Slideshow Image 2

GALOI LOI TA?

Hpyen n'gun kaba htu tawn ai sha n'ga, shani shana nsin n'htoi ten n, tam gasat gala byin nga ai ten, myen a simsa lam tam ai gaw mai byin nga ai kun? Teng simsa lam tam ai teng yang gaw, simsa wa na mahkyen shawng galaw ra ai, shaning galu myen a maw lanyet hpe hkam sha wa yu saga ai, hpa majaw myen hte naw matut bawngban ra nga ai kun? Gwi gwi n'gup n'tu ai zawn madu sari sadang hte temsi myu a sari mi alu rai, magam myit hte nga dam na ten she rai sai. Hpa majaw myen hpe bawgum hkungga naw jaw mayu nga ta? Hpa rai myen a ga naw madat chyai ra na ta? Lu ai ahkaw ahkang yang sum machyi jang she myit dik ra na kun? Asak du hkra naw sak jaw ra ai myit jasat masa hpe hkungga jaw ai. Raitim mayam tai nna si na malai gasat nna si ai gaw labau hta grau htap htuk na re,t sawm na re, mungkan de htawng madun lu hkra sha shakut nga ai myen hte naw bawngban nga yang gaw grau kaya hkrum machyi na lam sha nga ai.myen hpe matut n gun jaw ai maga mi de myen hpe madi shadaw ai hte bung nga ai. Sung sung bai myit dinglun yu ga. Rapdaw hta she bawngban shangut ga ngu ai gaw nmai byin ai lam sha re zawn panglung gasadi hpe mung n'mahta ai gaw masu ai re gaw asan sha chye nga sai le.

Moi sum machyi, hkra machyi ai gaw loi naw tsim mai na re, ya dai ni sum machyi hkam sha ai gaw moi na hta htam 100 grau nga ai, myen a zingrut htu ai, myu shagrawt ai gaw dik mat sai. Matut nna myen hte bawngban nna annau ni ra ai mahtai lu na rai yang moi lu sai hta n'ga, hpa rai singgu krin sutgan kata masha naw tai ra na rai ta? Bawngban nna ndai hta grau kaja wa na lam nmu ai, n'nga sai. Ma chyai chyai ai hte she bung nga sai.annau ni a kata na mayak gaw annau ni lata sha nga ai. Ndai ni yawng prinyem ai de du lu na matu gaw awmdawm ai de madaw shanang sa ra sai. Masum lang bawngban yu yang myen a manaw mahkyen masing hpe asan mu saga ai. Hpa rai myen a ga naw madat chyai ra na ta? Anhte hpe myen ni kara hku mung dang hkra gasat lu na nre, anhte madaw myen hpe lagaw hte myi hpe shawng dandi kau ra ai. Hkawm nga ai lagaw hpe nmai hkawm hkra dandi ra ai, de hpang myi n'mu hkra bai achyaw pat kau ra ai de hpang sari mi alu zim sha nga dan ga.m Magam myu sai kaba ai myu kaba ai hpe mung naw dum ga. Mahtai hpe chye nga nna matut bawngban ai gaw mung chying shawa yawng hpe hpa nsawn ai hte bung nga ai.

Matut gasat sha mai sai. Langai sha ngam tim gasat ga.

Baren Numraw

6 comments:

Anonymous said...

N dai ting tsing hpe ,,ya ngai ,,n gup ma hka sha ngun na ,banau chyayat sha da ai hpyet n gup kaw nan bu bang ya na re ,,n mai ma Su hkra ,,,

Nga hkyi hkawn

Anonymous said...

Ba ren numraw ,,grai hkrak sai ,,hkum sha zim kau ,,naw matut sha dum na hku she naw Di ga ,,

Uraw Gam said...

Conditions for Cease fire
(1) Withdraw All Government troops from KIO/KIA control areas and potential conflict areas.
(2) Give full responsibility of security to KIO/KI for the Foreign companies and businesses operating in the KIO/KIA areas. The Government can help in for security only by the request of KIO/KIA.
(3) Work out the peace sustainability and peace monitoring mechanism. The parties to involve in Peace monitoring to put signature in the ceasefire agreement.

shanglawt said...

myen ngu ai hpe ga garan kau sha mai sai.nau manam dik mat sai.ndai ram sat sharu roi rip si,dusat hta grau ai hpe naw ganawn yang gaw anhte grau sum machyi na lam sha nga sai.matut nna lam langai sha myit ra sai,dai gaw gasat ga.

hkri ma said...

myu sha hte anhte a ma kaji ni hpe matsan nchye dum ai.myen hte hpa rai naw bawngban nga myit ta?anhte myu shayi ni matu mung naw myit ya marit.la ni hkrai shakut nmai ai yaw.ma bau ai dinghku bungli gun hpai nga ai anhte Nu num ni hpe mung naw sawn dum mu.wa la ni e nanhte ntsun gwi jang anhte tsun na grai law ai.

Anonymous said...

hpa mi rai rai anhte kio gaw mung kan a myi npu hta ninghkap gasat let sim sa lam hpe ning shawng tawn ai ngu n dau da chyalu she re.... tinang a myu sha dawng hkawn hpe tinang mung dan kata wang lu wang lang she sharawt mayu le.... rai tim dai masa kaw du na matu gau ngwi lahkam sa wa ra ga ai... hkrit ai majaw gap hkat shazim bawng ban ai nrai.. nlaw la ai myu sha ni nrawt jat shi ai myu sha ni law law hpe tau nau ai majaw she re ngu tsun mayu nngai

Post a Comment