Slideshow Image 2

RAU SA NA KUN?

Munghpawm langai hku n'kam sa sai majaw myen hte bawsang ni dai ni du hkra gasat hkrat ra nga re, madu mung daw madu ga hkrung shada up hkang shangun mayu yang hpa majaw dai ni du naw gasat ra nga na rai ta? Dai ni KIO/KIA a mung masa ningshawn gaw ngai hku na mu yang munghpawm hku sa n'htawm madu mungdaw madu up hkang lu ai de sa nna, madu up hkang ahkaw ahkang lu yang gaw mungdan lu ai hte maren rai nga ai dai kaw na awmdawm shanglawt lu na gaw naw n'yak na re, ngu ngai hku na mu ai, raitim myen gaw dai masa de du hkra n woi sa ai, manai makai rai ten garawt nga ai, kaja nga yang UNFC hku teng myit hkrum ai hte bawngban sa lu yang gaw mungkan na mung madi shadaw ai hte grau htap htuk ai, n'gun nga ai re, myen hkrit tsang dik ai mung dai masa re rai yang ya dai masa n'du shi yang UNFC gaw shingran zawn mung masa pandung n'du ai de du nga ai.
Hpyen masa ginsup ai gaw hkum hkrang dubaw asak htu jaw nna ginsup ai lamang rai nga ai zawn hpyen masa ginsup ai a marang awngdang ai hte hkrat sum ai lam byin shangun nga ai. Yawn hkyen jamjau arang law law bang ra ai hte kabu kara ai n'gun kaba mung byin shangun nga ai. Mung masa ginsup ai gaw masha law law hpe galai shai shangun lu ai zawn masha hpung kaba hpe si shangun nga ai. Raitim myu langai mi matu gaw mung masa hpyen masa n'nga yang n'mai ai ahkyak kaba re.
Ahkyak kaba ai,manu dan dik ai, sutlu manu dan dik ai lamu ga mungdan re majaw masha yawng a ra sharawng ai, manu shadan ai, myit shang sha ai hte hpyen law nga ai re. Dai ni annau ni hpe grau myit shang na matu, grau mung masa amyet lu na matu hpaga masa hpe mung masa hpyen masa hku jai lang ra nga ai re. Masha yawng myit shang sha nga ai hpakant hpe pat ra ai zawn Dap kaba 4 dung 8 hku len shalai na hkyen nga ai Gas salu hte yenan sau dumlawm lam hpe pat nan pat ra ai hte anhte ahkaw ahkang n'lu ai, ahkang n'hpyi ai nmai lai hkra galaw ra ai.anhte lamu ga hta galaw nga ai hpaga masa yawng hpe n'mai galaw hkra jahten ra ai, myen hte miwa a lapran hkra machyi ai lam nga yang chyu mung masa hpyen masha amyet pru na re majaw yawng myit shang sha ai hpaga masa hte mabyin shara ni hpe jai lang ra nga ai.
Mung masa hpyen masa hku madi madun na gaw hpyen yen tsin yam masha ni re, dai ni mabyin hte garum ningtum ai lam hpe law law htawng madun ra ai, myen gaw dai ni hpe shinggyin nauna myit hte garum na ladat n'nga ai hte sat sharu nga ai myu shamyit nga ai masa hpe ja ja tsun madi madun ra ai, Garum sa wa na ni hpe mung pat hkum ai masha shinggyin ahkaw ahkang tawt lai ai lam ni hpe law law lawan lawan ten shagu lang hte lang htawng madun ra ai,UN hte EU Asean US de ding yang tang ra nga ga ai.
Ya kalang bai n'gun kaba dat nna maigan du myu sha ni yawng mungdan shagu ninghkap n'gun kaba lawan madun ra ai, mung masa lam bawngban sa wa na hta n'gun kaba re.rawt malan masat shani yawng n'gun madun lu yang kaja dik rai na re.
Myen hta miwa hpe grau hkrit ra ai,myen mung kaw shaning galu sai chyup lu na matu myen hpa galaw shangun yang galaw ya ai, maidang masawp kashin shangun tim galaw na sha re,myen a kaichyan yawng gaw miwa chyu galaw ya na masa nga ai. Manu dan dik ai lamu ga re majaw miwa a hpaga masa gaw annau ni matu tsang dik ra ai hte hkrit tsang ra dik ai lam re.
Yup pyaw nga ai madu a ma ni a myi man hpe azi yu masawp yu nna n'gun la ga.
Shanglawt sai.
Baren Numraw

11 comments:

MYU TSAW MUNG TSAW said...

