ..lu madat , lu yu na hpe myit mada let.....
n dai zawn re hkrak dik ai ga shagawp hpe lu hti ai majaw grai gabu ai.....LAHTA NA COMMENT hta san da ai lam ni mu lu ai teng sha n chye ai majaw san ai rai na re ngu ma kam ai..gaja sha chye mayu yang gaw n dai laika hte sha gaw hkum stup hkra ka na yak ai..rai tim DU KABA GAM SHAWNG a mung ga rai nga ai hpa majaw n dai majan hpe kasat wa ai ngu hpe tsun da ai mung ga sum la hkrung nga ai dai hpe lu yu lu madat yang lahta na chye mayu ai lam ni yawng hpe chye mat na re ngu kam ai yaw ..lu madat , lu yu na hpe myit mada let.....
mana masu ai kun?tsun jaw mayu, ding lun mayu na kun?gaja wa chye mayu ai rai yang gaw DU GABA GAM SHAWNG A MUNG GA HTA Tsun da ai hte maren Nang W-P amyu sha langai rai yang 'HKA JA' la ga! ngu tsun mayu nngai.wp amyu langai rai yang dai lam chye nan chye ra ai yaw.
shayi sha
Shayi sha nga nna gaw hpawmi dinggai shakyip rai taw na kun mung tsang ra ai le.Hka ja na matu ya she san bang wa ai rai nga ai.Gunhtang wa a Mung ga kaw dai lam ni (ngai chye mayu ai) n rawng ai Majoi Shingra ngu ai gara kaw re ai kadai mung n chye mat sai.
Post a Comment