Myen asuya a mu gun dap shagu hta, myit jasat akyang lai len ni n'pawt kaw na n'dung hkren hten za taw nga sai hpe loi loi sha yaju yahkyeng sharai shading galai shai lu na lam n mai byin ai zawn, shaning hku ten galu hta she gangwi kashu kasha ban hkan she galai shai wa lu na re. Ga shadawn hpun kaba langai mi gaw ru lakying law law grup grup gram sa hkrawn sa nna ga kaw sung sung tsim shang jung magra tawn yang she shaning galu n daw n hten tsii lali tsawm ai shingnyip hpun kaba langai tai lu na re. Ya dai ni myen asuya gaw n'tsa lam kade mi wau marawn taw nga tim kata de gaw maza kanu law law sha hkrum tawn ai hpun kaba hte bung nga ai.
Dai majaw dai ni myen hpe gawt kau na masa de she sa ra sai, myen a madung rai nga ai ru kaba ni hpe dandi ra sai, shanhte kata kaw shanhte myu bung shada dandi nga ai zawn anhte mung hkrawn shang tsim shang nna ahkyak madung ru kaba ni hpe dandi kau ra sai, Aung San Su Kyi hte 88 jawng ma hpung ni kade daram mi aw law tim anhte grai sadi nna maram yu ra ai, zawn zawn rai nna anhte a n'tsa amyet htuk la mat wa na hpe grai tsang ra ai hte annau ni gaw sadi ai hte madu hkrai laksan mahkrun hte tinang hkrai hkawm sa ra na re. Tsaw ra ai nu wa kahpu kanau mung chying shawa yawng mung myit htum a jumju rai nmai myit gataw ai, myen ngu ai gaw gara mung bawnu law ai, manai makai myit rawng ai hkrai re majaw, anhte yawng a kanu kawa tai let lam shawng ya nga ai, KIO/KIA, a lam woi nga ai hta lai nna gara de mung n'mai shamawt lawm yang kaja dik re, kara de mung madu a ra lata pa n'bang yang kaja ai annau ni madu bungli galaw nna zim sha poi naw yu ga.
Tinang a lu tawn ai, lu lawm ai manu dan dik ai ja gumhpraw hte dawdan n'lu ai hkying ten asak aprat hpe myu hte mungdan a matu ap nawng ai sakjaw ai,lit la gwi ai myu tsaw mung tsaw share shagan Ningbaw Ningla,hpyendu hpyen ma kaji kaba,Mu gun rapdaw shagu na chyu rum ai labau rum ai,NUWA hpushang hpuba ji n'ban yawng hpe galoi mung shagrau sha;a,arawng la hkungga jaw nngai law.Grai n'ngut shi ai Yingam hpe mung matut nna atsam marai dat nna,lamang jaw jaw,mahkrun jaw jaw,n'gam hte n'gam lani hte lani woi ganawt sa wa ai hte teng annau ni ra sharawng ai shanglawt woi lu hkrai atsam htum galoi mung sadi dung ai hte labau jaw ai lit hpe matut gun hpai ya na re hpe anhte mung chying shawa yawng kam nga ga ai law.
Awmdawm Shanglawt ai lam nlu dingsa galoi mung simsa lam gabaw nlang saga, ja ja gwi gwi hprut hprut n'den ja ja n'gup hte n'tsun ai, bungli hte tatut madun yang kaja ai. Anhte hpe hpa zawn n'nawn ai zawn anhte mung gwi gwi tsap dan ga, galoi mung anhte mung chying shawa gaw n'gun jaw dating nga ga ai. Manam re majaw galoi mung madu hpe ninghkap dang na n're. Galoi du anhte buga hta nga lu na ta? Tinang urawng digyet re majaw, du nga ai yawng hpe lusha lam, matut mahkai lam, hpe ten tup jahkrit shatsang nga yang galoi du hkam lu na ta? Hkrawn taw nga ai hpe kran di ga.
