Slideshow Image 2

DUWA MARAN ZAU AWNG A SHAGUN LAIKA (DAW I)

Daw ( I )
Wunpawng sha ni a "Awng Padang, Yehowa Karai Kasang" hta tut kam hpa, sak hkrung sa wa ga law.

Tsaw ra hkung galet,

Jinghpaw wunpawng mungdan,KIO/KIA,ning baw kaba Mr.Lanyaw Zawng hra, Dap awn daju Du Kaba Gunhtang Gam shawng, ning tau Dap awn daju Dukaba S.Gun Maw, Mungdan hte Amyu hpe pu gang sin machyi, nhtoi shang hkawng woi gali nga ai, majan pa hta ta tut hkum hkrang asak ap nna sai hte galai shakut nga ai, KIO/KIA-hpyen Du kaji kaba, hpyenla hpyen num, Kaji kaba yawng hte Chyurum Wunpawng sha yawng hpe, 2012shaning ning nan, (51) -Rawt malan ten hta yawng hpe na chying ndang tsun hkra chye ju dum hkung ga let, sum tsan USA nna shakram dat nngai law. An hte a majan Aung Padang, hpan Madu Karai Kasang hpe mung grai chye ju dum nngai.

Hpan Madu Karai Kasang chyeju sha mahkra hpe dang di lu ai majaw, myen hpyen, mayam lata na lawt na matu K.K hta chyu kam hpa manoi manat shakut sawa ga law. (Tsaw ra ai Jinghpaw Wunpawng Amyu shani e, Mungkan e dan dawng ai amyu, mayam a lata na lawt ai amyu, Galu kaba ai amyu, tai mayu yang ndai chyum mung ga hte maren asak hkrung sa wa mu yaw)- shing nrai yang mayam ta hta rawng ai myu tai mat na myitdai nga nna, (27-3-1927) shani Sara kaba Dr.Hanson chyum laika ap yang tsun ai ga hpe, dai ni anhte Wunpawng Sha ni galoi n malap adum nga ga law.

Dai ni mungkan a ninghtoi daram rai nga ai America mungdan hpe yu ai shaloi mungdan hpa awn ni yawng chyum laika hte maren woi awn sawa ma ai. Shawng na president Goerge Washington wa General kaba rai tim shi hpyen du kaji ni hpe kauda nna, nam de shi hkrai shang nna Yesu zawn America a matu aja awa kyu hpyi ai lam hpe labau hta mulu nga ai. Ya shang lawt lu ai hpang mung Karai a chyeju hpe tut shakawn ma ai. Shara magup hkan God bless USA, pray for America, US Dollar hkan mung Karai Kasang hpe tut dum na matu In GOD WE TRUST nga shakap da ma ai. Dai majaw mung kan e dan dawng ai re. Ngai America du na yup mang pyi nmu ai K.K a tsam hte sha du ai re.

Mungkan ting England, Ireland, Germany, France, Italy, Norway, Japan mungkan de, ILO-Democracy conference ni lung sai.USA president wa mung, Mr. Duwa Zau Awng on behalf of my people, I warmly welcome you as a new born American son -2010 hta laika shagun wa ai. Bai nna nang Burma e Democracy matu htawng grai rawng sai. Ya million and millions Americans ni a matu political ningmu hpaji jaw rit nga wa ai. Ngai nam kata na sawa ai wa hpe dai hku tsun ai gaw Karai Kasang a chyeju san san sha re.

Ngai mung Gumsan magam Obama hpe nang gaw USA a President sha nre, World Democrcy leader rai ndai. Dai ni north most of burma, Kachin ethnics ni hpe Burmese regime gaw majoi sat nat ai majaw, they can not eat well, sleep well, they always weeping and crying rai nga ma ai. Shanhte hpe mung hkum malap kau mi. Anhte Kachin ethnics ni mung 2nd -World war hta 101, Kachin Rangers hku mung asak sum shakut lawm sai ngu tsun sai.

Tsawra ai Chyurum Wunpawng Nu Wa ni yawng hte e.. KARAI KASANG HTA CHYU MANOI KAM HPA sak hkrung let shakut sawa ga law.

Hkung ga let, Mung masha shangun ma,
Duwa Maran Zau Awng (USA)

Matsing : ngai gaw 2010 shaning hta e hight blood pressure seriously byin, stroke byin mat nna myi atsawm nsan ai lam byin mat nna laika ka grai yak mat ni ai. Sharai hti ya mi ngu myu hpe tsaw ra myit hte ai sha re sai.

1 comments:

Anonymous said...

chyeju kaba sai law, ya na zawn ngun jaw ai hpe grai kabu ai.

Post a Comment