Daini na Hkristan prat hta gaw “Satan” ngu tsun lang nga ga ai. Moi na anhte a Jiwa Usa ni dai ga si n na yu ma tim, shanhte chye na hkap la ai ga si hku nna, myi hte mu lu ai “Satan” hte myi hte n mu lu ai “Satan” a lachyum masa hpe chye na hkap la lai wa sai lam mu lu ai.
Myi hte n mu lu ai Satan a lam gaw galu galang re majaw, ndai lang myi hte mu lu ai Satan hpe shawng tsun mayu ai. Moi na Jiwa Usa ni tsun hkai ai hta, Chyanun yan Woishun e shangai shaprat dat ai shawng pra ai shinggyim masha amyu hpe “Daru Gumrawng Magam Sindawng” ni ngu shamying ma ai. Dai ni gaw, n hkru n shawp matsat shabat awu asin gumlu gumlang nau ladu lai ai majaw, Majoi Sha-u hte shamyit sat kau ai hkrum sai. Dai hpang Majoi Chyingtawt hta lawt ai Ja Nyi yan Ja Nga mi nga ai. Dai yan kaw na bai mayat maya ai ni mung ‘Ti Pawt Ninghpang” ngu ai hpyi lamum lasawp, lawng mandan amyu rai ma ai majaw, “Shinggyim Matsawp Mashang Makawp” ni ngu shamying da ma ai. De a lachyum gaw “Shinggyim Satan” shing n rai myi hte mu lu ai “Satan Amyu” ni rai nga ai. Raitim “Shinggyim Nli Mashang Kasi” tai na “Hkinseng Shabrang hte Hpungdim Kai Nang” yan hpe gaw, jau jau kaw nna mahtum mahta Matsaw Ningtsa Nat Kaba ni e rem lakawn kyem shaprawn tawn da nga masai.
Shing rai Hkinseng Shabrang hte Hpungdim Kai nang yan a dinghku masha , sutgan yamnga, nli nhpang hkum dingnum di nna, Shinglung Lakang ngu ai hku Dinghta Wa Yang Ga de shayu dat ai shaloi, lam woi sama, lam tak laisa, ‘NGA SHAGA’ hpe mung bang shalawm dat ya sai. nga nna Jiwa Usa ni hkap la tsun hkai ginlen hkrat wa sai. Lam mi chye ra ai lam gaw, “Shinggyim Matawp Mashang Makawp” ngu ai Satan amyu ni hpe “Shinggyim Nli Mashang Kasi” ngu ai, lata la hkrum ai amyu, sanseng ai amyu ni a shawng e shayu dat ai lam re. Dai majaw ndai Satan amyu ni a ginru ginsa gaw, shawng shawng kaw nna du taw nga sai hpe mu lu ai.
Jinghpaw Wunpawng sha ni gaw, Hkinseng Shabrang yan Hpungdim Kai Nang kaw na prat pra wa ai Shinggyim Nli Mashang Kasi ni rai ga ai lam Jiwa ni hkap la hkan sa ai lam (Forefathers’ Conception) rai nga ai. Karai Mungga garai n lu ai ten prat na lam ni dumsa jaiwa ga ni hta rawng nga ai rai nna, daini dai hpe bai sawk shapraw htai shachyaw la ra ai lam re. Shinggyim myit jasat hte ntsa lam chye na yak tim, majoi mi tsun jahpyak ninghkap na mung n mai nga ai.
Matut nna daini byin nga ai Jinghpaw Wunpawng sha ni a mungmasa, rawt malan masa, awmdawm masa hta e Satan amyu ni galaw ai matsat shabat bungli hpe bai mada yu ga. KIO gaw Panglung Ga Sadi hpe jum manat nna ga shaga tik tik rai wa jang, Satan wa gaw, Panglung Ga Sadi Laika jashut law law dip shabra nna, ramma ni hpe lam shadam taw nga masai, nga nna ya ten mare kaba hkan na myitsu kanu kawa ni sadi jaw nga ma ai. Dai re majaw ya ten Myitkyina mare kaba na hkra lep dingla Howa Duwa Zau Gam tsun ai gaw, ndai hkan gamawng hkawm ai Panglung Ga Sadi laika hpe sadi ra sai. Jet ai mai byin ai zawn sawt ai mahtang she grau law chye nga ai. Satan wa gaw, jet ai arai mahkra hpe shamyit shaprai shatsai kau ai lam hkrai sha galaw shakut taw nga ai. Anhte ni jet ai Panglung Ga Sadi Laika majing hpe lu mayu yang, England de sa nna British Asuya Library kaw na sa la yang sha lu mai sai; nga nna tsun ai ga na lu ga ai.
Ndai daram n shawp ai Satan amyu hte hpa rai naw pawng nga sana ta? Hkrit kaya nga n mai sai, Jinghpaw hpa mahpaw, Pawng mapawng yawng dum hprang saga law.
