Slideshow Image 2

MUNG MASA BAWNGBAN NA LAPRAN SALANG NI SHWELI DE DU

March (7) bat Masum,
Wunpawng Mungdan Shanglawt Asuya hte myen hpyen asuya ni mung masa lam bawng ban ai hta shang lawm na matu Myitkyina de na lapran Salang ni Miwa mungdan Shweli mare de March (6) ya shana hkying (9:30pm) ram hta du shang wa sai lam shiga na chye lu ai. KIO/KIA Ginjaw de na Dat Kasa ni gaw March (7) ya shani du sa wa na lam hpe mung na chye lu ai. Myen hpyen asuya ai dat kasa ni gaw March (8) ya shani du wa na re lam hpe mung na chye lu ai. KIO Ginjaw Dat Kas ni hte lapran salang kawn myen hpyen asuya hte bawngban ai lam hta Jinghpaw Wunpawng Mungdan hte Wunpawng Myu Sha ni yawng a shawng lam hpe yaw shada let a tsawm sha bawngban sa wa lu na matu Jinghpaw Wunpawng Myu Sha ni yawng a kyu jawm hpyi garum ya nga ga.

9 comments:

Myujet said...

Re ,,,K.k hta nlai lu ai.an nau ni a gam maka gaw K.k kaw ap da yang mai kaja ai,htawm e bai nkam jamjau sai,myu a ning baw nI e nsha yawn ai myu a matu jaja dawdan sa wa mu,myen hpe kakyi mi muk mai sha yawm ai,masu magaw re hpe sadi let maja nna dawdan sawa mu lo,,,,,

Anonymous said...

Myen ni maw nang hpa tsun na hpa maw da sai ngu ai hpe chye mayu ai sha re na re.Dai chye ai hte shan hte bai gara hku bai shagin da na matu sha re.
Shan hte hpe shawng hpa baw lu hkan nang lu ya na ngu ai shawng san ra na re.Dai rai yang shye shan hte gara hku bai masu na ngu n.chye na re.
Bai shan hte lu hkan nang ai hpa rai rai shawng n.dau sha ngun ra na re.n.rai yang bai lau nga mat na.

Anonymous said...

N dai zahpawnh hta mung hpa n shai na re ,,,E"mung Dan ga garan sa na nga Yang ,,gaw ,,,rai sai ,,dai ga ma rit nga ga ai ,,oi ,oi """"""""

Wunpawng Langchyi said...

KIO/KIA dai ni sa nga ai Panglung hpe rudi tawn da ai mung masa lam gaw jaw dik rai nga ai. N dai hpe n pawt shatai nna rap ra ahkaw ahkang hte tinan mung tinang up lu na ngu ai lam de n yawm ai sha wa ra na re. Panglung hpe n shaga sai rai yang gaw anhte a mung masa gaw mat mat sai hte bung na re. Dai n shaga sai nga yang gaw Myen byin shagun mayu ai 2008 constitution hpe hkap la laknak jahkrat ra lata poi shang rai nna prat tup Myen a mayam tai na de she rai wa na re.

Myen ngu ai gaw ja ai wa hpe gaw ja ai zawn jaw ai dai majaw gaw anhte mung ja ja nan rai ra ai. N dai ten gaw Myen ni grai yak nga ai ten re ai majaw anhte a matu gaw ahkaw a hkang rai nga ai.

Ya aten Wunpawng Mungdan Shawng Lawt hpung hpe mung shawa madi shadaw ai lam gaw 100% re hpa n hkrit n tsang ra ai. Gwi gwi tsun shaga na sha ahkyak dik rai nga ai.

Anonymous said...

Kyu Hpyi let sha shakut taw ya na. Tsun shaga na Salang ni ntsa hta Karai Kasai a chyoi pra wenyi jahtoi ya let teng man ai hku daw dan let, Myen ni mung myit nya mat mu ga ngu kyu hpyi ya let.

Anonymous said...

Myi grip mi shagu hta pyi anhte W P shani dai ni na ten hta,hpan wa ningsang chyewa ning chyang manoi manat,hpaji hpyi lam shagu hta teng man lam hta gwi2 daw dan sa wa ga.shweli zahpawng hta dusa ai myitsu ni a shaga dat ai gasi hkaw shagu hta MADU kaw na Dai ai ga Tawng Ninghtu zawn rai nga u ga.agung alau awu asin kadai kaw ndu shang ga.dai myen ni masu na nga sa wa ai hpe grai maja ra ai re lu,e e nga yau la na aten galu garawt da na hpe,tsangra ai re lu..
NU WA Nji nban sim sa hkam kaja nga lit ga.

Fuji Ramma ni said...

Dai ni na hpawng hta awm dawm ai shang lawt hpe tsun shiga lu mu ga akyu hpyi ya nga ga ai ,an hte ramma ni gaw awm dawm de akyu hpyi tik tik rai nga ai lam hpe gahtap tsun nga ga ai Karai Kasang hpe ap nawng nna galaw ai magam hpe gwi gwi daw dan mu nshayawm ai sha tsun na ahkang gaw ya ndai aten kaja nan re ngu tsun mayu ai mungdan hte lawt lu lam awng dang lam Karai Kasang teng jaw lu ai shen hte hpe ting ting sha tsun lu mu ga akyu hpyi nga let shiga la madat nga ai ramma ni.

Anonymous said...

Dai ni na tsun shiga ai lam hta dai tsun shiga ai wa angup hta chyoi pra ai wenyi lawm woi ya rit akyu hpyi ngun ja ai ni gaw tsun shiga yang teng awng dang na re gwi gwi awm dawm hpe tsun mu Karai Kasang hpe kam u Pang lung hpe hkum kam awng san kaw hpe mung hkum kam.

Dan BW :) said...

KIO/KIA hpaw hpang wa ai a Bandung hpe n tat, Hpu shawng Hpu Ba ni a shingran hpe manat, jaja gwi gwi amyu sha ni a ahkaw ahkang hpe hpyi shajang,
Myen du Myen kap, waw kap le kap, baw hkut baw sha mai hkut mai hkut mai sha re ai ni a balen ga hpe koi,
KK hta akyu hpyi, J.W sha ni a nsen hpe madat let ngang kang ai lam hta tsap let hkawm sa tsun shaga yang gaw anhte J.W sha ni a Awng Badang hpe lu la na re.
KK a makawp maga ai awng badang ninglaw gaw KIO/KIA hte Wunpawng sha ni yawng kaw rai nga u ga!

Post a Comment