Moi prat bum ga e nga ai ten, wa sat sha shagu, ma ni wa shabawng hpyi ai, wa shabawng kashun hkat ai; wa shabawng lu la ai wa gaw, kawa htausen hte kawut shabawng la nhtawm, gawdin shatai nna htawng chyai lai wa sai. Wa shabawng n lu htawng ai ni gaw, salwi si htawng ma ai. Ya prat na zawn kanoi bawlung mu htawng na gaw n loi la nga ai. Daini na ten Jinghpaw Wunpawng sha ni a rawt malan hkrun lam hta mung, htawng mayu ai gaw, nylon nbung bawlung rai nga tim, salwi si pyi n lu htawng nna, lungdin she naw htawng chyai nga ga ai hpe anya shadu ai ni mung nga nga ma ai.
Daini myi hpaw sai mungkan mungdan ni yawng e ra sharawng ai gaw, demokresi masa nan rai nga ai. Demokresi masa hte grin taw nga sai mungdan ni hta mung, demokresi masa hpe n sim n sa sawk shaleng, jen dinglik, shingdaw maram, gram sharai, shangang shakang dingyang rai ra nga ma ai. Hpa majaw nga yang, demokresi ngu ai wa mung, gat seng na dut rai namnak shen ai joi shinglet zawn, waw de nhkyeng wa, nang de kadang wa, nbung bung jang myu mi, jan kahtet jang myu mi, shinggyim masha ni a majaw, baw pyi sin na daram rai nga ai.
Shing rai nga ai sat lawat a npu e, gumshem lailen hpe she manat tawn mayu ai ni mung, “demokresi” shamying lang nna, mungshawa hpe myi gale kau ya nhtawm, sai chyup zingri sha tik tik rai taw nga ai. Dai gaw kaga kadai n rai, Myen Hpyen Gumshem Asuya nan rai nga ai. Daini Myen mungdan hta demokresi asuya byin taw nga sai n rai; byin wa hkra woi shabyin na ni mung n rai nga ma ai. Shanhte a Hpyen Gumshem Lailen hpe mungkan ting jawm dinglun wa nna, demokresi shamying masu tawn ai sha rai nga ai.
Htauli htaula n rawng ai manaw manang nkau mi, Myen wa a demokresi hpe kam nna, manya jawng taw masai. Ga shadawn langai kahtap tsun na:- Gwi gaw, masha wa e hpyet bu shamawng dat ai hpe hkyi tawng mu hkrup sha sana shadu nna, maitsan she kangat hkra kabu let, hkan tam kyin taw ai hte bung nga ma ai. Jinghpaw Wunpawng sha ni Myen hte shaning 1000 mi matut pawng tim, demokresi ngu ai gaw dwi ai kun, hkri ai kun, kaning nga ai namchyim re pyi chye lu na hkum shadu myit. Gwi rai yang chyawm gaw, hkyi tawng wa n mu hta sha tim, hpyet nsa sha gaw ayan lu manam la na re.
Daini myu tsaw share shagan brang ni, du daw sai hkaw hkam let, n sim n sa gasat gala shakut nga ai gaw, laknak lang ai hpyen gumshem wa hpe, laknak hte nan gasat ra ai majaw apnawng shakut shaja nga ai lam re. Manang ni sai tum sai pa hkaw nna, shakut nga yang, “Si Mani Ladat Rawt Malan Jasat” ngu ai “None Violent Revolution” masa hkan nga yang gaw, la n du ai lai shadawng ai lam sha re, ngu mu lu ai.
Ga shadawn langai bai tsun na — Amerikan mung lashing kata na Amerikan num langai hpe, Jinghpaw buhpun hking soi palawng hte zeng di sumraw dat yang, Jinghpaw num byin wa lu na kun? Marip Hkawn, Maran Hkawn, ngu tsun shaga yang shi chye na lu na kun? Kanam daw ndai, kahkri daw ndai, ngu yang shi chye hkam sha na kun? — Daini Myen Hpyen Gumshem wa mung dai hte maren, hpyi ntsa na mying sha demokresi shamying tawn nhtawm, kraw kata e gaw, hkanghkyi matse nan raw wa rai nga ai hpe n mu mada lu hkra, tinang a myi hpe kadai wa pat kau ya sata?
