Slideshow Image 2

SAWN MU AI

Sum tsan myi myit hte tau hkrau mu yu ai shaloi myen a pahkam kaba hpe ngai hku nna ndai hku myit mu yu nga nngai. teng myen hte mung masa bawngban shangut ga nga yang myen gaw annau ni hpe Tara shang ra lata poi shang nna Rapdaw kaw Tara masing kata kaw yawng hte bawngban shangut yang she mung masa bawngban ai lam jaw ai hku mai bawng shangut na re nga tsun wa chye ai hta annau ni hpe mung ra lata poi shang ra ai,ra lata poi shang na matu, simsa lam la ra ai.dai laknak simsa lam shawng la ngut ai hpang she gangwi ra ai hpe hparan la nna 2015 ra lata poi hpang e she rapdaw kaw hkut hkut nai nai chyawm bawngban hparan shangut la ga nga chying hkraw galu hkra ten hpe garawt na re dai ni na bawngban ai mung masa lam hpe mahtai jaw wa chye ai. 2015 du hkra naw la shangun na masa pru nga ai.

Rai sa dai ni na bawngban ai hpawng hta kadai dawdan hparan ya na ta? Kadai lapran Slg tai ya nna sang lang dawdan mahtai jaw na ta? Kadai tara Slg tai nna bawngban hpyi shaw ai hpe dawdan hparan shangut ya na ta? Dai ni na bawngban ai hta lapran Slg gaw dung nan dung ra ai ngu mu ai hpa majaw nga yang myen dawdan ai hku sha galaw hparan sa na kun?dai hku rai yang moi mung bawngban hpyi wa saga ai. Nang tsun ai n'dai hku, ngai ra ai n'dai hku nga nang tsun ngai tsun rai ten shama nna mahtai pru wa na lam nnga ai. Hpa majaw annau ni ra ai hpe jaw mayu yang gaw shaning (60) ning hkawt hpyi gasat wa saga ai n'rai ni? Hpa rai duhka hkam nna sutgan ginlut let sutgan kata masha hpyen yen tsin yam masha hku madu lu lawm ai lam yawng sum machyi hkam nna dubru dubra garen gari maling mala kaw naw jamjau hkam ra na rai ta? Dudaw saihkaw asak arang kaba naw bang ra na ta? Lapran Slg dawdan hparan ya ai masha n'nga yang gaw dai ni na bawngban ai lam ngut na n're hte, myen woi ka ai hta annau ni mung poi lum hkra sa shang n'gun jaw lawm ai, shawa ga sa ai hte bung nga ai.padung n'mu ai myidi shim masawp amya hkawm ai hte she bung nga sam ai.

Panglung ga sadi hpe kalang bai gram ra sai nga, prat madang n'nga mat sai nga myen a simsa Slg langai tsun wa sai. Rai yang panglung ga sadi gram mai na kun? Ji woi jiwa ni myit hkrum let bawngban shagrin tawn ai ga sadi sharun kau nna kalang bai mai gram na kun? Panglung ga sadi laika lamang hti hkum kara madaw shut nna kara madaw naw gram ra nga ta? Panglung ga sadi ningnan bai la ra sai nga mai na kun? Panglung ga sadi a jaw she myen hte annau ni pawng wa ai re. Kadai mung kade urawng udat kaw pyaw nga yang kade mai na ta? Panglung ga sadi a jaw myen hte shanglawt rau la ai hta shut kaba langai mi naw nga ai dai gaw myen mungdan ngu shamying la kau ai. Dai ten kaw na munghpawm bawsang mungdan ngu shamying la yang dai ni n'dai daran mung arang n'bang ra na sai. Ya gaw mungkan na chye ai gaw myen mungdan ngu ai hku sha chye ai, anhte mungdan kata kaw kara hku byin ai bawsang law law nga ai, bawsang ni hte rau shanglawt chyum la majaw myen mungdan byin wa ai lam kadai nchye ai. Kachin ngu ai mung ya she chye wa ai re, dai majaw dai ni kalang bai n'sum machyi na hku ladat tam ra ai.myen a ga hkrai la madat nmai sai. Lapran Slg tawn nna lapran Slg ni ga she madat nna bawngban sa wa yang kaja na re. Dai ni kade bawngban tim udi gaw langai sha rai na re. Hpang jahtum gaw myen dawdan ai hta hkan sa ra na sha re.

Ya ten gaw matut gasat sha mai sai, lapran Slg nga wa ai shani she annau ni ra ai mahtai pru wa na re. Madu sari sadang hte dung lahkum hta ngang ngang dung nga yang she kaja na re. Myen a le waw tsun nga ai hpe myit shang sha nga na malai kara hku gasat nna padang dip la lu na hpe she myit nga yang kaja na re. Panglung lam hpe mung ntsun ai sha tinang mungdan hpe tinang nan kade kata mung ntaw ra ai awmdawm shanglawt ai hku nga saga.bawngban sara mung nra sai. Madu ra hku nga saga law.
Uhku a masa si la gawm she rai nga ai.
Haloi mung gasat ga.

