Slideshow Image 2

SIMSA LAM HTE MUNGDAN LU NA N RE

Jinghpaw WP amyu sha ni myen ni hte n mai kanawn ai gaw Karai Kasang mung chye sai, mungkan ting mung chye sai. Jinghpaw WP myu sha ni Laksan mungdan lu hkra Karai karum taw nga sai. Dai hpe ningbaw ningla ni gaw kamsham ai myit hte lajin ai lam hkrak hkrak galaw ra ai. Ya Shanglawt dap hku nna Hpakant hpe magra dat ai gaw grai nan jaw mat sai. Ya she miwa ni hpe kachyi mi hkra ai. Dai hpe gaw n mai tat ai. Ya pyi gaw simsa lam jahta na matu nga nna sa jahkruk shangun ai ni pyi n sa wa shi yang Hpakan ga de hpyenla 3000 bai dat na lam shiga pru taw nga ai. Dai majaw sawa lai hpe jai lang ai ni hte gaw galoi mung jahkrup n mai na re. Ya gaw myen hpyen ni dumbru dumgra byin hkyen taw nga sai. Dai majaw, shanhte rim bang da ai ni hpe pyi gaw bai shalawt let, myen amyu ni lahkum n shamat na matu chyawm bawngban taw nga sai. Shanhte shada n hkrum hkat tim, myen amyu ni ayai maw wa sai re majaw grai tsang wa ma sai. Dai majaw Shanglawt dap hku nna-

(1) Hpakan hpe n mai tat ai. Ya, myen hpyen ni a shang gumhpraw daw mi yawm mat sai. Dai sha nka dai gaw Jinghpaw WP mungdan gawgap ai shani dai hte arang galaw ra ai.
(2) Kaga amyu ni hpe tsepkawp n shang shangun ai sha, nga taw sai ni hpe mung Hpakant ga kaw na wa mat hkra ladat shaw ra ai. Hpa majaw nga yang, mungdan nnan kaw e, bungli n lu ai Jinghpaw amyu ni a matu kanbau ginra shatai ra ai.
(3) Ya Shanglawt dap hte myit n hkrum ai zawn rai taw nga ai, NDAK ni, Lasang ni hpang tim, myusha lam yan masing hte seng nna myit galu kaba the zinglum ai shiga ayan shalai ya yang mai na re. Hpa majaw nga yang masa lam hpe kaning n mai galai shai hkraw ai majaw kade n kam tim kanawn nang taw nga ai ni grai rawng taw nga ai. Dai ni gaw nau nna yang Shanglawt dap the langai sha tai wa na rai sai. Jinghpaw WP myusha ni myithkrum wa jang myen hpyen ni hpe hkum tsun kaning zawn re hpyen hpe mung dang na sha re.
(4) Kaga amyu rawt malan hpung ni mung Shanglawt dap hpe grau kamhpa wa hkra, ayan matut mahkai let shanhte a ginra kaw e majan hpe mai byin ai daram hpaw na matu n gun jaw ra sai. Dai lamang mali hpe shata manga dang lu shadik shatup jang mauhpa lamik kum la paw pru wa na re.

Ningbaw ni e Plan kaba she soi ga. Wuhpung nawng nawng kasa hkat n mai ai shara kaw e, marai masum hpra rai nna jaugawng hpung law law hpaw let, shara law law kaw na hpyen ni a chyinghka lam hkan, hka ja lam, hka shin lam, gat sa lam re ni hkan kahti galai hkan sin ai rai yang hpyen ni na na hkam na n re. Lu gap ai hta hkan let shagrau ai lam mung galaw ga.

Simsa lam bawngban let gaw nau nmai shana ai. Ya gaw miwa ni mung machyi lawm sai re majaw, majan ladaw na wa jang, miwa ni mung grau grau maw lanyet lawm wa na tsang ra ai. Hpa majaw nga yang, anhte amyu sha ni law law gaw miwa mung kaw na n gu ni, tsi mawan ni, kaga shahpa ni hpe madung jailang taw nga ai re majaw, dai zawn re kaw e, dingbai dingna byin shangun ai tsi amyu myu kayau bang na dut shalai ya na hpe mung tsang ra ai. -myen the miwa hpe gaw maren tsang ra ai re. Hpa mi nga tim, n dai majan gaw myen ni anhte amyu sha ni hpe yu kaji ai a majaw byin wa ai mabyin re majaw myen yawng mayawng, hpyen da, mung masha ni da, myit galai shai ai lam nnga ding sa gaw ya simsa lam la tim, hpang e naw byin wa na sha re. Dai majaw kaja dik htum gaw ya shade madang du hkra woi shakut sai the maren, lam daw mi kaw n jahkring ai sha, WP mungdan hpe ladat hkra hkra the woi gapdi la na sha ra ai. Ya na zawn , ding yang shakut mat wa ga, WP mungdan grai ni sai.