Tsawra ai Jinghpaw Wunpawng sha ni e, myu a kanu kawa ni, mungdan a ningbaw ningla ni, shayi shadang ramma ni, nu num wa la ni, sutdu lauban ni, makam masham ningbaw ningla ni yawng hte e, Jinghpaw Wunpawng sha ni a shawng lam gam maka hpe hkanghkyi n-gup kaw na shalawt la lu na matu gaw, “None Violent Revolution” ladat hte mai nan n mai ai lu yaw. “Ga gun gaw n ja, nga kaba gaw ra” nga ai hpa, demokresi lu wa dam yang, myi man pa lu na gaw ra; manang ni sai tum sai pa hkaw nna gasat gala nga ai de gaw n gwi sa, re ai ni mung lanyan hkawm bu nga ma ai lu!
Hkau ni e, gwi zawn hpyet manam hkawm na n kam yang mung, salwi si htawng pyaw chyai nna nga mu yaw........!
Loimyebum
2012, Feb.12.
Daini myi hpaw sai mungkan mungdan ni yawng e ra sharawng ai gaw, demokresi masa nan rai nga ai. Demokresi masa hte grin taw nga sai mungdan ni hta mung, demokresi masa hpe n sim n sa sawk shaleng, jen dinglik, shingdaw maram, gram sharai, shangang shakang dingyang rai ra nga ma ai. Hpa majaw nga yang, demokresi ngu ai wa mung, gat seng na dut rai namnak shen ai joi shinglet zawn, waw de nhkyeng wa, nang de kadang wa, nbung bung jang myu mi, jan kahtet jang myu mi, shinggyim masha ni a majaw, baw pyi sin na daram rai nga ai.
Shing rai nga ai sat lawat a npu e, gumshem lailen hpe she manat tawn mayu ai ni mung, “demokresi” shamying lang nna, mungshawa hpe myi gale kau ya nhtawm, sai chyup zingri sha tik tik rai taw nga ai. Dai gaw kaga kadai n rai, Myen Hpyen Gumshem Asuya nan rai nga ai. Daini Myen mungdan hta demokresi asuya byin taw nga sai n rai; byin wa hkra woi shabyin na ni mung n rai nga ma ai. Shanhte a Hpyen Gumshem Lailen hpe mungkan ting jawm dinglun wa nna, demokresi shamying masu tawn ai sha rai nga ai.
Htauli htaula n rawng ai manaw manang nkau mi, Myen wa a demokresi hpe kam nna, manya jawng taw masai. Ga shadawn langai kahtap tsun na:- Gwi gaw, masha wa e hpyet bu shamawng dat ai hpe hkyi tawng mu hkrup sha sana shadu nna, maitsan she kangat hkra kabu let, hkan tam kyin taw ai hte bung nga ma ai. Jinghpaw Wunpawng sha ni Myen hte shaning 1000 mi matut pawng tim, demokresi ngu ai gaw dwi ai kun, hkri ai kun, kaning nga ai namchyim re pyi chye lu na hkum shadu myit. Gwi rai yang chyawm gaw, hkyi tawng wa n mu hta sha tim, hpyet nsa sha gaw ayan lu manam la na re.
Daini myu tsaw share shagan brang ni, du daw sai hkaw hkam let, n sim n sa gasat gala shakut nga ai gaw, laknak lang ai hpyen gumshem wa hpe, laknak hte nan gasat ra ai majaw apnawng shakut shaja nga ai lam re. Manang ni sai tum sai pa hkaw nna, shakut nga yang, “Si Mani Ladat Rawt Malan Jasat” ngu ai “None Violent Revolution” masa hkan nga yang gaw, la n du ai lai shadawng ai lam sha re, ngu mu lu ai.
Ga shadawn langai bai tsun na — Amerikan mung lashing kata na Amerikan num langai hpe, Jinghpaw buhpun hking soi palawng hte zeng di sumraw dat yang, Jinghpaw num byin wa lu na kun? Marip Hkawn, Maran Hkawn, ngu tsun shaga yang shi chye na lu na kun? Kanam daw ndai, kahkri daw ndai, ngu yang shi chye hkam sha na kun? — Daini Myen Hpyen Gumshem wa mung dai hte maren, hpyi ntsa na mying sha demokresi shamying tawn nhtawm, kraw kata e gaw, hkanghkyi matse nan raw wa rai nga ai hpe n mu mada lu hkra, tinang a myi hpe kadai wa pat kau ya sata?