Baren Numraw

9 comments:

shanglawt said...

Rai nga ai law wahkrang kaw ten shama n'gun shama she tai nga ai,myen ra sharawng ai mahkyen hta anhte mung shang n'gun jaw nang ai zawn she tai nga ai,myen a anhte kata lam hpe manaw gara hkra sum prat hte dawk chyam yu ai zawn she tai nga ai.sung sung sam sam ;lang hte lang naw dinglit yu ga law hpushawng hpuba ni e.myit dik yu ai ngu gaw law wa jaw na re.

jidwi said...

Baren Numraw a ka tawn ai ningmu hpe grai sawn dinglit yu ga.panglung ga sadi hpe mung myen gaw ahkyak ntawn sai,bai bawngban ai mung ten mi hta sha mahtai mai lu ai ten hpa majaw ten garawt nga ai kun?myit yu ra ai.hpyen yen tsin yam ni hpe garum madu shadaw sa wa na ni hpe mung pat tawn ai myen a myit san ai ngu kam mai na kun?
hpyen yen tsin yam ni a matu shinggyin nauna myit n'rawng ai myen gumshaem a ga mai kam na matu hpa hta sakse la na ta?gasat shamyit sha mai sai.

Anonymous said...

Ndai daram na wa hkra mung masha tsin yam ni hpe gabai da, sat,nat shamyit nga ai matse labye tsadan gum shem wa hte nshiga nga sai sha,hkre hkra ga sat di la ga ngu mayu ai,shen hte ni hte mung masa nshiga ai sha mungkan rap daw salang ni a man e ading tawk mungdan nhpyi la ga ngu ra sha rawng lam hpe tang shina mayu ai law.

Anonymous said...

Ndai daram na wa hkra mung masha tsin yam ni hpe gabai da, sat,nat shamyit nga ai matse labye tsadan gum shem wa hte nshiga nga sai sha,hkre hkra ga sat di la ga ngu mayu ai,shen hte ni hte mung masa nshiga ai sha mungkan rap daw salang ni a man e ading tawk mungdan nhpyi la ga ngu ra sha rawng lam hpe tang shina mayu ai law.

Anonymous said...

Ndai daram na wa hkra mung masha tsin yam ni hpe gabai da, sat,nat shamyit nga ai matse labye tsadan gum shem wa hte nshiga nga sai sha,hkre hkra ga sat di la ga ngu mayu ai,shen hte ni hte mung masa nshiga ai sha mungkan rap daw salang ni a man e ading tawk mungdan nhpyi la ga ngu ra sha rawng lam hpe tang shina mayu ai law.

Bum shayi said...

anhte Nu num ni mung ndang hkam sha wa re sai law matse labye hpe anhte lamu ga na lawan gawt lu hkra anhte Nu num ni mung lu ai atsam dat nna gasat na re law.mung masa bawngban yang mung anhte Nu num ni madaw shi myen hpe awu asin di nna bawng ra sam sai.Nu num ni nlawm yang bungli ngut na zawn nrai nga ai law.myit ndawt ai Nu num ni yawng jin jin galaw tawn ga.Wa la ni nden n'ja jang anhte bai lit la ga.Rawt SaGa.

Hkrima said...

shayi atsam dat nna lu ai ten hpe manu shadan kyu hpyi n;gun dat myen wa hkrat sum lam hta Nu a shayi tsawm ni mung shamawt n'gun bang myen hpe ba hkang Num labu hte di gale ya ga law.kara jut hta rai tim Nu num ni n'gun dat shakut nga ga ai law.sinak mahku ngoi shagu sindai salum kaw na kyu hpyi ya ai hte hpang lam hta shat makai hkan sa ya na ga ai yaw.n'gun dat ya nga ga ai yaw.myu tsaw brang ni hpe galoi mung ningrum kaja tai ya nga ga ai yaw.

jidwi said...

rai sai law lapran slg tai nna hparan ya ai lam n'nga yang gaw gade lang bawngban tim yi ngam sa na nre.myen gaw bawngban ai nga ga baw dat nna n'gun kaba jahting la ai hte laja lana matut gasat na masa pru nga ai.myen a daru magam hpe pyi hpyen dap kaw na bai magra jum chye wa nga ai.myen hpe mai kam na masa npru sai.

Anonymous said...

Comment ka ai ni yawng ,shanglawt dap de sa garum na matu saw shaga dat ai ,shat wa shadu na matu ,rai ma Chye hkrut ra ai yaw

Post a Comment