Shanglawt hpyen dap ting hpe Lamu kasa Gabriela woi awn u ga.

9 comments:

Anonymous said...

n'dai laika kadai ka ai kun?

Anonymous said...

Lamu kasa Gabriela nre goi,,,,,Hpyen kasat ai maga woi awn ai gaw lamu kasa Mihke-ela she re ai lo.Gabri-ela gaw Kabu gara shiga hpe K.K tsun shangun ai shaloi lang ai she re.

mihtantu said...

Shang lawt asu ya hpang de,
majan hpe nmai jahkring sai karai kasang an hte hpe mung dan jaw na rai sai ndai aten hta myit hkum htum an hte yawng langai sha re .majan galu wa sai hte maren tsi mawan hte jum ,ngu asau ni hpe ya kaw nna 15ning daram a matu ration ni mahkawng da ra sai.MIWA ni lam pat wa maw nga hkyen hkyen hta galaw ra ai ni yawng mungkan ting na jinghpaw ni hpe order lawan jaw mu mungdan shagu na num,la ram jinban yawng garum ningtum na re mungkan ting nga jinghpaw wunpawng leader ni hpe jahkrum hpawng ni lau galaw nna matsun ra sai ngu kam kaba let tang shawng mayu nngai.

mihtantu said...

Shang lawt asu ya hpang de,
majan hpe nmai jahkring sai karai kasang an hte hpe mung dan jaw na rai sai ndai aten hta myit hkum htum an hte yawng langai sha re .majan galu wa sai hte maren tsi mawan hte jum ,ngu asau ni hpe ya kaw nna 15ning daram a matu ration ni mahkawng da ra sai.MIWA ni lam pat wa maw nga hkyen hkyen hta galaw ra ai ni yawng mungkan ting na jinghpaw ni hpe order lawan jaw mu mungdan shagu na num,la ram jinban yawng garum ningtum na re mungkan ting nga jinghpaw wunpawng leader ni hpe jahkrum hpawng ni lau galaw nna matsun ra sai ngu kam kaba let tang shawng mayu nngai.

nnye la nau said...
This comment has been removed by the author.
nnye la nau said...

Grai hkrak ai Laika Ga hkum nan rai nga ai Ngai shadang sha Ramma kawn grai Myit hkrum ga ai. Ahhte Jinghpaw Wunpawng Myu shani grin nga lu na matu Lamu ga madu ra ai, Myu sha ni galu kaba lam hta Hpakan Lamu ga gaw grai nan akyu jaw nga mali ai hte maren nmai tat ga ai, Hpyen ni gaw simsa lam galaw ga nga wa tim , Shan hte gaw malu ga madu mung nrai , anhte kashun la nga ai mung nrai nga ai, Anhte Lamu ga , Anhte shagrin nga ai majaw Simsa lam gaw la nra na nhten Mung daw madu la ai hku she Lam Woi rit ngu KIO, KIA, HPUNG WOI NING BAW NI, MYIT SU SALANG NI, HPU SHAWNG HPU BA NI hpang de Jinghpaw Ramma langai hku grai myit mada let mana maka lajin ga ai

Jutgert said...

Why not kachin land?
Yes, We do (jinghpaw Wp)

Anonymous said...

Ndai laika phe madishadaw ai. Re. An the mungdan lu hkra lawan galaw la ra sai. Myen a munghpawng kaw mung nmai lawm ai. Myen a munghpawng kaw sha anthe lawm nga yang an the galu gaba gin ai daram anthe ngalu ngaba ai. Dai majaw mungdan lu hkra lawan galaw ra ai. simsa lam phe mung nmai bawng ai.

Anonymous said...

Ndai laika phe madishadaw ai. Re. An the mungdan lu hkra lawan galaw la ra sai. Myen a munghpawng kaw mung nmai lawm ai. Myen a munghpawng kaw sha anthe lawm nga yang an the galu gaba gin ai daram anthe ngalu ngaba ai. Dai majaw mungdan lu hkra lawan galaw ra ai. simsa lam phe mung nmai bawng ai.

Post a Comment