K.K HPE SHA HKRIT RA AI..HPA MI RAI TIM K.K RA AI LAM HKU SHA HKAN SA NA GAW AHKYAK DIT RAI NGA AI....

jidwi said...

Maigan mungdan law law gaw myen hte hpaga pawng galaw mayu ai hpaga masing law law jahkrat galaw mayu ai jaw annau ni hpe garum na loi agam ai masa nga ai re.dai majaw annau ni mungdan hta galaw ai hpaga ginra yawng hpe pat nan pat ra ai.

shanglawt said...

maigan du tsaw dik ai myu sha ni e Feb,5 ya shani na masat n'htoi hta ninghkap n'gun bai madun yang kaja dik na re ngu mu ai law,yawng kalang bai n'gun kaba madun ga.masa ginsup ra ai.

Anonymous said...

Congratulations...

Anonymous said...

Hpa kan hpe ,lauban n kau myi ,myi man tau ra ai ma jaw hpaw dat ya ai rai Yang ,jing hpaw ni a ma tu 100%sum n na myen wa hpe n gun grau sha ja sha ngun nga ai ,,,sawn yu ga ,,

Anonymous said...

baren numraw,,na mying ga lai kau U,,,,,dai mying hte pru wa ai ga si ni,,nau hkin lung nga ai,,,sha rai kau ga,

Anonymous said...

baren numraw,,na mying ga lai kau U,,,,,dai mying hte pru wa ai ga si ni,,nau hkin lung nga ai,,,sha rai kau ga,

Anonymous said...

re dai wa ka dat yang ,,n sawn yu sam ai,,,mung ma sa jawng naw sa lung la su,,hkum myit daw grau sha kut ga,,,,n gun jaw ai,,,( ga si ,1 ,hpe la ning myi sawn yu ga sai kun,,,,dai la chyum hpe chye yang she mai na re,,yaw ,,,

Anonymous said...

re dai wa ka dat yang ,,n sawn yu sam ai,,,mung ma sa jawng naw sa lung la su,,hkum myit daw grau sha kut ga,,,,n gun jaw ai,,,( ga si ,1 ,hpe la ning myi sawn yu ga sai kun,,,,dai la chyum hpe chye yang she mai na re,,yaw ,,,

hkrima said...

barennumraw e mying gaw nau n.ahkyak ai yaw shanglawt na she ahkyak ai dai majaw nang ka ai grai kaja nga ai.tinang mu ai hku myu a kaja na lam hpe ka ai re majaw n'gun jaw ai.myu a lawt lam re naw shakut ga.

mihtantu said...

An hte baren num raw zawn tinang a yu jut hpe tang madun chye ra ai gadai wa PS jawng lung dam ai nrai yang yu jut hpe nmai tang ai nga law,hpa rip kawp njahkrat da ai, jaw tim njaw tim ning mu re majaw ka na shinggyim ahkaw ahkang gaw ndai JKS kaw nga ai, yawng ti nang ningmu hpe law law ka na hpe hkap tau la ai ndai majan byin wa ai majaw amyu sha ni ndai kanghkau kaw pru wa ai gasi ni hpe welcome grai hti ngun jaw ai yawng ka ga ,ahkyak ai gaw tinang jaw dum ai hpe hta la na sha ahkyak nga ai.law law ka ga ,law law hti ga ,law law machye machang kaba wa ga ,law law mi hpaw wa na dai gaw kaja dik re .

Post a Comment