2012 ning January praw 10 ya gaw, 64 ning hpring ai Jinghpaw Mungdaw Nhtoi rai nga ai Shaning shagu Myitkyina Shatapru Manau Wang e, Jinghpaw Mungdaw Nhtoi Manau Poi hpe wu wu di di galaw ai gaw shaning tsawmra mi rai wa sai. Ya kalang mi bai ladu hkrum wa ai Jinghpaw Mungdaw Nhtoi hte seng nna nhtoi 9-1-2012 ya shana de chyan mada yu yang, Manau Wang ting katsi katsang rai nga ai. Manau Shabyin Shatai Rung kata e chyawm gaw, myitsu salang nkau mi du zup nna, Jinghpaw Mungdan a matu akyu hpyi ma ai. Anhte a sai daw sai chyen ni salu salat sai tum sai pa hkrat nna jamjau nga ma yang, anhte ni hpa rai me manau dum pyaw garu na rai ta? Anhte a nu wa mungchying sha ni hkrap ngu hkrap ngoi tsinyam tsindam roirip hkum sha nga yang, anhte hpa rai manau dum nna pyaw sha na rai ta? Jet ai padang manau she dum na ga ai. Jinghpaw Wunpawng myu sha ni yawng hkamja wunli lu mu ga. Jinghpaw Mungdan grin nga u ga law.
2 comments:
Hkungga lara ai shitapru nu,wa myitsu ni gwi gwi myit jasat hpe galaw tsap mat ai hpe mu mada ai majaw ngai kasha langai hku nna myit ngun lu ai dai ni myu kata e nga nga na mi hkrit nga ai baw nrai sai yawng myit hkrum ai hte nsen langai sha hte num,la ,ram hte bum kaw mi nga nga ,myu kaw mi nga nga ladat shaw nna galaw ra sai ngai mung shamu shamawt myit rawt let lajin na sai yaw
KAJA SAI, YA MYIT SU WA /JAN GAW, GARA KAW NA WA RAI SA.GARA KAW NA TA.? HPA GALAW NA MYIT AI TA? MYIN HE NGA SHARA JAW RIT WA SA GA NA..
Post a Comment