Slideshow Image 2

1743 NING LADU HKRUM AI VALENTINE NINGHTOI

Tsaw ra kamhpa ai myutsaw hpu nau ni;


Dai ni gaw 1743 ning ladu hkrum ai Valentine Ninghtoi rai nga ai majaw makam masham lam hte seng nna asak apnawng wa ai shabrang kasha Valentinus hpe shakawn kungdawn ai nhtoi kaw shanglawm myit dum lawm ga, ngu nna saw shaga dat ai.

Roma mare kaw Christian hte seng nna mungga htawn tsun ai ni hpe si ari dam jaw nga ai ten hta Valentinus gaw n hkrit n tsang Karai Kasang a mungga htawn tsun hkawm ai shaloi, Emperor Claudius II gaw shi hpe rim nna htawng jahkrat dat ai. Dai ni kaw nna Karai Kasang a lam mungga n htawn na sai lam ga sadi jaw ai rai yang, si ari dam jaw tawn ai kaw na shalawt dat na, nga nna tsun ai shaloi, Valentinus gaw, shi asak naw ahkrung nga dingsa gaw matut hkaw tsun na lam mahtai jaw wu ai majaw shi hpe si ari dam jaw dat sai.

Valentinus gaw shi hpe sat na matu la nga ai ten hta, myi kyaw ai bawngdung a kasha numsha hte hku hkau tsaw ra hkat ai majaw shi hpe sumtsaw laika ka ya ai kaw "From Your Valentine" nga nna hpungdim dat ai ta masat hte ka jaw kau da wu ai.

AD 269 February 14 ya shani Valentinus hpe si ari jaw dat sai. Shi a moi mang hpe Roma mare na Praxedes church wang kata kaw lup tawn ma ai. Lup wa a makau kaw, "PINK ALMOND TREE" langai hkai tawn ma ai. Yaw shada ai gaw prat chyanat pu tsawm nga ai sumtsaw nampan masat dingsat rat u ga, nga ai.

Dai hpang 50 ning daram na wa ai shaloi Christian hte seng nna mungga nmai htawn ai lam tawn da ai tara gaw angwi ngwi prai mat wa sai rai nna, Valentinus shingdu lam mung bai dan dawng wa sai. Valentinus asak ap nawng ai nhtoi hpe makam masham lam hku nna masat dingsat galaw wa ai rai yang, aten na wa ai shaloi SUMTSAW NHTOI hku nna mungkan ting hta chyam bra wa sai. Ginra hta hkan nna grup yin a ra sharawng ai hkrang shapraw la nna SUMTSAW NHTOI hpe hkrang amyu myu hku galaw wa nga ma ai hpe mu lu ai.

Anhte Christian ni a matu gaw makam masham yu jut hku nna grau htap htuk ai hkrang hpe jawm jahtuk akyu jashawn sa wa ai gaw madung rai na re. Myutsaw hpu nau ni yawng dai ni na Valentine Poi hta ngang kang ai tsaw ra shawang myit hte kabu gara shang lawm lu mu ga, ngu nna shakram dat ai law.

JJ Lum Dau

6 comments:

Mahkaw Yun said...

Ndai sumtsaw maumwi soi sam na wa yu sai. Azin ayang hkai dan ai majaw chyeju dum ai.

Su Naw said...

dai na valentine party sa lawm na myit nga yang party kaw sa tsun na lam aten dep chye lu sai. myit galu ai hte ka dat ai myutsaw salang wa hpe chyeju dum ai.aten lu yang ndai maumwi gara kaw sagawn la lu ai tsun dan lu na kun.

Tawk Hkam said...

Su Naw hpang de...
Valentine a lam a tsawm chye mayu yang google search kaw st. valentine ngu gayet bang na tam dat u. dai shaloi Su Naw chye mayu ai lam ni yawng chye la na ra ai.
Hkungga let,
Jinghpaw Kasa

Anonymous said...

webside kaw shang nna Valentine's day gayet bang nna tam la mai na re. Langai hte langai hkaja tawn ai n pawt n hpang n bung ai hta hkan nna loi li shai ai lam nga na re hpe mung tau nna tsun dat mayu ai.

Anonymous said...

http://www.newadvent.org/cathen/15254a.htm
http://en.wikipedia.org/wiki/Valentine%27s_Day
http://www.bbc.co.uk/religion/religions/christianity/saints/valentine.shtml

http://en.wikipedia.org/wiki/Saint_Valentine
http://www.newadvent.org/cathen/15254a.htm
of course research on http://http://www.google.com.my

Anonymous said...

Dai baw sha na ma dat ma yu nga ma ai ayi ,,,,

Post a Comment