Loimyebum
21/2/2012
Myi hte n mu lu ai Satan a lam gaw galu galang re majaw, ndai lang myi hte mu lu ai Satan hpe shawng tsun mayu ai. Moi na Jiwa Usa ni tsun hkai ai hta, Chyanun yan Woishun e shangai shaprat dat ai shawng pra ai shinggyim masha amyu hpe “Daru Gumrawng Magam Sindawng” ni ngu shamying ma ai. Dai ni gaw, n hkru n shawp matsat shabat awu asin gumlu gumlang nau ladu lai ai majaw, Majoi Sha-u hte shamyit sat kau ai hkrum sai. Dai hpang Majoi Chyingtawt hta lawt ai Ja Nyi yan Ja Nga mi nga ai. Dai yan kaw na bai mayat maya ai ni mung ‘Ti Pawt Ninghpang” ngu ai hpyi lamum lasawp, lawng mandan amyu rai ma ai majaw, “Shinggyim Matsawp Mashang Makawp” ni ngu shamying da ma ai. De a lachyum gaw “Shinggyim Satan” shing n rai myi hte mu lu ai “Satan Amyu” ni rai nga ai. Raitim “Shinggyim Nli Mashang Kasi” tai na “Hkinseng Shabrang hte Hpungdim Kai Nang” yan hpe gaw, jau jau kaw nna mahtum mahta Matsaw Ningtsa Nat Kaba ni e rem lakawn kyem shaprawn tawn da nga masai.
Shing rai Hkinseng Shabrang hte Hpungdim Kai nang yan a dinghku masha , sutgan yamnga, nli nhpang hkum dingnum di nna, Shinglung Lakang ngu ai hku Dinghta Wa Yang Ga de shayu dat ai shaloi, lam woi sama, lam tak laisa, ‘NGA SHAGA’ hpe mung bang shalawm dat ya sai. nga nna Jiwa Usa ni hkap la tsun hkai ginlen hkrat wa sai. Lam mi chye ra ai lam gaw, “Shinggyim Matawp Mashang Makawp” ngu ai Satan amyu ni hpe “Shinggyim Nli Mashang Kasi” ngu ai, lata la hkrum ai amyu, sanseng ai amyu ni a shawng e shayu dat ai lam re. Dai majaw ndai Satan amyu ni a ginru ginsa gaw, shawng shawng kaw nna du taw nga sai hpe mu lu ai.
Jinghpaw Wunpawng sha ni gaw, Hkinseng Shabrang yan Hpungdim Kai Nang kaw na prat pra wa ai Shinggyim Nli Mashang Kasi ni rai ga ai lam Jiwa ni hkap la hkan sa ai lam (Forefathers’ Conception) rai nga ai. Karai Mungga garai n lu ai ten prat na lam ni dumsa jaiwa ga ni hta rawng nga ai rai nna, daini dai hpe bai sawk shapraw htai shachyaw la ra ai lam re. Shinggyim myit jasat hte ntsa lam chye na yak tim, majoi mi tsun jahpyak ninghkap na mung n mai nga ai.
Matut nna daini byin nga ai Jinghpaw Wunpawng sha ni a mungmasa, rawt malan masa, awmdawm masa hta e Satan amyu ni galaw ai matsat shabat bungli hpe bai mada yu ga. KIO gaw Panglung Ga Sadi hpe jum manat nna ga shaga tik tik rai wa jang, Satan wa gaw, Panglung Ga Sadi Laika jashut law law dip shabra nna, ramma ni hpe lam shadam taw nga masai, nga nna ya ten mare kaba hkan na myitsu kanu kawa ni sadi jaw nga ma ai. Dai re majaw ya ten Myitkyina mare kaba na hkra lep dingla Howa Duwa Zau Gam tsun ai gaw, ndai hkan gamawng hkawm ai Panglung Ga Sadi laika hpe sadi ra sai. Jet ai mai byin ai zawn sawt ai mahtang she grau law chye nga ai. Satan wa gaw, jet ai arai mahkra hpe shamyit shaprai shatsai kau ai lam hkrai sha galaw shakut taw nga ai. Anhte ni jet ai Panglung Ga Sadi Laika majing hpe lu mayu yang, England de sa nna British Asuya Library kaw na sa la yang sha lu mai sai; nga nna tsun ai ga na lu ga ai.
Ndai daram n shawp ai Satan amyu hte hpa rai naw pawng nga sana ta? Hkrit kaya nga n mai sai, Jinghpaw hpa mahpaw, Pawng mapawng yawng dum hprang saga law.
Loimyebum
21/2/2012
2 comments:
ndai zawn grai tsun shadum ra ai looo.
Grai ka ja sai.
Post a Comment