Puba kawsi na ten hpe yu n'na, gawngkya ai ten gasat ra ai. Ga shadawn jahpawt manap n'gun n'nan, myit asan aseng nga ten gasat yang anhte n'gun grai naw dat ra na re, shani tup hkawm puba ai, shani tup bungli galaw ai majaw shana de gaw grai puba ai gawngkya ai ten re majaw dai hpe yu nna, gasat ra ai zawn dai hte nyi dik ai hkan sharim ai hku madu n'gun hpe htu sat madun jahkrit tawn yang majan gaw awng dang na re. Dai hte maren ya ten myen asuya gaw grup grup de na, maza kanu sha shakyin tawn hkrum sai majaw, annau ni ja ja tsap dan ga. Ngang ngang dung dan ga. Jau gawng ladat hte ten tup shatsang yang masan sa na re. Mung masa lam yan hta mung n'gup ntu ai zawn zim nga dan lu ai gaw amyet re, poi yu ga. Madu kashu kasha ni hpe mazang gawn zinlum nna shawang tsaw ra myit kaba madun ai hte shawng lam ninggam a matu lahkam mi htawt sit tawn ga. Sinat mahku n'shapraw ai sha hpyen hte htep htep shamu shamawt tawn yang hpyen wa a myit masin hpe matu nding hkra achyaw nga yang kaja na re ngu mu ai.
Kaga bawsang hpunau ni hpe UNFC hku media hku law law lu ndau hkra galaw yang Myen asuya gaw shagri brep wa nga ai. Hpyi maw gawlang gamhpang mungmau hpa majaw myi prwi pru nga ai kun? Htawng madun ra ai. Dai hpe mung masa hku htawng madun ra ai. Annau ni a matu n'gang kaba re.
Manam she rai sam ai ngu yang chyasam sawa wa, manang rai sam ai ngu yang n'dang wa ngu ai baw she rai sai. Anhte lamu ga hta galoi mung manam hku pyi nmai hkap la sai. Madu ni ja ja ngang ngang dung saga.
Manam gaw galoi mung madu hpe lai lu na nre.
Gasat!
Baren Numraw
1/3/2012
Dai majaw dai ni myen hpe gawt kau na masa de she sa ra sai, myen a madung rai nga ai ru kaba ni hpe dandi ra sai, shanhte kata kaw shanhte myu bung shada dandi nga ai zawn anhte mung hkrawn shang tsim shang nna ahkyak madung ru kaba ni hpe dandi kau ra sai, Aung San Su Kyi hte 88 jawng ma hpung ni kade daram mi aw law tim anhte grai sadi nna maram yu ra ai, zawn zawn rai nna anhte a n'tsa amyet htuk la mat wa na hpe grai tsang ra ai hte annau ni gaw sadi ai hte madu hkrai laksan mahkrun hte tinang hkrai hkawm sa ra na re. Tsaw ra ai nu wa kahpu kanau mung chying shawa yawng mung myit htum a jumju rai nmai myit gataw ai, myen ngu ai gaw gara mung bawnu law ai, manai makai myit rawng ai hkrai re majaw, anhte yawng a kanu kawa tai let lam shawng ya nga ai, KIO/KIA, a lam woi nga ai hta lai nna gara de mung n'mai shamawt lawm yang kaja dik re, kara de mung madu a ra lata pa n'bang yang kaja ai annau ni madu bungli galaw nna zim sha poi naw yu ga.
Tinang a lu tawn ai, lu lawm ai manu dan dik ai ja gumhpraw hte dawdan n'lu ai hkying ten asak aprat hpe myu hte mungdan a matu ap nawng ai sakjaw ai,lit la gwi ai myu tsaw mung tsaw share shagan Ningbaw Ningla,hpyendu hpyen ma kaji kaba,Mu gun rapdaw shagu na chyu rum ai labau rum ai,NUWA hpushang hpuba ji n'ban yawng hpe galoi mung shagrau sha;a,arawng la hkungga jaw nngai law.Grai n'ngut shi ai Yingam hpe mung matut nna atsam marai dat nna,lamang jaw jaw,mahkrun jaw jaw,n'gam hte n'gam lani hte lani woi ganawt sa wa ai hte teng annau ni ra sharawng ai shanglawt woi lu hkrai atsam htum galoi mung sadi dung ai hte labau jaw ai lit hpe matut gun hpai ya na re hpe anhte mung chying shawa yawng kam nga ga ai law.