Tsawra ai Jinghpaw Wunpawng sha ni e, myu a kanu kawa ni, mungdan a ningbaw ningla ni, shayi shadang ramma ni, nu num wa la ni, sutdu lauban ni, makam masham ningbaw ningla ni yawng hte e, Jinghpaw Wunpawng sha ni a shawng lam gam maka hpe hkanghkyi n-gup kaw na shalawt la lu na matu gaw, “None Violent Revolution” ladat hte mai nan n mai ai lu yaw. “Ga gun gaw n ja, nga kaba gaw ra” nga ai hpa, demokresi lu wa dam yang, myi man pa lu na gaw ra; manang ni sai tum sai pa hkaw nna gasat gala nga ai de gaw n gwi sa, re ai ni mung lanyan hkawm bu nga ma ai lu!
Hkau ni e, gwi zawn hpyet manam hkawm na n kam yang mung, salwi si htawng pyaw chyai nna nga mu yaw........!
Loimyebum
2012, Feb.12.
3 comments:
hkrak dik ai gangau rai nga ai law na tu ai ni myi tu ai ni yawng mu la na la lu mu ga.mu la na la nna mahkrun tam chyawm shakut sa wa ga law.myen hte gaw simsa lam n'mai jahta sai.mung masa shawng bawngban jahkut ngut jang gaw simsa lam lu chyalu re.gasat sha mai ai.
n tsun yang n ngut,n dum yang n ngoi nga ai hte maren myen mung kaw na ga garan sai lam hpe myen sawa ni yawng chye hkra n dau let gap tik tik di ga.masha hpe n mai kam ai.k.k hpe sha kam ga.mung kan hta reng dik htum nuclear lak nak hpe mung k.k hpan ai sha re.yawng a n tsa k.k sha nga ai.k.k gaw hpyi mayu ai lam hpe myit kraw kata kaw sha bang da ai hpe n ra sharawng ai..n gup a ga n sen,myit masin yawng hte hpyi ai hpe she ra sharawng ai..dai majaw ti nang a MUNG DAN hpe up hkang na NING BAW ni e,..nan hte gwi gwi daw dan na hte n sen shapraw n dau na hpe k.k mung myit galu ai hte la nga ai zawn an hte mung shawa ni mung ning baw ni gara lam de woi sa na kun? ngu myit tsang let la nga ga ai law..yawng hpe hkung ga jaw dat n ngai.....
Bu hkawm Brang,
Myen gaw myen sha re. Moi, ya ten, htawm hpang galoi mung n shai ai hpe anhte yawng chye sai. anhte hta grau chye ai manang ni mung nga ma re. Ya myen hpa galaw wa nga a ta? demokresi da aw? Dai hpe kam/ n kam, anhte hte hpa n seng ai. Manang ni mung dai hpe myit n lawm ai. Myit lawm ai gaw "AKYU AMYET" sha re. Myen ni shi akyu lu na re hkrak chye sai majaw dai hku galaw wa sai, dai hte maren manang ni mung sha man ai majaw htim sa wa nga ai hpe mu saga ai. Kadai sum na gaw kade n na yang chye wa na. Dai ni anhte hpa galaw sata? wa jit bawng tim, salwi si tim, lung ding tim, hpa rai rai htawng yu ga le. Manang ni htawng ai hpe sha yu nga gaw n mai sai. kadai kaja, n kaja tsun nga yang n gup baw law sha rai na re. N dai ni hpe n kam htawng jang shan hpyi gawding mung htawng mai ai, moi na hte n bung ai, lu la mai ai ten rai sai. Gara hku lu la na da aw?.. Nang a tsam n nga ai hpe chye ai, HTOO.. hpan wa ning sang chye wa ning chyang KARAI KASANG kaw hyi u, na a lam yawng ap ya u, teng sha lu la na re.
Post a Comment