Awmdawm Shanglawt ai lam nlu dingsa galoi mung simsa lam gabaw nlang saga, ja ja gwi gwi hprut hprut n'den ja ja n'gup hte n'tsun ai, bungli hte tatut madun yang kaja ai. Anhte hpe hpa zawn n'nawn ai zawn anhte mung gwi gwi tsap dan ga, galoi mung anhte mung chying shawa gaw n'gun jaw dating nga ga ai. Manam re majaw galoi mung madu hpe ninghkap dang na n're. Galoi du anhte buga hta nga lu na ta? Tinang urawng digyet re majaw, du nga ai yawng hpe lusha lam, matut mahkai lam, hpe ten tup jahkrit shatsang nga yang galoi du hkam lu na ta? Hkrawn taw nga ai hpe kran di ga.
Puba kawsi na ten hpe yu n'na, gawngkya ai ten gasat ra ai. Ga shadawn jahpawt manap n'gun n'nan, myit asan aseng nga ten gasat yang anhte n'gun grai naw dat ra na re, shani tup hkawm puba ai, shani tup bungli galaw ai majaw shana de gaw grai puba ai gawngkya ai ten re majaw dai hpe yu nna, gasat ra ai zawn dai hte nyi dik ai hkan sharim ai hku madu n'gun hpe htu sat madun jahkrit tawn yang majan gaw awng dang na re. Dai hte maren ya ten myen asuya gaw grup grup de na, maza kanu sha shakyin tawn hkrum sai majaw, annau ni ja ja tsap dan ga. Ngang ngang dung dan ga. Jau gawng ladat hte ten tup shatsang yang masan sa na re. Mung masa lam yan hta mung n'gup ntu ai zawn zim nga dan lu ai gaw amyet re, poi yu ga. Madu kashu kasha ni hpe mazang gawn zinlum nna shawang tsaw ra myit kaba madun ai hte shawng lam ninggam a matu lahkam mi htawt sit tawn ga. Sinat mahku n'shapraw ai sha hpyen hte htep htep shamu shamawt tawn yang hpyen wa a myit masin hpe matu nding hkra achyaw nga yang kaja na re ngu mu ai.
Kaga bawsang hpunau ni hpe UNFC hku media hku law law lu ndau hkra galaw yang Myen asuya gaw shagri brep wa nga ai. Hpyi maw gawlang gamhpang mungmau hpa majaw myi prwi pru nga ai kun? Htawng madun ra ai. Dai hpe mung masa hku htawng madun ra ai. Annau ni a matu n'gang kaba re.
Manam she rai sam ai ngu yang chyasam sawa wa, manang rai sam ai ngu yang n'dang wa ngu ai baw she rai sai. Anhte lamu ga hta galoi mung manam hku pyi nmai hkap la sai. Madu ni ja ja ngang ngang dung saga.
Manam gaw galoi mung madu hpe lai lu na nre.
Gasat!
Baren Numraw
1/3/2012
3 comments:
awng san kaw hte 88 jawng ma ni grup grup shawu hkawm nga ai mung myen a mhkyen kaba langai rai nga ai,madu sai daw sai chyen ni hpe dai daram sat nga ai anhte hpe teng gaw myit san seng ai hte madi shadaw na kun?awng san kaw mung myen asuya hte chye na hkat ai masa lu la ai majaw she ya na atsang du wa ai hpe malap nmai ga ai.dum ga.
wunpawng mungdaw kata myen hpyen dap langai mi mung nnga hkra gawt kau ga nga yang chyawm gaw ya yang lahkrut la na kasat na hpen ngun gaw mungdaw ting nan hte KIO ni a matu re,ya jamjau nga ai hpyen yen sinyam ni mung jamjau ai lachyum pru na re.ya ten hta gaw ngai hkum nan hta lai na kadai hpe mung nkam mat ni ai.
bawngban gaw kachyi mi pyi nmai sai matut gasat tik tik di sha mai sai.myen hpe lu sha nmai lai hkra galaw nan galaw ra ai.miwa hte myen chyawm galaw ai hpaga masa yawng hpe jahten ra sai.
Post a Comment